Inatsisartut tulliani ataatsimiinnissaat


2021-imi Inatsisartut Inissitsiterfiusumik Ataatsimiinnissaat:

 

2021-imi Inatsisartut Inissitsiterlutik Ataatsimiissapput (IIA21) tallimanngornermi ulloq 23. april 2021 nal. 11:00 aallartilluni ingerlanneqalissaaq.

 

 

*************************************************************

 

Ileqquusumik ataatsimiittarnerit.

 

Inatsisartut minnerpaamik ukiumut marloriarlutik ileqquusumik ataatsimiittussaatitaapput. Inatsisartut Siulittaasuata pisariaqartutut isigippagu Inatsisartuttaaq immikkut ittumik qasseriarlutilluunniit ataatsimiissinnaapput.

 

Inatsisartut ataatsimiittussaapput Naalakkersuisut Siulittaasuata, minnerpaamilluunniit Inatsisartunut ilaasortat affaasa piumasarippassuk.

Immikkut ittumik ataatsimiinnerni Inatsisartut suliassat, immikkut ittumik ataatsimiigiaqqusinermut tunngaviliisuusut, taamaallaat suliarisussaavaat.

 

Inatsisartut ataatsimiinnerinut atasumik Siulittaasoqarfik ullormut oqaluuserisassanut ataatsimiititaliatut atuuttussaavoq.

 

Tassa imaappoq, Siulittaasoqarfik siunnersuutinik, apeqqutinik il. il., ataatsimiinnermik pineqartumi suliarisassangortitanik qanoq siliarineqarnissaannik Inatsisartunit akuersissutigisassamik inassuteqaasiortussaasoq.

Ataatsimiinneq aallartitsinnagu Siulittaasoqarfik siunnersuutinik, apeqquteqaatinik il. il., Inatsartunut ilaasortanut ataatsimiinnissami isumaqatigiinniutigineqartussatut naatsorsuutigisanik allattukkamik takussutissiortussaavoq.