Ullormut oqaluuserisassat
Ullut ataatsimiiffiusut 24-iat, pingasunngorneq 11. novembarip 2026, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 300
Nunatsinni sikusiutinik umiarsuaqalernissaq siunertaralugu Naalakkersuisut dansk-it Naalakkersuiusuinut saaffinginninnissaanik peqquneqarnissaannik Inatsisartunut aalajangiiffigisassatut siunnersuut.
Inatsisartunut ilaasortaq Kristian Jeremiassen, Inuit Ataqatigiit
Imm./pkt.: 396
Kalaallit Nunaat tamakkerlugu ulluunerani paaqqinnittarfinni, tassunga ilanngullugit meeraaqqerivinni meeqqerivinnilu, angajoqqaat akiliisarnerisa atorunnaarsinneqarnerata qanoq kinguneqarsinnaanerata misissorneqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermi angusat kingusinnerpaamik UPA2027-mi saqqummiunneqassapput.
Inatsisartunut ilaasortaq Lars Poulsen, Siumut
Imm./pkt.: 336
Nunatsinni meeqqiornissaq meeqqanillu pilersuinissaq aningaasatigut oqinnerulersinniarlugu kajuminnarnerulersinniarlugulu, inatsisiliornerup pisortallu aaqqissuussaanerisa qanoq ineriartortinneqarsinnaanerat pillugu Naalakkersuisut nassuiaammik suliaqaqqullugit Inatsisartut aalajangiiffigisassaattut siunnersuut. Nassuiaammi periarfissat assigiinngitsut, taakku ilaqutariinnut meerartalinnut innuttaasut amerlassusaasa ineriartornerannullu qanoq sunniuteqarnissaat naatsorsuutigineqarnersoq kiisalu aningaasatigut kingunerisassaat qulaajarneqassapput. Nassuiaat siunissami politikkikkut aalajangiinissamut tunngavissatut atorneqassaaq, kingusinnerpaamillu UPA 2028-mi Inatsisartunut saqqummiunneqassalluni.
Inatsisartunut ilaasortaq Aqqalu C. Jerimiassen, Atassut
Imm./pkt.: 283
Naalakkersuisut Kalaallit Nunaanni motorcykelinik eqqussinissamik sananissamillu inerteqquteqarneq pillugu Kalaallit Nunaannut inatsit nr. 186, 14. maaji 1980-imeersoq atorunnaarsinneqarnissaa pillugu Folketingimi inatsisissatut siunnersuummik saqqummiussisoqarnissaa anguniarlugu naalagaaffimmi oqartussaasunut saaffiginninnissamut peqquneqarnissaat pillugu Inatsisartut aalajangiiffigisassaattut siunnersuut. Saaffiginnissuteqarnermi aamma tamanna pissutigalugu Kalaallit Nunaannut maleruagassani pisariaqartunik allannguuteqartoqarnissaa anguniarneqassaaq.
Inatsisartunut ilaasortaq Pele Broberg, Naleraq
Imm./pkt.: 385
Imm. 283 aamma 385 ataatsimut siullermeerneqassapput
Naalakkersuisut aqqusinikkut angallannermut tunngasunik suliassaqarfiup Kalaallit Nunaanni Namminersorlutik Oqartussanit tiguneqarnissaanut inatsisissatut siunnersuutinik pisariaqartunik kiisalu tigusinerup qaqugu qanorlu piviusunngortinneqarnissaanut pilersaarummik kingusinnerpaamik UKA 2027-mi saqqummiussinissamik peqquneqarnissaannik Inatsisartut aalajangiiffigisassaattut siunnersuut, tak. Kalaallit Nunaanni Namminersorneq pillugu inatsimmi §§ 2 aamma 3, imm. 1, kiisalu inatsip ilanngussani nalunaarsukkat I, litra c.
Inatsisartunut ilaasortaq Kuno Fencker, Naleraq
Imm./pkt.: 403
Kræftimik nappaateqarnermik pasitsaassisoqartillugu aaqqissuussnermik eqqussisoqarnissaanik Naalakkersuisut peqquneqarnissaannik Inatsisartunut aallajangiiffigisassatut siunnersuut, tamatuma kingorna napparsimasut Rigshopitalimi erngertumik misissortinnissaannik innersuunneqartalerlutik.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 416
Kalaallit Nunaanni illoqarfinni avinngarusimasuni peqqissaaviit minnerni nakorsamit sullissinerup patajaatsuunerulersinneqarnissaanut periarfissat nalilersoqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalilersuinermi aalajangersimasumik nakorsaqartitsineq, aalajangersimasumik tikeraartartumik nakorsaqartitsineq, telemedicin kiisalu sumiiffinni pisariaqartitsineq tunngavigalugu nakorsamit sullissinerup aaqqissuussaanera ilanngullugit nalilersorneqassapput. Nalilersuinerup inerneri kingusinnerpaamik UPA2027-mi Inatsisartunut saqqummiunneqassapput.
Inatsisartunut ilaasortaq Mette Arqe-Hammeken, Naleraq
Imm./pkt.: 252
Inuiaqatigiittut ataatsimoorussamik, aaqqissuussaasumik aammalu pinaveersaartitsinermik suliniuteqarnikkut pisortat aammalu innuttaasut nammineq pigisaanni illunni oqummik akiuniarneq, tassani ilaalluni nuna tamakkerlugu akiunianermi najoqqutassaq Nanortalimmi Aasiannilu misiliutitut suliniuteqartoqarnissaa pillugu apeqquteqaat aallaavigalugu oqallinnissamik siunnersuut
Inatsisartunut ilaasortaq Hans-Erik Enoksen, Demokraatit