Ullormut oqaluuserisassat
Ullut ataatsimiiffiusut 30-iat, pingasunngorneq 2. decembarip 2015, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
(Apeqqarissaarfigineqartussat tulleriiaarneri Suliani takuneqarsinnaapput)
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
( § 37 imm. 5, naapertorlugu)
(Decemberip aappaat: Peqqissutsimut Naalakkersuisut Doris Jakobsen)
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 149
Uunga siunnersuut: Inuussutissarsiummik ingerlataqarneq pillugu Inatsisartut inatsisaat nr. xx, xx.xx 2015-imeersoq.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 46
Aappassaaneerinninnermi Allannguutissatut siunnersuut Aningaasanut Akileraasrtarnermullu Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaanni nr. 9, 3. december 2012-imeersumi nalikillilersuinernut maleruagassat kingullermik allanngortinnerisigut aningaasaqarnikkut kingunerisassai pillugit kingusinnerpaamik UKA2016-imut atatillugu saqqummiunneqartussamik nalunaarusiornissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarusiornikkut takutinneqassaaq allannguuteqarneq ingerlatsiveqarfinnut mikinerusunut akunnattumillu angissusilinnut aningaasaqarnikkut kinguneqarsimanersoq. Taamatuttaaq nalunaarusiami ingerlatseqatigiiffiit atortussanik nutaanik aningaasaliiffigisaminnillu nalikillilersuisinnaanerat siunertaralugu aningaasatigut kingunerisat nalilersuinernik imaqartinneqassaaq.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 167
Imm. 18 aamma 167 ataqatigiisillugit siullermeerneqarput.Aappassaaneerinninnermi Allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Assartuussinermi ataatsimut akissaajaatit annikillisinnissaat, timmisartuussisarnerup akulikillinissaa aamma unammilleqatigiinnerup annertusisinnaanera siunertaralugit Mittarfinnik sanaartorneq pillugu Inatsisartut inatsisissaattut siunnersuummik qinigaaffimmi matumani Naalakkersuisut saqqummiussinissaannik peqquneqarnissaannut Inatsisartut aalajangiiffigisassaattut siunnersuut. Tamanna pissaaq mittarfiit, qulimiguullit mittarfiisa akunnisimaartarfiisalu piusut amerlanerpaamik 19-inut ilaasoqarsinnaasunut mittarfinnut millilernerisigut aamma allilernerisigut.
(Inatsisartut sanaartornermut ataatsimiititaliaat isumaqatigiittoq tamarmiusorlu, ukunannga inuttalik Inatsisartunut ilaasortat Anders Olsen, Siumut, Jens-Erik Kirkegaard, Siumut, Tillie Martinussen, Demokraatit, Ane Hansen, Inuit Ataqatigiit, Kalistat Lund, Inuit Ataqatigiit)
Imm./pkt.: 18
Uunga siunnersuut: Imm. 1-imi allassimasutut, imm. 2-mi piffissamut pilersaarut allassimasoq naapertorlugu aammalu imm. 3-mi aningaasaleeriaasissat allassimasut akuleriissillugit mittarfinnik pilersaarusiornissamut sanaartornissamullu Naalakkersuisut peqquneqarnissaannik Inatsisartut aalajangiiffigisassaat.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 96
Aappassaaneerinninnermi Allannguutissatut siunnersuut Aningaasanut Akileraartarnermullu Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Siunnersuisoqarfimmik inunnik akiitsoqartunik siunnersuisinnaasumik ikiuisinnaasumillu pilersitsinissamut periarfissat pillugit nalunaarusiornissaq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Siunertaasussaq tassaavoq akiitsut annikillisarniarlugit immikkut ilisimasallit ikiortigalugit akiitsoqartunik akeqanngitsumik siunnersuisarnissaq. Nalunaarummi taamatut siunnersuisoqarfimmi suliassat suuneri aammalu immikkut ilisimasallit tassunga iluaqutigineqarsinnaanersut nassuiarneqassapput, kiisalu taamatut siunnersuisoqarfiliornerup ingerlanneqarnera Landskarsimut qanoq ukiumut akeqarumaarnersoq. Nalunaarusiaq 2016-imi ukiakkut ataatsimiinnissaq sioqqullugu naammassereerneqarsimassaaq.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 39
