Ullormut oqaluuserisassat

Ullormut oqaluuserisassanut nassuiaat.

Inatsisartut Siulittaasuata tullianik siullermik, aappaanik, pingajuanik sisamaanillu qinersineq.

Uunga siunnersuut: Siusinaartumik pensionisiat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx. 2018-imeersoq.
(Oqaatsitigut naqqiutit)

Uunga siunnersuut: Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2018-imeersoq. (KANUKOKA-p atorunnaarsinneqarnerata malitsigisaanik allanngortitsinerit)

Uunga siunnersuut: Kalaallit Nunaanni aalisarnermi pisarineqartut isumalluutinik atuinermut akitsuutaat pillugit Inatsisartut inatsisaata allanngortinneqarnerannik Inatsisartut inatsisaat nr. xx, xx. xxx 2018-imeersoq.
(Akitsuutitigut tunngavigisat allanngortinneqarnerat, saattuat uiluiillu akitsuuteqartinnginnissaat, sinerissamut qanittumi qaleralittanut akitsuutit appartinneqarnerat, pisanik inummut pingajuusumut tunniussinermi imaluunniit Kalaallit Nunaannit annissinermi akitsuutip annertunerpaaffissaata qaffanneqarnera)

Inatsisartut aalajangiiffigisassaattut siunnersuut Namminersorlutik Oqartussat ilalissagaat Nunat Avannarliit isumaqatigiissutaat qaffasinnerusumik ilinniagaqarnissamut isersinnaaneq pillugu.

Uunga siunnersuut: Piginneqatigiilluni inissiat pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2018-imeersoq.
(§ 88, imm. 3-p atorunnaarsinneqarnera.

Uunga siunnersuut: Sermip erngullu niuernikkut iluaqutigineqarnissaat pillugu Inatsisartut inatsisaat nr. xx, xx. xxx 2018-imeersoq.

Ujaqqanik pinnersaasiornermik ingerlatsisut misilittagaannik ilanngussisumik nassuiaammik, inuussutissarsiornermik ingerlatsereersut akornanni, aallartitsisussani kiisalu annikitsumik aatsitassarsiornermik akuersissutinik piginnittut nalilinnik annertunerusumik kaaviiaartitsinissamut sulisuminnillu amerlisaanissamut aaqqissuussaanikkut aammalu inatsisitigut aporfissat suunerannik kingusinnerpaamik UKA2019-imi Naalakkersuisut saqqummiussinissaat pillugu Inatsisartunut aalajangiiffigisassatut siunnersuut. Aporfittut suussusersineqartut qanoq ililluni piujunnaartinnissaannut sapinngisamilluunniit aporfiit annikinnerpaamiitinnissaannut siunnersuummik nassuiaat imaqassaaq.

Kingusinnerpaamik UKA2019-imi inuussutissarsiornermik siuarsaanermik aaqqissuussinerit maanna ingerlasut nalilersorneqarnerannik Naalakkersuisut saqqummiussinissaat pillugu Inatsisartunut aalajangiiffigisassatut siunnersuut. Nalilersuinermi aaqqissuussinerit maanna ingerlasut suliffeqarfinnik suliaqarfinnillu nutaanik qanoq annertutigisumik siuarsaanerat qulaajaavigineqassaaq. Nalilersuinermilu namminersorlutik inuussutissarsiortunut manna sinaakkutissatut atugassarititat ilanngunneqassapput, maannalu aaqqissuussinernut kiisalu manna tikillugu misilittagaareersut tunuliaqutaralugit sinaakkutissanut aaqqiissutaasinnaasunillu pitsanngorsaatinillu siunnersuusiortoqarluni. Nalilersuinermik suliaqarnermi namminersorlutik inuussutissarsiortut qanimut suleqatigineqarnissaannik Naalakkersuisut kaammattorneqarput.

Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq. (Matoqqasumik ataatsimiinneq)

Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.