Ullormut oqaluuserisassat
Ullut ataatsimiiffiusut aqqaneq-tallimaat, marlunngorneq 20. oktobarip 2026, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 228
Erngup nukingata nukissiornermut atorneqartarnera pillugu Inatsisartut inatsisaannik allannguineq pillugu Inatsisartut inatsisaat
Avatangiisinut, Pinngortitamut, Nukissutinut Ilisimatusarnermullu Naalakkersuisoq
Imm./pkt.: 138
Siull. UPA2026
Inatsisinut Ataatsimiititaliamut innersuunneqarpoq
Allannguutissatut siunnersuut Siumumit saqqummiunneqartoq
Nunatsinni saammaasseqatigiinneq anguniarlugu suliaqartoqarnissaa siunertaralugu Naalakkersuisut saammaasseqatigiinnermut aningaasaateqarfimmik pilersitsinissaq siunertaralugu nassuiaasornissaannik peqquneqarnissaannik Inatsisartut aalajangiiffigisassaattut siunnersuut. Nassuiaat aningaasaateqarfiup qanoq aningaasalersorneqarsinnaaneranut periarfissanik aamma imaqassaaq. Nassuiaat kingusinnerpaamik UPA2027-mi saqqummiunneqassaaq.
Inatsisartunut ilaasortaq Nivi Rosing, Inuit Ataqatigiit
Imm./pkt.: 328
Qimusserluni umimmanniarnermut immikkut ilassutitut pisassiissummik aalajangersaanissaamik siunnersuuteqarnissamut Naalakkersuisut kingusinnerpaamik UPA2027-mi saqqummiussinissaannik peqquneqarnissaannik Inatsisartut aalajangiiffigisassaattut siunnersuut. Ilassutitut pisassiissutit annertussusaat kiisalu qanoq ilusilersorneqarnissaat agguaanneqarnissaallu biologit siunnersuinerat aammalu soqutigisaqaqatigiit attuumassuteqartut tamaasa suleqatigalugit aalajangersarneqassapput.
Inatsisartunut ilaasortaq Erik Jensen, Siumut
Imm./pkt.: 414
Kalaallit Nunaanni inuussutissarsiutigalugu piniartut pisarisaminnik annertunerusumik aningaasarsiorsinnaalernissaat anguniarlugu, piniakkanit tunisassiat Kalaallit Nunaata iluani avataanilu tuniniarneqarsinnaanerisa annertusarneqarnissaat anguniarlugu Naalakkersuisut suliniuteqaqqullugit Inatsisartut aalajangiiffigisassaattut siunnersuut.
Suliniummi aamma Naalakkersuisut 2023-mi aalajangiinerat, Tunumi qilalukkat qernertat qaqortallu neqaat mattaallu Kalaallit Nunaata Kitaanut aammalu Qallunaat Nunaannut nassiunneqarsinnaanerannik killilersuisoq, immikkut nalilersoqqinneqassaaq.
Suliniummi aamma Naalakkersuisut 2023-mi aalajangiinerat, Tunumi qilalukkat qernertat qaqortallu neqaat mattaallu Kalaallit Nunaata Kitaanut aammalu Qallunaat Nunaannut nassiunneqarsinnaanerannik killilersuisoq, immikkut nalilersoqqinneqassaaq.
Inatsisartunut ilaasortaq Mette Arqe-Hammeken, Naleraq
Imm./pkt.: 361
Inuit nunat allaneersut pillugit maleruagassat naapertorlugit najugaqarnissamut sulinissamullu akuersissummik pisariaqartitsisut Kalaallit Nunaanni piffissami killilimmi taamaallaat sulisinnaasariaqarnersut, akuersissutit katillugit ukiut sisamat tikillugit killilerneqarsinnaanersut sulisitsisumullu atorfimmullu aalajangersimasumut pituttorneqarsinnaanersut, aammalu ilaquttanik nassataqarsinnaaneq ataavartumillu najugaqarnissamut ingerlaqqinneq qanoq killilersorneqarsinnaanersut pillugit apeqquteqaat aallaavigalugu oqallinnissamik siunnersuut.
Inatsisartunut ilaasortaq Pele Broberg, Naleraq
Imm./pkt.: 357
Kalaallit Nunaanni atuisut namminneq atugassaminnik internetimik paasissutissallu ingerlaarnerinut qaammataasatigut kiffartuussinernik pilersuisumit toqqaannartumik pisisinnaallutillu atuisinnaasariaqarnersut, Tusass A/S imaluunniit akuersissummik pigisaqartoq alla aqqutigalugu pisinissamik piumasaqaateqarani, peqatigisaanillu pilersuinissamik pisussaaffik, isumannaallisaaneq inuiaqatigiinnullu pingaarutilimmik attaveqaatit qanoq qulakkeerneqarsinnaanersut pillugit apeqquteqaat aallaavigalugu oqallinnissamik siunnersuut.
Inatsisartunut ilaasortaq Pele Broberg, Naleraq