Arlaat toqqaruk

Oqaluuserisassat oqaluuserineqarfissaasalu ullui

2017-imi Ukiakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 1
Ataatsimiinnerup ammarneqarnera.
(Sivisunerpaamik ilaasortaasimasoq)

Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)

Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
(Inatsisartut Siulittaasoqarfiat)

Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
(Inatsisartut Siulittaasoqarfiat)

Imm./pkt.: 6
2018-mi Inatsisartut Upernaakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)

2018-mut aningaasanut inatsisissatut siunnersuut.
(Aningaasaqarnermut Akileraartarnermullu Naalakkersuisoq)

Inatsisartut Ombudsmandiata 2016-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisinut ataatsimiititaliaq)

Imm./pkt.: 15
Naalakkersuisut siulittaasuata ammaanermi oqalugiaataa
(Naalakkersuisut Siulittaasuat)

Imm./pkt.: 15a
Naalakkersuisut siulittaasuata ammaanermi oqalugiaataa tunngavigalugu oqallinneq.
(Naalakkersuisut Siulittaasuat)

Siunnersuut: Siusinaartumik pensionisiat pillugit Inatsisartut inatsisaata nr. Xx, xx. xxx 2017 allanngortinneqarnissaa pillugu.
(Qaffasinnerpaamik siusinaartumik pensionisianik pisartagaqartunut tunngaviusumik pensionisiaqartarnerup atulersinneqarnissaa, siusinaartumik pensionisialinnut kapitali 7-imi ikaarsaarnissami aalajangersakkami pineqartunut 20 pct.-imut malittarisassap atulersinneqaqqinnissaa, angalanermi aningaasartuutit naleqquttut pillugit § 29, imm. 1-ip erseqqissarneqarnissaa aamma § 33, imm. 3, aamma § 36 inatsisip kalaallisut oqaasertaani naqqiineq)
(Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq)

Uunga siunnersuut: Inissiani attartortittakkani ineqarnermut tapiissutit pillugit Inatsisartut inatsisaannut allannguut nr. xx xx. xxx 2017. (Ineqarnermut tapiissutit, aapparisap aapparisatulluunniit inooqatigisap toqukkut qimagunnerani, atukkatigulluunniit allanngortoqarnerani)
(Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq)

Uunga siunnersuut: Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaata allanngortinneqarnissaa pillugu Inatsisartut inatsisaat nr. xx yy 2017-imeersoq. (Isumaginninnermi Naammagittaalliuuteqartarfiup sulianik ingerlatsinerata naammassiuminarsagaanera)
(Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq)

Imm./pkt.: 21
Namminersorlutik Oqartussat missingiummut uunga isumaqataanissaat pillugu Inatsisartut aalajangiiffigisassaattut Siunnersuut. Kalaallit Nunaanni pinerluttulerinermi inatsimmut allannguutissatut siunnersuut. (Kinguaassiuutitigut pinerluttarneq il.il.)
(Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq)

Namminersorlutik Oqartussat missingiummut uunga isumaqataanissaat pillugu Inatsisartut aalajangiiffigisassaattut Siunnersuut. Kalaallit Nunaannut Pinerluttulerinermik Inatsisip allanngortinnissaa pillugu Inatsisissatut Siunnersuut (Killiligaanngitsumik eqqartuussat allallu inissinneqartarnerat)
(Ilaqutariinnermut, Naligiissitaanermut, Isumaginninnermut Inatsisinillu atuutsitsinermut Naalakkersuisoq)

Uunga siunnersuut: Kalaallit Nunaannut suliffissarsiortut killilersimaarnissaat pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2017-imeersoq. (Aalajangiinissamut killigititat)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)

Imm./pkt.: 25
Uunga siunnersuut: Sullivinni avatangiisinut suliassaqarfiup ilaata, nunami sullivinni avatangiisinut tunngasup, Namminersorlutik Oqartussanit tiguneqarnissaanik Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq)

Uunga siunnersuut: Nunami inuussutissarsiutinut tunngatillugu inuussutis-sarsiornermik siuarsaaneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx ulloq xx. xxx 2017-imeersoq. (Annikitsunik taarsigassarsititsisarnermik aaqqissuussineq)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)

Uunga siunnersuut: Nukissamik pilersuineq pillugu Inatsisartut peqqussutaasa allanngortinneqarnera pillugu Inatsisartut inatsisaat nr. xx, xx. xxx 2017-imeersoq. (Ataasiakkaarluni kiassarnermut uuttuutit)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)

