1. Naalakkersuisut isumaqarpat Royal Greenland immikkut salliunneqarluni iluaqutigisinnaasaanik siusinnerusukkut pineqartarsimasoq? 2. Naalakkersuisut isumaqarpat Royal Greenland Aalisarnermut Inatsimmi immikkut salliunneqarluni iluaquserneqarsimasoq? 3. Taamaassimappat sutigut immikkut iluaquserneqarsimasutut Naalakkersuisut isumaqarpat? 4. Taamaassimappallu Aalisarnermut Inatsit allanngortinneqarniarpa? Paragraf sorliit allanngorniarneqarpat? 5. Aasianni raajaleriffiup ammaannarnissaanut suunukua politikkikkut aaqqinneqartariaqartutut Polar Seafoodip Greenland-ip piumasarigai? 6. Naalakkersuiut Polar Seafood Greenland-ip piumasaqaatai isumaqatigivaat? 7. Aasianni raajaleriffiup ammaannarnissaa qulakkeerniarlugu Polar Seafoodip Greenland politikkikkut aaqqiisoqarnissaanik piumasaqaataat Naalakkersuisut malinniarpaat? a) Aap b) Naamik 8. Naalakkersuisut isumaqarpat Aasianni raajaleriffiup matusariaqalersinnaaneranut Aalisarnermut Inatsit pissutaasoq? 9. Aasianni raajaleriffiup matunnginnissaa qulakkeerniarlugu Naalakkersuisut qanoq sutigullu aaqqiisoqarsinnaanera takorloorpaat? 10. Aasianni raajaleriffiup ammaannarnissaa qulakkeerniarlugu, Ilulissani aalisakkeriviup matunissaanik Polar Seafoodip saqqummiussinera Naalakkersuisut isumaqatigaat? Inatsisartunut ilaasortaq Erik Jensen, Siumut

1. Nunatsinni sakkutooqarfiit nutaat USA-p isumaqatiginninniutigisai qanoq ingerlappat1? a. Qanoq imaqarpa? b. Suut anguneqarpat? c. Suut isumaqatigiissutigineqarpat? d. Kikkut isumaqatiginninniarpat? e. Nunatsinniit peqataasoqarpa? 2. Sakkutooqarfissat taakku nunatsinni sumiinniarpat? 3. Qanoq nunatsinnut sunniuteqarniarpat? a. Qanoq nunatsinni kinguneqarniarpat? b. Innuttaasunut qanoq kinguneqarniarpat? c. Sutigut nunatsinni iluaqutaasussaappat imaluunniit akornutaaniarpat? d. Sakkutooqalerpata sakkutuut qanoq amerlatigisut nunatsinniittalissappat? 4. Nunarput peqataatinnagu aalajangiinerit pippat? a. Aappiuppat sooq peqataatinneqanngillat kalaallit nunaanneersut aalajangeeqataasussat isumaqatiginniaqataasussat? 5. Nunarput sakkulersorfiusussaava? 6. Nunarput sakkutooqarfiusussaava? Inatsisartunut ilaasortaq Mette Arqe-Hammeken, Naleraq

1. Inuiaqatigiit nunasiaataasimasut akornanni suut unammilligassaakkajuttarpat? Inatsisartunut ilaasortaq Mette Arqe-Hammeken, Naleraq

1. Nunatsinni inatsisitigut ataataqanngitsut pillugit Naalakkersuisuniit suliaqartoqarpa? a. Suut suliarineqarpat? b. Suliat sumut killippat? c. Suliat qanoq kinguneqartinneqarniarpat? 2. Nunatsinni inatsisitigut ataataqanngittut qassiuppat? 3. Sooruna inatsisitigut ataataqanngitsoqartoq sunaana peqqutaasoq? 4. Inatsisitigut ataataqanngitsut pillugit inatsit/sit suut atuuppat? a. Inatsisit suminngaanneerpat? 5. Nunatsinniit inatsisitigut ataataqanngittut nunatsinni najugallit ikiorneqarniarpat? a. Qanoq ikiorneqarniarami? 6. Nunatsinni inatsisitigut ataataqanngittut qanoq ataataqalersinneqassagami, inatsisit suut aqqusaarlugit? a. Inatsisitigut qanoq ataataqalersinneqassagami? Inatsisartunut ilaasortaq Mette Arqe-Hammeken, Naleraq

1. Naalakkersuisut nassuerutigaat, innuttaasut Upernavimmi, Uummannami, Qaanaami, Tasiilami, Ittoqqortoormiini kiisalu nunaqarfinni isorliunerusunilu najugaqartut misigimmassuk Pilersuisumi nioqqutissat assigiinngisitaarnerat ima annikillisimatigisoq, allaat nalinginnaasumik pisariaqartinneqartut naammaginartumik matussuserneqarsinnaajunnaarsut, tamanna ajornartorsiutitut ilungersunartutut isigineqartariaqartoq? 2. Naalakkersuisut isumaqarpat naapertuunnerusoq innuttaasut sukkornermik nappaateqartut, allergeqartut, nerisassanik aalajangersimasunik sapigaqartut imaluunniit immikkut inuussutissarsiornikkut pisariaqartitsisut allat najugaqarnerminnik pissuteqartumik allanit ajornerusumik inissisimalissasut? 3. Naalakkersuisut paasissutissiissutigisinnaavaat nioqqutissat suut ullumikkut nioqqutissat tunngaviusut pillugit Pilersuisup pisiniarfiini sullissinissamik isumaqatigiissummut ilaatinneqartuni ilaappat, aammalu Naalakkersuisut naliliinersut nioqqutissat taakku innuttaasut ullumikkut pisariaqartitaannut naapertuunnerusut? 4. Naalakkersuisut paasissutissiissutigisinnaavaat KNI Pilersuisoq 2024-mi, 2025-mi aamma 2026-mi sullissinissamik isumaqatigiissummut ilaatinneqartuni nioqqutissanik annikillisaanersoq imaluunniit allanngortitsinersoq, taamatuttaaq nioqqutissat suut peerneqarsimanersut imaluunniit taarserneqarsimanersut, sumi najugaqarfinni tamanna pisimanersoq aammalu allannguutit taakku Namminersorlutik Oqartussanit akuersissutigineqarsimanersut? 5. Naalakkersuisut suliniuteqassappat Pilersuisup pisiniarfiini nunaqarfinni isorliunerusunilu pisariaqartitanut pingaarutilinnut annertusisamik nioqqutissaqartitsisoqarnissaanik, taamaalillutik innuttaasut uppernarsarneqarsinnaasunik immikkut inuussutissarsiornikkut pisariaqartitsisut peqqissutsiminnut ulluinnarnullu pisariaqartitaminnik pissarsisinnaaqqullugit? 6. Naalakkersuisut eqqumaffigaat ajornartorsiut suli ilungersunarnerulersartoq, innuttaasut nunaqarfinni isorliunerusunilu amerlasuut ilutigalugu pinngortitamit peqqinnartunik 20. april 2026 2 inuussutissanik ilassuteqartarnissamut periarfissatik ajorseriarnerarlugit misigimmata, piniarnermut aammalu sumiiffinni nammineq pilersornissamut periarfissanut killilersuutit tamanna ajornakusoortimmassuk? 7. Naalakkersuisut isumaqarpat naapertuunnerusoq innuttaasut nunaqarfinni isorliunerusuni najugaqartut marloriarlutik eqqorneqassasut, tassa pisiniarfinni nioqqutissat ikinnerulernerisigut aammalu ilutigalugu pinngortitamit ileqquusunik peqqinnartunillu inuussutissanik pissarsinissaminnut periarfissatik ajornarnerulernerisigut? 8. Naalakkersuisut ajornartorsiummut matumunnga aalajangersimasumik aaqqiissutissarsiornermi ikiuunnissaminnut piareersimappat, soorlu pisariaqartitanut pingaarutilinnut annertusisamik nioqqutissaqartitsinikkut, immikkut nioqqutissanik piniarnissamut aaqqissuussinikkut imaluunniit allatigut iliuuseqarnikkut, innuttaasut pisariaqartitaminnik inuussutissanik pissarsiniarlutik najugaqarfigisaminnit nuuttariaqaqqunagit? Inatsisartunut ilaasortaq Jens NapãtôK`, Naleraq

1. Kalaallit nunatsinni illoqarfikkaarlugit, nunaqarfikkaarlugit, piffiit piffikullu inoqarfiit inoqarfiusimasullu tamakkerlugit illoqarfiit nunaqarfiillu inuerunnikut matunikut ilanngullugit oqaluttuassartaat immikkuutitaarlugit atuagaaranngorlugit/paasissutissaarannguanngorlugilluunniit meeqqat atuarfiinut ilinniarfeqarfinnullu atorsinnaangorlugit pilersinneqarnissaat tamaat naammassillugit qanoq akeqassappat? Inatsisartunut ilaasortaq Mette Arqe-Hammeken, Naleraq

1. Illunut piginneqatigiit pigisaannik tunineqarnissamut inatsisit suut pingaarnertut atuuppat? 2. Illunut piginneqatigiit pigisaannik tunineqarnissamut utaqqisunut allattorsimaffiit atornissaannut suut piumasaqaataappat? 3. Illunut piginneqatigiit pigisaannik peqatigiiffiit qanoq uppernarsassavaat, utaqqisunut allattorsimaffiit eqqortumik suliarineqarnersut? 4. Illunut piginneqatigiit pigisaannut tunineqarnissamut aqutsinerat qanoq nakkutigineqarpa? 5. Kikkut oqartussat nakkutiginninnermut, malittarisassanut aammalu malittarisassat atuuttut malinneqarnersut akisussaaffigaat? 6. Illunut piginneqatigiit pigisaannik tunineqarnissamut isummernermut innuttaasut misiliinissamut suut periarfissaraat? 7. Illunut piginneqatigiit pigisaannut peqatigiiffinnik maalaaruteqarnissamik kissaateqartunut, arlaannaannilluunniit attuumassuteqanngitsunik maalaartarfeqarpa? 8. Naalakkersuisut sunik eqqarsaatersuuteqarpat illunut piginneqatigiit pigisaannut tunineqarnissamut ersarissaataasinnaasunik? 9. Naalakkersuisut sunik eqqarsaatersuuteqarpat utaqqisunut allattorsimaffiit eqqortumik ingerlanneqarnersut, nakkutiginerulernissaannut? 10. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Justus Hansen, Demokraatit

1. Nunani tamalaani suleqatigiiffiit assigiinngitsut nunatsinniit qassit ilaasortaaffigaagut imalt suleqatigiiffiginerlugit Naalakkersuisut nassuiarsinnaavaat? Piniakkanut killilersuinerit pingaarnertut uani eqqarsaatigineqarput. 2. Ilanngullugit ilaasortaaffiit suliniutaat suunersut nassuiarlugit kiisalu suliffeqarfiit, suliniaqatigiiffiit, peqatigiiffiit, kattuffiit, ilaasortaaffiit assigisaallu akornanni - kikkut innersuussutai malillugit piniagassanik killilersuisarneq qanoq pisarpa? 3. Piniartut piniakkaminnik killilersugaanerat pillugu nunat allaniit isumaqatigiissutit assigiinngitsunut ilaasortaasarneq pissutaallutik killilersuinerujussuaq ilaatigut pisarpoq, Naalakkersuisut piniartut piniagaannut killilersuinerujussuaq qasukkaaminiarlugu qanoq suliaqarpat? 4. Piniartut piniagaannut killilersuineq isumaqatigiissutinut assigiinngitsunut nunarput isorartoorsuaq taakkununnga pituttugaavallaarnersoq Naalakkersuisut isumaqarpat? 5. Nunarput Danmarkip ataaniinnini pissutigalugu Danmarkip assigiinngitsunut ilaasortaaffimminut isumaqatigiissutit assigiinngitsut nunarput ilanngullugu sunnertarpaa, tamakku tamarmik nunatsinnut uumasunik piniartut piniagaannut killilersuisarneq pillugu tulluartuuppat? 6. Naalakkersuisut nassuiasinnaanerpaat CBD1 nunatsinni piniartut piniagaannut killilersukkanut qanoq attuumassuteqarnersoq sunaanersorlu? 7. Piniartut namminersortutut inuussutissarsiornerat aningaasaqarnikkut ilorraap tungaanut ingerlalernissaannut siunnerfiit suusinnaanerinut Naalakkersuisut taasaqarsinnaappat? Inatsisartunut ilaasortaq Mette Arqe-Hammeken, Naleraq

