Arlaat toqqaruk

Oqaluuserisassat oqaluuserineqarfissaasalu ullui

2019-imi Ukiakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5x
Partiit siuttuisa apeqqarissaarnerat.
Nal. 10:00-imiit 12:00-imut apeqquteqarfissaq.

Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat

Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat

Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
Inatsisartut Siulittaasoqarfiat

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
Inatsisartut Siulittaasoqarfiat

Imm./pkt.: 6
2020-mi Inatsisartut Upernaakkut ataatsimiinnissaata aalajangiiffigineqarnera.
Inatsisartut Siulittaasoqarfiat

Inatsisartut Ombudsmandiata 2018-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
Inatsisinut ataatsimiititaliaq

Imm./pkt.: 15
Naalakkersuisut siulittaasuata ammaanermi oqalugiaataa.
Naalakkersuisut Siulittaasuat

Imm./pkt.: 16
Naalakkersuisunit tunuarnissamik qinnuteqaat.
(Naalakkersuisut Siulittaasuat)

Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2019-imeersoq. (Uppernarsaatinik piffissami killilimmi paarinnittussaatitaanerup sivitsorneqarnera kiisalu illuutinik aalaakkaasunik attartortitsinernik kiisalu najukkani kalaalimineerniarfinni tuniniaanernik sullissinerit pillugit paasissutissanik nalunaarutiginnittarneq)
Aningaasaqarnermut Nunanilu Avannarlerni suleqatigiinnermut Naalakkersuisoq

Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata (aatsitassanut ikummatissanullu inatsit) allanngortinneqarnissaa pillugu Inatsisartut inatsisaat nr. xx, xx. xxx-imeersoq. (Piiaanissamut akuersissummik pissarsinissamut tunngavissarititaasunut piumasaqaatit allanngortinneqarnerat aamma sumiiffiit piiaanissamut akuersissummi pineqartunut ilaasut illersorneqarnissaat)
Aatsitassanut Suliffeqarnermullu Naalakkersuisoq

Imm./pkt.: 28
Inuussutissarsiutigalugu aalisarnikkut angallateeqqanik kvoteqartussanik minnerpaaffiliinissami takissuseq 9 meter aallaavigalugu pitsaaqutinik ajoqutinillu nassuiaateqaqqullugit ukiuni 12 ikaarsaariarfeqartillugit Naalakkersuisut nalunaarusioqqullugit peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Henrik Fleischer, Siumut

Imm./pkt.: 29
ATV-t qamuteralaallu inuussutissarsiutigalugu atornissaannut akuersissutaasumik allagartaqalernissaq pilerseqqullugu Naalakkersuisut Naalagaaffimmut attaveqarnissaannik peqquneqarnissaannik Inatsisartunut aalajangiiffigisassaattut siunnersuut.
Inatsisartunut ilaasortaq Henrik Fleischer, Siumut

Imm./pkt.: 31
Qanoq iliorluni nunatsinni partiit amerlassusaasa amerlatikkiartornerisa killilersimaarneqarsinnaanera pillugu apeqquteqaat aallaavigalugu oqallisissiaq.
Inatsisartunut ilaasortaq Henrik Fleischer, Siumut

Nunatta inuiattut timersornikkut unammersuartarfissaanik FIFA-p piumasaqaataanut naapertuuttumik pilersitsinerup avataaniit aningaasaliisussarsiuunnissaanut periarfissanik aningaasalersueriaasissatut ilusissamillu misissuisussanik suleqatigiisitamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitaq aningaasalersuinissamik misissuinerup inerneranik UKA2020-imi Naalakkersuisut Inatsisartunut saqqummiutissagaat.
Inatsisartunut ilaasortaq Anders Olsen, Siumut

Imm./pkt.: 33
Aappass. UPA 2020

Imm. 33 aamma 53 ataatsimut siullermeerneqarput
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaanni §9 imm. 1 allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Taamaalilluni meeqqat illugiimmik angajoqqaallit, tamarmik sulisimappata imaluunniit ilinniartuuppata, kommunep ulluunerani paaqqinniffiinut ulluuneranilu paarsisarfinnut utaqqisut allattorsimaffianni meeqqanut kisimiittunik angajoqqaalinnut sulisimappata imaluunniit ilinniartuuppata assigiimmik pineqarnissaat angujumallugu.
(Siumup Inatsisartunut ilaasortaatitai)

