Inatsisartoqarfik
UKA2011
Arlaat toqqaruk

Oqaluuserisassat oqaluuserineqarfissaasalu ullui

2011-imi Ukiakkut Ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
()
Imm./pkt.: 1
Ataatsimiinnerup ammarneqarnera.
(Inatsisartuni sivisunerpaamik ilaasortaasimasunit angajulleq) )
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik
siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Imm./pkt.: 4
<a href="http://www.inatsisartut.gl/udvalghome/medlemmer-udvalg-og-repraesentationer.aspx">Inatsisartut ataatsimiititaliaannut inatsisitigut pilersinneqartussanut ataavartunullu ilaasortassanik qinersineq. (Matoqqasumik ataatsimiinneq)</a>
(Inatsisartut Siulittaasoqarfiat)
Imm./pkt.: 5
<a href="http://www.inatsisartut.gl/udvalghome/medlemmer-raad-og-naevn.aspx">Siunnersuisoqatigiinnut nævninullu ilaasortassanik sinniisussaannillu qinersineq. (Matoqqasumik ataatsimiinneq)</a>
(Inatsisartut Siulittaasoqarfiat)
Imm./pkt.: 6
2012-mi Inatsisartut upernaakkut ukiakkullu ataatsimiinnissaata aalajangiiffigineqarnera.

(Inatsisartut Siulittaasoqarfiat)
Imm./pkt.: 7
2012-imut aningaasanut inatsisissatut siunnersuut.
(Aningaasaqarnermut Naalakkersuisoq)
Imm./pkt.: 8
Inatsisartut ilassutitut aningaasaliissutissatut siunnersuutaat.
(Aningaasaqarnermut Naalakkersuisoq)
Imm./pkt.: 9
Inatsisartut Ombudsmandiata 2010-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.

(Inatsisit atortinneqarneranut ataatsimiititaliaq)
Imm./pkt.: 10
Aningaasaqarnikkut Ingerlatsineq pillugu Nalunaarut.
(Aningaasaqarnermut Naalakkersuisoq)
Imm./pkt.: 11
Nunatta Karsiata 2010-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq)
Imm./pkt.: 12
2012-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik iunnersuut, tak. suleriaasissani § 33, imm. 6, 2:
1. Inummut ilanngaat.............................kr. 48.000 (ukiumut)
2. Ilanngaat aalajangersimasoq...............kr. 10.000 (ukiumut)
3. Aningaasarsiat B-t akileraaruteqaataasussaanngitsut..kr. 5.000
(ukiumut)
4. Killilimmik akileraartussaatitaasut ilanngaataat kr. 1.000 (ukiumut)
5. Kommuninut ataatsimut akileraarut.............................6%
(Aningaasaqarnermut Naalakkersuisoq)
Imm./pkt.: 13
Nunani Avannarlerni iliuusissaq aamma nassuiaat 2011

(Naalakkersuisut Siulittaasuat)
Imm./pkt.: 14
Nunanut Allanut tunngasutigut naalakkersuinikkut ingerlatsineq pillugu pilersaarut nassuiaallu.
(Naalakkersuisut siulittaasuat aamma Nunanut allanut tunngasunut Naalakkersuisoq)
Imm./pkt.: 15
Ilinniarfinni meeqqallu atuarfiini attaveqatigiinnikkut teknologip ukunatigut atorneqarnerata annertusarneqarnissaanik attaveqaatillu pitsanngorsarneqarnissaannik Naalakkersuisut suliniuteqaqqullugit Inatsisartut aalajangiiffigisassaattut siunnersuut:
1. Internetsi ilinniarfinni atuarfinnilu tamani killilersugaanngitsumik atorneqarsinnaalersinneqassaaq.
2. Attaveqaatit pitsaanerpaat (sukkanerpaat) ilinniarfinni tamani pilersinneqassapput.
3. Ungasianiit ilinniartitsinerup atorneqarnerulernissaa siunertaralugu "ungasianiit ilinniartitsivimmik" pilersitsisoqassaaq. Ungasianiit ilinniartitsiviup pingaarnertut salliutillugulu suliarissavaa nunaqarfinni meeqqat atuarfiini atuartitsissutit ilinniartitsisussaaleqiffiusut naammaginartumik atuartitsissutaalernissaat anguniassallugu.
(Inatsisartunut ilaasortaq Kaali Olsen, Inuit Ataqatigiit)
Imm./pkt.: 16
Naalakkersuisut siulittaasuata ammaanermi oqalugiaataa.

(Naalakkersuisut siulittaasuat aamma Nunanut allanut tunngasunut Naalakkersuisoq)
Imm./pkt.: 18
Inimik attartornermi peqqussummut atuuttumut allannguutissaannik kingusinnerpaamik 2010-mi upernaakkut Inatsisartut ataatsimiinneranni Naalakkersuisut saqqummeeqqullugit Inatsisartut aalajangiiffigisassaattut siunnersuut, tamatuma kingorna qaammammut ineqarnermut akiliutaasartunut ineqarnermut meeqqanut tapiissuteqartoqartassaaq meeqqamut ataatsimut 18-it inorlugit ukiulimmut angerlarsimaffimmi najugalimmut 7,5 %-imik ineqarnermi qaammammut akiliutinut ilanngaataasartumik, taamaattorli meeqqat amerlanerpaamik arfiniliussallutik.
