Nutaarsiassat


2020 2019 2018 Flere år...

23-10-2020

Inatsisartut 2020-mi Ukiakkut ataatsimiinnerat pillugu naqqiut

Siuliltaasoqarfik pingasunngormat ulloq 21. oktober unnukkut kingusissukkut
ilisimatinneqarpoq inummik Covid19-imik tunillatsissimasinnaasumik
ataaatsimeeqateqarsimanerat pissutigalugu Aningaasaqarnermut Ataatsimiititaliamut
ilaasortat atorfilittaallu mattusimagallarnissamik Nunalta Nakorsaaneranit
qinnuigineqarsimasut.


Siuliltaasoqarfik pisoq pillugu ataatsimiippoq, Inatsisartullu ataatsimiinnerni ilaasortat najuuttut ikinnerpaaffissaqarmata toqqarneqarpoq Inatsisartut ataatsimiittarfianni sisamanngornermi
ataatsimiinnissaq, immikkoortunik sisamanik suliarinniffissatut kinguartinneqassasoq.


Taamatuttaaq Siulittaasoqarfimmit paasissutissiissutigineqarpoq ullup ataatsimiiffissap
kinguartinneqartup qaqugu piviusunngortinneqarsinnaanera pillugu
nalunaaruteqartoqannginnerani mattusimagallartitsineq pillugu erseqqinnerusumik
paasissutissiisoqarnissaa Siulittaasoqarfimmit utaqqimaarneqassasoq.


Taamaalillunilu Siulittaasoqarfik paasissutissinneqaqqammerpoq Aningaasaqarnermut
Ataatsimiititaliamut ilaasortat mattusimasariaaruttut, taamaattumillu Inatsisartut
ataatsimiittarfianni ataatsimiititalianilu ataatsimiinnerit pilersaarutaasutut
nanginneqarsinnaanngorput.


Oqaluuserisassani allannguutit pisarnertut Inatsisartut nittartagaanni
takuneqarsinnaassapput taakkulu ingerlaavartumik iluarsineqartassapput, tamannalu
aamma atuuppoq ullormi ataatsimiiffissaagaluami ulloq 22. oktoberimi oqaluuserisassanut
kinguartitanut tunngatillugu.


Taamaalillunilu Ukiakkut ataatsimiinneq suli ingerlavoq pilersaarutaasutullu ingerlaqqissasoq
naatsorsuutigineqarpoq.

 

 


Inussiarnersumik inuulluaqqusillunga


Vivian Motzfeldt
Inatsisartut Siulittaasuat