Imm./pkt.: 34
Angajaqqaarsiaasut paarsinerminnik oorersiarisartagaat (vederlag) pillugu kaajallaasitaq allanngorteqqullugu, taamaalilluni naliginnarmik januarip ulluisa aallaqqaataaniit 2020 qaammammut kr. 8.000-inngortillugu, Naalakkerssusisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartunut ilaasortaatitai)

Imm./pkt.: 35
Aappass. UPA 2020
Naalagaaffiit Peqatigiit (NP) Meeqqat pillugit Isumaqatigiissutaata tamarmiusup Kalaallit Nunaanni tamarmi atuutsinneqarlernissaa anguniarlugu aammalu Meeqqat Illersuisuata inassuteqaataanut matumunnga aalajangiiffigisassatut siunnersuummut ilanngussatut ilaatinneqartunut naammassinnittumik ingerlaasissamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartunut ilaasortaatitai)

Arferit angisuut nunatsinnut pisassiissutaasartut tamakkerneqarneq ajornerat pillugu aammalu tamakkerlugit pisarineqannginnerannut aporfiusartut qanoq iliuuseqarnikkut piiarneqarsinnaanersut pillugu Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut. Nalunaarusiaq kingusinnerpaamik UKA2020-imi saqqummiunneqartussanngorlugu.
Inatsisartunut ilaasortaq Nikkulaat Jeremiassen, Siumut

Imm./pkt.: 37
Inuit sulisinnaassusillit inuiaqatigiinnut arlaatigut tunniussaqarnatik pisortat ikiorsiissutaannik pisannginnissaat qanoq qulakkiissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Simigaq Heilmann, Demokraatit

Imm./pkt.: 38
Sul. UPA 2020
Kommuninik aaqqissuusseqqinneq nalilersortariaqalernera pillugu apeqquteqaat aallaavigalugu oqallisissiaq.
(Inatsisartunut ilaasortaq Aqqalu C. Jerimiassen, Atassut)

Imm./pkt.: 39
Aappassaaneerinninnermi allannguutissatut siunnersuut Inuit Ataqatigiinnit saqqummiunneqartoq itigartinneqarpoq
Aningaasanut inatsimmi konto pingaarneq 64.01.05 naapertorlugu inuussutissarsiutitigut nunaqarfinnut isorliunerusunullu siuarsaanermik tapiissutinik suliassap ulloq 1. januar 2020 aallarnerfigalugu Namminersorlutik Oqartussanit kommuninut nuunneqarnissaanik, apeqqutillu tassunga attuumassuteqartup 2019-p ingerlanerani kommuninik ataatsimoortumik tapiissutinik isumaqatiginninniarnermut ilanngunneqarnissaanik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Iqalunnut timmisartukkut pisortat aallarnigaannik aqquteqaqqilissappat tapeeriutsit assigiinngitsut qanoq ittut pisortanut, namminersortunut innuttaasunullu aningaasatigut kingunissaasa takussutissartaannik kingusinnerpaamik UKA2020-imi Inatsisartunut agguanneqartussamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mimi Karlsen, Inuit Ataqatigiit

Imm./pkt.: 43
(Imm. 43 aamma 103 ataatsimut siullermeerneqarput)
Pisortat ataatsimoortumik allaffissornerisa aaqqissugaanerannut atatillugu naliliinissamut ataatsimiititaliarsuarmik pilersitsisoqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut. Maanna suliassaasut aallaavigalugit allaffissornerup annertussusaa ataatsimiititaliarsuup nalilersussavaa, suleriaatsit sunniuteqarluarnerusut pilersinnissaannut immikkoortortaqarfiillu suliassaqarfiillu (sektorit) akimorlugit suleqatigiinnerup pitsanngorsaaviginissaanut periarfissat misissussallugit, kiisalu allatut aaqqissuussinissamut periarfissanik siunnersuuteqarluni. Siunnersuutini tamani inatsisit ingerlatsinermut tunngasut qasukkartinneqannginnissaat aallaaviussaaq. Ataatsimiititaliarsuaq inunnit sektorinit assigiinngitsuneersunit inuttaqassaaq, tassa pisortat sektoriineersut aamma namminersortut sektoriineersut ilaasortat misilittagaqartut amerlaqatigiissallutik. Ataatsimiititaliarsuaq assigiinngissitaartuneersunit ilaliussanik sulisitaqassaaq, sulininilu ukiut marluk iluanni naammassissallugu. Tamatuma kingorna ataatsimiititaliarsuup innersuussutai Inatsisartuni politikkikkut suliarineqassapput.
Inatsisartunut ilaasortaq Peter Olsen, Inuit Ataqatigiit