1. Naalakkersuisut Uummannami talittarfik/umiarsualivik pitsanngorsaaviginissaannut suut pilersaarutigaat? a. Pilersaaruteqartoqarsimappat, taava suliaq qaqugu naammassissangatinneqarpa? 2. Naalakkersuisut qanoq isumaqarfigaat Juulimaap Inaata eqqaani talittarfimmik pilersitsisoqarnissaanik siunnersuut? a. Pingaarnersiuinerni tamanna ilaareerpa? 3. Naalakkersuisut suut suliniutiginiarpaat, nioqqutissanik Uummannamut pilersuineq aalajaatsoq qulakkeerniarlugu, ullumikkut atugassarititaasut pilersuineq pitsaanngitsut atuutsillugit? 4. Naalakkersuisut pilersaaruteqarpat Qaarsunni talittarfimmik pilersitsinissamut, qulimiguulimmik angallassinermik isumalluuteqarneq annikillisinniarlugu? a. Taamaattoqarpat, taava piffissaliunneqartoq qanoq isikkoqarpa? 5. Naalakkersuisut qanoq iliorlutik isorliunerusuni angallassinerit aammalu inuuniarnikkut atugassarititat pitsanngorsaaviginissaannut qulakkeerinninniarpat, aamma Uummannami Qaarsunnilu talittarfiit umiarsuliviillu pisariaqartinneqartut pitsanngorsaavigineqassanngippata? 6. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Pipaluk Olsen, Demokraatit

1. Namminersorlutik Oqartussat ukiuni kingullerni tallimani atorfinitsitsinermut soraarnermilu angalanerit kiisalu atorfinitsitsinermut atatillugu pisattallu nassiunneqarnerannutaningaasat qanoq amerlatigisut atorsimaneraat Naalakkersuisut nassuiarsinnaavaat? Naalakkersuisut qinnuigineqarput kisitsisit ukiumoortukkaarlugit nalunaarsussagaat, taamaalilluni kisitsisini takuneqarsinnaassalluni ukiuni taakkunani qanoq aningaasartuuteqartoqarsimanersoq. 2. Naalakkersuisut nassuiarsinnaavaat Naalakkersuisoqarfinni tamani atorfiit qassit inuttassarsiuunneqarnersut, taakkunanilu qassit nunatta avataanit atorfinitsisoqarsimanersoq? Inatsisartunut ilaasortaq Juno Berthelsen, Naleraq

1. Ukiuni kingullerni timmisartumik angalanerup akisuallaarujussualerneranut Naalakkersuisut isumaqataappat? 2. Bilitsit akitsorujussuarnerisigut innuttaasut nunatsinni najugallit ilumut angalanerulernissaat Naalakkersuisut naatsorsuutigaat? 3. Imaluunniit bilitsit akitsorujussuarnerinut atorfimminnut atatillugu angalasut takornarissallu kisimik angalanissaat isaatitsissutissatut isumalluutigiarneqarpat? 4. Innuttaasut nunatsinni najugalllit nunatta iluani avataanullu allatuulli angalasinnaasariaqaraluarnerat Naalakkersuisut qanoq aqqutissiuunniarpaat? 5. Timersortartut ullumikkorniit akikinnerusumik siunissami angalasinnaalernissaat anguniarlugu, Timersornermut Naalakkersuisup, Air Greenland ataatsimeeqatigisimanerlugu? 6. Ukioq manna nunatta sineriiaani (Nuup avataani pisuni) pissartanngorniunnerni pisortatigoortuni aammalu Avannaata qimussersuaqarnerani kiisalu Arctic Circel Race-mi Naalakkersuisut sorliit peqataaffigivaat? 7. Timersortartut ullumikkornit akikinnerusumik siunissami angalasalernissartik timersortartut naatsorsuutigissavaat? 8. Angalanerup akitsorujussuarnera pissutigalugu kulturikkut aaqqissuunneqartartut (Arctic Sounds) siunissami Nuup avataani piviusunngunngitsoorartartalernissaat Naalakkesuisut ernumanartutut isiginngilaat? 9. Timmisartumik assartukkat/nassiussat sapaatip akunnerini arlalinni tikinniartarnerat Naalakkersuisuniit qanoq nalilerneqarpa? 10. Silaannakkut nassiussanik/assartuussineq angallassineq Naalakkersuisut iluarisimaarpaat? 11. Silaannakkut nassiussanik/assartukkanik angallassineq suli ajornartorsiutaasimappat, tamatuma aaqqinneqarnissaa sooruna taamak ajornartigisoq? 12. Naalakkersuisut isumaqarpat Nuup avataaniittut piffissarujussuaq nassiussanik tikittoorniartarnerat, utaqqisinneqartarnerat Air Greenland-ip naammassisinnaagaa? 13. Naalakkersauisut nassiussalerineq ingerlatseqatigiiffimmiit allamiit ingerlanneqalersinnaaneranik isumaliuuteqarpat? Taamaassimappat suna qaqugulu? Inatsisartunut ilaasortaq Erik Jensen, Siumut

1. Nunatta kujasinnerusortaani inuilaami qimminik qimuttunik qimmilerluni takornariartitsisarneq pillugu nunaminertamik tunineqarluni angallassisarneq ammaaneqarsinnaanerluni? a. Inatsisitigut arlaannik allanngugassaqarpat sorliit allanngugassaassappat? Inatsisartunut ilaasortaq Gerth Mikaelsen, Naleraq

1. “Qamani - Imminut toqunnissamik pinaveersaartitsineq pillugu periusissiaq 2023- 2028” kiap akisussaaffigaa? 2. Imminut toquttarnerup pinaveersaartinnissaanut tunngatillugu suliniutit qanoq ingerlanersut Naalakkersuisut nassuiarsinnaavaat? 3. Imminut toqussimasunit qimagaasut ikiorserneqarnissaat pillugu Naalakkersuisut iliuuseqarnersut nassuiarsinnaavaat, tamanna “Qamani - Imminut toqunnissamik pinaveersaartitsineq pillugu periusissiaq 2023-2028”-mi amigaataammat? Qimagaasut tassaasinnaapput aapparisaq, meeqqat, kammalataatit atuaqatit. a. Taamaappat Naalakkersuisut nassuiaaqquneqarput suliniutit suut aallartinneqartut sumullu killinnersut. 4. “Qamani”-mi aqutsisooqatigiit pilersinneqareersimappat? a. Taamaappat qasseriaq ataatsimiinnikuuppat, qanorlu aalajangiisoqartarpa? 5. Nunaqqatigiinni attaveqatigiit pilersinneqarpat? a. Taamaappat piffinni sumi attaveqaqatigiittarfiliorsimappat, qanorlu akulikitsigisumik ataatsimiittarpat? 6. Nunaqqatigiinni attaveqatigiit aqutsisoqatigiinnut nalunaaruteqartarpat? a. Taamaappat, qanoq akulikitsigisumik taamaaliortarpat, qanorlu kinguneqarpa? 7. Ukiut tallimat kingulliit ingerlaneranni imminut toquttarnerup pinaveersaartinnissaanut ilitsersuisut qassit ilinniartinneqarsimappat? 8. Imminut toquttarnerup pinaveersaartinnissaanut ilitsersuisut ilinniartinneqartut atorluarneqarnissaat Naalakkersuisut qanoq qulakkeerniarpaat? Inatsisartunut ilaasortaq Juno Berthelsen, Naleraq

Ittoqqortoormiunut imaatigut kabelimik (fiber, nittartagaqarneq) pilersitsissagaanni aningaasartuutit qanoq annertutigissappat? Inatsisartunut ilaasortaq Mette Arqe-Hammeken, Naleraq

1. Nuummi, Ilulissani aamma Qaqortumi mittarfittaarsuit eqqaanni biilit unittarfiini akiliuteqartalernissamik Naalakkersuisut pilersaaruteqarnerlutik? a. Biilit unittarfiini akitsuutinik eqqussisoqassappat, biilit unittarfiini ingerlatsineq nakkutilliinerlu Naalakkersuisunit sunik eqqarsaatersuuteqarfiuppat, tassani pineqarlutik suliassat tamanut sulisussarsiuunneqarnissaat? b. Periarfissat suut Naalakkersuisunit nalilersorneqarpat, nunaqavissut aallartisaasut mittarfiit nutaat eqqaanni biilinut unittarfinnik pilersitsinermut, aserfallatsaaliinermut imaluunniit ingerlanneqarneranut neqeroorsinnaanerannut? 2. Akisussaaffik qanoq agguataaarneqarpa ullumikkut Nuuk Center-ip biilinut naqqup iluani unittarfiani uninnganissamut nakkutilliinermut malittarisassallu malinneqarnersut nakkutiginerinut, tassani 30 minutsini uninngasinnaatitaanerup malinneqarneranut tunngatillugu? 3. Naalakkersuisut sunik eqqarsaatersuuteqarpa allani angallassinermut- aamma attaveqaasersuutinut aaqqissuussani atuinermut akiliisitsisarnissamik eqqussisinnaanissamut? 4. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Napaartoq Isak Petrussen, Demokraatit

1. Tasiilap, Kulusup nunaqarfittaasaliui akiorinanni qulimiguulimmik maannakkut sulissussinermi ingerlatsinermut sillimaniarneq Naalakkersuisut qanoq nalilerpaat? 2. Nunap ilaani tassani qulimiguullip ullumikkut atorneqartup taarserneqarnissaanik imaluunniit nutarsarnissaanik pisariaqartitsisoqarnersoq, Naalakkersuisut sunik eqqarsaasersuuteqarpat 3. Pilersaarutit suut pigineqarpat taartaasinnaasussamik, qulimiguulik atugaasoq atorsinnaajunnaarsillugu piffissami sivikitsumi imaluunniit sivisuumik atorsinnaajunnaarsillugu? 4. Naalakkersuisut piffinnit allaniit qulimiguulimmik taartaasinnaasunik atuinissamut periarfissat qanoq nalilerpaat, uani eqaarsaatigineqarluni Qaqortumi mittarfiup ammarneranut ataasumik? 5. Suliniutit suut Naalakkersuisut eqqarsaatersuutigaat Tasiilamut Tasiilamiillu assartuinermut tutsuiginassutsip naatsorsuutigineqarsinnaaneratalu annertusarnissaat, pingaartumik piffissani silap pissusaata unammillernarnerani? 6. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Justus Hansen, Demokraatit

1. Nunatta kitaani avataasiorluni qaleralittassiissutit 4.600 tonsit, saarullittassiissutillu 1.950 tonsit, siornali februarimi neqeroortitsissutigineqartut, sooruna ukioq mannamut kikkunnut tunniunneqarnissaat Naalakkersuisuniit suli aalajangerneqanngitsoq? 2. Piffissami taamak sivisutigisumi suli aalajangertoqannginneranut Naalakkersuisooqatigiit isumaqatigiissinnaannginnerat tunngaviua? 3. Pisassiissutit qaqugu nutaanut tunniunneqarnissaat Naalakkersuisut naatsorsuutigaat? 4. Royal Greenlandip iluaqutigisinnaasaanik immikkut pineqannginnissaa Naalakkersuisut isumaqatigivaat? 5. Imaluunniit Royal Greenlandip inoqarfippassuarni nunaqarfinnilu tunitsivinnik ingerlataqarnera aammalu sinerissap qanittuani aalisartunit tunitsivissaqartuarnera kiisalu nunatsinni suliffissaqartitsinera pissutigalugu immikkut pineqartariaqarnera Naalakkersuisut isumaqatigivaat? 6. Aalisarnermut Piniarnermullu Naalakkersuisoqarfik ulloq 14. oktober 2024 Royal Greenland-imiit allagarsia qanoq imaqarpat? Taannalu sumik siunertaqarpa? 7. Royal Greenland-imiit ulloq 14. oktober 2024 Naalakkersuisoqarfimmut allagaani imarisaanut Naalakkersuisut isumaqataappat? 8. Allakkami tassani Aasianni tunitsiviup ammaannarnissaanut siunnersuutigineqartut tunitsivimmik piginnittut qanoq akissuteqarfigisimaneraat Naalakkersuisup saqqummiukkusuppai? 9. Kitaata avataani rejerniarnermi pisassiissutit appariartornerat aalisarnermut inatsimmut nutaamik suliaqarsimanermik tunngassuteqarpa? a) Aap b) Naamik 10. Rejertassat appariarnerat taamaasilluni pisassiissutit appariartulernerat ilisimatuussutsikkut siunnersuinerit (biologisk rådgivning) ukiuni arlalinni malinneqartarnerannik tunngaveqarpa? 11. Ukioq 2015 avataasiorluni rejertassat pisassiissutit ukioq mannamiit pisassiissutinut sanilliullugit appasinneruneranni tunitsivinnik matusiniarluni pilersaaruteqartoqarnikuuva? 12. Polar Seafood Denmark Aasianni Polar Raajamik affaangajaanik piginneqataasoq kikkunnit piviusumik pigineqarpa aammalu piginnittui sumi angerlarsimaffeqarpat? 13. Naalakkersuisut allanik paasissutissaasinnaasunik peqarpat? Inatsisartunut ilaasortaq Erik Jensen, Siumut

1. Illuliornissamut sanaartornissamullu toqqavissiorneq assigisaallu qanoq agguaqatigiissillugit illoqarfiit ukunani akeqartinneqarpat: a. Nuuk? b. Sisimiut? c. Ilulissat? d. Qaqortoq? e. Aasiaat? 2. Apeqqut 1-imi akit sumiiffikkaarlugit assigiinngisitaarpata, suna patsisaava? Inatsisartunut ilaasortaq Mette Arqe-Hammeken, Naleraq