Ilinniagaqartut nunatsinneersut Danmark-imi najugaqartut nunatsinni Folketing-imut qinigassanngortittunik qinersisinnaanerat aqqutissiuunniarlugu Folketing-imut qinersinermut inatsisaasup allanngortinnissaa pillugu saaffiginninnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inuit Ataqatigiit Inatsisartunut ilaasortaatitaat)
Imm./pkt.: 150
Imm. 150, 151, 152, 157, 158 aamma 159 ataqatigiisillugit siullermeerneqarput
Siunnersuut: Inatsisartut aalajangiiffigisassaattut siunnersuut Namminer-sorlutik Oqartussat akuersissutigissagaat Nunarsuarmioqatigiit ataatsimoorussamik isumaqatigiissutaat radioaktiviusut ikummatikut aamma radioaktiviusut eqqagassat isumannaatsumik isumagineqartarnissaat pillugit. (Eqqagassalerinermut isumaqatigiissut)
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 151
Imm. 150, 151, 152, 157, 158 aamma 159 ataqatigiisillugit siullermeerneqarput
Uunga siunnersuut: Atomip nukinganik pissuteqartumik ajutoortoqartillugu imaluunniit qinngornernik ulorianartunik pissuteqartumik ajornartorsiortoqalersillugu ikiuunnissaq pillugu IAEA-imi nunani tamalaani isumaqatigiissummut (Ikiuunnissamut nunani tamalaani isumaqatigiissut) Namminersorlutik Oqartussat akuersinissaat pillugu oqaaseqaateqarnissaq pillugu Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 152
Imm. 150, 151, 152, 157, 158 aamma 159 ataqatigiisillugit siullermeerneqarput
Siunnersuut: Inatsisartut aalajangiiffigisassaattut siunnersuut Namminer-sorlutik Oqartussat akuersissutigigaat Atom-ip nukinganik sakkoqarluni pinerliiniartoqartarneranut akiunermut Nunarsuarmioqatigiit isu-maqatigiissutaat.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 157
Imm. 150, 151, 152, 157, 158 aamma 159 ataqatigiisillugit siullermeerneqarput
Siunnersuut: Inatsisartut aalajangiiffigisassaattut siunnersuut Namminersorlutik Oqartussat akuersissutigissagaat International Labour Organization - ILO -p isumaqatigiissutaa nr. 115, sulisartut qinngornernut ingerlaartunut (ioniserende) illersorneqarnissaat pillugu isumaqatigiissutaasoq akuersissutigineqassasoq.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 158
Imm. 150, 151, 152, 157, 158 aamma 159 ataqatigiisillugit siullermeerneqarput
Uunga siunnersuut: IAEA-imi atomip nukinganit atortussianik inissisimaffiini isumannaarinissaq pillugu nunani tamalaani isumaqatigiissummut allannguummut Namminersorlutik Oqartussat akuersinissaat pillugu oqaaseqaateqarnissaq pillugu Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 159
Imm. 150, 151, 152, 157, 158 aamma 159 ataqatigiisillugit siullermeerneqarput
Uunga siunnersuut: Atomip nukinganut isumannaallisaaneq pillugu IAEA-imi nunani tamalaani isumaqatigiissummut Namminersorlutik Oqartussat akuersinissaat pillugu oqaaseqaateqarnissaq pillugu Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 137
Peqatigiiffiit eqquiniaasitsineranni (lottornermi bingornermilu il.il.) akileraarutinik akiliuteqartarunnaarsillugit eqquiniaasitsinermi akileraarutit pillugit Inatsisartut inatsisaanni § 1 imm. 4-p allangortinneqarnissaanut Naalakkersuisut peqquneqarnissaannik Inatsisartut aalajangiifigisassaattut siunnersuut. Akileraartarunnaarsitsineq aningaasanoorutinik pinnguarnermi eqqukkanut atuutsinneqassanngilaq.
(Inatsisartunut ilaasortaq Jens Immanuelsen, Siumut)
Imm./pkt.: 10
2016-mi Inatsisartut ukiakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)