Imm./pkt.: 45
Imm. 45 aamma 122 ataatsimut siullermeerneqarput
Naalakkersuisut attartornermut inatsisissatut siunnersuutissaminni pisortat inissiaatileqatigiiffiisa attartunngortussanut inissiamik neqeroornerminni inissiaq neqeroorutertik ukiut tallimat kingulliit iluanni oqummik ajornartorsiuteqartoq paasineqarsimagaangat nalunaartalernissaannik pisussaaffiliinissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Sofie Geisler, Inuit Ataqatigiit

Uunga siunnersuut: 2020-mut aningaasanut inatsisissamut siunnersuutip akuersissutiginissaanut killigititat sivitsorneqarneri, nuna tamakkerlugu akileraarutip procentiata aalajangersarnera, nuna tamakkerlugu immikkut akileraarut aamma 2020-imut kommuninut akileraarut kiisalu kommunini meeqqanut suli atualinngitsunut ulluunerani neqeroorutinut 2020-mi akiliuteqartarneq pillugit Inatsisartut inatsisaat nr. xx, xxx 2019-imeersoq.
(Aningaasaqarnermut Nunanilu Avannarlerni suleqatigiinnermut Naalakkersuisoq)

Imm./pkt.: 47
Imm. 47 aamma 133 ataatsimut siullermeerneqarput
Imminut pilersorneq nunatsinni annertusarniarlugu Naalakkersuisut periusissiamik kingusinnerpaamik UKA2020-imi Inatsisartunut saqqummiunneqartussamik suliaqaqqullugit peqquneqarnissaannik Inatsisartut aalajangiiffigisassaattut siunnersuut. Periusissiaq aamma inatsisitigut aningaasatigullu aporfiit nutartigassat aaqqissuuteqqinnissaannut innersuussutinik imaqassaaq.
Inatsisartunut ilaasortaq Múte B. Egede, Inuit Ataqatigiit

Meeqqanut pinerliisimannginnermut uppernarsaatip imaa annertusillugu meeqqanik atoqateqarsinnaanngorsimasunik kinguaassiutitigut pinerliisimanerit ilanngunneqartalernissaat pillugu Kalaallit Nunaanni Meeqqanut pinerliisimannginnermut uppernarsaammut malittarisassat allanngortinneqarnissaat siunertaralugu naalagaaffeqatigiinni oqartussaaffinnut saaffiginneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Allannguinerup peqataanik Namminersorlutik Oqartussat meeqqanut pinerliisimannginnermut uppernarsaammik piniarnissaminnut pisussaaffeqarnerat annertusineqassaaq inuit meeqqanut oqaatigineqartutut ukiulinnut attaveqartartussanngorlugit atorfinittussat imaluunniit sullissisussat ilanngunneqarsinnaanngorlugit.
Inatsisartunut ilaasortaq Steen Lynge, Demokraatit

Imm./pkt.: 51
Aappass. UPA 2020
Apersortittoqartillugu, akunnaallisoortoqartillugu, katittoqartillugu ataasiartumik immikkut matoqqasumik aaqqissuussinissamut imigassanik kimittuunik kimikittunillu neriniartarfinni, imerniartarfinni, akunnittarfinni il.il. ulluni sapaammiik sisamanngornermut ullaassakkut nalunaaqutaq 04.00 sassaalliinissamut qinnuteqartoqarsinnaanngornissaa anguniarlugu imigassamut inatsismmut allannguutissamik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. (Tassani ilaassapput ukiuni 25-ni, ukiuni 50-ni katiffissiornerit il.il.) peqatigiiffiit nalliuttorsiorneri, siulersuisut ataatsimiinneri, Inatsisartunut qinersineq, kommunalbestyrelsinut qinersineq il.il.
Inatsisartunut ilaasortaq Malene Vahl Rasmussen, Demokraatit