(Inatsisartunut Siumup Gruppia)
Imm./pkt.: 19
Naalakkersuisut siulersuisunut, sinniisoqarfinnut imaluunnit assigisaannik ataatsimoortumik siuttoqarfinnut ilaasortanik toqqaanerminni arnat angutillu naligiissinnissaat siunertaralugu Arnat Angutillu Naligiissitaanissaat pillugu Inatsisartut inatsisaata nr. 7, 11. april 2003-meersup allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 20
Nunavummi Nunavimmilu oqartussaasut suleqatiginerisigut inuusuttunut 16-it 30-illu akornanni ukiullinnut "Nuna Job paarlaateqatigiinneq"-mik pilersitsinissaq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Jane Petersen aamma Juliane Henningsen, Inuit Ataqatigiit)
Imm./pkt.: 21
Illuni kikkunnit tamanit iserfigineqarsinnaasuni imaluunniit amerlasuunik sulisoqarfiutigisuni pisortat sanaartortitsinerini iluarsaassinikkullu suliaqarnerini (pisortat sanaartortitaat) sanaartornissamut aningaasaliissutit tamakkerlutik 1 %-iinik sanaartukkap silataatigut iluatigullu kusassarneqarnissaannut atugassanik Naalakkersuisut immikkoortitsisaqqullugit peqquneqarnissaannik Inatsisartut aalajangiinissaannik siunnersuut. Aningaasat taakku ingerlatassamut immikkut normulerneqartassapput ukiumoortumillu Aningaasanut inatsisissatut siunnersuummi takuneqarsinnaassallutik.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 22
Inuusuttut innarluuteqartut ukiut pingasut tikillugit efterskolersinnaalernissaat, atuarnermilu ilinniagaqartutut allatulli atugaqarlutillu ilinniagaqarnersiuteqartalernissaat Naalakkersuisunit qulakkeerneqaqqullugu Inatsisartut aalajangiiffigisassaattut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 23
Naalakkersuisut peqquneqarnissaannik Inatsisartut aalajangiiffigisassaattut siunnersuut Naalakkersuisut kingusinnerpaamik FM12-mi peqquneqassasut siunnersuusioqqullugit, taamaasilluni illup tunineqarnerani iluanaarummiik akitsuummik akiliissarnissaq eqqunneqaqqullugu taarsigassarseriaaseq 20/20/60 atorlugu illut sanaat tunineqarneranni nalingata affaa aallaavigalugu, illup napparnerani pisortat taarsigassarsititsisartullu namminersortut taarsigassarsiissutaat sinnerlugit iluanaaruteqartoqarsimappat.
(Inatsisartunut ilaasortaq Justus Hansen, Demokraterne)
Imm./pkt.: 24
Kingusinnerpaamik UPA12-mi suliariumannittussarsiuussinermi misissuinermik saqqummiussinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut, paasiniarlugu suliariumannittussarsiuussinerni aningaasatigut allaffissornikkullu sipaartoqarsinnaanersoq, suliani ullumikkut Namminersorlutik Oqartussanit aamma Namminersorlutik Oqartussat suliffiutaannit ingerlanneqartartuni. Misissuinermi aamma siunertaassaaq suliat pisortanit ingerlanneqartartut sorliit namminersortunut imissutigineqartarsinnaanersut nassuiarnissaat tikkuarnissaallu aamma sipaarutaasinnaasut taggillugit taamaasilluni suliat ukiup tullianut aningaasanut inatsisissamut ilanngunneqarsinnaalersillugu.
(Inatsisartunut ilaasortaq Niels Thomsen, Demokraatit)
Imm./pkt.: 25
Ammasumik sulianut immikkoortiterineq ammasumik suliariumannittuussarsiussisarnerni salliutinneqartarnissaat taamaalillunilu suliffiit sungiusarfiusut sapinngisamik qulakkeerneqarnissaat pillugit sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersup UKA 2012-imut allanngortinneqarnissaanik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 26
Suliffeqarfimmut akileraarutip appartinneqarsinnaanera, ungasinnerusoq isigalugu suliffeqarfinnik amerlanerusunik, nunatsinnullu pilersitsisinnaanersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 27
Inuiaqatigiinni ataqatigiinnerup pilersinneqaqqinnissaa qanoq ililluni qulakkeerneqarsinnaanera pillugu oqallinnissannik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 28
Siull. 3/3-2011
Allannguutissatut siunnersuut akuerineqarpoq(UPA 2011/67)
Danmarkimi kalaallit, Kalaallit Nunaanni nappaataasa peqqissarneqarsinnaannginnerat peqqutigalugu Brønshøjimi Rigshospitalimilu peqqissarlutik unginngasut kalaaliminernik nerisqartarnissaat qulakkeerniarlugu ukiumut 200.000 kr-ninik nunatta karsianiit aningaasanik immikkoortitsisalernissaq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 29
Siull. 15/3-2011
(UPA 2011/68)
Kalaallit Nunatsinni pisortatigoortumik Nunatta Katersugaasivianut Allagaateqarfianullu atasussamik kulturikkut eriagisariaqartut illersorneqarsinnaasumik toqqorsiveqalernissaannut Naalakkersuisut pilersitsinissamut suliaqaqqullugit Inatsisartut aaliangiiffigisassaattut siunnersuut.