Uunga siunnersuut: Unammilleqatigiinneq pillugu Inatsisartut inatsisaata aamma nalunaarasuartaatitigut atassuteqarneq nalunaarasuartaatitigullu kiffartuussinerit pillugit Inatsisartut peqqussutaata allanngortinneqarnerinik Inatsisartut inatsisaat nr. xx, ulloq xx. xxxx 2017-imeersoq. (Suliassaqarfinni aalajangersimasuni unammilleqatigiinnermik aqutsineq, attaveqaqatigiissutit elektroniskiusut nunanillu tamalaanik suleqateqarneq)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)

Uummannap talittarfiani aserfallatsaaliuisoqarnissaa ujaqqanillu nunniukkamik malinnut illersuusiortoqarnissaa pillugu FLL 19-imut salliutitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jess Svane, Siumut)

Imm./pkt.: 31
Apeqquteqaat aallaavigalugu Inatsisartut oqallinnissaannik siunnersuut, una pillugu: Nunatta napparsimaviini katsorsaasoqarnikkut maannakkut siunissamilu amerlassutsitigut ikinnerpaaffiliisimanerput qanoq iliorluta naammassineqarnissaa qulakkeersimassavarput.
(Inatsisartunut ilaasortaq Jens-Erik Kirkegaard, Siumut)

Imm./pkt.: 33
Inatsisartunut qinersisarnermi qinersiviit amerlanerulersinneqarnissaat anguniarlugu Inatsi-sartunut qinersisarnermi inatsisip allanngortinnissaa pillugu apeqquteqaat aallaavigalugu Inatsisartut oqallinnissaannik siunnersuut.
(Inatsisartuni Siumup gruppe)

Imm./pkt.: 34
Pisortat allaffeqarfiini siunertaasutut oqaatsit ataasiinnaat atorneqalernissaannut suut aporfiusinnaasut pillugit apeqquteqaat aallaavigalugu oqallinnissamik siunnersuut.
(Inatsisartunut ilaasortaq Vivian Motzfeldt, Siumut)

Inatsisartut aalajangigassaatut siunnersuutigineqarpoq Naalakkersuisut peqquneqassasut UPA2018-imut Tunumi aalisarneq pillugu nassuiaat agguaatissagaat. Nassuiaatip imarissavaa Naalakkersuisut aalisarnikkut inerisaaniarlutik iliuusissaat – kiisalu innersuussutit, aalisarnerup inerisarnissaanut tunngasutigut siunnersuutaasut.
(Inatsisartunut ilaasortaq Laura Táunâjik, Siumut)

Uunga siunnersuut: Isumaginninnermik suliassaqarfimmi pissaanermik atuineq pillugu Inatsisartut inatsisaata allanngortinneqarneranik Inatsisartut inatsisaat nr. xx, xxx 2017-imeersoq. (Inatsisip kalaallisut oqaasertaani § 13, imm. 1-imi erseqqissaaneq)
Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq

Uunga siunnersuut: Meeqqat tapersersorneqarnissaannut Inatsisartut inatsisaata allanngortinneqarneranut inatsisartut inatsisaat nr. xx xx. xxx 2017-imeersoq. (Inatsisip kalaallisut oqaasertaani § 32 imm. 1-imut aamma 46 imm. 5-imut erseqqissaaneq)
Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq

Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2017-imeersoq. (Soraarnerussutisiaqalernissamut aningaasaatit Kalaallit Nunaanni angerlarsimaffeqartut akileraaruserneqartarnerat, soraarnerussutisiassanit naafferartumik annertoqqatigiimmik tunniunneqartartussanit soraarnerussutisiassanik nuussineq, akileraarutitigut sumut attuumassuteqarnermut tunngasut aamma avataaneersunut sulisussanut, Namminersorlutik Oqartussat sinnerlugit mittarfiliassanik suliaqartunut, ilanngaasiinnginnermi akileraarutinut aaqqissuussineq)
(Aningaasaqarnermut Akileraartarnermullu Naalakkersuisoq)

Namminersornerullutik Oqartussat missingersuutaat pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2017-imeersoq.
(Aningaasaqarnermut Akileraartarnermullu Naalakkersuisoq)

