Ullormut oqaluuserisassat
Ullut ataatsimiiffiusut 32-iat, sisamanngorneq 4. februaarip 2027, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 382
Naalakkersuisut kingusinnerpaamik UPA2027 ulluinnarni pisariaqartitanik pissarsisinnaaneq pitsanngorsarlugu, Kalaallit Nunaannilu imminut pilersorsinnaaneq siuarsarlugu iliuusissatut pilersaarummik saqqummiussinissamik peqquneqarnissaat pillugu Inatsisartut aalajangiiffigisassaattut siunnersuut. Pilersaarummi ulluinnarni pisariaqartitanik kiisalu aalisarnermut, aallaaniarnermut piniarnermullu atortunik pissarsisinnaanerup pitsanngorsarnissaanut suliniutit anguniakkallu aalajangersimasut ilanngunneqassapput.
Inatsisartunut ilaasortaq Juno Berthelsen, Naleraq
Imm./pkt.: 387
Naalakkersuisut Inatsisartunut qinersisarneq pillugu Inatsisartut inatsisaat nr. 14, 24. november 2020-meersoq allanngortinneqarnissaa pillugu inatsisissatut siunnersuummik saqqummiussinissaannik peqquneqarnissaat pillugu Inatsisartut aalajangiiffigisassaattut siunnersuut, taamaalilluni § 1-imi Kalaallit Nunaanni aalajangersimasumik najugaqarsimanissamik piumasaqaat qaammatinit arfinilinnit ukiunut tallimanut sivitsorneqassalluni. Inatsisissatut siunnersuut kingusinnerpaamik UPA2028-mi saqqummiunneqassaaq.
Inatsisartunut ilaasortaq Kuno Fencker, Naleraq
Imm./pkt.: 411
Kalaallit Nunaanni aalajangersimasumik najugaqartunut nunatta iluani silaannakkut angalanerup akikinnerulersinneqarnissaa pillugu aaqqissuussinissamik Naalakkersuisut suliaqarlutik kingusinnerpaamik UPA2027-mi Inatsisartunut saqqummiussinissaannik peqquneqassasut Inatsisartut aalajangiiffigisassaattut siunnersuut.
Aaqqissuussinissamut siunnersuummi ilaatigut najugaqarneq tunngavigalugu immikkut akigititat imaluunniit angalanermut tapiissutit, isorliunerusuni imaluunniit silaannakkut angallannikkut periarfissakinnerusuni najugaqartunut immikkut aaqqiissutit, ukiumut angalanerit tapiiffigineqarsinnaasut amerlassusissaat, aningaasalersuinissamut periarfissat kiisalu aaqqissuussinerup aningaasaqarnikkut, allaffissornikkut inuiaqatigiinnullu kingunerisassai nalilersorneqassapput.
Aaqqissuussinissamut siunnersuummi ilaatigut najugaqarneq tunngavigalugu immikkut akigititat imaluunniit angalanermut tapiissutit, isorliunerusuni imaluunniit silaannakkut angallannikkut periarfissakinnerusuni najugaqartunut immikkut aaqqiissutit, ukiumut angalanerit tapiiffigineqarsinnaasut amerlassusissaat, aningaasalersuinissamut periarfissat kiisalu aaqqissuussinerup aningaasaqarnikkut, allaffissornikkut inuiaqatigiinnullu kingunerisassai nalilersorneqassapput.
Inatsisartunut ilaasortaq Mette Arqe-Hammeken, Naleraq
Imm./pkt.: 412
Tasiilaq, Kulusuk, Nerlerit Inaat aamma Ittoqqortoormiit ukioq kaajallallugu aalajangersimasumik silaannakkut kiffartuunneqarnissaat, inoqarfiillu akornanni pisariaqartinneqartunik angallannikkut attaveqarnissaq kiisalu Islandimut silaannakkut attaveqarnerup ingerlaannarnissaa pitsanngorsarneqarnissaalu kiffartuussinissamut isumaqatigiissutit nutarterneqarnissaanni qulakkeeqqullugit, taamatullu isumaqatigiissutit atuuttut iluanni periarfissat atorneqarsinnaasut piaartumik atorlugit ilaasunik, allakkanik nassiussanillu angallassinerup pitsanngorsarneqarnissaa Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mette Arqe-Hammeken, Naleraq