Inatsisartoqarfik
UPA2015

Ullormut oqaluuserisassat

Ullut ataatsimiiffiusut 30-iat, sisamanngorneq 28. maajip 2015, nal. 00:00
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 83
Uunga siunnersuut: Sulisoqarnermut akitsuut pillugu Inatsisartut inatsisaata allanngortinneqarnera pillugu Inatsisartut inatsisaat.
(Aningaasaqarnermut Aatsitassanullu Naalakkersuisoq)
Imm./pkt.: 71
Uunga siunnersuut: SIKUKI Nuuk Harbour A/S aamma Nuummi umiarsualiviliorneq pillugu Inatsisartut inatsisaat nr. xx, xx.xx.2015-imeersoq.
(Naalakkersuisut Siulittaasuat)
Imm./pkt.: 148
Siunnersuut uunga: Inatsisartut Suleriaasiata allanngortinneqarnera.
(Inatsisartut Siulittaasoqarfiat)
Imm./pkt.: 149
Siunnersuut uunga: Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, uu. qqqq 2015-imeersoq.
(Partiinut nutaanut tunngaviusumik tapiissuteqartannginneq. Atuuffiit allat pillugit paasissutissiinngikkaanni qinigaanermut tapiissutisisinnaannginneq. Partiit sinnerlugit aningaasartuutinik ilanngaassisinnaaneq)
(Inatsisartut Siulittaasoqarfiat)
Imm./pkt.: 150
Uunga siunnersuut: Inatsisartunut Naalakkersuisunullu il.il. ilaasortat aningaasarsiaqartitaanerat il.il. pillugit Inatsisartut inatsisaata allanngortinneqarneranik Inatsisartut inatsisaat nr. xx, uu. qqqq 2015-imeersoq
(Inatsisartunut ilaasortat il.il. sulinngiffeqarallarsinnaanerannut il.il. malittarisassanik Inatsisartut aalajangersaanerat)
(Inatsisartut Siulittaasoqarfiat)
Imm./pkt.: 73
Allannguutissatut siunnersuut Naalakkersuisunit saqqummiunneqartoq
Uunga siunnersuut: Umiarsualiviit pillugit Inatsisartut inatsisaat nr. xx, xx. xx 2015-imeersoq.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 118
Naalakkersuisut pisortat pisiortorneranni inatsisitigut, teknikikkut aammalu niuernerpalaarneq eqqarsaatigalugu neqeroortitsinermi atorneqartartussamik inatsisissatut siunnersuummik saqqummiussinissamut pisussaaffilerneqarnissaannik Inatsisartut aalajangiussassaattut siunnersuut. Inatsisissatut siunnersuutip qulakkiissavaa pisiffigisat assigiimmik pineqarnissaat, neqerooruteqartitsinermi pisiffissat toqqarneqarneranni sinaakkutissat ersarissuunissaat aammalu neqerooruteqartoqartillugu maalaaruteqarfiusinnaasumik pilersitsisoqarnissaa. Inatsisissatut siunnersuummi aamma pisiffissat toqqarneqarneranni inuiaqatigiit aningaasaqarnerat tamakkiinerusumik qanoq isiginiarneqartassanersut pillugit maleruagassiortoqarnissaa ilaatinneqassaaq.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 40
Innuttaasut pisariaqartitsilernerni ukioq kaajallallugu kigutigissaasoqarfi-unngitsuni najugaqartut tassanngaannartumik suliaritittariaqartut isumagineqarfissaminnut qaninnermut angalanissaminnut akiliutissaannik ikiorserneqarsinnaaqqullugit Peqqinnissaqarfiup sullissineri il.il. pillugit Inatsisartut peqqussutaata nr. 15-ip, 6. november 1997-imeersup allanngortinnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq Juliane Henningsen, Inuit Ataqatigiit)
Imm./pkt.: 137
Naalakkersuinikkut arlaannaannulluunniit attuumassuteqanngitsunik siunnersuisoqatigiinnik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Siunnersuisoqatigiit aatsitassarsiornermi aningaasaliisartut sanngisuussusiat aningaasaliisussarsiornermullu pilersaarutaat pillugit inassuteqaasiortassapput, pilersaarutit aalajangersimasut sanngisuussusiat pillugu paasissutissiisassallutik kiisalu aatsitassarsiornermi pilersaarutit ataasiakkaat siunissaq ungasinnerusoq eqqarsaatigalugu piujuartitsineq tunngavigalugu inuiaqatigiinni ineriartortitsinermik nassataqarnissaat siuarsaaqataaffigissallugu. Tamanna pillugu siunnersuisoqatigiit Naalakkersuisunut innuttaasunullu inassuteqaasiortassapput.