1. Ittoqqortoormiuni ataavartumik ataatsimik nakorsaqalissappat qanoq akeqassava? 2. Ittoqqortoormiuni ukiumut marloriaq qaammat ataatsimik sivisutigisumik nakorsaq suliartortinneqartalissagaluarpat qanoq akeqassava? Inatsisartunut ilaasortaq Mette A-Hammeken, Naleraq

1. Tasiilap eqqaanut Imaatigut kabelimik (fiber, nittartagaqarneq) pilersitsissagaanni, qanoq aningaasartuutit annertutigissappat? 2. Tasiilami sumiiffiillu allat qaammataasat atorlugit nittartakkatigut attaveqartut pitsanngorsaaviginiarlugit qanorpiaq Naalakkersuisut pilersaaruteqarpat? Inatsisartunut ilaasortaq Mette Arqe-Hammeken, Naleraq

1. Siammarteriviup bestyrelser.gl matunissaanik aalajangerneq sumik tunngaveqarpa? 2. Matuneqarnissaanik aalajangernerup kingunerisaanik nunaqavissunik siulersuisunut ilaasortassarsiornermik suliamut qanoq kinguneqarsimanersoq Naalakkersuisut qanoq nalilerpaat? 3. Nunaqavissunik piginnaasaqarluartunik siulersuisunut ilaasortassanik pissarsiornermut ikorfartuutaasussamik Naalakkersuisut sunik aallartitsissallutik suliniuteqarpat? 4. Naalakkersuisut qanaoq ilillutik siulersuisunut ilaasortaasinnaasut piginnaasaannik misilittagaannillu malinnaajuarnissaq qulakkeerniarpaat? 5. bestyrelser.gl taartitut nutaamik allaanerusumilluunniit pilersitsinissamik Naalakkersuisut sunik eqqarsaatersuuteqarpat? 6. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Jørgen Rosbach, Demokraatit

1. Avataani qaleralinniarnermi tulaassisussaatitaaneq tunisussaatitaanerlu pillugit 25%-imik appaasimaneq Naalakkersuisut uppernarsarsinnaanerlugu, Royal Greenland A/S-imi Kommune Qeqertalimmi Qasigiannguani Kangaatsiamilu pisassat annerpaartaannik nunami atortulersuutitalinnut tulaassinissamut pisussaaffeqarunnaarmat? 2. Avataani qaleralittassiissutit Royal Greenlandip tulaattagai pillugit Naalakkersuisut nassuiarsinnaanerlugu, uani nunami atortulersuutit umiarsualiviillu sorliit pisanik tigusaqartarnersut kisitsiviusullu eqqortut paasissutissiissutigalugit ilanngullugit (tonsit procentillu) illoqarfinni ataasiakkaani 2023-mi 2024-milu agguataarneqarsimasut kiisalu 2025-mi agguaassinissamut naatsorsuutigineqartoq ilanngullugu? 3. Nunamut tulaassisussaatitaanerup annikillilerneqannginneranut naleqqiullugu Kommune Qeqertaliup avataani qaleralittassiissut qanoq angitigisoq ullumikkut tulaanneqartarpa? 4. Suliffissaqartitsiniarneq, suliaqarneq inuiaqatigiillu aningaasaqarneranut illoqarfinni pineqartuni tulaassisussaatitaanerup appartinneqarnerata kingunera pillugu Naalakkersuisut pineqartunut kingunerisassaannik naatsorsuusiorsinnaanerlutik? 5. Inatsisartut anguniagaannut sumiiffinni oqimaaqatigiissitsinissamut qeqqanilu eqiterussinerunngitsumik suliffissaqartitsiniarnermi, allanik suliffissarsisinnaanermut qulakkeerinniffiunngitsuni pisortanit suliffeqarfiutaasumit nunami atortulersuutinut tulaassisussaatitaanerup appartinneqarnera illoqarfinni minnerni ingerlanneqartoq Naalakkersuisut naleqqussorinerlugu? Inatsisartunut ilaasortaq Jens NapãtôK’, Naleraq

1. Naalakkersuisut qaqugu naatsorsuutigaat illunut sanaqataaffiusunut (medbyggersæt) pillugit nalunaarut pisariaqartinneqartoq tamakkerlugu atuutilersinneqassasoq? 2. Massakkut illut qanoq amerlatigisut illunut sanaqataaffiusussanut (medbyggersætitut) atorneqarsinnaasutut qanoq ittuuneranik akuersissutigineqareersimappat? 3. Naalakkersuisut qaqugu naatsorsuutigaat innuttaasut aaqqissuussinermut naapertuuttumik illunut sanaqataaffiusunut (medbyggersæt-imut) qinnuteqarsinnaalissasut aammalu akuersissummik pisinnaalissasut? 4. Naalakkersuisut nassuiaasinnaappat sooq aaqqissuussineq suli atuutilersinneqarsimannginnersoq, aningaasat aningaasanut inatsisikkut immikkoortinneqareeraluartut? 5. Naalakkersuisut nassuiaasinnaappat illunut sanaqataaffiusunut (medbyggersætimut) aningaasaliissutit kommuninit ikilisinneqarsimanersut imaluunniit allamut nuunneqarsimanersut? 6. Inatsisartut aalajangiineranniit innuttaasut qassit illunut sanaqataaffiusunut (medbyggersæt-imut) qinnuteqarsimappat, qassillu akuersissummik tunineqarsimappat? 7. Naalakkersuisut uppernarsarsinnaavaat Sikublok atorlugu sanaartornissamut akuersissuteqartoqarsinnaasoq, aammalu taamaappat tamanna qaqugu piviusunngortinneqarsinnaanersoq? 8. Naalakkersuisut innuttaasut illoqarfinni mikinerusuni, nunaqarfinni aammalu nuna immikkoortuini avinngarusimasuni piaarnerpaamik illunut sanaqataaffiusunut (medbyggersæt-imut) periarfissaqalersinnaanissaat qulakkeerniarlugu suliniutit suut tigussaasut aallartinniarpaat? Inatsisartunut ilaasortaq Jens NapätôK’, Naleraq

1. Kalaallit Nunatsinni illoqarfinni nunaqarfinnilu naluttarfinnik sanaartortoqarnissaani Naalakkersuisut anguniagaqarpat? Taamaappat sumi aamma suliat sumut killippat? 2. Avannaani aamma Ittoqqortoormiuni Tasiilamilu Airdomes naluttarfiusoq, illoqarfinni taakkunani pingasunut pilersinneqassappata qanoq akeqassappat? Inatsisartunut ilaasortaq Mette Arqe-Hammeken

1. Naalakkersuisut ilisimavaat massakkut Islandimiittoq assartugassat annertussusaat 2–3 Twin Otter-it imarisinnaasaattut annertutigisoq, Nerlerit Inaanut nassiunneqarnissaminik utaqqisoq? 2. Naalakkersuisut uppernarsarsinnaavaat Norlandair-ip ilaasussat tamakkerlugit inniminniisoqarsimaneranik tunngavilersuutigalugu assartugassanik tigusinaveersaartoq? 3. Naalakkersuisut akuersaarpaat Nerlerit Inaanut aammalu Ittoqqortoormiit-mut allakkat aammalu pingaarutilinnik taartaasartussat nassiussassat Islandimut apuussereersimagaluarlutik ullut 30-it sinnerlugit tunniunneqanngitsoortarnerat? 4. Nerlerit Inaanut aammalu Ittoqqortoormiit-mut allakkanik, pingaarutilinnik taartaasartussanik aammalu pilersuinermut atortussanik assartuineq pillugu isumaqatigiissutinut tunngasut suut atuuppat? 5. Naalakkersuisut suut piaarnerpaamik iliuuseqarfiginiarpaat: a. katersuussimasunik assartugassanik ingerlaqqittumik assartuineq qulakkeerniarlugu, b. mittarfiup aputaajaasarnermut atortuinut taartaasartussat apuunnissaat qulakkeerniarlugu, c. innaallagissiornerup atortuinut taartaasartussat amigaataanerisa kingunerisinnaasaannik ingerlatsinerup uninneranik imaluunniit sulisut qimagutsinneqarnissaannik pinngitsoortitsiniarluni? 6. Naalakkersuisut ingerlatsisoq piumaffiginiarpaat piffissani ulapaarfiusuni immikkut ittumik assartugassanik timmisartuussinernik pilersitsinissaanut? 7. Naalakkersuisut naliliipput massakkut angallannermut aaqqissuussineq Ittoqqortoormiit-mut pilersuinermik isumannaatsumik qulakkeerinninnersoq, imaluunniit aaqqissuussinermik allannguinissaq pisariaqartutut isigineqarpa? Inatsisartunut ilaasortaq Jens NapãtôK’, Naleraq

1. Aalajangersakkat suut pinerluttulerinermi inatsimmi atuuttumi aammalu malittarisassanilu allat atorlugit Kalaallit Nunaanni nunagisamik killuussineq aammalu nunamut ajoqusiisinnaasumik iliuutsit pinaveersaartinneqarsinnaappat? a. Nunagisamik killuussineq aamma nunamut ajoqusiisinnaasumik iliuutsit eqqartuussivinni atuuttuni nassuiarneqarsinnaappat? 2. Iliuutsit suut eqqartuussivinni atuuttuni pillaatissinneqarnermik kinguneqarsinnaappat naalagaaffiit allat soqutigisaanni suleqataanermi Kalaallit Nunaannut imaluunniit Kunngeqarfimmut aajoqusiisinnaasunik? 3. Oqartussaasut arlaata akisussaaffigaa nunagisamik killuussinermik aammalu nunamut ajoqusiisinnaasumik iliuuseqarneq maani nunatsinni misissussallugu inatsisitigullu malersussallugu? 4. Naalakkersuisut ataatsimoortumik nalilersuisimanerlutik, pineqartumut inatsisit atuuttut naammattumik piareeqqanersut aammalu ullutsinnut tulluuttuunersut? 5. Inatsimmi allannguutinik tigussaasunik sunik Naalakkersuisut ersarissaassallutik pinaveersaartitsissutissanillu nukittorsarnissaannik eqqarsaateqarpat? 6. Qanoq ilillutik Naalakkersuisut qulakkeerniarpaat, inatsisit allanngortinneqassagaluarpata killiligaanani oqaaseqarsinnaatitaanerup killiligaananilu peqatigiiffeqarsinnaatitaanerup ataqqineqarnissaat? 7. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Per Berthelsen, Demokraatit

Tunuartippoq / Trukket tilbage Inatsisartunut ilaasortaq Jens NapãtôK’, Naleraq

1. Nutaanik qulimiguulinnik atuutilersitsinerup kingorna ukiumut teknikikkut kukkunerit aserfallatsaaliuinerillu qanoq amerlatigisimappat? a. Taakku qanoq amerlatigisut ilaasunut kinguaattoornernik imaluunniit taamaatiinnarnernik kinguneqarsimappat? 2. Ukiumut qanoq amerlatigisunik Air Greenland ingerlatsinermik ingerlaannartitsiniarluni taartaasartunik qulimiguulinnik (AS350, H155 imaluunniit allat) atuisariaqartarsimava? a. Ilaasut angerlartinniarlugit immikkut aaqqissuussanik timmisartuussinerit/qulimiguulimmik angallassinerit qanoq amerlatigisimappat? 3. 2025–2026-mi qulimiguulinnik angallassinermi ingerlatsinerup patajaassusaa aammalu piffissamik eqqortumik ingerlatsinerit (procentinngorlugu – piffissami eqqortumi ingerlanneqartut vs. kinguaattoortut/taamaatiinnakkat) qanoq issimappat? (kvartalikkaartumik paasissutissat ilanngullugit) a. Qulimiguulinnik ingerlatsinerup patajaassusaa pillugu naatsorsuutigineqarsimasut naapertorlugit Naalakkersuisut aammalu Air Greenland qanoq ersarissunik pitsanngoriaateqarsimappat? 4. Naalakkersuisut naapertorlugit ajornartorsiutinut pissutaanerpaat suut tassaappat – assersuutigalugu teknikikkut killeqarfiit, silaannaap pissusaa Issittumi atugassarititaasut, sparepartsinik pissarsiniarnermi kinguartitsinerit, sulisussaaleqineq, sila pissusaa il.il.? a. Kinguaattoornerit aammalu taamaatiinnarnerit annikillisinniarlugit isumaqatigiissutit, suliariumannittussarsiuussinerit, teknikikkut tapersersuinerit imaluunniit isumaqatigiissutit allanngortinneqarsimanerat pillugu suut aalajangersimasut aallartinneqarsimappat? 5. Ajornartorsiutit uku peqqinnissamut atatillugu angallassinernut, atuarnernut, inuussutissarsiornermut atatillugu angalanernut, ilaqutariinnut ataatsimoortitsiniarnermut aammalu yderdistrikini innuttaasut inatsisitigut 2 pisinnaatitaaffiinut qanoq sunniuteqarsimanerat Naalakkersuisut qanoq nalilerpaat? a. Pineqartunut paasissutissiineq, taartaasarnikkut aaqqiissutit aammalu aningaasatigut taarsiissuteqartarneq pillugit Naalakkersuisut qanoq qulakkeerinnippat? 6. 2026-imi aammalu 2030 tungaanut qulimiguulinnik angallassinerup qanoq ineriartortinneqarnissaa Naalakkersuisut qanoq nalilerpaat? a. Piffissamik eqqortumik aammalu patajaatsumik ingerlatsineq anguneqassasoq anguniarlugu anguniakkat killiliussallu suut aalajangersarneqarsimappat? Inatsisartunut ilaasortaq Jens NapãtôK’, Naleraq

