Isumaliutissiissutit allattorsimaffiat

Sanaartornermut Ataatsimiititaliamut innersuunneqarpoq

Nuna tamakkerlugu illuutinik ilusilersuisarnermut, illuliortaatsinut, politikimik ineriartortitsinissamut suliaqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Erik Jensen, Siumut

Aappassaaneerinninnermut isumaliutissiissut

Imm./pkt.: 135

Siull. 21/10

Sanaartornermut Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Kalaallit Nunaanni nunaqarfinni tamani ingerlatsinissamut akuersissuteqarfiullutik qulimiguulinnut mittarfinnik pilersitsinissamut, pioreersunillu aserfallatsaaliuinissamut, kingusinnerpaamik UKA2026-mut, Naalakkersuisut sanaartornissamut pilersaarusiornissaannut (projektering) peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Jens NapãtôK’, Naleraq

Aappassaaneerinninnermut isumaliutissiissut

Imm./pkt.: 171

Siull. 17/10

Imm. 171 aamma 172 ataatsimut siullermeerneqassapput

Sanaartornermut Ataatsimiititaliamut innersuunneqarpoq

Meeqqat 18-inik ukioqalernissami tungaanut pisortat ingerlataannik angalatitsiviit aqqutigalugit angalasussaatillutik meeqqatut akeqalernissaat, aningaasatigut qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq meeqqat akikinnermik angalasarnerannut malittarisassat allanngortinnissaannik tunngaviliissaaq, kingusinnerpaammilu UPA2026-mi inatsisartunut saqqummiunneqassalluni.

Inatsisartunut ilaasortaq Jens NapãtôK, Naleraq

Imm./pkt.: 172

Siull. 17/10

Imm. 171 aamma 172 ataatsimut siullermeerneqassapput

Sanaartornermut Ataatsimiititaliamut innersuunneqarpoq

Ataatsimut suliarinninneq imm. 171-ip ataani takuuk tusarnaarlugulu.

Soraarninngornikut pisortat ingerlataannik angalatitsiviit aqqutigalugit akikinnerusumik angalasinnaanerat ukioq naallugu atuutilerpat aammalu soraarnerussutisiaqartunut billetsit ukioq kaajallallugu killeqanngitsumik pisiassaasinnaalerpata, soraarnerussutisiaqartut akikinnerusumik angalasarnerannut malittarisassat allanngortinnissaat siunertaralugu, qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq kingusinnerpaamik UPA2026-mi inatsisartunut saqqummiunneqassaaq.

Inatsisartunut ilaasortaq Jens NapãtôK, Naleraq

Imm./pkt.: 177

Siull. 21/10

Sanaartornermut Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Ittoqqortoormiinut Ittoqqortoormiiniillu angalanissat pitsanngorsaavigineqarnissaat pillugu Naalakkersuisut nalunaarusiornissamik peqquneqarnissaannik Inatsisartut aalajangigassaattut siunnersuut. Nalunaarusiami aningaasaliissuteqarnissamut periarfissat ilanngunneqassapput. Nalunaarusiaq upernaami ataatsimiinnermi 2026-mi Inatsisartunut agguaanneqassaaq.

Inatsisartunut ilaasortaq Mette Arqe-Hammeken, Naleraq

Aappassaaneerinninnermut isumaliutissiissut

Inuussutissarsiornermut- Aatsitassanullu Ataatsimiititaliaq

Imm./pkt.: 22

Siull. 12/11

Inuussutissarsiornermut Aatsitassanullu Ataatsimiititaliamut innersuunneqarpoq

Uunga siunnersuut Nunanit allaneersut ilaat aningaasaliinermut misissorneqarnissaanut pillugu Inatsisartut inatsisaat

Inuutissarsiornermut, Aatsitassanut, Nukissiutinut, Inatsisit Atuutsinneqarnermullu Naalakkersuisoq

Aappassaaneerinninnermut isumaliutissiissut

Imm./pkt.: 23

Siull. 23/10

Imm. 23 aamma 24 ataatsimut siullermeerneqassapput

Inuussutissarsiornermut Aatsitassanullu Ataatsimiititaliamut innersuunneqarpoq

Uunga siunnersuut aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat (Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarnerat)

Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq

Imm./pkt.: 24

Siull. 23/10

Imm. 23 aamma 24 ataatsimut siullermeerneqassapput

Inuussutissarsiornermut Aatsitassanullu Ataatsimiititaliamut innersuunneqarpoq

Ataatsimut suliarinninneq imm. 23-ip ataani takuuk tusarnaarlugulu

Uunga siunnersuut aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat (Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarnerat, kiisalu kukkusumik innersuussinerup naqqinneqarnera)

Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq

Imm./pkt.: 58

Siull. 15/10

Inuussutissarsiornermut Aatsitassanullu Ataatsimiititaliamut innersuunneqarpoq

Kalaallit Nunaanni piffissap suliffiusartup sapaatip akunneranut nalunaaquttap akunnerinit 40-nit sapaatip akunneranut nalunaaquttap akunnerinut 35-inut 37-inulluunniit appartinneqarnerata aningaasaqarnikkut, inuiaqatigiinnut peqqissutsimullu kingunerisassaanik misissueqqullugit Naalakkersuisut peqqunneqarnissaannik Inatsisartut aalajangiiffigisassaattut siunnersuut. Misissuinerup inernera 1. januar 2027-iutinnagu Inatsisartunut agguaanneqassaaq.

Inatsisartunut ilaasortaq Karen Marie Kyed Frederiksen, Demokraatit

Imm./pkt.: 140

Siull. 15/10

Imm. 140 aamma 167 ataatsimut siullermeerneqassapput

Inuussutissarsiornermut Aatsitassanullu Ataatsimiititaliamut innersuunneqarpoq

Siullermeerinninnermut Naalakkersuisut aamma Inuit Ataqatigiit allannguutissatut siunnersuuteqarput

Ingerlatsiviit Namminersorlutik Oqartussanit pigineqartut Grønlands Erhverv-imit ilaasortaajunnaartinneqarnissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Pele Broberg, Naleraq

Aappassaaneerinninnermut isumaliutissiissut

Imm./pkt.: 162

Siull. 4/11

Inuussutissarsiornermut Aatsitassanullu Ataatsimiititaliamut innersuunneqarpoq

Aningaasanut tunngasumik ingerlatsivimmik (finansiel virksomhed), tassannga aningaasaateqarfik, sillimmasiisarfik, soraarnerussutisiaqarfik kalaallinik tamakkiisumik amerlanerussuteqartunilluunniit pigineqartussamik, pilersitsinissamut periarfissanik nalunaarusiornissamut Naalakkersuisut peqquneqarnissaannut Inatsisartut aalajangiiffigisassaattut siunnersuut. Nalunaarusiaq UKA2026 aallartinnginnerani Inatsisartunut agguaanneqassaaq.

Inatsisartuni eqimattak, Naleraq

Imm./pkt.: 167

Siull. 15/10

Imm. 140 aamma 167 ataatsimut siullermeerneqassapput

Inuussutissarsiornermut Aatsitassanullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Ataatsimut suliarinninneq imm. 140-ip ataani takuuk tusarnaarlugulu.

Nukissiorfiit, Asiaq Misissueqqaarnerit, allallu immikkoortortaqarfiit Namminersorlutik Oqartussat ataanniittut, Grønlands Erhverv-imit ilaasortaajunnaartinneqarnissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Pele Broberg, Naleraq

Aappassaaneerinninnermut isumaliutissiissut

Ilaqutariinnermut Peqqissutsimullu Ataatsimiititaliaq

Imm./pkt.: 94

Siull. 17/10

Ilaqutariinnermut Peqqissutsimullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Isertitat annertussusaat malillugit utoqqalinermi soraarnerussutisiat ilanngarneqartarunnaarlutilluunniit atorunnaarsinneqartarunnaarsillugit, Naalakkersuisut utoqqalinersiaqarneq pillugu Inatsisartut inatsisaannut allannguutissatut siunnersuummik suliaqarnissamik peqquneqarnissaannik Inatsisartunut aalajangiiffigisassatut siunnersuut. Allaannguutissatut siunnersuut UKA 2026-mi saqqummiunneqassaaq.

