Ullormut oqaluuserisassat
Ullut ataatsimiiffiusut qulingiluaat, marlunngorneq 6. oktobarip 2026, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 65
Nunat tamalaat niueqatigiinnikkut suliniaqatigiiffiannut (WTO) ilaasortanngornissaq siunertaralugu, ilaasortanngorniarnermik sapinngisamik piaarnerpaamik aallartitsinissaannik, Naalakkersuisut peqquneqarnissaannik Inatsisartut aalajangiiffigisassaattut siunnersuut.
Demokraatit inatsisartuni eqimattaa
Imm./pkt.: 114
Siull. UPA2026
Aappassaaneerinninnermut allannguutissatut siunnersuut Ataatsimiititaliamit saqqummiunneqartoq akuerineqarpoq
Naalakkersuisut allannguutissatut siunnersuuteqarput
Kalaallit Nunaannut isertitaqarfiusinnaasunik nutaanik ataatsimut misissueqqullugit, nunap aningaasaqarneranik nukittorsaanissaq aammalu Danmarkimiit ataatsimoortumik tapiissutitigut (bloktilskud) pinngitsuuisinnaassutsip annikillisarnissaa siunertaralugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup inernera UPA27 nallertinnagu Inatsisartunut agguaanneqassaaq.
Inatsisartunut ilaasortaq Erik Jensen, Siumut
Imm./pkt.: 180
Tasiilami eqqaanilu suliffissaaleqinerit annikillisarnissaannut, suliffissaqartitsinissamut, aammalu pilersuinissamut isumannaallisaanissamut Naalakkersuisut iliuusissatut pilersaarummik suliaqaqqullugit peqquneqarnissaannik Inatsisartut aalajangiiffigisassaattut siunnersuut. Iliuusissatut pilersaarut upernaakkut 2027-mi ingerlanneqaleriissaaq.
Inatsisartunut ilaasortaq Gerth Mikaelsen, Naleraq
Imm./pkt.: 251
Imm. 251 aamma 291 ataatsimut siullermeerneqassapput
Inuussutissarsiornermut Aatsitassanullu Ataatsimiititaliamut innersuunneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
Aatsitassarsiornerup, takornarialerinerullu iluini naatsorsuutigisamik ineriartornissap kingunerisaanik Nanortalik, eqqaanilu nunaqarfiit siuariartornissamut, suliffissanut, inuussutissarsiutillu ineriartortinneqarnissaannut qanoq pitsaanerpaamik piareersarneqarsinnaanerat pillugu nassuiaasiornissamik, Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat UPA2027 tikitsinnagu Inatsisartunut agguaanneqassaaq.
Inatsisartunut ilaasortaq Hans-Erik Enoksen, Demokraatit
Imm./pkt.: 291
Imm. 251 aamma 291 ataatsimut siullermeerneqassapput
Inuussutissarsiornermut Aatsitassanullu Ataatsimiititaliamut innersuunneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
Nunattta kujataani aalisarnerup inuussutissarsiornerullu siuarsaanissaat siunertaralugu, attuumassuteqartut peqatigalugit aalisarnerup inuussutissarsiornerullu qanoq ineriartortinnissaannik siunnersuusiortussamik suleqatigiissitaliornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitap siunnersuutai kingusinnerpaamik UKA 27-mi saqqummiunneqassapput.
Inatsisartunut ilaasortaq Nivi Rosing, Inuit Ataqatigiit
Imm./pkt.: 317
Aningaasaqarnermut Akileraartarnermullu Ataatsimiititaliamut innersuunneqarpoq
Inatsisartut aalajangiiffigisassaattut siunnersuut, Naalakkersuisut kingusinnerpaamik UKA2027-mi Kalaallit Nunaannut naleqqussakkamik, ataatsimoortumik ilusilersukkamik saqqummiussinissamik peqquneqassasut, aningaasaqarnikkut, akileraartarnikkut aaqqissuussaanikkullu kajumissaarutit aqqutigalugit Kalaallit Nunaanni najugaqarfinni minnerni, nunaqarfinni isorliunerusunilu najugaqarneq, suliffeqarneq, angerlaqqinneq aammalu inuussutissarsiummik ingerlatsineq qanoq kajuminnarnerulersinneqarsinnaanersoq pillugu. Ilusiliami Kalaallit Nunaata nunaanni, aningaasaqarnikkut inuiaqatigiinnilu pissutsit aallaavigineqassapput, ilaatigut akileraartarnikkut atugassarititaasut assigiinngisitaarsinnaanerat, inuunermi aningaasartuutit annikinnerulersinneqarsinnaanerat, angallannikkut assartuinikkullu atugassarititaasut pitsanngorsarneqarsinnaanerat, ineqarlernissamut soqutiginarsaanerit, inuussutissarsiortunut namminersortunut aallarnisaasunullu pitsaanerusunik atugassaqartitsisinnaaneq kiisalu inuusuttut ilinniagaqarsimasut inoqarfinni minnerni najugaqalernissaannut imaluunniit angerlaqqinnissaannut immikkut suliniutit periarfissaat misissorneqassallutik.
Inatsisartunut ilaasortaq Erik Jensen, Siumut