1. Naalakkersuisut ukiut kingullit tallimat ingerlaneranni Upernavimmut aammalu Upernavimmit Dash 8-inik timmisartuussinerit qanoq amerlassuseqartarsimanerat pillugu nassuiaateqarsinnaappat, ukiumut ataasiakkaanut aammalu aqqutinut immikkoortillugit? 2. Upernavimmut aammalu Upernavimmit timmisartuussinerit ikilinerannut suna pissutaava? 3. Dash 8-inik timmisartunik ingerlatsinermi pisinnaasatigut unammillernartut (ilanngullugit aserfallatsaaliuinerit, teknikkikkut ajornartorsiutit imaluunniit timmisartut atorneqartarnerisa aaqqissuussaanerat) Avannaani timmisartuussinerit akulikinnerannut sunniuteqarsimanerat pillugu nassuiaasoqarsinnaava? 4. Naalakkersuisut ukiuni kingullerni tallimani Upernavimmut aammalu Upernavimmit nunatsinni iluani timmisartumut billetit agguaqatigiissillugu akii pillugit nassuiaateqarsinnaappat? 5. Nunatsinni, pingaartumik Avannaani, timmisartukkut angalanerni akit qaffakkiartornerannut suna pissutaasimava? 6. Naalakkersuisut isumaqarpat akit aammalu timmisartuussinerit akulikinnerat Upernavimmi aammalu Avannaani innuttaasut naapertuuttumik angallanneqarsinnaanerannik aammalu nuna tamakkerlugu ataqatigiissutsimik qulakkeerinninnersut? 7. Naalakkersuisut eqqarsaatersuutigisimavaat kiffartuussinermut isumaqatigiissutit imaluunniit taarsiissuteqartarnermut aaqqissuussinerit nukittorsarneqarnissaat, Avannaani patajaatsumik ingerlatsisoqarnissaa aammalu akit naapertuunnerusut qulakkeerniarlugit? Inatsisartunut ilaasortaq Jens NapãtôK’, Naleraq

1. Umiarsuit assigisaallu Nunat allaneersut, ilaatigut Rusland, Kina allallu, akuersissuteqanngitsumik imartatsinniissimanerinut qanoq uppernarsarneqarsinnaasumik amerlatigisorineqarpat? Inatsisartunut ilaasortaq Mette Arqe-Hammeken, Naleraq

1. Sinerissami sikusartumi Kalaallit Nunatsinni sooruna sikusiutinik angallateqanngittugut pajuttaatinik? 2. Pilersuisinnaaneq ukiuni kingullerni pitsanngorsassagaanni Naalakkersuisut periarfissanik misissuiffigivaat? Misissuisoqarpat suliaq sumut killippa? 3. Illoqarfiit ilaasa sikusarnerat kinguarpoq, ukiornera kinguarpoq periarfissat nioqqutissanik pajuttuilluni sooruna Naalakkersuisunit atorluarneqanngitsoq? 4. Atorluaanissamut suut aporfiuppat? 5. Nalimmassaanissamut system-imi suna aporfiua? 6. Pajuttuisarnermi nunaqavissut atugaat misissuiffigineqarpat? 7. Allat system-iat nunatsinnut tulluussagaangittoq atorneqarpa? 8. Sikusiuteeqqamik pajuttaateeqqamik Naalakkersuisut sanatitsissamaarpat? 9. Naalakkersuisut sanatitsissappata qanoq pisortanut aningaasatigut allaffissornikkullu, namminersorluni inuussutissarsiuteqarnermut aningaasatigut allaffissornikkullu kiisalu Innuttaasunut aningaasatigut allaffissornikkullu kingunerisassai suuppat? Inatsisartunut ilaasortaq Isak Johannessen, Naleraq

1. Kalaallit Nunaanni Airdome-nik pilersitsinissamik Kalaallit Nunaanni Timersoqatigiit Kattuffiata suliniutaata Naalakkersuisut tapersersornissaa pilersaarutigaat? a. Taamaappat qanoq tapersiisoqassava, najugaqarfinnilu sorlerni tamanna pingaarnersiuiffigineqassava? Inatsisartunut ilaasortaq Mette Arqe-Hammeken aamma Gerth Mikaelsen, Naleraq

1. Ullumi makkunani pisut eqqarsaatigalugit takusinnaalereerparput nunarput qanoq nunat iligiinniit illersorneqartigisoq, taamatut pisoqarnera Naalagaaffinngornissamut qaninnerulersitsiva? 2. Naalakkersuisut, oqarpusi naalagaaffinngornissamut piareersarlusilu suliaqartusi, suunuku aamma qanoq suliaralugillu piareersarpisigit? 3. Naalagaaffingornissaq ukiuleraanni qaqugu pisinnaava? 4. Oqartarpusi ullutsinni pisut aallaavigalugit Kunngeqarfiup ataaniiginnarnissaq pisariaqartoq sooruna? Naalagaaffiunissaq aatsaat taama qanitsiginnginnami? 5. Kunngeqarfiup Danmark suli qanoq sivisutigisumik ataaniinniaratta? 6. Naalagaaffingornissamut sunaana akornutaasoq uniffiulluni? Inatsisinik allanngortoqaqqaartariaqarami? 7. Nunarput asasarput annaaratarsinnaavarput naalagaaffiunata naqissusilikkamik kinaassuseqannginnatta? Inatsisartunut ilaasortaq Mette Arqe-Hammeken, Naleraq

1. Nunat tamalaat akornanni tuluttut allattuisarnermut periusissamik pilersitsinissamut periarfissanik misissuisoqarsimanersoq Naalakkersuisut nassuiarsinnaavaat? 2. Naalakkersuisut ilisimatitsissutiginiarpaat nunanit tamalaanit peqqinnissaqarfimmi sulisussarsiornissaq pilersaarutigineqarnersoq? Pilersaarusiornissamut piffissaliussat sukumiinerusullu uani piumaneqarput. Inatsisartunut ilaasortaq Juno Berthelsen, Naleraq

1. Naalakkersuisut nassuiarsinnaavaat Canadami ministeriuneq, Kalaallit Nunaat pillugu Danmarkimi ministeriunermik februaarip aappaani ataatsimeeqateqarsimasoq, ataatsimeeqatigisimanerlugu? 2. Canadamiut aallartitaat ataatsimeeqatigisimallugit, Naalakkersuisut tungaannit erseqqissarneqarpa kalaallit inuiaqatigiittut inatsisitigut qallunaanit immikkoortut taamalu inuiaqatigiittut inatsisitigut namminneq aalajangiisinnaatitaasut? Inatsisartunut ilaasortaq Juno Berthelsen, Naleraq

1. Inuit innarluutillit imaluunniit immikkut pisariaqartitsisut, Kalaallit Nunaanni najugaqartut, kisianni Danmarkimi ilinniarlutik imaluunniit katsorsarneqarlutik najugaqartut, kigutilerinermut aningaasartuutitik utertillugit akilerneqarsinnaappat? 2. Namminersorlutik Oqartussat imaluunniit kommunit sorliit akisussaaffigaat Danmarkimi najugaqarallarnermi peqqinnissaqarfimmi, matumani kigutilerinermut, aningaasartuutinik matussusiineq? 3. Qinnuteqartoq qanoq iliornikkut aningaasartuutiminik utertitsivigineqarnissamut qinnuteqarsinnaava? Sumi qinnuteqassava, aammalu suut piumasaqaatit atuuppat? 4. Naalakkersuisut isumaqarpat inatsisit atuuttut naapertorlugit innarluutillit imaluunniit ilinniartut Kalaallit Nunaanni najugaqavissuunerminnik attassiinnartut, kisianni Danmarkimiikkallarneranni pisariaqartitsinerat naammattumik illersorneqartoq? 5. Naalakkersuisut pilersaaruteqarpat erseqqissaanermik imaluunniit allannguinermik, taamaalilluni innuttaasut pineqartut akornanni nalornisoqartarunnaarlugu? Inatsisartunut ilaasortaq Jens NapãtôK’, Naleraq

1. Sooq Kuummiuni kiisalu sinerissami sumiiffinni allani innuttaasut aalisarnermut akuersissummik qinnuteqarsimasut suli akissummik tigusaqarsimanngillat? 2. Aalisarnermut akuersissummik qinnuteqaatit maanna suliarineqarnissaat utaqqisuniittut qassiuppat – immikkoortortakkaarlugit kommunekkaarlugillu? 3. Tunumi Kitaanilu aalisarnermut akuersissutinut qinnuteqaatit agguaqatigiissillugu qanoq sivisutigisumik suliarineqartarpat? 4. Sivisuumik suliarinnittoqarneranut suna peqqutaava – sulisut amigaatigineqarnerat, politikkikkut pingaarnersiuinerit, maleruagassat nutaat imaluunniit ingerlatsinermi periutsit? 5. Naalakkersuisut isumaqarpat aalisartut ingerlatsivimmit utaqqisitaaneq pissutigalugu piffissanik isertitassaraluaminnillu annaasaqartut naapertuuttoq? 6. Suliat sukkannerusumik suliarineqarnissaat anguniarlugu Naalakkersuisut qanoq iliuuseqarniarpat? Inatsisartunut ilaasortaq Jens NapãtôK’, Naleraq

1. Sooq Naalakkersuisut 2025-imi upernaakkut ilagiit sinniisaannut qinigaasunut suli pikkorissartitsisimanngillat aammalu pisussaaffiusumik ilinniartitsisimanngillat? 2. Qaqugu Naalakkersuisut aalajangersimasumik qulakkeeriniarpaat pikkorissartitsineq ingerlanneqassasoq? 3. Aningaasanut inatsimmi ilagiit sinniisaannut pikkorissartitsinissamut aammalu pisinnaasanik ineriartortitsinissamut naammattunik aningaasaliisoqarsimava – aammalu taamaanngippat sooq? 4. Naalakkersuisut qanoq illersorsinnaavaat qinikkat pisariaqartumik ilitsersorneqanngitsumik akisussaaffimmik isumaginnittariaqarnerat? 5. Naalakkersuisut nassuerutigaat pikkorissartitsinerup amigaataanera ilagiit sulinerannik aammalu pisortat ingerlatsinerannut tatiginninnermik sanngiillisaasoq? Inatsisartunut ilaasortaq Jens NapãtôK’, Naleraq

1. Suna pissutigalugu Ilulissani oqaluffik Naalakkatta Illua 2024-imi ukiakkulli matoqqatinneqarpa? 2. Matusineq aserfallatsaaliinermut allatigulluunniit aningaasaliissutit amigaataanerannik tunnganerluni? 3. Aningaasanut inatsimmi nunatta oqaluffiinut ingerlatsinermut aammalu aserfallatsaaliinermut naammattunik aningaasaliisoqarsimava – aammalu taamaanngippat sooq? Qanorlu aaqqiiniartoqarpa? 4. Nunatsinni oqaluffiit aserfallatsaaliinikkut amigaatigisat qanoq annertutigiva, nalilersuinermillu suliaq sumut killippa? 5. Naalakkersuisut qaqugu naatsorsuutigaat Naalakkatta Illua ammaqqinneqassasoq? 6. Naalakkersuisut oqaluffik ingerlatsinermut aningaasaliissutit amigaataanerannik pissuteqartumik sivisuumik matoqqatinneqarneqartoq naammagisimaarpaat? Inatsisartunut ilaasortaq Jens NapãtôK’, Naleraq

1. Kalaallit Nunatsinni illoqarfinni minnerusuni peqqissaaviit ualikkut nalunaaqutaq sisamat kingorna matuneqartarnerat illersorneqarsinnaava? 2. Illoqarfimmi nakorsap ualikkut nalunaaqutaq sisamat kingorna pigaartuutinneqartannginnera illersorneqarsinnaava? 3. Peqqissaaviup ualikkut sisamap kingorna tassanngaannaq pisoqartillugu atorneqarsinnaannginnera illersorneqarsinnaava? Tassanngaannaq pisut tassaasinnaapput uummammik unittoorneq, iluaallerneq, annertunerusumik napineq, aanaarujussuarneq il.il. minutsit tamarmik pisariaqarneranni. 4. Tassanngaannaq pinartoqarnerani nakorsamik oqarasuaatikkut oqaloqatiginninnerup naatsorsuutigineqarnera illersorneqarsinnaava? 5. Peqqisaasut peqqissaanermiluunniit sulisut allat akuersissutiminnik annaasaqarsinnaanerminnut aarlerisariaqarpat, nakorsap suliassaanik suliaqartariaqarsimassagunik, ilinniakkatigut piginnaasatik qaangerlugit. Inatsisartunut ilaasortaq Paarma Lund Kreutzmann, Inuit Ataqatigiit

1. Aalisarnermut Inatsisip akuersissutigineqarnerata malitsigisaanik nalunaarutit nutarterneqartuni kilisaatit basisliniep avataanut inissinneqartussat qassi meter killigitinneqalerpa? 2. Kilisaatinik 40 meter sinnerlugu angissusillit sinerissap qanittuani aalisarsinnaanermut akuersissuteqartoqarpa aammalu taakkua sorliuppat? 3. Killeqarfiit eqqarsaatigalugit kilisaatit taakkua qanoq pilersaaruteqarfigineqarpat? 4. Nalunaarutini 40 meter ataallugu angissusillit sinerissap qanittuani aalisartut aammalu pisassaatillit angallataat uutiterisunngortinneqassagaluarpat, basislinie 3 sømil avataanut nuutsinneqassappat? 5. Nalunaarutip taassumap nutarteqqinneqarnissaa Naalakkersuisut pilersaarutigivaat aammalu taamaassappat paragraf sorliit tamatumani eqqarsaatigineqarpat? 6. 2026-imut rejertassiissutit suliffeqarfinnut qanoq aggulugaappat? 7. Tunitsiviit Royal Greenland-ip ingerlatarivai aammalu Polar Seafood qassit ingerlatarivai? 8. Tunitsiviit Royal Greenlandimiit pigineqartuniit qassit imminut akilersinnaasumik ingerlappat? Qassillu imminut akilersinnaasumik ingerlanngillat? Tunitsiviillu sorliit tamatumani pineqarpat? 9. Naalakkersuisut allanik paasissutissaasinnaasunik peqarpat? Inatsisartunut ilaasortaq Erik Jensen, Siumut

1. Aasianni tunisassiorfik Polar Raajat piginnittuii kikkuuppat, suminngaanneerpat piginnittuunerisisalu procentinngorlugit aggulunnera qanoq aggulussimasuuppat? 2. Aasianni tunitsivimmut Polar Raajamut tulaanneqartartut ingerlateqqinneqartarneri eqqarsaatigalugit sumut tullermut nunamut suliffeqarfimmullu tuneqqinneqartarpat? 3. Nunatta avataanut tuneqqinneqarnerini suliffeqarfimmut sorlermut ingerlaqqittarpat? Taannalu kikkunnit sumiuniillu kiisalu qanoq piginnittuisa piginnittuussusiat aggulugaava? 4. Aasianni tunitsiviup ammaannarnissaa suliffiillu piuinnarnissaat qulakkeerniarlugu Royal Greenland A/S Polar Raajat suleqatiserinikuuvaat? Qanga tamanna saaffiginnissutaava? 5. Suleqatiserinnittoqarsimappat suliffeqarfik sorleq akuersisuuva/itigartitsisuuva sunalu tamatumunnga tunngavilersuutaava? 6. Royal Greenland A/S Aasianni tunitsiviup ingerlaannarnissaanik saaffiginnissimappat tamanna qanoq imaqarpa aammalu sunik piumasaqaateqarpa? Tunisassiallu qass tons tamatumani pineqarpat? 7. Naalakkersuisut aammalu Naalakkersuisuusimasut qulaani pineqartut pillugit Polar Raajat imaluunniit Polar Seafood Greenland piginnittui naapittareerpaat aammalu qanga tamanna siullermik kiisalu kingullermik tamanna ingerlanneqarpa? 8. Aasianni tunitsiviup aammalu sinerissami tunitsivinni allani tamakkiisumik nunaqavissuniit kalaalliniit pigineqarnissaat Naalakkersuisut kissaatigivaat? 9. Arctic Prime Fischeries kikkunniit pigineqarpa? 10. Arctic Prime Fischeries-imut pisassiissutigineqartut qanoq annertutigippat, taakkunanngalu qanoq annertutigisoq Nanortalimmut tulaassisussaatitaappat? 11. Apeqqummi 2, 3 aammalu 10-mi apeqqutigineqartut tunngavigalugit, pisissuutaasut taakkua sumut nunamut ingerlateqqinneqartarpat, nalittorsartinneqarlutillu? 12. Arctic Prime Fischeries-imut pisassiissutaasut Islandimut tulaanneqartarnissaannik akuersissuteqartoqarpa? Taamaassimassappat qanoq annertutigisoq Island-imut tulaanneqarsinnaatitaava? Sumillu tamanna tunngaveqarpa? 13. Nunatta pisuussutai aalisakkat, kinguppaat qaleruallillu nunatsinni tamakkiisumik nunaqavissuniit suliffeqarfinniit pigineqarnissaannut piumasaqaammat Naalakkersuisut isumaqataappat? 14. Imaani pisuussutitta nalingisa ingerlaartarnerat (Tranfer pricing) eqqarsaatigalugit qulaajaasoqarpa, tamannalu ingerlanneqarsimappat sumut killippat? Aammalu qaqugu tamakku inuiaqatigiinnut Inatsisartunullu saqqummiunneqassamaarpat? 15. Naalakkersuisut allanik paasissutissaasinnaasunik peqarpat? Inatsisartunut ilaasortaq Erik Jensen, Siumut

1. Naalakkersuisup qanoq Vinter-OL-imi Italiami peqataaneq suliamut atatillugu angalanertut Naalakkersuisut ataatsimut nuna tamakkerlugu ataatsimoornissamik aammalu Kalaallit Nunaata tatisimaneqarnerani najummatsisimanissamik oqariartuuteqareersut qanoq nassuiaateqarfigisinnaavaa? 2. Naalakkersuisup Vinter-OL Italiami peqataanermigut angusassatut naatsorsuutaasut aaliangersimasumik Kalaallit Nunaannut sunniuteqaataasussat nassuiaateqarfigisinnaavai? 2a. Qanoq taakku innuttaasunut toqqaannnartumik piffissami uani iluaqutaappat? 3. Danmarkimut Italiamullu suliamut atatillugu angalanermi aningaasartuutaasut tamakkiisumik qanoq annertutigippat? 3a. Aningaasartuutit taakku Naalakkersuisup qanoq innuttaasunut piffissami uani akisussaaffeqaqqusaasunut ataatsimooqqusaasunullu nassuiarsinnaavai? 4. Naalakkersuisup kikkut tamarmik ataatsimoornissaannik oqariartuuteqareerluni politikkikkut piffissami pingaaruteqarluinnartumi nunanut allanut angalanissaq ilaatigut Vinter-OL-mut peqataajartornermik pingaartitaqarnerunini qanoq inuiaqatigiinnut ataatsimooqquneqartunut oqariartuuteqartippaa? 5. Naalakkersuisup inuttut nammineq Vinter-OL-imi peqataanissaa pingaaruteqarsimava? 5a. Imaluunniit tamanna sipaaruteqarniarluni Kalaallit Nunaanniit aallartitatut atorfilittanit ingerlanneqarsinnaasimagaluarpa? 6. Naalakkersuisoq isumaqarpa Vinter-OL-imut peqataaneq innuttaasut Kalaallit Nunaata inissisimanera pillugu ataatsimoornissaannik aallussinissaannillu kaammattueriarluni akisussaassuseqartumik pingaarnersiuinerusoq? 7. Vinter-OL-imi peqataanermi Naalakkersuisunik allanik peqataasoqarpa? 8. Naalakkersuisup ataatsimiinnerni alloriaatit aaliangersimasut suut anguneqarsimanersut Naalakkersuisoq peqataaqqaartinnagu anguneqarsinnaasimanngitsunik taasaqarsinnaava? 9. Tassa imaappa Kalaallit Nunaat maanna navianartorsiornartumi inissisimajunnaarsimasoq, Naalakkersuisup piffissami matumani nunanut allanut angalanissaq ilaatigut Vinter-OL-mut peqataanissaq pingaartinneruppagu? Inatsisartunut ilaasortaq Lars Poulsen, Siumut

1. Peqqinnissaqarfiup ineriartortinnissaanut ukiuni sisamani tulliuttuni Naalakkersuisut suut pingaarnertut periusissatut suliaraat aammalu qanoq tulleriiaarneqarpat? a. Peqqinnissaqarfimmut periusissiap suliarineqarnissaanut piviusunngortinneqarnissaanullu akisussaaffik qanoq ittuua departementip peqqinnissaqarfimmilu aqutsisut akornanni? 2. Ukiuni sisamani tulliuttuni Kigutilerisoqarnerup ineriartortinnissaanut Naalakkersuissut suut tamakkiisumik suliniutiginiarpaat? a. Kigutit nakorsaatut atorfiit maannakkorpiaq qassit inuttaqanngillat? i. Kigutilerisussarsiornermut kigutilerisullu tigummiinnarnissaannut suliniutit suut Naalakkersuisut aallartissimavaat pilersaarutigalugilluunniit? ii. Immikkut ittumik suliniuteqarnissamik pilersaaruteqartoqarnerluni Nuup avataani atorfinnut inuttaliinissamut? b. Aningaasat katilligut qassit kigutit nakorsaqarnerup iluani siunnersortinut 2025-imi atorneqarsimappat? 3. Elektroniskimik napparsimasunut nalunaarsuutip nutaap (EPJ) atulerneranut atasumik, akisussaaffiit qanoq agguataarneqarpat tassani pineqarlutik departementip, peqqinnissaqarfimmi aqutsisut aammalu sullissisut allat akornanni? a. Naalakkersuisut piffissaliussatut pilersaarut suna EPJ-ip nutaap atuutilersinneqarnissaanut sulissutigaat? i. Atuutilersinneqarnissaanut suliniutit qanoq sivisutiginissaat naatsorsuutigineqarpat? b. EPJ-ip nutap atuutilersinneqareernerani kia ingerlatsinermut akisussaaffik pingaarneq tigummissavaa? 4. Peqqinnissaqarfimmi aamma Inussuk IT akornanni suliassat agguataarneri qanoq aalajangersarneqarpat? a. Maannakkut aaqqissuussineq Peqqinnissaqarfimmi IT-mut tunngatillugu marlunnik ingerlatsisoqarnissaanik suut tunngavilersuutaasimappat? 5. Peqqinnissaqarfimmi IT-mut immikkoortortaqarfimmi ukiumut ingerlatsinermut aningaasartuutit qanoq annertutigippat? a. Peqqinnissaqarfimmi IT-immikkoortortaqarfimmi siunnersortinut 2025-imi aningaasat qanoq annertutigisut atorneqarsimappat? 6. Inussuk IT-mi ukiumut ingerlatsinermut aningaasartuutit qanoq annertutigippat? a. Inussuk IT-p siunnersortinit sulisitsinermut 2025-imi aningaasat qanoq annertutigisut atorsimavaat? 7. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Inatsisartunut ilaasortaq Napaartoq Isak Petrussen, Demokraatit

1. Aalisartut CVR normutaarnissaminnut iluatitsisimanngitsut qanoq pilersaarfigineqarpat? 2. Attaveqaatit arriippallaarneri peqqutaallutik iluatsinneq ajulertut iliuuseqarfiginiarneqarpat? Inatsisartunut ilaasortaq Iddimanngiiu Bianco, Inuit Ataqatigiit

1. Inatsisartut imm. 185 (UKA2025)1 oqaluuserineqarnerani, Naalakkersuisut Siulittaasuat Jens Frederik Nielsen ilaatigut oqarpoq “Amerikarmiut akuersaarnavianngilaat Naalagaaffinngupiloorneq ullumi”. Kisianni Amerikamiit (USA) qinikkat allatut uagutsinnut avammullu killormut oqarput2 3. Naalakkersuisut namminneq isumaat naapertorlugu, Inuiaat Kalaallit maannakkut Naalagaaffinngornissamut aalajangiissappata, aalajangiineq Amerikamit (USA) ataqqineqassasorineqarpa? Inatsisartunut ilaasortaq Juno Berthelsen, Naleraq

A) Naalakkersuisut paasissutissiisinnaappat Royal Arctic Line A/S umiarsuarnik attartortarnertik pillugu? 1. Qanoq amerlatigisut umiarsuit Royal Arctic Line A/S 2024-mi attartornikuuai aammalu ukiuni tallimani kingullerni. 2. Attartornerit naatsumik imaluunniit sivisuumik isumaqatigiissutaasarpat? B) Qanoq annertutigisimappat aningaasartuutit umiarsuarnik attartornermut tunngasut Royal Arctic Line A/S-imut: 1. 2024-mi? 2. Agguaqatigiisillugu ukiumut, ukiuni tallimani? C) Umiarsuarnik attartorneq Royal Arctic Line A/S-ip aningaasartuutaani ukiumut procentinngorlugu ingerlatsinermut qanoq annertutigippat?v Inatsisartunut Ilaasortaq Bentiaraq Ottosen, Atassut