Imm./pkt.: 40
Aappassaaneerinninnermi allannguutissatut siunnersuut Inuussutissarsiornermut Aatsitassanullu Ataatsimiititaliamit saqqummiunneqartoq akuerineqarpoq.
Naalakkersuisut AIS19-imi ukiunilu missingersuusiorfiusuni misileraanermut aningaasaliissutinik 7,5 mio. kr-inik amerlassusilinnik, aalisakkanik suliffissuit nunaqarfinni qerititsivinnik sanaartornissamik annertusaanissamulluunniit atugassatut qinnuteqarfigisinnaasaannik immikkoortitsinissamik peqquneqarnissaat pillugu Inatsisartuni aalajangiiffigisassatut siunnersuut. Tapiissutit containerinik qerititsivinnik nutaanik pisinermut kiisalu aalisakkanik tunisasiorfiit Nukissiorfinnut attaviliinermut akiliutissaannut, containerinik qerititsivinnik pisinerup Nukissiorfiit naammassisinnaasamikkut annertusaanerannut aningaasartuutinut akiliutinut atorneqarsinnaassapput. Aningaasanit atorneqartussanngortitanit agguaassinermi piffinni suliffissaqartitsinikkut suliniutinik pisariaqartitsinerit isiginiarneqassapput.
(Inatsisartunut ilaasortaq Peter Olsen, Inuit Ataqatigiit)

Imm./pkt.: 41
Inatsisartut oqaaseqaatissaattut siunnersuutip taasissutigineqarnera akuerineqarpoq
Eqqumiitsuliornerup inuussutissarsiutitut, siunissamilu nunatsinni, nunattalu avataani niivernikkut tunisassiatut, nunattalu avammut nittarsaanneqarneranut iluaqutaanerulersinneqarnissaa, oqilisaavigineqarnerulernissaallu pillugu qanoq ililluta suliniuteqarsinnaanerput pillugu apeqquteqaat aallaavigalugu oqallisissiassatut siunnersuut.
(Inatsisartunut ilaasortaq Peter P. Olsen, Inuit Ataqatigiit)

Imm./pkt.: 42
Inatsisartut oqaaseqaatissaattut siunnersuutip taasissutigineqarnera akuerineqarpoq.
Qanoq iliorluta mingutsitsineq annikillisarniarlugu eqqaanermut atortut puussiat plastikiusut atorunnaariartortinnissaannut suliniuteqassanerluta apeqquteqaat aallaavigalugu Inatsisartunut oqallisissiassatut siunnersuut.
Inatsisartunut ilaasortaq Mimi Karlsen, Inuit Ataqatigiit

Imm./pkt.: 44
Suliffeqarfiit nutaat aallarnisaasut akileraartarnikkut qanoq oqinnerusumik qanorlu pisortaniit ikorfartorneqarsinnaanerat pillugu apeqquteqaat aallaavigalugu Inatsisartunut oqallisissiassatut siunnersuut.
(Inatsisartunut ilaasortaq Peter Olsen, Inuit Ataqatigiit)

Imm./pkt.: 46
Siull. 18/5-2017
Umiatsiaararsorlutik aalisartut saarullinnik bundgarninik pisarineqartunik pisarineqareerlutik aniseqqinneqartut annertussusaat pillugit nalunaaruteqartarnissaat, kiisalu nalunaarutigineqartut Pinngortitalerfimmut atugassanngortinneqarnissaat qulakkeerniarlugu Naalakkersuisut suliniuteqarnissamik peqquneqarnissaat pillugu Inatsisartut aalajangiiffissaattut siunnersuut.
(Inatsisartunut ilaasortaq Hans Aronsen, Inuit Ataqatigiit)

Imm./pkt.: 47
Siull. 3/5-2017
(Imm.47 aamma 183 ataqatigiisillugit siullermeerneqarput)
Illoqarfinni annerusuni arfineq marluusuni ungasissumiit kiassarnikkut, innaallagissamillu kiassarnikkut ullumikkuminngarnit suli annerusumik atorluaanerulernissarput siunertaralugu, Naalakkersuisut suliniuteqaqqullugit peqquneqarnissaannik Inatsisartut aaliangiiffigisassaatut siunnersuut. Illoqarfiit pineqartut tassaapput Ilulissat, Qasigiannguit, Aasiaat, Sisimiut, Maniitsoq, Nuuk aamma Qaqortoq.
(Inatsisartunut ilaasortaq Peter Olsen Inuit Ataqatigiit)

Imm./pkt.: 48
Siull. 3/5-2017
Aappass. UPA 2018
1. januar 2018-miit atuutilersumik inatsisinut nalunaarutit atuutsinneqalernissaannut Naalakkersuisut peqquneqarnissaannik Inatsisartut aaliangiiffigisassaattut siunnersuut.
(Inatsisartunut ilaasortaq Peter Olsen Inuit Ataqatigiit)

