Inatsisartut Nunanut Allanut Sillimaniarnermullu Ataatsimiititaliaanni amerlanerussuteqartut nunat tamalaat akornanni susassaqartunik qitiusunik, ilaatigut Danmarkip illersornissamut ministerianik, nunanut allanut ministerianik Folketingimilu apeqqutinut nunanut allanut tunngasunut aalajangiisartutut ataatsimiititaliamik Det Udenrigspolitiske Nævnimi, inerititaqarfiusunik ataatsimeeqateqartarnini naammasseqqammerpai.

KNR-imi allaaserisaq inuit qarasaasiatigut attaveqatigiittarfiini aalassatsitsisimavoq: Inatsisartunut ilaasortat ilaasortaajunnaartut piffissami aalajangersimasumi aningaasarsiaqartinneqaannartarput. Amerlasuut tamanna tupaallatigaat, ilaasalu allaat mamiatsaatigalugu. Inatsisilli oqarput aningaasarsiaqaannassasut. Taamatut aaqqissuussineq aamma nutaajunngilluinnarpoq – malittarisassammi ullumikkutut isikkoqaqqissaarlutik ukiuni 40-ngajanni atuutereerput.

Inatsisartut Siulittaasuat Kim Kielsen 2025-mi maajip ulluisa 19-ianni Islandimi inatsisartut Altingip siulittaasuannik Thorunn Sveinbjarnadottirimik Reykjavikimi naapeqateqarpoq.

Inatsisartut Siulittaasuat Kim Kielsen Stortingip siulittaasuanit Oslomi ulloq 7. maj pisortatigoortumik tikilluaqquneqarpoq.

Inatsisartut Siulittaasuata Kim Kielsenip folketingip siulittaasua Søren Gade ulloq 6. maj ataatsimeeqatigaa.