1. Naalakkersuisut tunisinermi akit atuuttut ilisimatitsissutigisinnaanerlugit (kr./kg) aalisakkanut assigiinngitsunut Royal Greenlandip tunitsiviini aamma Kalaallit Nunaanni sumiiffiit tamaasa (uani Kalaallit Nunaata Avannaa, Diskobugti, Kalaallit Nunaata qeqqa, Kalaallit Nunaata Kangia aamma Kalaallit Nunaata kujataa): a. Saarullik b. Qaleralik (sinerissap qanittuani aamma avataani, attuumassuteqartuni) c. Nipisap suai d. Sinerissap qanittuani allat pingaaruteqarsinnaasut Paasissutissat suunerinik immikkoortiterneqarnissaat kissaatigineqarpoq: pitsaassuseq- aamma angissutsit, qanoq tunineqarneri (iluitsut, aserorsimasut, niaquikkat, uumatillugit assigisaallu), bonuseqartitsilluni aaqqissuussinerit, kingorna akiliinerit imaluunniit ukiup qanoq ilinerani tapeqartitsinerit kiisalu ulloq kingulleq akinik allannguiffik. 2. Royal Greenlandimi nunap sortaani akinik assigiinngisitsinerit tigussaasut uppernarsaaserlugit aalajangiinerit takuneqarsinnaappat, suullu malillugit ataani allassimasut pingaarnersiorneqartarpat: a. Ingerlasussanik piareersarneq aqutsinerlu aamma angallassinermut aningaasartuutit b. Annertussuseq aamma inissaqassutsimik atuineq c. Kiilumut tunisassiornermut aningaasartuutit d. Avammut tuniniaanermi niuernermi aki e. Sumiiffimmi pineqartumi unammillersinnaassuseq 3. Naalakkersuisut Royal Greenlandimik piginnittutut ingerlatseqatigiiffiup akinik aalajangiisarneranut pingaarnertut periuseq iluseq atugartik allakkatigut nassuiaasiorlutik saqqummiiniarpat, uani ilanngullugu nunap ilaani sumiiffinni assigiinngitsunik naatsorsueriaaseq qanoq ittuunersoq? 4. Royal Greenlandip pisortanit pigineqarneranut aamma inuiaqatigiinni inissisimaneranut, tunisinermi akit nunap ilaani sumiinneq peqqutaalluni assigiinngitsunik malunnartumik akeqartitsinerit naapertuuttut Naalakkersuisut isumaqarpat – pingaartumik sumiiffinni killilimmik imaluunniit unammillerfiunngilluinnartuni? 5. Royal Greenlandimut tunngatillugu piginnittuunermut politikkimi tigussaasut suut 2 sinaakkutaappat aalajangersarneqarsimasut: a. Tunisinermi akit ammasumik ersarissusaat b. Sumiiffikkaartumik tunisinissamut pisussaaffik c. Isorliunerusuni nunaqarfinnilu ineqariaatsimut isertitallu tunngavigineqarnerannut qajassuussineq d. Niuernerpalaartumik inuiaqatigiinnullu akisussaassuseqarnerup oqimaaqatigiissinnissaannut qajassuussineq 6. Naalakkersuisut atuutsitsilersitsinissaminnut qulakkeerinninniarpat: a. Sumiiffikkaartumik tunitsivikkaartumillu ingerlaavartumik tunisinermi akinik tamanut takuneqartussanngorlugit saqqummiinerit b. Assigiissaakkamik tamanullu ammasumik akinik assigiinngisitsinermut periutsip nassuiarneqarnera (soorlu pingaarnertut aningaasartuutit assigiissakkat aallaavigalugit) c. Sinerissap qanittuani aalisarnermi akit pilersinneqarnerannut ukiumut nalunaarusiorneq 7. Naalakkersuisut akinut nakkutilliinernik imminnut ataqatigiissagaanngitsunik pisariaqartitsisoqarnersoq, imaluunniit sinerissap qanittuani aalisarnermi akinik siunnersuinernik ukiumut nalilersorneqartartussanik misissuiniarpat: a. Akinik aalajangersaanerup eqqortuunera b. Naatsorsuinermi tunngaviusumi ersarissuseq c. Sumiiffinni unammillernermi killeqarfiusuni niuernermi pissutsit Inatsisartunut ilaasortaq Jens NapãtôK’, Naleraq

1. Ittoqqortoormiini mittarfiliornissamut Naalakkersuisunit isumaqatigiissutigineqartutut taaneqarluni saqqummiunneqarpoq, kisiannili toqqaannaq aningaasartaqanngitsut aallaavigineqarlutik. Tamanna pillugu: a. Qaqugu Ittoqqortoomiini mittarfik aallartinneqassava / piareerneqarlunilu? b. Ittoqqortoomiini mittarfissaq qanoq akeqassava, qanorlu aningaasalersorneqassava? c. Ittoqqortoormiini mittarfissaq inunnut angallannissamut akikillisaataassava? d. Kina imalt. kikkut piginnittuussappat? e. Qanoq takitiginiarpa? f. Qanoq aamma atorneqarniarpa? g. Mittarfimmiit Ittoqqortoormiunut aqqusinissaq qaqugu aallartinniarpa? h. Aqqusinissaq qanoq akeqassava qanorlu aningaasartalersorneqassava? Inatsisartunut ilaasortaq Mette Arqe-Hammeken, Naleraq

1. Naalakkersuisut KNI Pilersuisup Upernavimmi pisiassat ikilisinnissaanik aalajangiinikuuppat? Taamaassimappat inuit nunaqartut periarfissai annikillisinneqarpat? 2. Upernavimmilu pisiniarfituaalluni taanna Pilersuisoq allanik periarfissaqarnani, avinngarusimasuniittut akitigut annertuumik illoqarfinni allanit annertunerusumik akiliisareersut aamma periarfissatuaat pisiassat ukiuni kingullerni ikilisaaffigineri Naalakkersuisut iluarsiiffiginiarneqarpaat qinigassat amerlisillugit? 3. Naalakkersuisut taamaaliorsinnaanngippata suna aporfiua? 4. Naalakkersuisut sineriammi avinngarusimasut nunaqarfiillu sipaarniarfiginiarfigivaat? 5. Naalakkersuisut Pilersuisoq pillugu paasissutissanik allanik ilisimatitsissutissaqarpat? Inatsisartunut ilaasortaq Isak Johannessen, Naleraq

Naalakkersuisut qanoq naliliiffigaat Aasianni aalisakkeriviup nunami tunitsiviup siunissaa 2026-2027-mut, aammalu sutigut tigussaasunik pilersaaruteqartoqarpa suliffissaqartitsineq aammalu inuussutissarsiorneq qulakkeersimaannarniarlugit piujuarnissaat sumiiffimmi, pisassiissutit tulaanneqartartut tunngaviusut annikillissappata? Inatsisartunut Ilaasortaq Aqqalu C. Jerimiassen, Atassut

1. 1963-imi kalaallit nunatsinni avannaani ullorissap ujaraa savimineq nassaarineqartoq, massakkullu qallunaat nunaanniittoq nunatsinnut angerlaateqqinnissaa qanoq naleqassava? 2. Sooruna suli nunatsinnut angerlaanneqanngittoq? 3. Kalaallit nunatta ulloriaq pigivaa? 4. Ullorissap ujaraa pillugu qallunaat nunaata kalaallillu nunaata isumaqatigiissutigisimasaa pissarsiarisinnaavarput? Inatsisartunut ilaasortaq Mette A-Hammeken, Naleraq

1. Nunatsinni tartumikkut napparsimasut qassiuppat? 2. Nunatsinni tartumikkut napparsimasut nutaamik tartulersinnissaminnut periarfissaqarpat? 3. Nunatsinni tartumikkut napparsimasut Danmarkimi tartulersinnissaminnut periarfissaqarpat? 4. Tartulersitsinneq qanoq akeqarpa? 5. Siornatigut Kalaallit Nunaanni najugaqaannarluni tartulertinnissamut utaqqisunneq unitsinneqarnikuua, sunalu peqqutaava? Inatsisartunut ilaasortaq Mette Arqe-Hammeken, Naleraq

1. Nuummi Imarsiornermik Ilinniarfiup illu atugaata attartornera Namminersorlutik Oqartussanut ullumikkut qanoq akeqarpa? 2. Massakkut atugassarititaasut Nuummi Imarsiornermik Ilinniarfimmi ilinniartitsinernut, praktikkernernut, ineriartortitsinernullu qanoq tunngavissiinersut Naalakkersuisut nalilerpaat? 3. Nuummi Imarsiornermik Ilinniarfimmut ullumikkutut illumik attartorani, illumik pigisaqaraanni naleqqunnerussanersoq Naalakkersuisut naliliinikuuppat? 4. Nuummi Imarsiornermik Ilinniarfimmut illumik nutaamik pigisassaminnik Naalakkersuisut sanaartortitsissappata tamanna pisortanut aningaasatigut, allaffissornikkullu sunik kingunissaqarpa? 5. Imarsiornermik Ilinniarfik, imarsiornermillu ilinniarfinni pisariaqartitat siunnerfigalugit Nuummi nutaamik illuliortoqaruni Naalakkersuisut qanoq akeqassangatippaat? 6. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Bo Martinsen, Demokraatit

1. Partiit aningaasanut inatsimmut 2026-imut isumaqatigiissutaanni 4.4.1-mi allassimavoq: “Naalakkerisuisut ilisimavaat ilaqutariinni sinaakkutit nikittorsarnissaannut aamma Kalalliit Nunaanni ilaqutariit meerartalinnut atugarisaasut pilerinartut qulakkeerneqarnissaannut pisariaqartitsineq, kiisalu ataatsimut isigalugu aaqqissuusseqqinneq siunertaralugu ernereernermi sulinngiffeqartarneq pillugu inatsit atuuttoq misissussallugu suliniuteqarneq aallartereerlugu. Pitsanngorsaanissamut, kiisalu siunissami inatsimmik allannguinissamut tunngavimmik pilersitsinissamut inatsisitigut aamma aningaasaqarnikkut periarfissat misissuinerup ersersissavai. Naalakkersuisut taamaattumik siunertarat aaqqiissutinik eqaannerusumik aamma ullutsinnut tulluarnerusunik, meeqqap naalugiarsuunerani angajoqqaat isumassuinissaannut periarsissaanik tapersiisunik peqarnissaq.” Suli naatsorsuutigissavarput aningaasanut inatsisissamut 2027-imoortumut tunngatillugu Naalakkersuisut siunnersuummik suliaqassasut? A. Taamaappat suliaqarnissamut partiit aggersarneqassappat? B. Taamaanngippat qaqagu siunnersuummik suliaqqaarnermut aningaasaqarnikkut kingunerisassat naammassineqassappat? 2. Naalakkersiuisut isumaqarpat isumaqatigiissutit aqqutigalugit meerarisap ullormi ataatsimi napparsimanerani angerlasimasinnaatitaanermut tunngasortaa ullutsinnut tulluartuusoq? A. Itilisiisumik politikkikkut iliuuserineqarsinnaasut nassuiaqquneqarput. 2 3. Meeqqap napparsimanerani angerlarsimasinnaatitaaneq ulloq ataasiusoq ullormik ataatsimik ilaneqarpat aningaasatigut kingunissaa naatsorsorneqarsimava? A. Taamaappat nassuiaqquneqarpoq. B. Taamaanngippat aningaasatigut kingunissaata naatsorsorneqarnissaannut Naalakkersuisut suliaqassappat? 4. Naalakkersuisut nunatsinni sulisartut aamma sulisitsiut kattuffii ilaqutariit sulinermikkut atugassarititaat pillugit aaqqissuusseqqinnissamik siunertaqarlutik oqaloqatigisimavaat? A. Taamaappat oqaloqatigiinneq siunnerfeqaqatigiiffiua? B. Taamaaanngippat Naalakkersuisut pilersaaruteqarpat sulisartut sulisitsillu kattuffii siunnerfeqaqatigalugit ilaqutariinnut iluaqutsiisussamik isumaqatigiissusiorsinnaappat? Inatsisartunut Ilaasortaq Paarma Lund Kreutzmann, Inuit Ataqatigiit

