Ullormut oqaluuserisassat
sisamanngorneq 8. November 2018, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 213
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2018-imeersoq.
(aatsitassanut ikummatissanullu inatsit).
(Erngup nukinga pillugu Inatsisartut inatsisaata nutaap aamma kommunit aqunneqarnerat pillugu Inatsisartut inatsisaata nutaap malitsigisaannik sunniutaasunik allanngortitsinerit)
(aatsitassanut ikummatissanullu inatsit).
(Erngup nukinga pillugu Inatsisartut inatsisaata nutaap aamma kommunit aqunneqarnerat pillugu Inatsisartut inatsisaata nutaap malitsigisaannik sunniutaasunik allanngortitsinerit)
Aatsitassanut, Suliffeqarnermullu Naalakkersuisoq
Imm./pkt.: 46
Ingerlatseqatigiiffimmik Namminersorlutik Oqartussat aalajangiisuusumik sunniuteqarfigisaanik aatsitassanut suliniutinik pilersaarusiornermik qalluinermillu siunertaqartumik pilersitsinissaq pillugu Naalakkersuisut kingusinnerpaamik UPA2020-mut nassuiaammik saqqummiussinissaat pillugu Inatsisartunut aalajangiiffigisassatut siunnersuut. Nassuiaammi ilanngullugu ingerlatseqatigiiffimmut aningaasalersueriaatsit piginneqatigeeriaatsillu ilanngunneqarnissaannik Naalakkersuisut kissaateqarfigineqarput. Nassuiaammissaaq aatsitassanut suliniutinut qanoq annertussusilinnut ingerlateqatigiiffiup aningaasalersuinissaanik piviusunngortitsinissaanullu siunnerfilerneqarnissaa ilanngullugu eqqarsaatigineqassaaq.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 82
Maannakkut ineqarnermut tapit pillugit malittarisassani isertitat tunngaviusarneri pinngitsoorani ilumut inunnut aningaasatigut pisariaqartitsinerpaaginnarnut atuunnersut pillugit allaaserinninnertalimmik misissuinertalimmillu UKA2019-mi nassuiaammik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Aamma ilanngunneqassaaq init ataasiakkaat ingerlanneqarnerannut aningaasartuutit piviusut aaqqissuussinerup qularnaartarnerai. Nassuiaammi aamma ilanngunneqassapput tigussaasut siunnersuutit innersuussinerillu Akileraartarnermut Atugarissaarnermullu Ataatsimiititaliap allaaserisai ineqarnermut tapiisarnermut tunngatillugu ataqatigiissaariniarnikkut ajornartorsiutaasartut ataatsimoortumik aaqqiiviginiarlugit.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 146
Meeqqat atuarfianni pisortatut atorfeqartut pisortatut ilinniarsimanissaannik piumasaqaateqalernissap pitsaaqutai pitsaanngequtaalu pillugit qulaajaasumik Naalakkersuisut UKA2019-imut nassuiaammik saqqummiussinissamik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Sofia Geisler, Inuit Ataqatigiit
Imm./pkt.: 193
Uunga siunnersuut: Kommunit suliffeqarfinnik pigisaasa sanaartukkanillu pigisaasa ilaasa pisiarinerinut, qularnaveeqqusernerinut attartornerannulluunniit akuersisarneq pillugu Inatsisartut inatsisaat nr. xx, xx. xxx 2018-imeersoq.
Aningaasaqarnermut Naalakkersuisoq
Imm./pkt.: 38
Inuit inigisaminniit anisitaasarunnaarnissaat siunertaralugu Naalakkersuisut periusissiamik UPA2019-imi saqqummiussassamik suliaqaqqullugit peqquneqarnissaat Inatsisartut aalajangiiffigisassaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 226
Aappassaaneerinninnermi Allannguutissatut siunnersuut Naalakkersuisunit saqqummiunneqartoq itigartinneqarpoq.
Naalakkersuisut suliffeqarfittut innuttaasunik tapersersortarialinnik suliffissaqartitsisunik nalunaarsugaasut pillugit inatsisissatut siunnersuummik kingusinnerpaamik UKA2019-mi saqqummeeqqullugit Inatsisartut aalajangiiffigisassaattut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 158
Meeqqat inuusuttuaqqallu angerlarsimaffiup avataanut inissinneqarsimasut inersimasunut ikaarsaarneranni ilisimasat tunngavigalugit periusissiamik UKA 2019-imi saqqummiussaqarnissaannik Naalakkersuisut pisussaaffilerneqarnissaannik Inatsisatut aalajangivigisassaattut siunnersuut.
Inatsisartunut ilaasortaq Mikivsuk Thomassen, Inuit Ataqatigiit
Imm./pkt.: 165
Nuna tamakkerlugu kulturikkut kingornussarsiat suussusiinik aalajangersaasussanik UPA2019-mut suleqatigiissitaliornissaannik kulturikkullu kingornussarsiat kingusinnerpaamik 2021-mi saqqummiutassatut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 28
Uunga siunnersuut: 2019-mut aningaasanut inatsisissamut siunnersuutip akuersissutiginissaanut killigititat sivitsorneqarneri, nuna tamakkerlugu akileraarutip procentiata aalajangersarnera, nuna tamakkerlugu immikkut akileraarut aamma 2019-imi kommuninut akileraarut kiisalu kommunini meeqqanut suli atualinngitsunut ulluunerani neqeroorutinut 2019-imi akiliuteqartarneq pillugit Inatsisartut inatsisaat nr. xx, xxx 2018-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq