Assartuinermut akit Royal Arctic Linemit ukiuni aggersuni ingerlaavartumik akit-soriartornissaasa Naalakkersuisunit akuerineqarsimanera pillugu Aningaasaqarner-mut Akileraartarnermullu Ataatsimiititaliap aamma Inuussutissarsiornermut Aatsi-tassanullu Ataatsimiititaliap Aningaasaqarnermut Akileraartarnermullu Naalakker-suisumik, Erik Jensenimik, siunersiuinerat. 

Siunersiuineq ingerlanneqarpoq ataasinngornermi ulloq 11. december 2023-mi. Assartui-nermut akit ukiuni aggersuni ingerlaavartumik akitsoriartornissaannik Royal Arctic Linep qinnuteqaataata Naalakkersuisunit akuerineqarsimaneranik paasissutissiissut tunngavigalugu siunersiuinissaq ataatsimiititalianit kissaatigineqarpoq. Siunersiuinissamut aggersaanissaq Aningaasaqarnermut Akileraartarnermullu Ataatsimiititaliap ulloq 30. november ataatsimiinnermiikkamili aalajangiuppaa.

 Pineqartoq Inuussutissarsiornermut Aatsitassanullu Ataatsimiititaliamit aamma sammineqarmat Aningaasaqarnermut Naalakkersuisup siunersiuinissamut aggersarneqarnissaa ataatsimiititaliat ataatsimoorlutik toqqarpaat.

Royal Arctic Linep assartuinermut akinik 2024-mi 6,4 %-imik, 2025-mi 3,1 %-imik aammalu 2026-mi 2,2 %-imik qaffannissaata Naalakkersuisunit akuerineqarneranut suna tunngaviunersoq paasissutissiissutigineqassasoq ataatsimiititaliat siunersiuinissamut aggeq-qusissummi kissaatigaat.

 Tamatuma saniatigut akinik qaffaanerni ukiuni aggersuni anin-gaasat naleerukkiartornissaannik naatsorsuutigisat ilanngunneqarsimanersut aammalu akinik qaffaaneq nioqqutissat nalinginnaasut akiinut, inuussutissarsiortunut aammalu taakku avammut nioqquteqarnerannut qanoq kinguneqartussatut Naalakkersuisunit naatsorsuutigineqarnersoq paasinarsisinneqassasoq ataatsimiititalianit kissaatigineqarpoq.

Aningaasanut inatsimmut isumaqatigiissut ataatsimiititalianit innersuussutigineqarpoq, tamatumani isumaqatigiissuteqartut isumaqarput minnerunngitsumik nunatsinni nioqqutissat nalinginnaasut aammalu pisortat sullississutaasa qitiusut akiinik qaffaanerup eqqumaffigilluarneqarnissaa pisariaqartinneqartoq. Suliassaqarfik Naalakkersuisunit eqqumaffigilluarneqassasoq aammalu ilaqutariinnut isertitakitsunut inuiaqatigiillu ataatsimut isigalugit tigussaasunik iliuuseqarnissaq pisariaqartinneqarnersoq Naalakkersuisunit ingerlaavartumik isumaliutigineqartassasoq isumaqatigiissuteqartut kissatigaat.
Kiisalu akinik qaffaanerup innuttaasunut kingunerisinnaasai pinngitsoortikkumallugit assersuutigalugu ikiorsiissuteqartarnikkut Naalakkersuisut iliuuseqalersaarnersut paasissutissiissutigineqassasoq ataatsimiititaliat kissaatigaat.

Ikiorsiissuteqarnissamik imaqartumik ilassutit aningaasaliissuteqarnissamik Aningaasaqar-nermut Ataatsimiititaliamut qinnuteqaatissaq Naalakkersuisunit piareersarneqartoq Aningaasaqarnermut Naalakkersuisup, Erik Jensenip, siunersiuinermi Aningaasaqarnermut Akileraartarnermullu Ataatsimiititaliamut paasissutissiissutigaa. Taamaalillunilu Naalakkersuisut qinnuteqaatissaata tigussaanerusup tigunissaa ataatsimiititaliamit pissangalluni utaqqineqarpoq.

Taamaattumik Naalakkersuisut siunersiuinermut allakkatigut akissutaata, iliuusissat tigus-saasut qanoq ittut Naalakkersuisunit inassuteqaatigineqartussatut Aningaasaqarnermut Ataatsimiititaliamit naatsorsuutigineqarsinnaanerannik takutitsisussaq, ataatsimiititalianit qilanaarineqarpoq.

Tamanna tunngavigalugu ilassutitut aningaasaliissuteqarnissamik qinnuteqaammik piaar-nerpaamik nassiusseqqullugit Naalakkersuisut ataatsimiititalianit kaammattorneqarput, taamaaliornikkut akuersisoqassappat juulli sioqqullugu piviusunngortitsisoqarsinnaaq-qullugu.

Paasissutissat annertunerusut Aningaasaqarnermut Akileraartarnermullu Ataatsimiititaliap siulittaasuanut, Asii Chemnitz Narupimut,  +299 55 11 54-imut kiisalu Inuussutissarsiorner-mut Aatsitassanullu Ataatsimiititaliap siulittaasuanut, Karl Tobiassenimut, +299 52 39 02-mut attaveqarnikkut pissarsiarineqarsinnaapput.