1. Silaannakkut angallannermi kiffartuussinissamut isumaqatigiissut aalajangersimasoq pillugu tassalu Nerlerit inaanniit Islandimut aamma Islandimiit Nerlerit inaannut isumaqatigiissut tamaat qanoq imaqarneranik Naalakkersuisut ilisimatitsisinnaappat? 2. Silaannakkut angallannermi kiffartuussinissamut isumaqatigiissut aalajangersimasoq pillugu, tassalu Nerlerit inaanniit Islandimut aamma Islandimiit Nerlerit inaannut billetsit akiisa nalinginik Naalakkersuisut allannguinikuuppat? 3. Silaannakkut angallannermi kiffartuussinissamut isumaqatigiissut aalajangersimasoq pillugu, tassalu Nerlerit inaanniit Islandimut aamma Islandimiit Nerlerit inaannut, bilitsimi siumut aamma utimut akigititaasut tamaasa 2026-mi atuuttut aammalu siunissami atuuttussat akitigut qanoq inissisimanerat pillugu Naalakkersuisut ilisimatitsisinnaappat? 4. Silaannakkut angallannermi kiffartuussinissamut isumaqatigiissut aalajangersimasoq pillugu, tassalu Nerlerit inaanniit Islandimut aamma Islandimiit Nerlerit inaannut timmisartumi inissat qanoq inissisimappat – uani eqqarsaatigineqarpoq inissat nunatsinni najugaqartunut salliunneqassappat imaluunniit takornarissallu naligiimmik inissisimassappat? 5. Silaannakkut angallannermi kiffartuussinissamut isumaqatigiissut aalajangersimasoq pillugu tassalu Nerlerit inaanniit Islandimut aamma Islandimiit Nerlerit inaannut poortukkat assartoqarneqartarnerat isumaqatigiissummi qanoq inissisimanera pillugu Naalakkersuisut qanoq ilisimatitsisinnaappat? 6. Silaannakkut angallannermi kiffartuussinissamut isumaqatigiissut aalajangersimasoq pillugu, tassalu Nerlerit inaanniit Islandimut aamma Islandimiit Nerlerit inaannut Naalakkersuisuniit allatut iliuuseqalikkersaartoqarpa pitsaanermki angalanissaq qulakkeerniarlugu? Aamma ilanngullugu Nerlerit inaanniit nunatta iluani angalaniarneq eqaallisarniarlugu isumaqatigiissut aaqqiissuteqassagaanni soorlu Nerlerit inaanniit Nuummut aamma Kulusumut angalaniaraanni qanoq allannguineq aaqqiineq akeqassava? 7. Isumaqatigiissut Nerlerit inaanniit Reykjavikkimut uterlugulu aamma atuuppa? Naamiuppat sooruna taanna isumaqatigiissummi ilaanngitinneqanngittoq? Aamma 2 sooruna Nerlerit inaanniit Reykjavikkimut uterlugulu bilitsit akii allanngortartut? Bilitsi akitigut qanoq inissisimagami? Inatsisartunut ilaasortaq Mette Arqe-Hammeken, Naleraq

1. Naalakkersuisut ilisimtitsissutigisinnaavaat Kalaallit Nunaat kiap/kikkut pigigaat? 2. Nammineq uagut kalaallit pigaarput oqartussaaffigalugulu qanoq iliornissamik aalajangiisinnaalluta Kunngeqarfik Danmark aqqutigeqqaarnagu? 3. Uagut Kalaallit inatsisitigut naqissusikkamik kinaassuseqarpugut imaluunniit oqaasiinnartigut oqaannarluta “uanga kalaaliuvunga” taamatut kinaassuseqartitaavugut? 4. Inatsisitigut kinaassuseqarutta, suut piumasaqaataappat? Sumilu atuarneqarsinnaappat? 5. Qanoruna kalaallit uagut inissisimasugut - 100%-imik sumiinnerlunga paaserusuleqqavara, oqaluttoqarpormi Kunngeqarfiup ataaniikkatta qallunaajusugut, tassa kalaaliusugut qallunaanit pigineqartut - ilumoorpa qallunaajusugut? Inatsisartunut ilaasortaq Mette Arqe-Hammeken, Naleraq

1. Avannaata kitaatigut aqqutit ammarpata (Nord Vest Passagen) umiarsuarujussuit orsiaatit allallumi tamaana ingerlaalernissaat eqqarsaatigalugu, uumasut miluumasut ullumikkut upernaraangat najortagaat eqqissisimatitaaffiat, umiarsuit pajuttaatit aqqutigilerpassuk Naalakkersuisut qanoq periuseqarniarpat aammalu pilersaaruteqarpat? Inatsisartunut ilaasortaq Isak Johannessen, Naleraq

1. Upernavimmi napparsimaviup ulloq unnuarlu tamakkiisumik ingerlanissaa qulakkeerniarlugu Naalakkersuisut maannakkut qanoq iliuuseqapallanniarpat? 2. Naalakkersuisut qanittukkut ungasinnerusukkullu nakorsat, peqqissaasut peqqinnissaqarfimmilu sulisut allat atorfinitsinneqarnissaat sulisoriinnarnissaallu qanoq qulakkeerniassavaat? 3. Kiffartuussinerup ajorseriaqqinnginnissaa suliassalluunniit pingaarutillit unitsinneqarnissaat pinngitsoortinniarlugu Naalakkersuisut immikkut aningaasaliissuteqarniarpat? 4. Naalakkersuisut qanoq qulakkeerniarpaat nunaqarfiit qulingiluat eqqissisimasumik piffissarlu eqqorlugu nakorsiarsinnaanissaat? 5. Naalakkersuisut neriorsuuteqassappat napparsimavik ulloq unnuarlu napparsimaviinnaanngitsoq ulluinnarni (8-16) ammasoq, kisiannili ulloq unnuarlu peqqinnissaqarfimmik ajoqusersimasut uninngaviannik peqartoq, ingerlaannassasoq. Inatsisartunut ilaasortaq Isak Johannessen, Naleraq

1. Nunatsinni aningaasat qanoq amerlatigisut realkreditsforeninginut ukiuni kingullerni qulini taarsigassarsiarineqarsimappat? Ukiukkaartumik agguataarnerat akissummi ersissaaq. 2. Realkredittinut taarsigassarsiat ukiuni qulini kingullerni illoqarfikkaartumik agguataarneri qanoq isikkoqarpat? Ukiukkaartumik agguataarnerat akissummi ersissaaq. 3. Realkredittitut taarsigassarsititsisarfiit suut nunatsinni ukiuni kingullerni qulini taarsigassarsititsisimappat? Taakku sumi angerlarsimaffeqarpat? 4. Realkredittinut taarsigassarsianut ukiuni kingullerni qulini qanoq aningaasat amerlatigisut nunatsinni akileraarutitigut ilanngaataappat (rentefradrag)? Ukiukkaartumik agguataarnerat akissummi ersissaaq. 5. Ukiuni qulini kingullerni aningaasat qanoq amerlatigisut tamakkiisumik erniatigut nunatsinni akiliutigineqarsimappat? Ukiukkaartumik agguataarnerat akissummi ersissaaq. 6. Aningaasat qanoq amerlatigisut ukiuni kingullerni qulini pigisat aalaakkaasunik qularnaveeqqutitut realkredittimik taarsigassarsititsisartunut qularnaveeqqusiunneqarsimappat? Ukiukkaartumik agguataarnerat akissummi ersissaaq. 7. Namminersorlutik Oqartussat kommunit Ingerlatseqartigiiffiillu tamakkiisumik Namminersorlutik oqartussanit pigineqartut tamakkiisumik katillugu qanoq annertutigisumik Realkredittinut taarsigassarsititsisarfinnut taarsigassarsiaqarpat? Inatsisartunut ilaasortaq Lars Poulsen, Siumut

1. Kalaallit Nunaanni piniartutut nalunaarsukkat qassiuppat? 2. Sooruna Naalakkersuisut piniartut piniakkaminnik inuussutiminnik taama killersuitigisut? 3. Ullutsinni suna tamaat akitsoriartortoq taava sooq piniartut malinnaatinneqassanngillat Naalakkersuisut piniagassanik killilersuinerat annikillisillugut? 4. Nannut amii qilalukkallu tuugaavi nunatta avataanut tuniniarneqarsinnaanngillat, killilersorneqarmata – Naalakkersuisut qanoq pilersaaruteqarpat Piniartut taakkuninnga oorisiutigilernissaanut aaqqissutinik? 5. Piniartut atugaanni arlaatigut pitsanngorsaataasinnaasunik suut Naalakkersuisuniit iliuuseqarfiniarneqarpat? a. Aamma suut anguniarneqarpat? Inatsisartunut ilaasortaq Mette Arqe-Hammeken, Naleraq

1. Ukiuni 2020-2025 Arctic Prime Fisheries ApS-ip Tunumi avataasiortunik saarullittassinneqarnermini pisassiissutigineqartunik qanoq annertutigisumik ukiumut aamma aqutsivinnut sorlernut tunisisarpat? 2. Ukiuni 2020-2025 Arctic Prime Fisheries ApS-ip avataasiortunik saarullittaminit ukiumut tonsinngorlugit qassit Kujataanut tunisarpai? 3. Ukiuni 2020-2025 Arctic Prime Fisheries ApS-ip Tunumi avataasiortunik saarullittaminit Kujataanut procentinngorlugit qassit ukiumut tunisarpai? 4. Ukiuni 2020-2025 Arctic Prime Fisheries ApS-ip angallatai Kujataani avataasiortunik saarullittaminik tunisileraangata KANUAPNA qasseriarluni ukiumut misissuisarpa? 5. Ukiualuit matuma siorna Arctic Prime Fisheries ApS-ip Tunumi avataasiortunik saarullittaminik 50 %-imik tulaassisussaatitaavoq. Ukiuni 2020-2025 Arctic Prime Fisheries ApS-ip tulaassisussaatitaanini naapertorlugu Tunumut saarullittaminnik ukiumut qanoq annertutigisumik tunisisarpat? 6. Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup ukiuni 2014-2026 islandimiut ingerlatseqatigiiffissuat Arctic Prime (taassuma ataaniipput Arctic Prime Fisheries ApS, Arctic Prime Coastal ApS aamma Arctic Prime Production ApS) ukiumoortumik naatsorsuutaannik piumaffigisimavaat? 7. Naalakkersuisut eqqunngitsuunerarsinnaavaat suliffeqarfissuup Arctic Prime-p iluminni nunamiit nunamut aningaasanik nalilinnillu nuussisarnernut periuutsit, ilaatigut taaneqartartut ‘transfer pricing’ assigisaalu atuutsittaraat avataasiortunik saarullittanik Islandimut nioqquteqaleraangamik? 8. Aalisarneq pillugu Inatsimmi §1 malillugu siunertaavoq qulakkeerneqassasoq inuiaqatigiinnut siunissami sapinngisamik annerpaamik aningaasaqarnikkut aalisarneq iluaqutaassasoq. Naalakkersuisut qanoq isumaqarfigaat Arctic Prime Fisheries ApS amerlanertigut ukiumiit ukiumut amigartoorujussuartarmat, taamaalillutillu ingerlatseqatigiiffittut akileraaruteqartarnerat inuiaqatigiinnut kalaallinut iluaqutaasannginnera? 9. Arctic Prime Coastal ApS-ip 2024-mi ukiumoortumik naatsorsuutai malillugit ingerlatseqatigiiffiup nammineq pigisai 228 mio.kr-nik amigartooruteqarput. Naalakkersuisut isumaqarpat Arctic Prime tassaasoq islandimiut iluaquserniarlugit anngiortumik nioqquteqarfik? 2 10. Naalakkersuisut naliliinerat malillugu Arctic Prime Fisheries ApS-ip ukiumut amigartoortuaannarnerat, taamaattumillu inuiaqatigiinnut akileraartannginnerat peqqutigalugu siunissami pisassinneqartarnerannut sunniuteqartinneqartariaqartoq? Inatsisartunut ilaasortaq Jens NapãtôK’, Naleraq

1. Naalakkersuisut amerikamiut oqartussaasuinut imaluunniit aallartitaannut allakkatigut ersarissumik ataatsimiissimanerminnut, attaveqarsimanerminnut oqalliseqateqarsimanerminnullu nalunaajaasinnaappat, uani piffissaq, peqataasut, oqaluuserisassat, kiisalu politikikkut isummernerit suut, kalerriinerit, qanoq pilersaarnermik nalunaarutit imaluunniit Kalaallit Nunaat sinnerlugu Naalakkersuisut pilersaarusiornermut nalunaarutiginnissimappat? 2. Naalakkersuisut inatsisitigut aamma inatsisartunit tunngavissinneqarsimanertik nassuiarsinnaavaat, taamatut politikikkut saqqummiussinissaminnut, Inatsisartunit pisinnaatitsissummik imaluunniit Inatsisartunut peqataatitseqqaartigatik? 3. Naalakkersuisut uppernarsarsinnaanerlugu oqallinnerminni uku pisimanngitsut: neriorsuinerit, neriorsuummik suliaqarneq, imaluunniit toqqaannartumik politikikkut nalunaarutiginninnerit imaluunniit Kalaallit Nunaannik politikikkut toqqaannanngitsumik pisussaaffiliinerit, aningaasatigut, sillimaniarnermut politikikkut pilersaarusiornermut tunngasut Inatsisartut aalajangiinissaannut peqataateqqaarnagit? 4. Naalakkersuisut - Inatsisartut aqutsisussaanerannut nakkutilliisussaanerallu eqqarsaatigalugu -naleqquttutut isigaat Inatsisartut, illuatungiliuttut partiit ilanngullugit - Inatsisartutigoortumik piumasarineqartut aqqutit atornagit, kisiannili pisortatigoortumik oqariartuuteqarnikkut tusagassiuutitigullu eqqartorneqartutigut? 5. Naalakkersuisut akuersaarsinnaanerlugu - inatsisartut nakkutilliissussaatitaanerat eqqarsaatigalugu - amigartumik imaluunniit naammaginanngitsumik Inatsisartunut ilisimatitsinerit taamatut ittut Naalakkersuisut nalunaaruteqartussaatitaanerannut unioqqutitsinerusoq, aamma taamaattumik Naalakkersuisut siumut isigisumik imminnut pisussaaffilersinnaanerlutik: Inatsisartunit pisinnaatitsissummik peqartigani nunanut allanut politikikkut nalunaaruteqartannginnissamut, aamma qulakkeerluarsinnaanerlugu, allakkatigut aamma piffissaq eqqorlugu partiinut tamanut Inatsisartut suliaannut tunngasuni inuiaqatigiinnut pingaaruteqartuni ilisimatitsinissamut? Inatsisartunut ilaasortaq Jens NapãtôK’, Naleraq

