Nutaarsiassat


2020 2019 2018 Flere år...

27-05-2020

Nipisaat suaannik immikkut pisasseeqqinneq – MSC-mut akuersissutip ulorianartorsiortinneqarneranut kina akisussaava?

Nipisaat suaannik immikkut pisasseeqqinnikkut MSC-mut akuersissummik ulorianartorsiortitsinera pillugu Aalisarnermut, Piniarnermut Nunalerinermullu Naalakkersuisoq Aalisarnermut, Piniarnermut Nunalerinermullu Ataatsimiititaliamit sapaatip akunnerata matuma aallartinnerani tusagassiorfinnut nalunaarutikkut isornartorsiorneqarpoq.


Naalakkersuisup ulloq taanna ilumuunnginneraalluni akissummini oqaatigaa immikkut pisasseeqqinnissaq pillugu nammineq aalajangiisimanani, tamatuminngali Naalakkersuisut tamarmiusut aalajangiisimasut.


Aap – aalajangiineq Naalakkersuisut tamarmiusut aalajangiinerivaat. Naalakkersuisulliuna Naalakkersuisunut suna aalajangigassanngortikkaa? Immikkut pisasseeqqinnissaq akuersissutigeqqullugu Aalisarnermut, Piniarnermut Nunalerinermullu Naalakkersuisup Naalakkersuisunut nammineq qinnutiginnginnamiuk?


Tamanna ilimagisariaqarparput. Ataatsimiititaliamimi siunersiuinermi Naalakkersuisup oqaatigaa immikkut pisasseeqqinnissap piviusunngortinneqarnissaanut Naalakkersuisuni “pinngitsaalineqarsimanani”. Oqaatigaa kingunerisinnaasai ilisimallugit naalakkersuinikkulli aalajangiisimalluni – pinngitsaalineqarsimanilu.


Taamaattumillu uparuaaneq aammalu MSC-mut akuersissutip ulorianartorsiortinneqarneranut nammineq akisussaanini (akisussaaqataanini) pillugu Aalisarnermut, Piniarnermut Nunalerinermullu Naalakkersuisup avammut isummernissaa ataatsimiititaliamit kissaatiginartinneqarsimagaluarpoq.


Akerlianilli ilumuunnginneraasoqarpoq, taannalu sumut atussaneripput ataatsimiititaliamit takujuminaatsipparput: Arlallimmi aalajangiisimanerat Naalakkersuisup nammineq akisussaaqataanerminik tigusinissaa mattutinngilaa...

 


Henrik Fleischer
Aalisarnermut, Piniarnermut Nunalerinermullu Ataatsimiititaliami Siulittaasoq
Tlf: 52 72 82