Inatsisartunut ilaasortaq Mariane Paviasen Jensen , Inuit Ataqatigiit

Aningaasaqarnermut Akileraartarnermullu Ataatsimiititaliaq

Imm./pkt.: 12

Siull. 11/11

Imm. 12, 72 aamma 127 ataatsimut siullermeerneqassapput

Aningaasaqarnermut Akileraartarnermullu Ataatsimiititaliamut innersuunneqarpoq

Ataatsimut suliarinninneq imm. 72-ip ataani takuuk tusarnaarlugulu.

Soraarnerussutisiaqalernissamut aaqqissuussinermut peqataasussaatitaaneq pillugu Inatsisartut inatsisaata allanngortinneqarnera pillugu Inatsisartut inatsisaat

Aningaasaqarnermut Akileraartarnermullu Naalakkersuisoq

Imm./pkt.: 13

Siull. 12/11

Aningaasaqarnermut Akileraartarnermullu Ataatsimiititaliamut innersuunneqarpoq

Aningaasarsianik akileraarutit pillugit Inatsisartut inatsisaata allanngortinneqarneranik Inatsisartut inatsisissaattut siunnersuut

Aningaasaqarnermut Akileraartarnermullu Naalakkersuisoq

Imm./pkt.: 146

Siull. 21/10

Aningaasaqarnermut Akileraartarnermullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Greenland Airports International A/S-imi piginnissutsit tamakkerlugit pissarsiarinissaat siunertaralugu, Naalakkersuisut naalagaaffiup oqartussaasuinut (Rigsmyndighederne) saaffiginninnissaannut peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Pele Broberg, Naleraq

Aalisarnermut, Piniarnermut Nunalerinermullu Ataatsimiititaliaq

Imm./pkt.: 81

Siull. 17/10

Aalisarnermut, Piniarnermut Nunalerinermullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput

Namminersorlutik Oqartussat nalunaarutaata iluarsaanneqarnissaa pillugu illersuinermut timmiarniarnermullu appanik taateraanillu piniarsinnaanerup nalaani peqassuseq aalaakkaasumik nalilerneqarsimappat zoneni aalajangersimasuni ulluni 30-ni sivitsorneqarnissaa pillugu Naalakkersuisut kingusinnerpaamik UKA2026 sumiiffikkaartumik attuumassuteqartunut tusarniaaqqullugit Inatsisartut aalajangiiffigisassaattut siunnersuut.

Inatsisartunut ilaasortaq Jens NapãtôK’, Naleraq

Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaq

Imm./pkt.: 75

Siull. 7/10

Imm. 56 aamma 75 ataatsimut siullermeerneqassapput

Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqarpoq

Siullermeerinninnermut Naalakkersuisut aamma Naleraq allannguutissatut siunnersuuteqarput

Ataatsimut suliarinninneq imm. 56-ip ataani takuuk tusarnaarlugulu.

Naalakkersuisut Ilulissani GUX-imik tassungalu atatillugu ilinniartut inaannik kingusinnerpaamik ukioq 2027 naatinnagu pilersitsinissaannut peqquneqarnissaannik Inatsisartunut aalajangiiffigisassatut siunnersuut.

Inatsisartunut ilaasortaq Jens NapãtôK´, Naleraq

Imm./pkt.: 161

Siull. 22/10

Isumaliutissiissummut ilanngussaq

Kultureqarnermut, Ilinniartitaanermut Ilisimatumutsarnermut Ilageeqarnermullu Ataatsimiititalia innersuunneqarpoq

Tuluit oqaasii allamiut oqaasiini sallersatut atuutsinneqariartornissaannut, aammalu danskit oqaasii atuartitsinermi oqaatsitut pinngitsooranilu atuartitsissutissatut atorunnaarsinneqariartornissaannut Naalakkersuisut iliuusissanik pilersaarusiornissamut peqquneqarnissaannik Inatsisartut aalajangiiffigisassaattut siunnersuut.