1. Kiffartuussinermi kikkut nunatsinnut poortukkanik nassiussanut akisussaasuuppat? 2. Sumiiffimmut tikinneranni kiap aasarpai? 3. Poortukkat assartorneqarnerminni sumi uninngatinneqartarpat? 4. Tigusisussanut aalleqqusinermi attaveqarniarneq qanoq naammassineqartarpa? 5. Piffissamik sivisungaatsiartumik nassiussanik agguaasarnermut ajornartorsiut aaqqinniarlugu tusass susassaqartullu qanoq pilersaaruteqarpat? 6. Siviuumik utaqqisarneq ajornartorsiut pillugu innuttaasuniik Naalakkersuisunut naammagittaalliuutinik apuussisoqarnikuua? Qassit apuussaqarnikuuppat? Inatsisartunut ilaasortaq Lars Poulsen, Siumut

1. Naalakkersuisut qanoq nalilerpaat, Ilulissani imarpik qulaallugu mittarfiup inuussutissanik nutaanik pissarsinissamut periarfissat pitsannguuteqassanersut Avannaata Kommuniani aamma Kommune Qeqertalimmi, tassani pineqarlutik paarnat naatitallu? 2. Ilulissani imarpik qulaallugu mittarfimmiit angallassassat ingerlateqqinneqarnissaannut periarfissat suuppat, tassani pineqarlutik nioqqutissiassat nutaat avammut tuniniarneqarneri, mittarfik ammarpat? 3. Angallannermut aqutsisoqarfiup suut piumasaqaatigai upalungaarsimanermut, tassani pineqarlutik imermik pilersuineq ikuallattunillu qamisaaneq, Ilulissani imarpik qulaallugu mittarfissap ammarneqarsinnaaneranut ingerlassinnaaneranullu nunanut tamalaanut mittarfittut? 4. Ilulissani imarpik qulaallugu mittarfimmi akitsuuteqanngitsunut pisiniarfimmik pilersitsinissamut Naalakkersuisut sunik eqqarsaasersuuteqarsimappat? 5. Naalakkersuisut oqaluuserisamut soqutiginaatilinnik allanik paasissutissiisinnaanerlutik? Naalakkersuisunut ilaasortaq Justus Hansen, Demokraatit

1. Nunatsinni utoqqaat utoqqaat illuaniittut qassiuppat? 2. Kommunikkaartumik qassiuppat? 3. Utoqqaat utoqqalinersiaanik utoqqaat illuaniittut qanoq ilanngaanneqartarpat? 4. Kommunikkaartumik utoqqalinersiat tamakkiisumik tunniunneqartalertuuppata qanoq pisortanut naleqassua? Inatsisartunut ilaasortaq Jens NapãtôK’, Naleraq

1. Inatsit atuuttoq naapertorlugu allaffissornikkut, aqutsinikkullu meeqqerivinni aqutsisunit ullumikkut suliareqqusaasut Naalakkersuisut qanoq nalilerpaat? 2. Meeqqerivinni aqutsisut perorsaanikkut aqutsisutut akisussaaffimmi isumaginissaasa periarfissaannut, suliassat massakkut agguataarneqarnerat sunniuteqarnerat Naalakkersuisut qanoq nalilerpaat? 3. Pingaartumik sulisunik ataavartunik amigaateqarnermi, meeqqerivinni aqutsisut allaffissornikkut nammataannik oqilisaanissamik pisariaqartitsineq pillugu Naalakkersuisut qanoq isumaliuteqarpat? a. Allaffissornikkut sulisunik imaluunniit sulisunik allanik atuineq ilanngullugu, meeqqerivinni allaffissornikkut suliassat naleqqunnerusumik suliarineqartarsinnaanissaat Naalakkersuisut qanoq tapersersorniarpaat? b. Meeqqerivinnik ulluinnarni ingerlatsinermi, allaffissornikkullu sulinermi NI-mi soraarummeersimasut ilanngullugit allaffissornermi ilinniarsimasut akuutinneqarnerunissaanut suut Naalakkersuisut periarfissaasoraat? 4. Meeqqerivinni aqutsisut eqqissillutik, illersorneqarsinnaasumik, inatsisillu siunertaanut naapertuuttumik suliassaminnik suliaqarsinnaanissaannut pisariaqartumik sinaakkuteqalernissaat Naalakkersuisut qanoq qulakkeerniarpaat? 5. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Pipaluk Olsen, Demokraatit

1. Juumuut, sulisullu allat naartusunik qanimut sullissisut ilanngullugit peqqinnissaqarfimmi sulisutigut, suliatigullu isumalluutinik massakkut atuineq Naalakkersuisut qanoq nalilerpaat? 2. Ilaqutariinnut ilitsersuinerup, tarnikkut katsorsaanerup, ajoqusernermit kingunerlutitsinermut katsorsaanerup aamma naalungiarsunnik katsorsaanerup iluini peqqinnissaqarfimmi sulisunik ilinniaqqissimasunik atuineq Naalakkersuisut qanoq annertusarniarpaat? 3. Peqqinnissaqarfimmi sulisut ilinniaqqinnermi kingorna kommunip, isumaginninnerup imaluunniit allarluinnaap iluani suliniarlutik peqqinnissaqarfimmit soraartartut pigiinnarumallugit Naalakkersuisut qanoq isumaliuteqarpat? 4. Naartusut, angajoqqaanngortussallu immikkoortortat, immikkoortortaqarfiillu assigiinngitsut akornanni innersuunneqaqattaaratik peqqinnissaqarfimmi ataqatigiinnerusumik, qaninnerusumillu tapersersorneqarsinnaanissaat Naalakkersuisut qanoq qulakkeerniarpaat? 5. Pingaartumik kommunimit neqeroorutit utaqqinarsinnaatillugit naartusunut misigissutsikkut, eqqarsartaatsikkullu inooqataanikkut peqqinnissaqarfimmi siusissumik tapersersuinerup annertusarneqarnissaanut Naalakkersuisut suut periarfissaasoraat? 6. Peqqinnissaqarfimmi sulisut ilinniaqqinnissaannut aningaasaliinerit, peqqinnissaqarfimmi ulluinnarni sulinermi piginnaasat aamma iluaqutigineqarnissaat Naalakkersuisut qanoq qulakkeerniarpaat? 7. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Pipaluk Olsen, Demokraatit

1. Meerarsiat, angajoqqaarsiallu feriaqatigiissinnaanissaannut, sammisassanullu peqataaqatigiissinnaanissaannut massakkut periarfissaasut Naalakkersuisut qanoq nalilerpaat? 2. Meerarsiat feriaqatigisinnaanerinut periarfissat ullumikkut kommunimit, kommunimut assigiinngitsumik iliuuseqarfigineqartarnerat Naalakkersuisut qanoq isumaqarfigaat? a. Meerarsiat kommunimi sumiikkaluarunik feriarnissamut, misigisaqarnissamullu assigiimmik periarfissaqarnerinik qulakkeerisumik nuna tamakkerlugu ersarissunik, assigiinnillu sinaakkuteqartitsinissamik pisariaqartitsineq pillugu Naalakkersuisut qanoq isumaliuteqarpat? 3. Pisortani, namminersortunilu sulisorpaaluit akiliunneqarlutik angalasinnaatitaanerat assigalugu meerarsiat, angajoqqaarsiallu feriarnissaannut aningaasanik immikkoortitsisoqassappat tamanna aningaasatigut, allaffissornikkullu pisortanut qanoq kinguneqassava? a. Meerarsiat atugarissaanerinut, attaveqarnerinut, allanngujaatsumillu atugaqarnerinut taamatut aaqqiissuteqarneq qanoq tapertaasinnaanersoq Naalakkersuisut qanoq nalilerpaat? b. Aaqqiissut kommuninit pisariitsumik, allaffissornikkullu aqunneqarsinnaasumik ilusilersorneqarnissaanut suut Naalakkersuisut periarfissaasoraat? 4. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Pipaluk Olsen, Demokraatit

1. Angajoqqaat qitornami napparsimasup angerlarsimaqatiginissaanut periarfissaat pillugu massakkut malittarisassaasut Naalakkersuisut qanoq nalilerpaat? 2. Meeraq suli napparsimagaluartoq meeqqerivimmukaanneqartillugu meeqqap pisariaqartitai pillugit Naalakkersuisut qanoq isumaliuteqarpat? 3. Meeqqap peqqissinissaata tungaanut angerlarsimaqatiginissaanut angajoqqaaq pisinnaatitaaffilerneqassagaluarpat tamanna aningaasatigut, allaffissornikkullu pisortanut qanoq kinguneqassava? 4. Meeqqerivinni, suliffeqarfinnilu tunillaassuunnermut massakkut malittarisassaasut sunniuteqarnersut Naalakkersuisut qanoq nalilerpaat? 5. Meeqqat peqqissusaat, angajoqqaat suliffeqarnikkut inissisimanerat, meeqqeriviillu ingerlatsinerat eqqarsaatigineqarlutik ataqatigiinnerusunik, eqaannerusunillu aaqqiissutinik pilersitsinissamut Naalakkersuisut suut periarfissaasoraat? 6. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Pipaluk Olsen, Demokraatit

1. Meeqqerivinni massakkut atorfiit akuerisaasut, sulisunullu massakkut sulinermi atugassarititaasut Naalakkersuisut qanoq nalilerpaat? 2. Meeqqerivinni sulisunik amigaateqarnerup, sulinermi tatineqarnerup, ulluinnarnilu meeqqat paarineqarnerisa pitsaassusaata akornanni ataqatigiinneq Naalakkersuisut qanoq nalilerpaat? 3. Meeqqerivinni tamani inimi ataatsimi atorfiit akuerisaasut minnerpaamik sisamanngortinneqassagaluarpata tamanna aningaasatigut, allaffissornikkullu pisortanut qanoq kinguneqassava? 4. Atorfiit tunngaviusumik akuerisaasut amerlissagunik tamanna meeqqerivinni ulluinnarni paarlatseqartariaqartarnermut, sulisutigullu piaartumik aaqqiissuteqartariaqartarnermut qanoq sunniuteqassanersoq Naalakkersuisut qanoq nalilerpaat? 5. Perorsaasut iggavimmi suliassanik, eqqiagassanillu suliaqartariaqartarnerat ilanngullugu sulisut marloqiusamik suliaqartinneqartarnerat Naalakkersuisut qanoq isumaqarfigaat? 6. Uippakajaarnissaq, napparsimalluni sulinngittarnerit, sulisullu soraartarnerat pinaveersaartinneqarnissaat siunertaralugu, meeqqerivinni sulisunut sulinermi atugassarititat nukittorsarneqarnissaannut Naalakkersuisut qanoq isumaliuteqarpat? 7. Sammisamut soqutiginartunik allanik Naalakkersuisut paasissutissiisinnaappat? Inatsisartunut ilaasortaq Pipaluk Olsen, Demokraatit

1. Kalaallit Nunaanni innuttaasut akileraartartut tamarmik nunatsinni pisortat peqqinnissaqarfianni neqeroorutinut tamanut pisinnaatitaaffeqarpat? 2. Innuttaasunik peqqinnissaqarfimmit ikiorserneqarnissamik itigartinneqarsimasunik sulianik Naalakkersuisut ilisimasaqarpat? A) Aappiuppat, qanoq amerlatigisut aamma sooq? B) Naamiuppat, Peqqinnissaqarfitsinnik innuttaasut naliliinerannik misissuinissamik Naalakkersuisut suliaqalersaarpat? 3. Peqqinnissamik oqartussaasut ulapippallaarneq pissutigalugu pinasuartumik saaffiginnittunik itigartitsisariaqartarsimasutNaalakkersuisut ilisimasaqarpat? Inatsisartunut ilaasortaq Nivi Rosing, Inuit Ataqatigiit

1. Qaqortumi mittarfissaq atulerpat kujataani qulimiguulimmik kiffartuussinerit ingerlaannassasut Naalakkersuisut qulakkeerusuppaat? 2. Qaqortumi mittarfissaq atulerpat nunatta kujataani innuttaasut angallannikkut kiffartuunneqarnerat ajorseriaateqannginnissaa qulakkeerniarlugu imaatigut silaannakkullu angallassinerit ingerlaannarnissaat qulakkeerniarlugu Naalakkersuisut sulippat? 3. Nunatta kujataa eqqarsaatigalugu kiffartuussinissamik isumaqatigiissutit nutarternissaannut suliaq sumut killippa aammalu qaqugu isumaqatigiissut naammassineqarnissaa Naalakkersuisut naatsorsuutigaat? Inatsisartunut ilaasortaq Anders Olsen, Siumut)