Nutaarsiassat


2019 2018 2017 Flere år...

16-02-2011

Timmisartuussisarneq pillugu Naalakkersuisut Islandimiunut angalatitsisartunut isumaqatigiissutaat

Ineqarnermut, Attaveqarnermut Angallannermullu Naalakkersuisoq aamma Aningaasaqarnermut Nunanilu Avannarlerni Suleqatigiinnermut Naalakkersuisoq Aningaasaqarnermut Ataatsimiititaliamit ulloq 7. februar 2011-mi apersorneqarput. Akikillisaaffigineqarnissaq pillugu Islandimiunut timmisartuussisartunut Aningaasaqarnermut Naalakkersuisoqarfiup 2010-p naalernerani isumaqatigiissutai apersuinermi sammineqarput.
 
Paasissutissat apersuinermi saqqummiunneqartut tunngavigalugit akikillisaaffigineqarnissamik isumaqatigiissuteqarnermi tunngavigineqartoq Aningaasaqarnermut Ataatsimiititaliap isumaqatigiittup uparuarumavaa. Taamaalillunilu pisiniarneq pillugu isumaqatigiissuteqarnissap tungaanit taamaallaat isiginagit inuiaqatigiinnilli ataatsimut isiginninneq aallaavigalugu isumaqatigiissutit isiginiarneqartariaqartut ataatsimiititaliaq isumaqarpoq. Tamatuma saniatigut tunngavilersuutit isumaqatigiissuteqarnermi tunngavittut atorneqartut naammanngitsut ataatsimiititaliaq isumaqarpoq. Taamaalillunilu ataatsimiititaliaq isumaqarpoq aningaasalersuinissamik EU-mut isumaqatigiissutip suliamut attuumassuteqarnera uppernarsisinneqanngitsoq, soorluttaaq isumaqatigiissutit qanoq sipaarutaatiginissaat pillugu naatsorsuinerit amigaataasut.
 
Ataatsimiititaliaq Naalakkersuisut siulittaasuannut saaffiginnissuteqarpoq, tassani Aningaasaqarnermut Naalakkersuisup suliamik aqutsinera uparuaaffigineqarluni.
 
Taamaattumillu aalajangiinissamut tunngavissap suliarilluagaanerusup suliarineqarnissaata tungaanut akikillisaaffigineqarnissamik isumaqatigiissutit atorunnaarsinneqarnissaat ataatsimiititaliamit Naalakkersuisunut kaammattuutigineqarpoq.
 
Paasissutissat annertunerusut ataatsimiititaliamut ilaasortanut saaffiginninnikkut pissarsiarineqarsinnaapput:
 
Naaja Nathanielsen, nana@ina.gl , tlf. 295704
Niels Thomsen, nito@ina.gl , tlf. 586636
Per Berthelsen, pebe@ina.gl , tlf. 553361
Aqqaluaq B. Egede, aqqe@ina.gl , tlf. 226976
Finn Karlsen, finn@ina.gl , tlf. 547152
Akitsinnguaq Olsen (sinniisussaq), akiol@ina.gl , tlf. 550443