Imm./pkt.: 52
Pisortat suliffeqarfiutaasa ingerlatseqatigiiffiit tamakkiisumik ilaannakoortumilluunniit Namminersorlutik Oqartussanit pigineqartut sorliit namminersortunngorsarneqarsinnaanerat pillugu misissuineq tunngavigalugu nassuiaammik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuineq kingusinnerpaamik UPA2020-mi Inatsisartunut saqqummiunneqassaaq.
Inatsisartunut ilaasortaq Steen Lynge, Demokraatit

Imm./pkt.: 53
Aappass. UPA 2020

Imm. 33 aamma 53 ataatsimut siullermeerneqarput
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Inatsisip allanngortinneratigut qulakkeerneqassaaq, kalaallit nunani allani ilinniartut qitornaasa kommunip meeqqeriviutaanut ulluuneraniluunniit angerlarsimaffinni paaqqinnittarfinnut utaqqisunut allanut naleqqiullugu sallinngortinneqartalernissaat ilinniartup Kalaallit Nunaanni sullivimmi imaluunniit oqartussaaffiit arlaanni sulilernissaminut isumaqatigiissuteqarluni takutissinnaappagu.
Inatsisartunut ilaasortaq Malene Vahl Rasmussen, Demokraatit

Kalaallit Nunaanni politimesteri nunap ilaani aalajangersimasuni immikkut akuersissuteqartarsinnaannera periarfissaqartillugu nunami maani inunnik angallassissutini biilini assakaasut quaannaveeqqutillit atoqqusaajunnaarnissaat siunertaralugu naalagaaffeqatigiinni oqartussaaffinnut saaffiginneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasoraq Steen Lynge, Demokraatit

Imm./pkt.: 56
Siull. 23/10-2018
Aappass. UKA 2020
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaat allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, maannakkut periuseq imatut allanngortillugu, partiit Inatsisartuni sinniisuutitaqartut tunngaviusumik 850.000 koruuninik tapiissummik pisalersillugit kiisalu kingullermik Inatsisartunut qinersinerup inernera tunngavigalugu taasinermut ataatsimut 200 koruuninik pisalersillugit. Attaviitsut taasinermut ataatsimut 200 koruuninik ukiumut tapiissutisisalersinneqassapput agguaqatigiisitsineq 1/31 atorlugu kiisalu taasinerit tamarmiusut tunngavigalugit. Allannguineq atulersinneqassaaq ulloq 1. januaari 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 57
Sul. UPA 2020
Nunatut siunissami qimaasunik tigusisarnissarput piareersimaffigisalissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Malene Vahl Rasmussen, Demokraatit

Inuussutissanik immuup sukkuanik akoqanngitsunik pisariaqartitsisunut qanoq akikinnerulersitsisinnaanersugut pillugu misissuinissamik aallartitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermi naatsorsorneqassaaq innersuussutit ataasiakkaat aningaasatigut inuiaqatigiinnut kinguneqassanersut.
Inatsisartunut ilaasortaq Justus Hansen, Demokraatit

Imm./pkt.: 59
Imm. 59, 128 aamma 134 ataatsimut siullermeerneqarput
Cannabisoliat CBD-mik (cannabidiolimik) imallit aamma annerpaamik 0,2 % THC-mik (tetrahydrocannabinolimik) imallit unioqqutitsinertaqanngitsumik pisiarineqarsinnaanngornissaannut nioqqutigineqarsinnaanngornissaannut kiisalu eqqunneqarsinnaanngornissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Justus Hansen, Demokraatit

Imm./pkt.: 60
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Cigarittikut taamatullu cigarittit kimmivikui utertittartussanngorlugit qularnaveeqquserneqartalernissaasa iluaqutissartai ajoqutissartaalu misissuivigeqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup inernera Inatsisartunut saqqummiuteqquneqarpoq kingusinnerpaamik UKA 2020-mi ataatsimiinneq aallartippat.
Inatsisartunut ilaasortaq Justus Hansen, Demokraatit

Imm./pkt.: 61
Qitiusumik kiassaateqarfinnik kissarsuuteqarfinnillu Namminersorlutik Oqartussanit toqqaannanngitsumik toqqaannartumilluunniit pigineqartunik atuisinnaanerup Nukissiorfinnut kingusinnerpaamik 1. januar 2020-mi tunniunneqarnissaanik qulakkeerinneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Atuisinnaanerup nuunneqarnera ilutigalugu kiassaateqarfinni aningaasat uninngasuutit Nukissiorfinnut nuunneqassapput. Atuisinnaanerup nuunneqarnerani atortulersuutit aserfallatsaalineqarnissaannut pisussaaffiit atuuttut allanngortinneqassanngillat atortulersuutillu piumasaqaatit Naalakkersuisunit aalajangersarneqartut naapertorlugit aserfallatsaalineqartussaassapput.
Inatsisartunut ilaasortat Anders Olsen, Pele Broberg, Nikkulaat Jeremiassen, Peter Olsen aamma Justus Hansen

