Ullormut oqaluuserisassat
Ullut ataatsimiiffiusut 23-iat, sisamanngorneq 4. juunip 2026, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 89
Aappass. UKA2026
Illorsuarmiut nuutsitaasimanerinut pissutsit pillugit, najugaqartuusimasut pineqartut inatsisitigut isumannaatsumik pineqarsimanerisa qulakkeerneqarnissaa siunertaralugu, arlaannaanulluunniit attuumassuteqanngitsumik misissuisoqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuititsineq 2027-mi upernaakkut tamanut ammasumik saqqummiunneqareersimassaaq.
Inatsisartunut ilaasortaq Aki-Matilda Høegh-Dam, Naleraq
Imm./pkt.: 87
Aappass. UKA2026
Kalaallit Nunaanni Namminersorneq pillugu inatsit naapertorlugu, Kalaallit Nunaannut imminut naalagaaffittut oqartussaaffigilernissaanut isumaqatigiissut qaqugu, Inatsisartut akuersissuteqarnissaat siunertaralugu Inatsisartunut agguaanneqartussatut saqqummiussaqarnissaanut, piffissaritinneqartussamut missiliuteqarnissamut Naalakkersuisut peqquneqarnissaat Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq
Imm./pkt.: 111
Aappass. UKA2026
Trafikstyrelsip aalajangersagaasa Kalaallit Nunaanni pissutsinut naammattumik naleqqussarneqarsimanersut nalilersorneqassasoq, ilanngullugu pingaartumik isorliunerusuni pissutsit eqqarsaatigalugit, tamatumalu tunngavigalugu pisariaqartunik naleqqussaanissamut siunnersuutit saqqummiunneqassasut pillugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Siumup inatsisartuni eqimattaa
Imm./pkt.: 114
Aappass. UKA2026
Kalaallit Nunaannut isertitaqarfiusinnaasunik nutaanik ataatsimut misissueqqullugit, nunap aningaasaqarneranik nukittorsaanissaq aammalu Danmarkimiit ataatsimoortumik tapiissutitigut (bloktilskud) pinngitsuuisinnaassutsip annikillisarnissaa siunertaralugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup inernera UPA27 nallertinnagu Inatsisartunut agguaanneqassaaq.
Inatsisartunut ilaasortaq Erik Jensen, Siumut
Imm./pkt.: 118
Aappass. UKA2026
Akileraartarnermut aammalu inuussutissarsiornermut malittarisassat atuuttut misissuiffigineqassasut, ilanngullugit B-skat pillugu malittarisassat kiisalu allaffissornikkut piumasaqaatit allat, siunertaralugu inuussutissarsiornermut ineriartortitsinermut suliffissanik pilersitsinermullu Kalaallit Nunaanni pisariaqanngitsunik killilersuinerit aporfissallu suussusersineqarlutik atorunnaarsinneqarnissaat Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Lars Poulsen, Siumut
Imm./pkt.: 134
Aappass. UKA2026
Innuttaasut atsiornernik katersinermikkut siunnersuutinik Inatsisartuni suliarineqartussanik saqqummiussisarnissaat siunertaralugu Naalakkersuisut aaqqissuussinermik pilersitseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mariane Paviasen Jensen, Inuit Ataqatigiit
Imm./pkt.: 144
Maani nunatsinni ikiaroornartumik atuinerup pinaveersaartinneqarnissaanut, annikillisinneqarnissaanullu suliniutit suut aallartittariaqarnerigut, matumani aamma ikiaroornartumik nunatsinnut eqqussinissaq qanoq pitsaaliussaneripput pillugit, apeqquteqaat aallaavigalugu oqallinnissamik siunnersuut.
Inatsisartunut ilaasortaq Karen Marie Kyed Frederiksen, Demokraatit
Imm./pkt.: 122
Akileraarutip apparneqarnissaanik pillugu apeqquteqaat aallaavigulugu oqallinnissamik siunnersuut.
Inatsisartunut ilaasortaq Aqqalu C. Jerimiassen, Atassut
Imm./pkt.: 123
Nuugaatsiaq Illorsuillu siunissaat pillugu apeqquteqaat aallaavingalugu oqallisissiatut siunnersuut.
Inatsisartunut ilaasortaq, Aqqalu C. Jerimiassen, Atassut