Ullormut oqaluuserisassat
Ullut ataatsimiiffiusut 29-iat, marlunngorneq 1. decembarip 2015, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 124
Pingajuss. UPA 2016
Uunga siunnersuut: Uumasut nappaataannik inunnut tunillaassorsinnaasunik taakkulu akuinik siaruaassinnaasunik akiuiniarneq pillugu Inatsisartut inatsisaat nr. xx xx 2015-imeersoq.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 112
Savaatillit nersutaatillillu inuussutissarsiuteqarnerannut nanoqartalernera qanoq annertutigisumik ajornartorsiutaalersimanera, tamatumanilu tamatuma qanoq iliuuseqarfigineqarsinnaanera pillugu Naalakkersuisut misissuisitsissasut Inatsisartut aalajangiiffigisassaattut siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 105
Aappassaaneerinninnermi Allannguutissatut siunnersuut Ilaqutariinnermut Peqqissutsimullu Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Nuna tamakkerlugu ikiaroornartoq hash-ip akiorniarneqarnissaa pillugu iliuusissamik pilersaarummik UKA 2016-imi Naalakkersuisut saqqummiussaqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 110
Siull. 29/4-2015
Naalakkersuisut ikiaroornartunik Kalaallit Nunaannut eqqussuinermik akiuiniarnerup nakussassarneqarsinnaanera pillugu kingusinnerpaamik UKA2016-imi nassuiaammik saqqummiussinissaannik pisussaaffilerneqarnissaannik Inatsisartuni aalajangiiffigisassatut siunnersuut. Tassani allaaserineqassaaq ikiaroornartunik eqqussuinermik akiuineq qanoq nakussassarneqarsinnaanersoq, tassani ilanngullugu tamanna pillugu qallunaat naalakkersuisuinik isumaqatiginninniarneq. Nassuiaammi aallaaserineqassaaq suliniutit qanorpiaq ittut atorlugit Kalaallit Nunaannut avataaniit tikittunik, pisattanik nassiussanillu nakkutilliineq pitsaanerulersinneqarsinnaanersoq, tamatumalu aningaasaqarnermut inuiaqatigiinnullu sunniutai suussanersut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 51
Siunnersuut uunga: Utoqqalinersiaqarneq pillugu Inatsisartut inatsisaata nr. 20, 23. november 2015-meersup allanngortinneqarnera pillugu Inatsisartut inatsisaat nr. xx, xx.xx 2015-meersoq.
(Ilaqutariinnermut, Naligiissitaanermut Isumaginninnermullu Naalakkersuisoq)
Imm./pkt.: 73
Inatsisartut oqaaseqaatissaattut siunnersuut akuerineqanngilaq, Inatsisartut oqaaseqaatissaattut siunnersuut Demokraatinit saqqummiunneqartoq akuerineqarpoq.
Apeqquteqaat aallaavigalugu oqallinnissamik siunnersuut: Qanoq ililluta imeq sermerlu nunatta avataanut niuerutigalugu aningaasarsiutiginerusinnaavarput?
(Inatsisartunut ilaasortaq Anthon Frederiksen, Partii Naleraq)
Imm./pkt.: 77
Siull. 27/5-2015
Nunatta Karsiata 2014-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Aatsitassanullu Naalakkersuisoq)