(Inatsisartunut ilaasortaq Aleqa Hammond Siumut)
Imm./pkt.: 30
Siull. 16/3-2011
Allannguutissatut siunnersuut akuerineqarpoq
Meeqqat atuarfiat pillugu inatsisip allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni tuluit oqaasii danskit oqaasii naligalugit minnerni aallartittumik atuartitsissutigineqartalersillugit.
(Inatsisartunut ilaasortaq Doris Jakobsen, Siumut)
Imm./pkt.: 34
Siull. 23/3-2011
(UPA 2011/73)
UPA12 nallertinnagu Naalakkersuisoqarfiit suleqatigiillutik inuussu-tissarsiornermut inatsit siunertaanngitsumik isertortumik akunnermiliuttoqarsinnaanngortitsilluni (stråmandsvirksomhed) Kalaallit Nunaanniit aningaasanik annissuinissaq siunertaralugu nalorninarsinnaasumillu aningaasannanniarluni transfer pricing atorlugu periarfissiinersoq misissoqqullugu, tassunga ilanngullugu piginneqatigiissutinik tuniniaaneq atornagu aningaasaatillillu aningaasanik attartorfigalugit aningaasaliineq atorneqarnersoq pillugu Naalakkersuisut inuussutissarsiummik ingerlataqarneq pillugu inatsisartut inatsisaanni allanngortitsinissaq siunertaralugu suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq Kim Kielsen, Siumut)
Imm./pkt.: 35
Siull. 13/4-2011
(UPA 2011/88)
Aalisarneq pillugu Inatsisartut inatsisaata allanngortinneqarnera pillugu Inatsisartut inatsisissaattut nr. xx, xx 2011-eersussatut siunnersuut.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 36
Ukiup sinnerani aalisartut qaleralinnik saarullinnillu inuutissarsiuteqartut pisassaaruttut, kiisalu aalisakkerivinni qaleralinnik saarullinnillu nioqqutissiorfiusuni sulisut sulassaaruttut, isertitaarutivinneq pissutigalugu inuuniarnermikkut atugarliorluinnalertussat pillugit aaqqiissutaasinnaasunik sunik iliuuseqarsinnaaneq pillugu apeqquteqaat aallaavigalugu oqallinnissamik siunnersuut.
(Inatsisartuni Siumut ilaasortaatitai)
Imm./pkt.: 37
Siull. 16/3-2011
(UPA 2011/96)
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 2/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut, kaammattuutitut aalangersagaq imatut oqaasertaqarpoq:
Nunat Avannarliit Killiit Siunnersuisoqatigiiffiata Savalimmiuni naalakkersuisut, Namminersorlutik Oqartussat Islandimilu naalakkersuisut kaammattorpai "Nunat Avannarliit Killiit oqaluttuarisaanerat inuiaqatigiillu pillugit sullissivik"-mik pilersitsinissamut aningaasanut inatsisini aningaasanik qinnuteqaqqulugit taperseeqqullugillu.
(Aallartitat siulittaasuat Josef Motzfeldt)
Imm./pkt.: 38
Naalakkersuisunit allannguutissatut siunnersuut akuerineqarpoq, siunnersuut allannguutissatut siunnersuutitalik akuerineqarpoq
Uunga siunnersuut: Avatangiisit innarlitsaaliorneqarnissaanik Inatsisartut inatsisaat nr. xx, xx.xx 2011-meersoq
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 39
(Aappass. pingajuss. inersuarmi aalajangerneqarpoq UPA2012-imut kinguartinne-qassasoq.
(UPA2012/16)
Uunga siunnersuut: Kommunini illuuteqarnermik ingerlatseqatigiiffiit pillugit Inatsisartut inatsisaat nr. x, xx-ip xx-anni 2011-meersoq.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 40
Kommunit pillugit nassuiaat 2011.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 41
Aningaasanoorutit ilaannit iluanaarutinit agguaassisarneq pillugu Inatsisartut Inatsisaattut siunnersuut.
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 42
Meeqqat illersuisuat aamma Meeqqat pillugit Siunnersuisoqatigiit pillugit Inatsisartut inatsisissaattut siunnersuut.
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 43
Meeqqanut inuusuttunullu periusissiaq pillugu nassuiaat
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 44
Aningaasaliisunut aningaasalersuisunullu qularnaveeqqusiinermut aningaasaateqarfik pillugu inatsisip allanngortinneqarnerata Kalaallit Nunaannut atuutilernissaa pillugu Aaqqiissummut Namminersorlutik Oqartussat oqaaseqaatissaat pillugu Inatsisartunut aalajangiiffigisassanngorlugu siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 45
Ilinniagaqarnersiutit pillugit Inatsisartut inatsisissaattut siunnersuut.
(Ilinniartitaanermut, Ilisimatusarnermut Nunanullu Avannarlernut suleqateqarnermut Naalakkersuisoq)
Imm./pkt.: 46
Uunga siunnersuut: Ilinniarnertuunngorniartarneq pillugu Inatsisartut inatsisaat nr. xx, xx. xx 2011-imeersoq.
(Ilinniartitaanermut, Ilisimatusarnermut Nunanullu Avannarlernut suleqateqarnermut Naalakkersuisoq)
Imm./pkt.: 47
Agguaanneqarpoq oqallisigineqarani.
Kræfti pillugu nassuiaat.
