Nutaarsiassat


2019 2018 2017 Flere år...

05-04-2019

Aalisarnermut, Piniarnermut Nunalerinermullu ataatsimiititaliap Naalakkersuisoq tatigiunnaarpaa

Aalisarnermut, Piniarnermut Nunalerinermullu ataatsimiititaliap sapaatip akunnerani kingullermi pisuni assigiinngitsuni Aalisarnermut, Piniarnermut Nunalerinermullu Naalakkersuisoq qaleralinniarfiit ilaanni aalisapiluttoqarneranik illuatungaatigullu nungusaataanngitsumik aalisartoqarnerarlugu imminnut assortuuttunik saqqummiussisarnerarlugu uparuarpaa.

 

Tamatuma kingorna Naalakkersuisoq 2. april 2019-mi nassiunneqartukkut oqaaseqaatini naqqqiissuteqarfiginiarlugit erseqqissaassuteqarniarsimavoq.  Ataatsimiititalialli paasivaa naqqiissuteqarniarnerigalua suli amerlanernik apeqqutinik pilersitsisoq, sulilu qulaajarneqanngitsoqartoq imminnullu assortuuttoqartoq.

 

Ataatsimiititaliap kissaatigisimagaluarpaa Naalakkersuisup uparuaanerup imaannaanngissusaanik paasinnissimanissaa, ataatsimiititaliamillu tatigineqaannarumalluni pisinnaasani tamaat iliuuseqarniarsimarsimassagaluartoq. Tamanna pisimanngilaq.

 

Taamaammat Aalisarnermut, Piniarnermut Nunalerinermullu Naalakkersuisup Ataatsimiititaliamit tatigineerunnera Aalisarnermut, Piniarnermut Nunalerinermullu Ataatsimiititaliap Inatsisartunut ilaasortanut tamanut inuiaqatigiinnullu ilisimatitsissutigisariaqalerpaa.

  

 

Henrik Fleischer

Aalisarnermut, Piniarnermut Nunalerinermullu Ataatsimiititaliami Siulittaasoq

 

Annertunerusumik paasisaqarumagaanni siulittaasoq oqarasuaammut uunga attavigineqarsinnaavoq +299 52 72 82