Ullormut oqaluuserisassat

Ullut ataatsimiiffiusut 21-iat, sisamanngorneq 9. novembarip 2023, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 111
Allannguutissatut siunnersuut Naalakkersuisunit saqqummiunneqartoq akuerineqarpoq
Nunatsinni meeqqat angerlarsimaffiup avataanut inissiisarnermut atatillugu aningaasartuutit annertuumik annertusiartuinnartunut qanoq annikillisaasinnaanerluta, immikkut ilisimasallit suleqatigiissitaq piviusorsiortunik innersuussisussatut pilersinneqarnissaat anguniarlugu Naalakkersuisut peqquneqassasut Inatsisartunut aalajangiiffigisassatut siunnersuut. Tamanna kommuunit angerlarsimaffiup avataanut inissiisarnernut aningaasartuutigisartagaannut annertusiartuinnartunut annikillisaanissaq siunertaralugu. Innersuussutit meeqqat inerikkiartornerannut, toqqissisimanerannut aammalu illersorneqarnerannut innarliissanngillat. Innersuussutit UKA 2024 nallertinnagu saqqummiunneqassapput.
Inatsisartunut Ilaasortaq Bjørk Lange Olsen, Demokraatit

Imm./pkt.: 48
Naalakkersuisut allannguutissatut siunnersuuteqarput akuerineqarpoq
Illersornissamut isumaqatigiissutip 1951-imeersup, tassungalu ilassutitut isumaqatigiissutaasut, Inuiaqatigiit aningaasaqarniarnerannut, , suliffissaqartitsiniarnikkut ilinniartitaanikkullu , inuiaqatigiinnut iluaqutaajuarnissaat qulakkeerniarumallugu Naalakkersuisut naalagaaffiup oqartussaasuinut isumaqatigiissutip nalilersoqqinneqarnissaa siunertaralugu saaffiginneqqullugit peqquneqarnissaannik Inatsisartut aalajangiiffigisassaattut siunnersuut.
Inatsiasartunut ilaasortaq, Mariane Paviasen, Inuit Ataqatigiit

Imm./pkt.: 78
Ajoqusernermik kingunerlutsitsineq pillugu apeqquteqaat aallaavigalugu oqallisissiatut siunnersuut
Inatsisartunut ilaasortaq Najaaraq Møller, Siumut

Imm./pkt.: 133
Inuussutissalerinermut uumasullu nakorsaanut oqartussaaffiup tigunissaanut alloriarnissap tullia suussanersoq pillugu apeqquteqaat aallaavigalugu oqallisissiassatut siunnersuut.
Inatsisartuni ilaasortaq Aqqalu C. Jerimiassen, Atassut

Imm./pkt.: 155
Sulisinnaagaluarlutik sulinngitsut pisortaniit pisartagaqassagunik sulinnginnerup nalaani inuiaqatigiinnut ikiuuttussatut pisussaaffilersinnaanerigut apeqquteqaat aallaavigalugu oqallisissiassatut siunnersuut.
Inatsisartuni ilaasortaq Aqqalu C. Jerimiassen, Atassut