(Peqqissutsimut Naalakkersuisoq)
Imm./pkt.: 48
Inersimasut kinguaassiuutitigut atornerlunneqarsimasut katsorsarneqarsinnaanerat siunertaralu iliuusissanik pilersaarusiornermik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 49
Sul. 26/10
Imm. 49 aamma 54 ataqatigiisillugit oqaluu-serineqassapput
Imigassat aalakoornartortallit tuniniarneqartarnerat sallaassissutigineqartarnerallu pillugit imaattumik apeqquteqaat tunngavigalugu oqaluuserisassamik siunnersuuteqarpunga.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 50
Inatsisartut Aatsitassat pillugit inatsisaat nr. 7, 7. december 2009-meersoq aammalu suliat tassunga tunngatillugu suliarineqartut pillugit, siunertaralugu siunissami misissueqqissaarnernut akuersissutinullu tunngatillugu Inatsisartut tusarniaaffigineqarnermikkut akuutinneqartalernissaat pillugu apeqquteqaat allaavigalugu oqallinnissamik siunnersuut.
(Inatsisartunut ilaasortat Naaja Nathanielsen aamma Juliane Henningsen, Inuit Ataqatigiit)
Imm./pkt.: 51
Matumuuna Inatsisartut aalajangiiffigisassaattut siunnersuuteqarpunga, siunertaralugu Naalakkersuisut nalunaarusiornermikkut aqqutissiuutissagaat, qanoq iliuuseqarnikkut Namminersorlutik Oqartussat FN-p innarluutillit pillugit aalajangersagaa nunatsinni atuutilersinneqarsinnaassanersoq. Siunnersuutigaara Naalakkersuisut piumaffigineqassasut 2012-i naatinnagu aqqutissiuussinissaq siunertaralugu nalunaarusiorsimanissamut Inatsisartunit peqquneqassasut.
(Inatsisartunut ilaasortaq Jane Petersen. Inuit Ataqatigiit)
Imm./pkt.: 52
Meeqqat ulloq unnuarlu angerlarsimaffiinut inissinneqarsimasut qanoq akulikitsigisumik kommunit Naalakkersuisullu inissiissuussimanertik tunngavigalugu nakkutiilliartorlutik misissuisarnissarnissamik pisussaaffeqarnissaanik Naalakkersuisut sulissuteqaqqullugit peqquneqarnissaanik Inatsisartut aalajangiiffigisassaattut siunnersuut.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 53
§ 46 imm. 2 naapertorlugu atorunnaarpoq, 13-nit akuersimmata 13-nillu akerliullutik
Qinersisarnermut inatsisip atuuttup ingammik qinersiviup ataasiinnaalersimaneranut tunngatillugu inuit tamat oqartussaaqqataanerannut tunngatillugu naleqquttuunersoq Naalakkersuisut misissueqqissaaqqullugit peqquneqarnissaat siunertaralugu Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 54
Sul. 26/10
Imm. 49 aamma 54 ataqatigiisillugit oqaluu-serineqassapput
Ukiuni 30-ni kingullerni inuiaqatigiinni imigassamik atuineq malunnaateqarluartumik appariartorpoq, naak imigassamik atuinerup sunniutipilui inuiaqatigiinni malugineqarsinnaagaluartut. Siunissami imigassartartorneq pillugu qanoq iliuuseqassaagut? Uani eqqarsaatigineqarput imigassartornerup milliartuaaginnarneranik ingerlaavartitsisinnaasunik naalakkersuinikkut iliuusissat, siunnersuutillu tuniniaasarnermi killissarititaasut eqaannerulersinneqarnissaanut tunngasut.
(Inatsisartunut ilaasortat Storm Ludvigsen, Inuit Ataqatigiit kiisalu Andreas Uldum, Demokraatit)
Imm./pkt.: 55
Inatsisartut Inatsisaat nr. 7, 7. december 2009, Aatsitassat ikummatissallu pillugit inatsisaani immikkut isiginiarlugu § 3-p allanngortinneqarsinnaanissaa siunertaralugu oqallisissiaq tunngavigalugu Inatsisartut oqallinnissaanik siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 56
Akileraaruserinermik ingerlatsineq pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 57
Perulunnartumik imaluunniit navianartorsiorluni napparsimasoqartillugu napparsimasuusup nunagisani qimallugu kattorsartinnermi nalaani ilaqutaasumit ilaqartinneqartarnissaa periarfissikkumallugu Kalaallit Nunatsinni napparsimanermi sillimmasiinermut (sygesikring) assingusumik pilersitsisinnaanissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 58
Nunatsinni meeqqat atuarfianni ullumikkut meeqqat nalinginnaasumik atuartinneqarnissap saniatigut immikkut pisariaqartitsisut periarfissaat pillugit Naalakkersuisut nalunaarusioqqullugit peqquneqarnissaanik siunnersuut. Nalunaarusiornermi ersersinniarneqassapput, meeqqat qanoq amerlatigisut ullumikkut immikkut atuartinneqarnissaminnik pisariaqartitsisarnersut. Qanoq ukioqassutsimikkut inissisimanersut, sumi najugaqartuunersut (kommuni sorlermi), aammalu innarluutigisaat suunersoq. Tamatuma saniatigut nalunaarusiap ersersissavaa taakkunannga qanoq meeqqat amerlatigisut angerlarsimaffiup avataani isumaginninnikkut pissutsit tunngavigalugit inissinneqarsimanersut, taakkunanngalu ilaqutariinni imaluunniit ulloq unnuarlu angerlarsimaffinni qanoq amerlatigisut inissinneqarsimanersut. Ilanngullugu nalunaarusiami ersersinniarneqassaaq ukiuni qulini aggersuni taamatut inissinneqartartut, meeqqallu atuarfiini nalinginnaasumik neqeroorutigineqartartut avataani atuartinneqartariaqartussat, qanoq amerlatiginissaat eqqoriarneqarsinnaanersut.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 59
Politikkikkut partiit naatsorsuutaasa tamanut saqqummiuttalernissaat pillugu Inatsisartut Inatsisissaattut nr. xx ulloq xx 2011 siunnersuut.
