Aningaasaqarnermut Akileraartarnermullu Ataatsimiititaliap 2024-mi nalinginnaasumik ataatsimiittarnissaanut pilersaarut
Ataatsimiititaliap 2024-mi nalinginnaasumik ataatsimiittarnissai imaattut Aningaasaqarnermut Akileraartarnermullu Ataatsimiititaliamit aalajangersarneqarmata matumuuna nalunaarutigineqassaaq. Ataatsimiinnerit marlunngornerit allortarlugit nal. 13.00 nalinginnaasumik ingerlanneqartassapput.
9. aamma 23. januar
6. aamma 20. februar
5. aamma 19. marts
2., 16. aamma 30. april
14. aamma 28. maj
11. aamma 25. juni
Aningaasaqarnermut Ataatsimiititaliaq julip qaammataani nalinginnaasumik ataatsimiissanngilaq, taamaattumillu aalajangiiffigisassatut suliassat piffissami 30. juni – 1. august 2024-mi suliarineqarnissaat naatsorsuutigineqassanngilaq.
6. aamma 20. august
3. aamma 17. september
1., 15. aamma 29. oktober
19. november
3. aamma 17. december
UPA 24, 5. april aallartittussaq pissutigalugu april/maj/juni ataatsimiinnerit nuunneqarsinnaapput. Taamatuttaaq UKA 24 pissutigalugu september/oktober/november ataatsimiinnerit nuunneqarsinnaapput. Inatsisartut ataatsimiinneranni ataatsimiititaliaq pisariaqartitsiguni akuttunngitsunik ataatsimiittassaaq.
17. december ataatsimiinneq 2024-mi ataatsimiinnerit kingullersarissavaat. Decemberimi ataatsimiinnerit sulianik siusinnerusukkut nassiunneqartunik inaarsaanermut aallaavittut isigalugu taamaallaat atorneqartussatut naatsorsuutigineqarnerat malugeqquneqarpoq.
Ataatsimiinnissani taakkunani suliarineqartussatut kissaatigineqartunik Naalakkersuisut suliassaateqarunik, taakku ullut ataatsimiiffissatut siuliani taaneqartut sapaatip akunneranik sioqqullugit Aningaasaqarnermut Ataatsimiititaliap allattoqarfianit tiguneqareersimasussanngorlugit nassiunneqarsimasariaqarput. Atortussattaaq tamarmik qarasaasiakkut ukununnga aamma nassiunneqassapput: saam@inatsisartut.gl aamma jovag@ina.alla.gl.
Allakkat uku nuutinneqarnerinik Naalakkersuisoqarfiit tamarmik nassinneqarnissaat isumageqqullugu Aningaasaqarnermut Naligiissitaanermullu Naalakkersuisoq Aningaasaqarnermut Ataatsimiititaliamit qinnuigineqarpoq.
Inussiarnersumik inuulluaqqusillunga
Asii Chemnitz Narup
Aningaasaqarnermut Akileraartarnermullu Ataatsimiititaliap siulittaasua