Ullormut oqaluuserisassat
Ullut ataatsimiiffiusut 34-iat, pingasunngorneq 10. februaarip 2027, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 243
Kingusinnerpaamik 5/10 tunniunneqarnissaa naatsorsuutigineqarpoq
Illunut sanaqataaffiusunut taarsigassarsisarneq pillugu Inatsisartut inatsisissaattut siunnersuut
Ineqarnermut, Attaveqaasersuutinut Isorliunerusunut Upalungaarsimanermullu Naalakkersuisoq
Imm./pkt.: 428
Naalakkersuisut Kalaallit Nunaanni pissutsit aallaavigalugit utoqqalinersiaqalernissamut ukiorititanik misissueqqissaarnissamik kiisalu ukiorititat aalajangersarneqartarnissaannut siunissamilu naleqqussarneqartarnissaannut Kalaallit Nunaannut naleqqussakkamik periutsimik kingusinnerpaamik UPA 2028-mi siunnersuuteqarnissamik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Isak Johannessen, Naleraq
Imm./pkt.: 429
Pisortat inissiaataanni attartortut ilinniagaqarnersiuteqarfiusumik ilinniagaqalernerminni ilinniarnerup nalaani inissiaminniiginnarsinnaanissaat, ineqarnermullu nammineq akiliutaat inoqutigiit amerlassusaat tunngavigalugit ilinniartut inaanni ineqarnermut akiliummut atuuttumut aallaaviatigut naapertuuttunngortinneqarnissaa qulakkeerniarlugu Naalakkersuisut kingusinnerpaamik UKA 2027-mi pisariaqartinneqartunik inatsisini malittarisassanilu allannguutissatut siunnersuuteqarnissaannik peqquneqarnissaat pillugu Inatsisartut aalajangiiffigisassaattut siunnersuut. Aaqqissuussineq ilinniagaqartup ukiuinik killilersorneqassanngilaq.
Inatsisartunut ilaasortaq Gerth Mikaelsen, Naleraq
Imm./pkt.: 430
Sulinerup saniatigut isertitat akileraarutitigut oqilisaaffigineqarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut kingusinnerpaamik UPA2027-imi akileraaruserinermut inatsisip allanngortinneqarnissaanut siunnersuummik saqqummiusseqqullugit peqquneqassapput, taamaalilluni innuttaasut nalinginnaasumik imaluunniit ileqquusumik suliffimmik saniatigut nammineq piumassutsiminnik immikkut suliaqarnermikkut isertitaat nalinginnaasumik inuttut isertitanut sanilliullugit akileraarutitigut oqilisaaffigineqarsinnaaqqullugit.
Aaqqissuussinermut ilaatigut piffissaq nalinginnaasumik suliffiusartoq sinnerlugu sulineq, immikkut vagteqarnerit kiisalu sulisitsisumi allami saniatigut sulineq ilaatinneqassapput. Aaqqissuussineq innuttaasut amerlanerusumik suleqqajaalernissaannik, sulisoqarnikkut periarfissat annertusarnissaannik aammalu Kalaallit Nunaanni sulisussanik pisariaqartitsineq nunami maani sulisinnaasut pioreersut annertunerusumik atorlugit matussuserneqarnissaanik siunertaqassaaq.
Naalakkersuisut kingusinnerpaamik UPA2027-imi akileraaruserinermut inatsisip allanngortinneqarnissaanut siunnersuummik saqqummiusseqqullugit peqquneqassapput, taamaalilluni innuttaasut nalinginnaasumik imaluunniit ileqquusumik suliffimmik saniatigut nammineq piumassutsiminnik immikkut suliaqarnermikkut isertitaat nalinginnaasumik inuttut isertitanut sanilliullugit akileraarutitigut oqilisaaffigineqarsinnaaqqullugit.
Aaqqissuussinermut ilaatigut piffissaq nalinginnaasumik suliffiusartoq sinnerlugu sulineq, immikkut vagteqarnerit kiisalu sulisitsisumi allami saniatigut sulineq ilaatinneqassapput. Aaqqissuussineq innuttaasut amerlanerusumik suleqqajaalernissaannik, sulisoqarnikkut periarfissat annertusarnissaannik aammalu Kalaallit Nunaanni sulisussanik pisariaqartitsineq nunami maani sulisinnaasut pioreersut annertunerusumik atorlugit matussuserneqarnissaanik siunertaqassaaq.
Inatsisartunut ilaasortaq Isak Johannessen, Naleraq