(Inatsisartunut ilaasortaq Niels Thomsen, Demokraatit)
Imm./pkt.: 60
Siunnersuut: Naalakkersuisunut ilaasortat akisussaanerat pillugu inatsisartut inatsisaata allanngortinnera pillugu Inatsisartut inatsisaat nr. Xx, 22. 2011-imeersoq.
(Inatsisartunut ilaasortaq Niels Thomsen, Demokraatit)
Imm./pkt.: 61
Inatsisit tunngaviusut piareersarlugit suliarineqarnissaat aallarnisarneqalereqqullugu Inatsisartut aalajangiiffigisassaattut siunnersuut, taamaattumillu Kalaallit Nunatsinni namminerisamik tunngaviusumik inatsiseqalernissarput siunertaralugu Isumalioqatigiissitamik pilersitsinissaq Inatsisartut aalajangiutissagaat.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 62
Naqinnernik ilisarinnissinnaanngitsut ilikkagaqarfiunerusumik qanoq isiornikkut ilinniartinneqartarnissaannik aammalu immikkut sullinneqartarnissaat sutigut pitsanngorsaavigissanerlutigu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 63
Nunat inoqqaavisa pisinnaatitaaffii pillugit naalagaaffiit peqatigiit nalunaarutaat atuutsinnissaa pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 64
Aappass. UPA 2012/17
Timigissarnerup nerisaqartarnerullu sunniiveqatigiinnerisigut timikkut eqqarsartaatsikkulu inuunermi atukkat qanoq pitsaanerulersissinnaaneri immikkut sammillugit kalaallisut aallakaatitassiornissamut aningaasanik immikkoortitsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Niels Thomsen, Demokraatit)
Imm./pkt.: 65
Illunut sanaqataaffiusunut aaqqissuussinerup atorunnaarsinnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Niels Thomsen, Demokraatit)
Imm./pkt.: 66
Uunga siunnersuut: Eqquiniaasitsinermi akileraarutit pillugit Inatsisartut inatsisaata allanngortinneqarneranik Inatsisartut inatsisaat nr. x, xx. xx 2011-meersoq (Akileraarutit procentiata qaffanneqarnera)
(Aningaasaqarnermut Naalakkersuisoq)
Imm./pkt.: 67
Inatsisartut Suleriaasiata allanngortinneqarnissaanik siunnersuut.
(Ataatsimiititaliaqarnikkut aaqqissuussaanerup nutaap malitsigisaanik ataatsimiititalianut ilaasortat amerlassusigisaannik allanngortitsineq.)
(Inatsisartut Siulittaasoqarfiat)
Imm./pkt.: 68
Aatsitassalerinerup qanoq ililluni nunatta karsiata aningaasanik isaatitsinerulersinnaaneranut apeqquteqaat aallaavigalugu oqallisissiatut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 69
Nioqqutissanik eqqussuinermi akitsuutit pillugit Inatsisartut inatsissaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 71
Qeqertani kallerup inniliorfimmik pilersitsinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 72
Allannguutissatut siunnersuut akuerineqarpoq
Tunngaviusumik Inatsisissaq pillugu piareersaasumik isumalioqatigiissitamik 2012-ip naalernerani pilersitsisoqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut. Isumalioqatigiissitamut suliakkiutaassaaq Kalaallit Nunaata Tunngaviusumik Inatsisissaannik siunnersuummik Inatsisartunut suliap naammassinerani saqqummiussinissaq.
(Inatsisartuni Siumut ilaasortaatitai)
Imm./pkt.: 74
Nunatsinni inuutissarsiutit pingaarnersaanni, aalisarnermi, niueruteqarnermi aningaasat ingerlaarnerat pillugu misissueqqissaarnissaq siunertaralugu isumalioqatigiissitamik pilersitsisoqarnissamik Naalakkersuisut suliniuteqaleqqullugit Inatsisartut aaliangiiffigisassaattut siunnersuut.
(Inatsisartunut ilaasortaq Karl Lyberth, Siumut)
Imm./pkt.: 75
(UPA2012/18)
Sanaartornermi ilinniartoqartarneq pillugu Namminersorlutik Oqartussat nalunaarutaat nr. 10, 12. juli. 2010-meersup allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffissaattut siunnersuut, taamaalilluni Nalunaarummi pineqartumi neqerooruteqartitsisup neqerooruteqarnissamut najoqqutassani piumasaqaatigineqartut amerlillugit sanaartugassap minnerpaamik 12 mio. kr.-inik naleqarpat ilinniartut sisamat atorfinitsinneqassasut taamatuttaaq sanaartugassaq minerpaamik 15 mio. kr.inik naleqartillugu ilinniartut tallimat atorfinitsinneqassasut.