Imm./pkt.: 62
Sul. UPA 2020
Namminersorlutik Oqartussat suliffeqarfiutaanni aktieselskabini siulersuisuinut siulittaasunik toqqaasarneq pillugu oqallinnissamik siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 63
Siull. 2/5-2019
Allannguutissatut siunnersuut itigartinneqarpoq

Imm./pkt.: 65
Sul. UPA 2020
Qanoq ililluta nunatsinni e-sport timersoriaatsitut allatulli pisorta-tigoortumik akuerineqarsinnaanera qulakkeerneqarsinnaanersoq, aningaasatigullu taperneqarsinnaanerannik periarfissat pillugit apeqquteqaat aallaavigalugu oqallisissiassatut siunnersuut.
(Inatsisartuni ilaasortaq Aqqalu C. Jerimiassen; Atassut)

Inatsisip nr. 262, 16. marts 2016 ilanngunnissaannut, selskab-it inatsisaata, inuussutissarsiutigalugu suliffeqarfiutilinnut inatsisaata, inuussutissarsiutigalugu fond-it inatsisaata, inatsisillu tamalaat (Piginnittuiit nalunaarsornissaat eqqunneqarnissaanut) allanngortinnissaat anguniarlugit Naalakkersuisut, Danmark-ip Naalakkersuisuinut attaveqarnissaannut peqquneqarnissaannik, Inatsisartut aalajangiiffigisassaattut siunnersuut.
Partii Naleqqamit Inatsisartunut ilaasortaatitai

Imm./pkt.: 68
Sul. UPA 2020
Kalaallit Nunaat Namminiilivittoq Kalaallinut Inuiannut pillugu apeqquteqaat aallaavigalugu oqallinnissamik siunnersuut.
Partii Naleqqamit Inatsisartunut ilaasortaatitai

Imm./pkt.: 70
Sul. UPA 2020
Meeqqat atuarfianni, inuussutissarsiutinut, ilisimatusarfimmi il.il. ilinniartut ilitsoqqussaralugit kalaallisut oqaatsitik atorlugit inaarutaasumik misilitsittarnissaasa allatulluunniit misilitsittarnissaasa qanoq qulakkeerneqarsinnaanera pillugu apeqquteqaat aallaavigalugu oqallisissiatut siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 79
Siull. UPA 2020
Aappass. UPA 2020
Kalaallit nunaanni nakorsassaaleqinerup aaqqiivigineqarnissaa siunertaralu kingusinnerpaamik UKA2021-imi Naalakkersuisut iliusissamut pilersaarum-mik saqqummiussinissaannik peqquneqarnissaannik Inatsisartut aalajangi-iffigisassaattut siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 85
Kalaallit Nunaanni sivisuumik suliffissaaleqisut ornittagassaannik pilersitsisoqarnissaa siunertaralugu periarfissamik iluaqutaanik aamma ajoqutaanik misissuisoqarnissaannik ukiakkut 2020 saqqummiussaqassasut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq

Unnuisarfinnut nunatta avataaneersunut unnuisunut nunatsinni unnuinermut akitsuummik takornariaqarnermut inuussutissarsiornikkut nunatta inuinut tamanut isertitaqaataasussamik siunnerfilimmik Naalakkersuisut UKA2020 misissuinissamik peqquneqarnissaanik inatsisartut aalajangiiffissaatut siunnersuut. Misissoqquneqarluni takornariaqarnermut innarliutaasinnaanngitsumik nunat allat ilinniarfigalugit aaqqissuussinissaq.
Inatsisartunut ilaasortaq Aqqalu C. Jerimiassen, Atassut

Imm./pkt.: 87
Aappass. UPA 2020
Inatsisartut inatsisaanni Inatsimmut § 2, stk. 1 ”nipilersornermi tunisassiornerup” ilassuteqaatigineqarnissaa pillugu Naalakkersuisut siunnersuuteqaqqullugit peqquneqarnissaannut Inatsisartuni aalajangiiffigisassatut siunnersuut, nunami inuutissarsiornerup siuarsarneqarnissaanut atatillugu nipilersornermi tunisassioriaatsip siuarsarneqarnissaa anguniarlugu matumani nipilersortartut inatsisitigut illersugaasumik atuisinnaanissaat anguniarlugu inuussutissarsiornermi aningaasaliiffigineqarnissamut periarfissaqarnerannut ersarissaanerussaaq.
Inatsisartunut ilaasortaq Aqqalu C. Jerimiassen, Atassut

Imm./pkt.: 90
Alcoa-p nunatsinni aluminiuliorfissatut pilersitsinissaata ajalusoornerata kingorna qanoq Tasersiap nukissiuuteqarfissatut suli annertuumik periarfissaqarluartup atorluarneqarneqarsinnaanera pillugu Inatsisartuni apeqquteqaat aallaavigalugu oqallisissiaq.
(Inatsisartunut ilaasortaq Siverth K. Heilmann, Atassut)

Imm./pkt.: 91
Imm. 91 aamma 144 ataatsimut siullermeerneqarput
Utoqqalinermi siusinaartumillu pensionisiat allanik isertitaqarnerit nassatarisaannik annikillineqartarunnaarnissaasa kinguneqaataannik pillugit Naalakkersuisut kingusinnerpaamik UPA2021-mi nassuiaammik saqqummiussinissaannik peqquneqarnissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Siverth K. Heilmann, Atassut

Imm./pkt.: 98
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq
Peqqinnissaq pillugu ataatsimiititaliarsuup sulinissaanut tunngavissiamik UPA2020-mut siunnersuummik saqqummiusseqqullugit Naalakkersuisut peqquneqarnissaannik aalajangiiffigisassatut siunnersuut. Ataatsimiititaliarsuaq peqqinissaqarfimmi ataatsimut isigalugu pitsanngorsaatissanik inassuseqaasiussaaq, tassunga ilanngullugit sulisussarsiortarneq, sulisut sulisoriinnarnissat kiisalu Danmarkimik nunanillu allanik suleqateqarneq. Inassuteqaatit peqqinnissaqarfimmi aaqqissuusseqqinnissamut Inatsisartut politikkikkut tunngavigissavaat. Minnerpaamik peqqinnissamik suliaqartut kattuffii aamma soqu-tisaqartut Kalaallit Nunaanni peqqinnissaqarfissaqarfimmi suliaqarnermik ilisimasaqartut ataatsimiititaliarsuarmi sinniisoqassapput.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 99
oqaluuserisassanit peerneqarpoq
Isumaqatigiinniareernikkut isumaqatigiissusiorani imaluunniit periutsit taakku marluk ataatsimoortillugit ilaasunik angallaasinermut sullinnissamut isumaqatigiissutit ataanni angallassinermi suliassat pillugit isumaqatigiissusiornermut tunngavissaqalernissamut suliarinnittussarsiortarneq pillugu inatsisip atorneqarata iluaqutaanik ajoqutaanillu takutitsisumik Naalakkersuisut UKA2020 nallertinnagu nassuiaasiornissaamik peqquneqarnissaannik Inatsisartut aalajangiiffigisassaattut siunnersuut. Nalunaarusiaq siunissami sullissinermut isumaqatigiissutinut tunngatillugu inassuteqaatinik imaqartariaqarpoq.
Inatsisartunut ilaasortaq Tillie Martinussen, Suleqatigiissitsisut

Pisortat sullississutaasa suliakkiissutigineqarnerannik atuinermi iluaqutaasunik qulaajaalluni UPA2021-mut naassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut, assersuutigalugu eqqiaaneq, aqqusinernik aserfallatsaaliuineq, illunik aserfallataaliuineq utoqqarnillu paaqqinninneq. Nassuiaat misileraalluni aaqqissuussisinnaanrmut inassuteqaatinik kiisalu misileraalluni aaqqissuussinernik avammut suliakkiissutigineqarluarsinnaasunik nalilersuinermut inassuteqaatinik imaqassaaq.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 101
Sul. UPA 2020
Ilaqutariit nukittorsarumallugit ilaqutariinnik siunnersuisartut (coaching) pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Nivi Olsen Demokraatit

Imm./pkt.: 103
(Imm. 43 aamma 103 ataatsimut siullermeerneqarput)
Immikkoortuni Namminersorlutik Oqartussat kommunillu akuuffigisaanni marloqiusamik allaffiossornerup pinngitsoortinneqarnissaanut, ataatsimut suleriaatsit pisariillisarnissaannut isumalluutillu avitseqatigiissutigineqarnissaannut periarfissat qulaajaaffigalugit Naalakkersuisut nassuiaammik UKA2021-mut saqqummiussinissamik peqquneqarnissaannik Inatsisartut aalajangiiffigisassaatut siunnersuut.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 108
Konflikråd-imut inatsit nr. 467 12. juni 2009-meersoq, tassa pineqaatisseereersimanerup qaangernerani pinerlussimasup pinerluffigineqartullu akornanni kiinneqatigiilluni oqaloqatigiissinnaanermut siunnersuineq, Kunngip akuerisaanik Kalaallit Nunaannut atuutilersinneqarsinnaasunngortikkumallugu Naalakkersuisut danskit Naalakkersuisuinut isumaqatiginninniarnissaannik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aleqa Hammond, Nunatta Qitornai

Imm./pkt.: 109
Kunngeqarfiup Danmarkip Issittoq Pillugu Periusissiaata 2011-2020-mut atuuttup taartissaata suliarinerani Kalaallit Nunatta soqutigisai Issittumut tunngasut qitiutinneqarnissai qulakkeerniarlugit Naalakkersuisut danskit Naalakkersuisui saaffigissagai qulakkeerlugulu siunissami Kunngeqarfik sinnerlugu Issittumut Periusissiaqarnermi Naalakkersuisut ilusilersueqataasumik allaqataanissaat, sunniuteqaqataasumik piginneqataasumillu qulakkeerlugu Issittoq Pillugu Kunngeqarfiup periusissiaa Issittormiortaasunit ilusilersorfioqataasimasoq anguniarlugu Naalakkersuisut peqquneqarnissaannik Inatsisartuni aalajangiiffigisassaattut siunnersuut.
Inatsisartunut ilaasortaq Aleqa Hammond, Nunatta Qitornai

Imm./pkt.: 120
Meeqqat atuarfianni naammassisut amerlanerpaat ilinniartitaanerup iluani ingerlaqqittarnissaat qulakkeerniarlugu meeqqat atuarfiata siunertaata qanoq ittuuneranik ittuusariaqarneranillu naatsorsuutiginninneq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Sofia Geisler, Inuit Ataqatigiit

Århuskonventionimut Namminersorlutik Oqartussat ilanngutissappata allaffissornikkut aningaasatigullu kingunissaasa qulaajarneqarnissaannik Naalakkersuisut kingusinnerpaamik UKA2020-mi Inatsisartunut saqqummiunneqartussamik suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Stine Egede, Inuit Ataqatigiit

Imm./pkt.: 122
Imm. 45 aamma 122 ataatsimut siullermeerneqarput
Attartornermut inatsisissatut siunnersuutissaminni attartortut suliffimmut atatillugu inissaminnik tunineqarnerminni inissiami ukiut tallimat kingulliit iluanni oqummik ajornartorsiuteqartoq paasineqarsimagaangat attartortut inissiamik allamik tunineqarnissaminnik annaasaqaratik naaggaarsinnaalernissaannik Naalakkersuisut suliaqarnissaannik peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Sofia Geisler, Inuit Ataqatigiit

Imm./pkt.: 124
Sul. UPA 2020
Inoqarfiit sorliit aqqusinermik atassuserneqarnissamut periarfissagissaarnersut pillugit apeqquteqaat aallaavigalugu Inatsisartut oqallinnissaannik siunnersuut.
(Inatsisartunut ilaasortaq Aqqa Samuelsen, Inuit Ataqatigiit)

Imm./pkt.: 127
Aappassaaneerinninnermi allannguutissatut siunnersuut Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit isumaqatigiittumit saqqummiunneqartoq akuerineqarpoq.
Naalakkersuisut Atuarfik pillugu Inatsisartut inatsisaannik allannguinissaminni atuarfimmi klassimi ataatsimi atuartut annerpaamik 18-inik amerlassuseqartalernissaannik qulakkeerinneqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Peter Olsen, Inuit Ataqatigiit