Inatsisartunut ilaasortaq Jens NapãtôK’, Naleraq

Aappassaaneerinninnermut isumaliutissiissut

Inatsisinut Ataatsimiititaliaq

Imm./pkt.: 31

Siull. 1/10

Inatsisinut Ataatsimiititaliamut innersuunneqarpoq

Namminersorlutik Oqartussat sakkut pillugit inatsimmik allannguinissamut siunnersuummik atuutsitsilernissaat pillugu Inatsisartunut aalajangiiffigisassatut siunnersuut (Aallaasinik il.il. pigisaqarnissamut ukiunik killiliineq kiisalu aallaasinik inissiivinnik piumasaqaat)

Aalisarnermut, Piniarnermut, Nunalerinermut Imminullu Pilersornermut Naalakkersuisoq

Imm./pkt.: 39

Siull. 12/11

Inatsisinut Ataatsimiititaliamut innersuunneqarpoq

Imarsiortunut atorfinitsitaanermi atugassarititaasut il.il. pillugit inatsisip Kalaallit Nunaannut atulersinneqarnissaa pillugu peqqussut aamma Imarsiornerup isumannaatsuunissaa pillugu inatsisip allanngortinneqarnera pillugu inatsisit assigiinngitsut Kalaallit Nunaannut atuutilersinneqarnerat pillugu peqqussut Namminersorlutik Oqartussat akuerissagaat pillugu Inatsisartut aalajangiiffigisassaattut siunnersuut

Ineqarnermut, Attaveqaatersuutinut, Isorliunerusunullu Naalakkersuisoq

Aappassaaneerinninnermut isumaliutissiissut

Imm./pkt.: 85

Siull. 14/10

Imm. 85 aamma 104 ataatsimut siullermeerneqassapput

Inatsisinut Ataatsimiititaliamut innersuunneqarpoq

Ataatsimut suliarinninneq imm. 104-ip ataani takuuk tusarnaarlugulu.

Uunga siunnersuut Nalunaaquttap aalajangersarneqarnera pillugu Inatsisartut inatsisaata allanngortinneqarneranik Inatsisartut inatsisaat (Nalunaaquttat ingerlaqatigiiffiannut allamut ikaarsaarneq, aasaanerani nalunaaquttap atorunnaarsinneqarnera)

Inatsisartunut ilaasortaq, Naleraq

Imm./pkt.: 104

Siull. 14/10

Imm. 85 aamma 104 ataatsimut siullermeerneqassapput

Inatsisinut Ataatsimiititaliamut innersuunneqarpoq

Siumut

Imm./pkt.: 139

Siull. 23/10

Inatsisinut Ataatsimiititaliamut innersuunneqarpoq

Partiit nunanit allanit tapiissutinik tapiissuteqartunik pissarsiaqarsinnaatitaannginnermut aamma partiit nunatta avataani najugaqartut angerlarsimaffeqartulluunniit Qallunaat Nunaanneersut Savalimmiuneersullu inerteqqummut ilanngunneqarnissaat pillugu Inatsisartut inatsisaat nr. 14, 4. februar 2025, §4b allanngortinneqarnissaanut Naalakkersuisut inatsimmut allannguutissamik suliaqaqqullugit Inatsisartut aalajangiiffigisassaattut siunnersuut. Siunnersuut kingusinnerpaamik UKA2026-mi saqqummiunneqassaaq.

Inatsisartunut ilaasortaq Pele Broberg, Naleraq

Imm./pkt.: 145

Siull. 9/10

Imm. 145 aamma 147 ataatsimut siullermeerneqassapput

Inatsisinut Ataatsimiititaliamut innersuunneqarpoq

Pisortat suliffeqarfiutaanni tamani inuttassarsiuussinerit suliamut tunngasumik piginnaasaqarnissaat piumasaqaataassaaq, kalaallit oqaasinik piginnaasaqarneq ilanngullugu kiisalu kalaallit kulturiannut kalaallillu inuiaqatigiivinut ilisimasaqarnissaat pillugit Naalakkersuisut Inatsisartunut inatsisissamik suliaqaqqullugit peqquneqarnissaannik Inatsisartut aalajangiiffigisassaattut siunnersuut. Inatsimmut siunnersuut UKA2026-mi kingusinnerpaamik saqqummiunneqassaaq.

Inatsisartuni Naleqqap Gruppia, Naleraq

Imm./pkt.: 168

Siull. 5/11