(Inatsisartunut ilaasortaq Per Berthelsen Siumut)
Imm./pkt.: 76
Nunaqarfinni illu sulliviit pioreersut innuttaasunut kulturikkut suliniarnermut katerisimaartarfiusinnaanngorlugit piorsarneqarsinnaanissaannut misissuiffigineqarnissaat pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 77
(UPA2012/26)
Nunatsinni Angajoqqaat Oqartussaaffiisa annertunerulernissaat ersarinnerulernissaallu anguniarlugu "Angajoqqaat Peqatigiiffiannik" taaneqartumik Atuarfitsialammi inatsisip § 40-41-42-p Atuarfiup siulersuisuinut inatsimmut ilanngussinissaq pillugu apeqquteqaat aallaavigalugu oqallisigineqarnissaannik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 78
Suleqatigiiffik "Atuarfimmi Timersorneq" inatsisartut aningaasanut inatsitigut allannguutissatut siunnersuuteqarneq aqqutigalugu aningaasanik 1,8 mio. kr.-inik ukiumoortumik aaningaasaliiffigineqartalernissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Malik Berthelsen Siumut)
Imm./pkt.: 80
Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 7, 29. marts 2011-imeersumi § 11, Imm. 2-p atorunnaarsinneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 81
Naternami ukiuunerani januar 2012-umi aallartittumik umimmanniartoqartalernissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.

(Inatsisartunut ilaasortaq Kristian Jeremiassen, Siumut)
Imm./pkt.: 82
Aatsitassanik piiaasoqartillugu qinngornernik uloriartunik akulinnik saniatigooralugit piiaasoqanngilluinnarnissamik aalajangiussisimanerup atorunnaarsinneqarsinnaanissaannik isummertoqarsinnaanera taassumallu kinguneranik Namminersorlutik Oqartussat pigisaannik suliffeqarfimmik qinngornernik ulorianaateqarsinnaasunik akulinnik aatsitassanik piiaanermi saniatigooralugit piiakkanik suliareqqiivimmik tuniniaavimmillu pilersitsisoqarnissaa pillugu apeqquteqaat aallaavigalugu siunnersuut.
(Inatsisartunut ilaasortaq Akitsinnguaq Olsen, Siumut)
Imm./pkt.: 83
(UPA2012/19)
Inuusuttut ilinniarluarsimasut Kalaallit Nunatsinnut utertinniarnissaat pillugu Kalaallit Nunaat anguniagassanik qanoq ittunik siunniussissaneroq pilluu apeqquteqaat aallaavigalugu siunnersuut.
(Inatsisartunut ilaasortaq Per Berthelsen Siumut)
Imm./pkt.: 84
Innuttaasut, Nunat Avannarliit oqaatsit pillugit isumaqatigiissutaannut ilanngunneqanngitsut, nunasinissamik suliffeqarsinnaanermillu akuersissummik tunisinnaaneri eqqarsaatigalugu, kalaallisut oqalussinnaanissaannik qanorlu oqalloritsiginissaannik pisortatigoortumik piumasaqaateqarsinnaaneq pillugu apeqquteqaatitut oqallisigisassatut siunnersuut.
(Inatsisartunut ilaasortaq Akitsinnguaq Olsen, Siumut)
Imm./pkt.: 85
Meeqqat ersinngitsumik nappaatillit, ADHD-ertut, angajoqqaavisa meeqqamik nappaataannik ilisimasaqarnerulernissaat pillugu pikkorissartitsinneqarnerulernissaat aammalu qaammarsaavigineqarnerunissaat anguniarlugu suleriusissaq qanoq ittoq ingerlatsiviussanersoq paaseqatigiiffigiumallugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Karl Lyberth, Siumut)
Imm./pkt.: 88
Umiarsuit usinik assartuutit Aasiaat Uummannallu akornanni kiisalu Aasiaat Upernaviullu akornanni angalasut, inunnik 12-it tikillugit ilaasoqartalernissaannik Inatsisartut 2012-mi upernaakkut ataatsimiinnginnerini Naalakkersuisut Royal Arctic Line-mik isumaqatigiissusiornissaanik sulissuteqaqqullugit inatsisartut aalajagiiffigisassaattut siunnersuut.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 89
Motorcykelilinik eqqusseqqusseqqusaannginnerup atorunnaarsinneqarnissaanut naalakkersuisut sulissuteqarnissaannut inatsisartut aalajagiiffigisassaattut siunnersuut.