Imm./pkt.: 50
Meeqqanut sumiginnaasimasunut, taamatullu kinguaasiutitigut innarlerneqarsimasunut siusissukkut piukkunnaateqartumillu katsorsaanissanut neqerooruteqarnissaq, allatigullu ikorfartuisinnaaneq qanoq ililluta qulakkeersinnaaneripput pillugu apeqquteqaat aallaavigalugu oqallinnissamik siunnersuut.
(Inuit Ataqatigiit Inatsisartunut ilaasortaatitai)

Imm./pkt.: 51
Pinerluffigineqarsimasunut ikiuisarnitta ilaatigut eqqugaasunik siunnersuisarnermik pilersitsinikkut qanoq pitsanngorsarneqarsinnaaneranik apeqquteqaat aallaavigalugu oqallinnissamik siunnersuut.
(Inuit Ataqatigiit Inatsisartunut ilaasortaatitai)

Imm./pkt.: 53
Aappass. UPA 2018
Ingerlatseqatigiiffiit tamakkiisumik killilimmillu akileraartussaatitaasut il.il. akileraarutaassa ulloq 1. januaari 2019 aallarnerfigalugu 20 procentimut appartinneqarnissaanut isertitanut akileraarut pillugu Inatsisip allannguutissaanik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Randi Vestergaard Evaldsen, Demokraatit)

Imm./pkt.: 54
Ilagiinni ilaasortat kisimik akileraartalersillugit ilaqiinnut akileraarummik naapertuuttumik eqqussisoqarsinnaanersoq pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Randi Vestergaard Evaldsen, Demokraatit)

Imm./pkt.: 55
Siull. 17/5-2017
Siunissami aalisarsinnaanermut akuersissutip aqutsisoqarfimmi ataasiinnarmi atorneqartalernissaa - taamatullu aqutsisoqarfiup "Kalaallit Nunaata sinnerata" siunissami aqutsivinnut immikkoortunut arfinilinnut aggornilersorneqarnissaa (Maniitsoq, Paamiut, Qaanaaq, Sisimiut, Kalaallit Nunaata kujataa aamma Tasiilaq) anguniarlugu sinerissamut qanittumi qaleralinniarneq pillugu nalunaarut allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Michael Rosing, Attaviitsoq)

Imm./pkt.: 56
Siull. 23/5-2017
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Angajoqqaat naartunermut, erninermut meeravissiartaarnermullu atatillugu sulinngiffeqarsinnaatitaanerisa sapaatit akunnerinik sisamanik sivitsorneqarnissaa siunertaralugu Inatsisartut Inatsisaata nr. 14-p 17. december 2009-meersup allanngortinnissaanut siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Allannguut atortuulersinneqassaaq ulloq 1. juli 2018 aallarnerfigalugu.
(Inatsisartunut ilaasortaq Randi Vestergaard Evaldsen, Demokraatit)

Imm./pkt.: 57
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
Innuttaasut qarasaasiakkut toqqaannartumik kigutilerisumut piffissamik inniminniisalernissaannut periuutsimik ineriartortitseqqullugit pilersitseqqullugillu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)

Timersortartut nuna tamakkerlugu unammisartut peqataanerisa taakku sulliviinnut imaluunniit ilinniarnerannut sapinngisamik ajoqutaasinnaasumik kinguneqaqqunagu qanoq iliorluni timersortartut nuna tamakkerlugu unammisartut atugaat pitsanngorsarneqarsinnaanersut misissoqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Kalaallit Nunaanni Timersortartut Kattuffiat, immikkut kattuffiit kiisalu allat susassaqartut soqutigisaqaqatigiit misissuinermut UKA2018 tikitsinnagu Inatsisartunut agguaanneqartussamut peqataatinneqassapput.
(Inatsisartunut ilaasortaq Nivi Olsen, Demokraatit)

Tunngaviusumik inatsisip - aamma isumaqatigiissusiortarnermut sinaakkutissat Kalaallit Nunaannut atuuttut sinaakkutaasa iluanni Pisortat ingerlatsineranni suliassat suliarineqartarnerat pillugu Inatsisartut inatsisaanni nr. 8-mi, 13. juni 1994-imeersumi § 28-p allannguutissaanik siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut tassani inatsisitigut periarfissaalersinniarlugu pisortat ingerlatsiviini nuna tamakkerlugu paasissutissanik katersivimmik pilersitsisoqarsinnaanissaa, allattugaatik suliallu meeqqanut sumiginnakkanut tunngasut politiinit, inunnik isumaginnittunit peqqinnissaqarfimmit, kommuninit allanilu oqartussaaffinnit susassaqartunit, taakkulu ataanni sullivinnit takusinnaanngorlugu.
(Inatsisartunut ilaasortaq Randi Vestergaard Evaldsen, Demokraatit)