(Inatsisartunut ilaasortat Naaja H. Nathanielsen aamma Sara Olsvig, Inuit Ataqatigiit)
Imm./pkt.: 113
Hjemme dialyse Nunatsinni atorneqarsinnaanersoq misissoqqullugu, tamannalu anguniarlugu Naalakkersuisut kingusinnerpaamik UPA 2016-imut Inatsisartunut innersuussillutik saqqummiussassamik suliaqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 141
Nunat Avannarliit Killiit Siunnersuisoqatigiiffiata kaammattuutitut aalajangersagaata Inatsisartunit ilalerneqarneranik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Savalimmiuni naalakkersuisut, Kalaallit Nunaanni Naalakkersuisut Islandimilu naalakkersuisut kaammattorpaat Nunat Avannarliit Killiit Siunnersuisoqatigiiffianut qinikkatut ilaasortat, Siunnersuisoqatigiiffimmut nalunaarutit tunngavigalugit, allatigulluunniit isumaqarfigisaminnik nunat avannarliit killiit suleqatigiinnerisut tunngasunik, nunat ilasortaasut naalakkersuisuinut apeqquteqarsinnaaleqqullugit. Apeqqutit Nunat Avannarliit Killiit Siunnersuisoqatigiiffiata allattoqarfianut nassiunneqartassapput, tassanngaanniillu naalakkersuisunut pineqartunut ingerlateqqinneqarlutik. Naalakkersuisut pisussaapput ilaasortamit apeqqutigineqartumut, kingusinnerpaamik apeqquteqarfigineqartup apeqqummik tigusineraniit sapaatit akunnerini arfineq-pingasut qaangiutsinnagit, akissuteqarnissamut.
(Aallartitat siulittaasuat Lars-Emil Johansen)
Imm./pkt.: 142
Nunat Avannarliit Killiit Siunnersuisoqatigiiffiata kaammattuutitut aalajangersagaata Inatsisartunit ilalerneqarneranik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Savalimmiuni naalakkersuisut, Kalaallit Nunaanni Naalakkersuisut Islandimilu naalakkersuisut kaammattorpaat suliniutit umiarsuit atorlugit angallannermi svovlimik aniatitsinermik annikillisitsisinnaasut eqqarsaatigalugit suleqatigeeqqullugit. Nunat kaammattorneqarput ikummatissat mingutsitsinnginnerusut, taamatullu aamma atortut avataasiorluni aalisarnermi imaatigullu assartuinermi angallatit ingerlataasa pujuliornerinit svovlimik piiaasinnaasut atorneqarnissaannik piumasaqarnikkut sunniuteqartumik avatangiisinullu mianersuussisumik nukissiuutinik atuinermut periutsinik ineriartortitsineq atuutsitsilernerlu pillugit suleqatigeeqqullugit.
(Aallartitat siulittaasuat Lars-Emil Johansen)
Imm./pkt.: 96
Uunga siunnersuut: Inatsisartut aalajangiiffigisassaat Kalaallit Nunaanni Namminersorlutik Oqartussat oqaaseqaateqarnissaannut kunngikkormiutut peqqussutip ilaata § 1-ip taarsigassarsisarfinnut anin-gaasaliisarfinnullu allanut aamma inatsisinut allanut assigiinngitsunut tunngatillugu. (CRD IV-mik atuutsitsilerneq).
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 107
Taarsigassarsisitsisarfinnut aningaasaliisarfinnullu aningaasaateqarnissaq nakkutilliinikkullu piumasaqaateqarnissaq pillugu inatsisimmut Kalaallit Nunaannut atuuttussatut siunnersuummut oqaaseqaateqarnissaq pillugu Inatsisartut aalajangiiffigisassaattut siunnersuut, (CRR)
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 22
Nunatta inuiattut timersornikkut unammersuartarfissaanik qulisamik "National stadion"-imik pilersitsinissaq siunertaralugu Naalakkersuisut pilersaarummik kingusinnerpaamik UKA2016-mi saqqummiunneqartussamik suliaqaqqullugit peqquneqarnissaanik Inatsisartut aalajangiiffigisassaattut siunnersuut. Pilersitsinissamut pilersaarummi misissorneqassapput unammersuartarfissap ingerlanneqarnerani sanaartornissamilu aningaasatigut pissutsit atuuttussat.
(Inatsisartunut ilaasortaq Anders Olsen, Siumut)
Imm./pkt.: 93
ILO-mi isumaqatigiissutinik Namminersorlutik Oqartussat akuersinerat pillugu Inatsisartut aalajangiussinerat; nr. 98 (kattuffiliorsinnaanermut pisinnaatitaaneq aamma ataatsimoorussamik isumaqatiginninniarsinnaatitaaneq pillugit), nr. 100 (assigiimmik akissarsiaqarneq pillugu), nr. 111 (atorfinitsitaaneq suliffeqartitsinerlu pillugit), nr. 138 (suliffeqarsinnaanermut ukiukinnerpaaffissaq pillugu) aamma nr. 182 (meeqqanik sulisitsisarnerit ajornerpaat pillugit)
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)