(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 91
Kalaallit Nunaanni CO2-mik aniatitsinerup annikillisarnissaanut, silaannaallu avatagiisinut illersuisumik atorneqarnissaanut ileqqussanik, atuinissamullu innuttaasunik paasititsiniaanissanut naalakkersuisut sulissuteqaqquneqarnissaannik Inatsisartut aalajagiiffigisassaattut siunnersuut.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 92
Inatsisartut aalajangiiffigisassaattut siunnersuutigarput Naalakkersuisut peqquneqassasut 2013-imi ukiakkut ataatsimiinnissamut paasiniarneqassasoq piviusunngorsinnaanersoq aningaasatigullu paasiniarneqassasoq INUILI-p ataani aalisarnermi ineriartortitsivissaq, tassani suliffissuaqarfiit ilisimatusarfiillu suleqatigalugit misisoorneqassasoq aaliasakkanik qalerualinnillu tunisassiat ineriartortinnissaat tunitsiviillu allanngorarnerat malillugu nalimmassarneqarnissaat. Naalakkersuisut misissuinerat nassuiaammik malitseqartariaqarpoq Inatsisartunut agguaassassamik.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 93
Inatsisartut aalajangiiffigisassaattut siunnersuut, Naalakkersuisut peqquneqassasut utoqqarnut naleqquttunik marlunnik najugaqarfiliussasut, arfineq-pingasunut inissalimmik Najugaqarfik Elisibannguaq-mut atasussanik. Inissiassat aallartinneqariissapput 2013-imi ukiakkut ataatsimiittoqalersinnagu.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 94
Qaffasinnerusumik ilinniagaqartunut ilinniagaqarnermi taarsigassarsiat kiisalu ataasiartumik taarsigassarsiat aningaasartaasa qafanneqarnissaannik kiisalu ilinniagaqarnermi taarsigassarsiat ukiup affakkuutaartumik tunniunneqartartut qaammatikkuutaartunngortinneqarnissat pillugu Naalakkersuisut pisussaaffilerneqarnissaannik Inatsisartut aalajangiinissaannik siunnersuut.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 95
Appat qeqqata kommuniata avannamut killeqarfianiit Qaanaap avannamut killeqarfianut kiisalu tunumi piniarneqartarnerisa 15. august-imit 28./29. februarimut sivitsorneqarnissaanut Timmissat illersorneqarnerat piniagaanerallu pillugit Namminersornerullutik Oqartussat nalunaarutaat nr. 8, 2. marts 2009-meersup Inatsisartut 2013-mi ataatsimiinnginnerini allanngortinneqarnissaanut Naalakkersuisut sulissuteqarnissaannut Inatsisartut aalajagiiffigisassaattut siunnersuut.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 96
Inatsisartut aalajangiiffigisassaattut siunnersuut Naalakkersuisut pisussaatinneqassasut qallunaat naalakkersuisui atassuteqarfigissagaat aqqusinermi angallannermut §18-ip allanngortinnissaanut. Taamaasilluni 16-nik ukioqalereersimasut qamuteqalannik ingerlatsisinnaalernissaat naammanginartumik aqqusinermi angallannermi maleruagassanik misilitsinnermikkut angusaqarsimagunik, imaluunniit qamuteralannik ingerlatsiniartut allat biilinik ingerlatsinermut allangartaqarnissaat angallannermut inatsisip atuuffiini.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 97
Nukissiuutit avatangiisinut pitsaasut imminnullu akilersinnaanerusut atorneqarnerulernissaannik apeqquteqaat aallavigalugu oqaluuserisassatut siunnersuut.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 98
Uunga siunnersuut: Iluutileqatigiiffik Illuut A/S pillugu Inatsisartut inatsisaat nr. xx, xx. xx 2011-imeersoq.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 99
Assartuussineq pillugu Isumalioqatigiissitap isumaliutissiissutaa.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 100
Uunga siunnersuut: Sanaartornermi neqerooruteqartitsisarneq pillugu Inatsisartut inatsisaata allannguuteqartinneqarnera pillugu Inatsisartut inatsisaat nr. xx, xx. xx 2011-meersoq.
(Aalajangersakkamut tapiliussaq, sanaartornermi neqerooruteqartitsisarnermi pitsaassuseq tunngavigalugu unammilleqatigiinnermut maleruagassanik Naalakkersuisut aalajangersaanissaannut piginnaatitsiviusoq)
(Ineqarnermut, Attaveqarnermut Angallannermullu Naalakkersuisoq)
Imm./pkt.: 101
Uunga siunnersuut: Pisortat ingerlatsineranni suliassat suliarineqartarnerat pillugu inatsisartut inatsisaata allanngortinneqarnissaa pillugu Inatsisartut inatsisaat nr. xx, xx 2011-meersoq.
(Namminersorlutik Oqartussat eqqunneqarnerata aamma Kalaallit Nunaannut pinerluttulerinermik inatsisip nutaap akuersissutigineqarnerata kingunerisaanik iluarsisassat il.il.)
(Naalakkersuisut Siulittaasuat)
Imm./pkt.: 102
Uunga siunnersuut: Akuersissuteqarluni kuunni sukisaarsaatigaluga aalisarsinnaarnermut Inatsisartut inatsisaat nr. xx, xx. xx 2011-imeersoq.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 103
Nunalerineq pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Nunalerineq pillugu Siunnersuisoqatigiinni ilaasortat allanngortinneqarnerat)
(Aalisarnermut, Piniarnermut Nunalerinermullu Naalakkersuisoq)
Imm./pkt.: 104
Allannguutissatut siunnersuut akuerineqanngilaq, siunnersuut akuerineqarpoq
Uunga siunnersuut: Aalisarnermut aningaasaliissutinut immikkoortitat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. 2011-meersoq. (Tapiisarnermut tunngavissanut allanngortitsineq)
(Aalisarnermut, Piniarnermut Nunalerinermullu Naalakkersuisoq)
Imm./pkt.: 105
Uunga siunnersuut: Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. 2011-meersoq.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 106
Atlantikup Avannaata Kitaani aalisarneq pillugu siunissami nunanik tamalaanik suleqateqarnissamik isumaqatigiissusiap allannguutissaata Danmarkip atuuttussanngortitsineranut Kalaallit Nunaanni Namminersorlutik Oqartussat isumaqataallutik nalunaaruteqarnissaannut Inatsisartut aalajangiiffigisassaattut siunnersuut.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 107
Akileraartarnermut Atuarissaarnermullu Isumalioqatigiissitap isumaliutissiissutaanik malitseqartitsineq pillugu Nassuiaat.
