Ullormut oqaluuserisassat
Ullut ataatsimiiffiusut aqqaneq-tallimaat, ataasinngorneq 15. May 2017, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat
(Inatsisartut Siulittaasoqarfiat)
Imm./pkt.: 71
Siull. 18/10-2016
Kingusinnerpaamik 1. januar 2017 aallarnerfigalugu ukiuni tallimani misiligummik teriannissat, tulukkat naajallu eqqissisimatinneqarunnaarallarnissat pillugu Naalakkersuisut peqquneqarnissaannik Inatsisartut aaliangiiffigisassaattut siunnersuut. Misileraanerup naareersimalernerani misileraanerup kingunerisaasa sunniutai pillugit nalilersuiffiginerat saqqummiunneqassalluni, ilaatigut eqqissisimatitsinerup atorunnaavissinnaanera pillugu nalilersuisoqassalluni.
(Inatsisartunut ilaasortaq Anthon Frederiksen, Partii Naleraq)
Imm./pkt.: 54
Ilinniagaqartut 16-it 25-illu akornanni ukiullit kalaallisut oqaaseqartut, meeqqat atuarfiannit anillutik ilinniakkamik ingerlatsisinnaanerat anguniarlugu, ilinniarfiit sorliit annertuumik aningaasartuuteqarfiunngitsumik isersinnaanermut piumasaqaataasa ilinniartitsissutillu ilinniartunut kalaallisut oqaasilinnut nalimmassarneqarnissamut piukkunnaateqarnerannik misissuinermik UPA 2018-imi saqqummiunneqartussamik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 167
Suliniut MANU-p ineriartorteqqinneratut isigineqarsinnaasumik nuna tamakkerlugu angajoqqaanut atuarfimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Angajoqqaanut atuarfik aallartinneqassaaq 1. juuli 2018-mi.
(Inatsisartunut ilaasortaq Nivi Olsen, Demokraatit)
Imm./pkt.: 60
2018-miit ukiuni marluugallartuni misiliilluni unnukkut ammasartussamik (nal. 16-24) nuna tamakkerlugu call-centerimik, Nuna tamakkerlugu Ilitsersuisarfik (NTI-p) ataani pilersitsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Call-Centeri sukkasuumik kinaassutsimillu isertuussilluni ilinniartunut, ilinniarnikkut, aningaasatigut inuttulluunniit ajornartorsiuteqartunut ikorfartuissaaq siunnersuisarlunilu. Call-centerip aamma taamatut siunnersuisarsinnaassaaq ilinniartut ilaqutaannut.
(Inatsisartunut ilaasortaq Nivi Olsen, Demokraatit)
Imm./pkt.: 114
Nuummi inissisimasussamik Nunatta inuiattut timersornikkut unammersuartarfissaannik pilersaarutip FIFA-p piumasaqaataanut naapertuuttumut aningaasalersorneqarnissaannut periarfissanik misuissuisussamik suleqatigiisitamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Anders Olsen, Siumut)