Ullormut oqaluuserisassat
Ullut ataatsimiiffiusut 22-iat, ataasinngorneq 29. May 2017, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat
(Inatsisartut Siulittaasoqarfiat)
Imm./pkt.: 130
Uunga siunnersuut: Utoqqalinersiaqarneq pillugu Inatsisartut inatsisaat nr. xx, xx xxx 2017-imeersup allanngortinnissaa pillugu Inatsisartut inatsisaat.
(Inatsisip kalaallisut oqaasertaani § 17, imm. 6-mut aaqqiissut)
(Inatsisip kalaallisut oqaasertaani § 17, imm. 6-mut aaqqiissut)
(Ilaqutariinnermut, Naligiissitaanermut, Isumaginninnermut Inatsisinillu atuutsit-sinermut Naalakkersuisoq)
Imm./pkt.: 27
Uunga siunnersuut: Suliffeqarfinnik tunniussisoqartillugu sulisut inatsisitigut inissisimanerat pillugu Inatsisartut peqqussutaata allanngortinneqarneranik Inatsisartut inatsisaat nr. xx, xx. xxx 2017-imeersoq. (Suliassaqarfinnik tigusinermut atatillugu sulisunut tjenestemanditut atorfeqartitaanngitsunut atorneqarnera)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)
Imm./pkt.: 133
Naalakkersuisut 2017-ip qiteqqunnerani nungusaataanngitsumik ivigartortitsinissaq pillugu misissuinermik aallartitsinissamut peqquneqarnissaannik Inatsisartut aalajangiiffigisassaattut siunnersuut. Misissuinermi neriniarfiusartut nersutaateqarnermut ullumikkut atorneqartartut eqqannguaniittullu aallaavigineqassapput, kiisalu nungusaataanngitsumik atuineq innarlinngikkaluarlugu neriniarfinni nerisaqarneq qanoq annertutigisoq attanneqarsinnaanersoq pillugu naliliinermik imaqassalluni.
(Namminiilivinnermut, Pinngortitamut, Avatangiisinut Nunalerinermullu Naalakkersuisoq)
Imm./pkt.: 61
Allannguutissatut siunnersuut Naalakkeruisunit saqqummiuneqartoq akuerineqarpoq.
Tasiilami inunnik isumaginninnikkut pissutsit pitsanngorsarneqarnissaat qularnaarumallugu 2018-mut aningaasanut inatsisissamut atatillugu 2018-mi ukiunilu missingersersuusiorfisuni ukiumut 5 millioner koruuninik immikkoortitsisoqartarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliniut ingerlanneqassaaq Kommuneqarfik Sermersooq qanimut ataqatigiissaareqatigalugu.
(Inatsisartunut ilaasortat Randi Vestergaard Evaldsen aamma Justus Hansen, Demokraatit)
Imm./pkt.: 44
Meeqqat atuarfianni atuarnermut ilaatillugu sungiusaammik sulinermi assigiimmik sillimmaserneqarnissaannut Naalakkersuisut suliniuteqarnissaat pillugu inatsisartut aalajangiiffigisassaattut siunnersuut. Suliami tassani kommunit, Center for Arbejdsskadesikring attuumassuteqartullu allat sapinngisamik Naalakkersuisunit akuutinneqartariaqarput.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 110
Allannguutissatut siunnersuut Naalakkeruisunit saqqummiuneqartoq akuerineqarpoq.
Angallatit nunatsinni talittarfinnut talinnerini avalattussanngornerinilu ilanngaaserisut misissuisarnerat pillugu nukittorsaasoqassappat pisariaqartitsineq, periarfissat piumasaqaatillu pillugit Naalakkersuisut nalunaarusioqqullugit kingusinnerpaamik UPA2018-imi saqqummiussassamik peqquneqarnissaannik Inatsisartut aalajangiiffigisassaattut siunnersuut.
(Siumup gruppia)
Imm./pkt.: 51
Allannguutissatut siunnersuut Naalakkeruisunit saqqummiuneqartoq akuerineqarpoq.
Naalakkersuisooqatigiit isumaqatigiissutaat naapertorlugu Kujataani Itilliarsuup N 60.614 W45.46.622 ikerasaliorneqarnissaanik Naalakkersuisut suliniuteqarnissaannik peqquneqassasut Inatsisartut aalajangiiffissaattut siunnersuut.
(Inatsisartunut ilaasortaq Kelly Berthelsen, Inuit Ataqatigiit)
Imm./pkt.: 165
Kalaallit Nunaanni inatsisinik atuutsitsinermut tunngasut Danmarkimisut pitsaassuseqalernissaat qulakkeerniarlugu qanoq siuarsarneqarnissaannut apeqquteqaat aallaavigalugu oqalinnissamut siunnersuut.
(Inatsisartunut ilaasortaq Debora Kleist, Inuit Ataqatigiit)