Immuup sukkuanik sapingaqarnerup annertussusaanik misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermut ilanngunneqassapput innuttaasut immuup sukkuanik sapingallit iluaquserniarlugit suliniutit suut aallartinneqarnissaannut innersuussutit.
(Inatsisartunut ilaasortaq Randi Vestergaard Evaldsen, Demokraatit)

Qarasaasiami nassatassamillu nunatsinni kinaassutsimut ilisarnaammik peqalernissamut atatillugu inatsisiliornerup piaartumik aallartinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Michael Rosing, Attaviitsoq)

Imm./pkt.: 63
Naalagaaffinngornissamut kissaatip, kiisalu Kalaallit Nunaata Savalimmiuniit Danmarkimillu Naalagaaffeqatigiinnerata qanoq iliorluni pitsaasumik oqimaaqatigiinissaasa qularnaarnissaat pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Randi Vestergaard Evaldsen, Demokraatit)

Imm./pkt.: 64
Siull. 16/5-2017
Paasissutissanik piniarnermut atatillugu inatsisitigut tunngavissaqarnissaq qularnaarumallugu, takuuk ilanngussaq 1 formatimi nassuiarneqareersumi, kingusinnerpaamik UPA2018-mi siunnersuummik saqqummiusseqqullugit, Naalakkersuisut peqquneqarnissaannik Inatsisartut aalajangiiffigisassaattut siunnersuut. Ilanngussaq 1-mi taaneqartut paasissutissat eqqarsaatigalugit Naalakkersuisut peqquneqarput tamanit iserfigineqarsinnaasumik nittartagalioqqullugit paasiuminartunik naatsorsoqqissaakkanik katersanik imalimmik, tassani soqutinittut meeqqat atuarfiat pillugu paasissutissanik naapertuuttunik aallarsinnaalersillugit. Naatsorsoqqissaakkanik katersivik suliarineqassaaq meeqqat atuarfii ataasiakkaat naleqqiunneqarsinnaanngorlugit, imatulli sanallugu inunnut ataasiakkaanut paasissutissat pissarsiariniarneqarsinnaajunnaarlugit.
(Inatsisartunut ilaasortaq Nivi Olsen, Demokraatit)

Kommunit inatsimmi peqqussutaasut naapertorlugit pisortat ikiorsiissutinik tunniussinerminnut atatillugu qanoq annertutigisumik ikiorsiissutit aningaasanngornagit tunniussisarnersut misissoqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermut atatillugu aamma innersuussutinik saqqummiusseqqunneqarput inatsisitigut qanoq pitsaanerpaamik kusanarnerpaamillu qularnaarneqarsinnaanersoq, atisassat aamma allat meeqqat pisariaqartitaat eqqarsaatigalugit angajoqqaat kiisalu allat meeqqanut angerlarsimasunut isumassuisut qulakkeerisalernissaat siunertaralugu.
(Inatsisartunut ilaasortaq Nivi Olsen, Demokraatit)

Imm./pkt.: 67
Aappassaaneerinninnermi allannguutissatut siunnersuut Aalisarnermut, Piniarnermut Nunalerinermullu Ataatsimiititaliamit saqqummiunneqartoq akuerineqarpoq.
Inatsisartut aalajangiiffigisassaattut siunnersuut Naalakkersuisut peqquneqassasut, aalisarnerup iluani tunitsivinni tunisat tamaasa oqimaassutsinut akigititat ingerlaavartumik saqqummiuneqartalernissaat anguniarlugu internikkut portalimut pilersitsinissamik nalunaarusiamik 2018 ingerlarnerani agguaassissasut. Nalunaarusiami nalilersuinerit, suliassat pilersitsinissamut tunngasut, naleqqussaajuarnissamullu aningaasartuutissat ilanngunneqassapput, portali qanoq aaqqissuunneqarsinnaanersoq – kiisalu inuussutissarsiummut tunngatillugu aningaasarsiornermut unammilleqatigiinnermullu qanoq kinguneqarsinnaanera ilaatinneqassallutik.
(Inatsisartunut ilaasortaq Henrik Fleischer, Partii Naleraq)

Imm./pkt.: 70
Siull. Aappass. UPA 2018
Inatsisartut aalajangiiffigisassaattut siunnersuut sermip erngullu avammut nioqqutiginissaannut inatsisip allannguutissaanik Naalakkersuisut saqqummiusseqqulugit peqquneqarnissaannik, aatsitassat pillugit inatsisip § 17 imm. 2 ilusaanut assigusumik aaliangersakkamik ilanngusseqqullugit sinertaqartumik. Aaliangersakkap isumannaassavaa sermip erngullu avammut nioqqutiginerani Namminersorlutik Oqartussat suliffiutaasa suliffeqarfimmut piginneqataasinnaanissaa, piginneqataassutip 40 %-imik minnerpaaffilerlugu.
(Inatsisartunut ilaasortaq Per Rosing-Petersen, Partii Naleraq)

Inatsisartut aalajagiiffigisassaattut siunnersuut Naalakkersuisut peqquneqassasut Nunatsinni nioqqutissat akiisa OECD-imi inuussutissat naliginnaasumik akiiisa agguaqatigiisinnerinut naleqqiullugu nunatsinni qaffasippallaarujussuarnerisa sumik tunngaveqarnersut misissussagaat. Misissuinerup malitsigissariaqassavaa iluarsiisoqarnissaanut kiisalu ungasinnerusoq eqqarsaatigalugu qanoq akit appartinnissaannut siunnerfimmik aaqqisoqassasoq. Misissuineq UKA 18-imi inatsisartunut saqqummiunneqassasoq innersuussutigineqarluni.
(Inatsisartunut ilaasortaq Per Rosing-Petersen, Partii Naleraq)

Imm./pkt.: 89
(Imm. 88 aamma 89 ataqatigiisillugit siullermeerneqarput)
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq

Siunnersuut uunga: Kalaallit Nunaata Aatsitassarsiornermi Aningaasaateqarfia pillugu Inatsisartut Inatsisaata allanngortinneqarnera pillugu Inatsisartut Inatsisaat nr. xx, xx. xxx 2017-imeersoq. (Aningaasaateqarfiup aningaasaataasa aamma aningaasaateqarfiup aningaasaataanit pissarsiat atorneqarnissaat, aningaasaateqarfiup aningaasaataasa taakkuninngalu pissarsiat inissinneqarnissaat aamma aningaasaateqarfiup aqunneqarnera kiisalu allaffissornikkut ingerlatsineq allallu)
(Aningaasaqarnermut Akileraartarnermullu Naalakkersuisoq)

Imm./pkt.: 91
Aappass. aamma Pingajuss. UPA 2018

Imm./pkt.: 98
Pingajussaaneerin-ninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.

Imm./pkt.: 100
Aappassaaneerinninnermi allannguutissatut siunnersuut akuerineqarpoq
Uunga siunnersuut: Atuarfik pillugu Inatsisartut inatsisaata allanngortinneqarnera pillugu Inatsisartut inatsisaat nr. xx ulloq xx. xxx 2017-imeersoq. (Atuartitsinerup imarisaa, aaqqissuussaaneq, piareersaaneq aamma ilisimasanik katersisarneq pillugit malittarisassanik allannguineq)
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)

Imm./pkt.: 102
Nunat Avannarliit Suleqatigiinnerat Pillugu Nassuiaat 2017.
(Namminiilivinnermut, Nunanut Allanut Nunalerinermullu Naalakkersuisoq)

Uunga siunnersuut: Namminersorlutik Oqartussat kommunillu inissiaataannik attartortittakkanik inissiatut imaluunniit illutut nammineq pigisatut tigusisarneq pillugu Inatsisartut peqqussutaata allanngortinneqarneranik Inatsisartut inatsisaat nr. xx, xx. xxx 2017-imeersoq (Ilulissani, Aasianni, Sisimiuni, Nuummi aamma Qaqortumi Namminersorlutik Oqartussat ilaqutariinnut ataasiakkaanut illuutaannik aamma illuutaannik affarleriinnik ilaatitsinnginneq kiisalu tamakkiisumik akiliuteqarluni tigusisinnaanissamut periarfissaq)
(Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq)

Uunga siunnersuut: Illuliortiternernut aningaasalersuineq pillugu Inatsisartut inatsisaat nr. xx, xx. xxx 2017-imeersoq.
(Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq)