Ullormut oqaluuserisassat
Ullut ataatsimiiffiusut qulingiluaat, pingasunngorneq 14. oktobarip 2015, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
(Apeqqarissaarfigineqartussat tulleriiaarneri Suliani takuneqarsinnaapput)
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
( § 37 imm. 5, naapertorlugu)
(Decemberip aappaat: Peqqissutsimut Naalakkersuisut Doris Jakobsen)
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 103
Allannguutissatut siunnersuut Aatsitassanut Ataatsimiititaliamit saqqummiunneqartup taasissutigineqarnera akuerineqarpoq.
Kalaallit ujaraataasa erlinnartut uppernarsaatigisinnaasannik periarfissanik assigiinngitsunik nassuiaasioqqullugit kingusinnerpaamik UPA 2016-mi saqqummiunneqartussamik Naalaakkersuisut peqquneqarnissaannik Inatsisartut aaliangiiffigisassaattut siunnersuut.
(Inatsisartunut ilaasortaq Peter Olsen, Inuit Ataqatigiit)
Imm./pkt.: 166
Allannguutissatut siunnersuut Naalakkersuisunit saqqummiunneqartup taasissutigineqarnera akuerineqanngilaq. Siunnersuutaaqqaartoq akuerineqarpoq.
Atlantikup avannaata Kalaallillu Nunaata silaannartaasa angallavigineqarnerisa allaffissornikkut aqunneqarnerata nunatsinnut nuunneqarnissaa pillugu naalagaaffeqatigiit Canadami Islandimilu oqartussanut isumaqatigiinniuteqarnissaasa aallartinneqarnissaa siunertaralugu danskit naalakkersuisuinut saaffiginninnissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Anders Olsen, Tillie Martinussen, Jens-Erik Kirkegaard, Kalistat Lund aamma Ane Hansen)
Imm./pkt.: 27
Inunnik annertusisamik innarluutilinnut ikiorsiisarneq pillugu FN-ip innarluutillit pisinnaatitaaffii pillugit isumaqatigiissutaanut naapertuunnerusumik Naalakkersuisut iluarsaatamik inatsisilioqqullugit Inatsisartut aalajangiiffigisassaattut siunnersuut, taamaalilluni pisinnaatitaaffiit teknikkitigut inatsisinut attuumassutilinnut atuuttussanngorlugit aaqqissuunneqarlutik, allannguut kingusinnerpaamik UPA2017-imi saqqummiunneqassaaq.
(Inatsisartunut ilaasortat, Siumut)
Imm./pkt.: 41
Imm. 27 aamma 41 ataqatigiisillugit siullermeerneqarput
Naalagaaffiit Peqatigiit inuit innarluutillit pillugit Isumaqatigiissutaanni pisinnaatitaaffiit siuarsarneqarnissaannut Naalakkersuisut peqquneqarnissaannik Inatsisartuni aalajangiiffigisassatut siunnersuut, tamatumani inatsimmi pineqartunut atuuttumut atuutsinneqalernissaat aammalu suliat ingerlanneqarnerini Naalagaaffiit Peqatigiit inuiat innarluutillit pillugit Isumaqatigiissutaanni Kalaallit Nunaanni atuuttut suliarineqarnerini iliuusissatut pilersaarutinut ilanngullugit suliarineqarnissaat.
(Inuit Ataqatigiit Inatsisartunut ilaasortaatitaat)