(Aningaasaqarnermut Naalakkersuisoq)
Imm./pkt.: 110
Uunga siunnersuut: Raajanut akitsuutit pillugit Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xx 2011-imeersoq.
(Aningaasaqarnermut Naalakkersuisoq)
Imm./pkt.: 113
Namminersorlutik Oqartussat aktiaateqarluni ingerlatseqatigiiffinni tamakkiisumik ilaannakortumilluunniit piginnittuunermut tunngasut taakkunanilu ineriartorneq pillugit nassuiaat.
(Naalakkersuisut Siulittaasuat)
Imm./pkt.: 115
Uunga siunnersuut: Aningaasaliisunut aningaasalersuisunullu qularnaveeqqusiinermut aningaasaateqarfik pillugu inatsisip, aningaasarsiornermi patajaassuseq pillugu inatsisip aamma akileraartarnermi aalajangiisarneq pillugu inatsisip allanngortinneqarnera pillugu inatsisissatut siunnersuummut Namminersorlutik Oqartussat oqaaseqaatissaat pillugu Inatsisartunut aalajangiiffigisassanngorlugu siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 117
(UPA2012/24)
Inatsisartut aalajangiiffigisassaattut siunnersuut Naalakkersuisut pisussaatinneqassasut qallunaat naalakkersuisui atassuteqarfigissagaat, anguniarlugu USA-mi, Tysklandimi Ruslandimilu qallunaat allartitaqarfiinut atasunik Naalakkersuisut siniisussaannik atorfinitsitsisoqassasoq kalaallit soqutigsaannik ingerlatsisussanik, Namminersorluni Oqartussaanermut inatsimmi § 15 tunngavigalugu.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 118
Inatsisartut aalajangiiffigisassaattut siunnersuut Naalakkersuisut pisussaatinneqassasut 2012-umi upernaakkut ataatsimiitoqalersinnagu naartunermi, erninermi qitornarsiartaavinnermilu sulinngiffeqarneq ullormusiaqarnerlu pillugit Inatisartut inatsisaata allanngortinnissaanut suliniuteqaqqullugit, taamaaliornikkut sulisitsisut namminersortut erninermi angajoqqaallu sulinngiffeqartarnerinut akiliisartut akiliutimik ilaanik utertitsisinnaanngorlugit, kisianni annerpaaffilerlugu aningaasarsiortup erninermi dagpenget kommuneminngaaniit pissarsiassaasa amerlaqataannik.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 121
Inatsisartut aalajangiffigisassaattut siunnersuut Naalakkersuisut pisussaatinneqassasut timmisartussinissamik Namminersorlutik Oqartussat isumaqatigiissutigisartagaat 2012-umi neqeroorutigineqalerpata ukiunut qulinut atuutussanngorlugit isumaqatigiissusiortoqassasoq.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 122
(UPA2012/27)
Nuna tamakkerlugu utoqqaat illuisa nutaanngilisimaqisut ullutsinnut naleqqussarlugit aaqqissuunneqarnissaannik pilersaarusiornissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 130
(UPA2012/20)
Kalaallit Nunaanni inissiat tapiissutitallit, taarsigassarsiartallit, attartornermut akiliutitallit aamma ikorfartukkat pillugit apeqquteqaat allaavigalugu oqallinnissamik siunnersuut.

(Inatsisartunut ilaasortaq Justus Hansen, Demokraterne)
Imm./pkt.: 131
Inuusuttut inersimasullu akornanni naqinnernik takunnissinnaanngitsut aamma atuarnermik allannermillu ajornartorsiuteqartut pillugit nuna tamakkerlugu iliuusissanik pilersaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 132
Kalaallit Nunaanni nunami tamarmi nunalluunniit ilaani aalajangersimasuni aqqusinikkut angallannerup pisariaqartippagu angallatit motorillit ilusaanik kiisalu atortuinik Kalaallit Nunaanni politimesteri immikkut akuersissuteqarluni piffissamik biilit quaannaveeqquteqarlutik angallannerannik sivitsuisinnaanissaa pillugu Naalagaaffeqatigiinni oqartussanut nalunaarutip atuuttut allanngortinnissaa pillugu attaveqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 133
Meeqqat arsaarinnissutaasut angajoqqaarsiaanni atugarisat nakkutigineqartarnissaat ersarinneruleqqullugu tassungalu ilanngullugu meeqqat arsaarinnissutaasut pillugit iliuusissanut pilersaarusiortoqartalernissaata qulakkeerneqarnissaa anguniarlugu siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 134
Aappass. UPA 2012/21
Angajoqqaarsiat aamma ilaqutariit oqilisaasut meeqqanut paarisaminnut ilaqutaanngitsut minnerpaamik 25-nik ukioqalereersimasarnissaat aalajangersaaffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 135
Aappass. UPA 2012/22
Suliassat meeqqanik kinguaassiuutitigut atornerluinermut tunngasut pisoqalisinnaannginnerannik qulakkeerisumik Kalaallit Nunaanni pinerluttaalisitsinermut inatsisimmi § 12-p imaanik allanngortitsitsinissaq siunertaralugu Inatsisinik Atortitsinermut ministeri siunnersuummik saqqummiusseqqullugu qinnuigineqarnissaa pillugu, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 137
UPA2012/23
Kalaallinut inuusuttunut sakkutuujusussaaneq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Niels Thomsen, Demokraatit)