Ullormut oqaluuserisassat
Ullut ataatsimiiffiusut 27-iat, tallimanngorneq 27. novembarip 2015, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 147
Uunga siunnersuut: Kalaallit Nunaannut suliffissarsiortut killilersimaarnissaat pillugu Inatsisartut inatsisaata allannguuteqartinneqarnera pillugu Inatsisartut inatsisaat nr. xx yy 2015.
(Sulisitsisut suliffissanut nittartakkamik atuinissaat)
(Sulisitsisut suliffissanut nittartakkamik atuinissaat)
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 22
Uunga siunnersuut: Inatsisartut Naatsorsueqqissaartarfik pillugu inatsisaata allanngortinneqarneranik Inatsisartut inatsisaat nr. x, xXx 2015-imeersoq (Paasissutissanik ingerlatitseqqittarneq)
(Aningaasaqarnermut Aatsitassanullu Naalakkersuisoq)
Imm./pkt.: 23
Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2015-imeersoq.
(Aningaasaqarnermut Aatsitassanullu Naalakkersuisoq)
Imm./pkt.: 164
Siunnersuut: Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat nr. xx,xx xx 2015-imeersoq.
(Atorfinitsitsinermut soraarsitsinermullu pisinnaatitsinerit)
(Atorfinitsitsinermut soraarsitsinermullu pisinnaatitsinerit)
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 165
Uunga siunnersuut: Suliffeqarnermi innersuussisarneq il.il. pillugit Inatsisartut inatsisaata allannguuteqartinneqarnera pillugu Inatsisartut inatsisaat nr. xx yy 2015-imeersoq
(Nuttarnerulersitsinissamut ikiorsiissutit atorneqarnerulernissaat)
(Nuttarnerulersitsinissamut ikiorsiissutit atorneqarnerulernissaat)
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 40
Danskit ilinniarnermi siuariartornissaq pillugu nutarterinerat ilinniagaqartunut nunatsinneersunut Danmarkimi najugaqartunut danskit ilinniagaqarnermi tapiissutigisartagaannit pissarsisinnaatitaasunut sutigut aalajangersimasutigut qanoq kinguneqarsimaneranik misilittagaasimasut pillugit danskit naalagaaffianni pisortanut paasisassarsioqqullugit Naalakkersuisut peqquneqarnissaanik Inatsisartut aalajangiiffigisassaattut siunersuut.
(Inuit Ataqatigiit Inatsisartunut ilaasortaatitaat)
Imm./pkt.: 43
Aappassaaneerinninnermi Allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Ukiut qulit 20-illu akornani nuna tamakkerlugu sanaartugassanik pilersaarusiortoqarnissaanik, minnerpaamik kommuuninut agguataarneqartunik aammalu kommunit suleqatigalugit pilersaarutinik ingerlanneqartussanik Naalakkersuisut peqquneqarnissaanik Inatsisartuni aalajangiiffigisassatut siunnersuut. Sanaartukkanik pilersaarutit Namminersornerullutik Oqartussat aammalu kommuunit sanaartornermik suliassaanik imaqartinneqassapput, tamatumani piviusumik tulleriissaarinissat pilersaarusiornissallu kommuunini kiisalu sanaartugassanik suliassinneqartunit ingerlanneqarsinnaalersillugit aammalu suliassaasinnaasunillu kommuunini ingerlanneqartussatut pilersaarutit inissisorneqarsinnaalersillugit.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 113
Naalakkersuisut oqartussaaffiit nunatsinnut angerlaassassarineqarsinnaasut ilanngussaq 1-imi allassimasut Namminersorlutik Oqartussat inatsisaani allassimasuni suliassaqarfiit pineqartut pillugit Naalakkersuisut nalunaarusioqqullugit peqquneqarnissaanik Inatsisartuni aalajangiiffigisassatut siunnersuut. Nalunaarusiaq, kingusinnerpaamik UPA2018-imi Inatsisartunut saqqummiunneqartussanngortitassaq, suliassaqarfiit ataasiakkaani tamani tulliuttunik nalunaarsuiffiussapput:
a. Suliassaqarfiup ingerlanneranut ullumikkut Naalagaaffimmut qanoq akeqarpa, Kalaallit Nunaannullu qanoq akeqassava illersorsinnaasumik suliassaqarfik ingerlatissappagu?
b. Suliassat ingerlannissaani piginnaasat suut eqquutsinneqassappat, Kalaallit Nunaanni Namminersorlutik Oqartussat suliassaqarfik ingerlanneqartumik illersorneqarsinnaasumik ingerlatsissaguni?
c. Iluaqutigineqartussat pitsaanngequtillu suliassaqarfiit ingerlanneqartut angerlaannerini suut kingunerissavai?
d. Suliassaqarfiit ingerlanneqartut angerlaannissaanni suliassat piffissami sivikitsup iluani, piffissami akunnattup iluani imaluunniit piffissap sivisuup ingerlanerani suliarineqarlutik tulleriissarneqarnissai Naalakkersuisunit ingerlanneqartussaasorivaat?
a. Suliassaqarfiup ingerlanneranut ullumikkut Naalagaaffimmut qanoq akeqarpa, Kalaallit Nunaannullu qanoq akeqassava illersorsinnaasumik suliassaqarfik ingerlatissappagu?
b. Suliassat ingerlannissaani piginnaasat suut eqquutsinneqassappat, Kalaallit Nunaanni Namminersorlutik Oqartussat suliassaqarfik ingerlanneqartumik illersorneqarsinnaasumik ingerlatsissaguni?
c. Iluaqutigineqartussat pitsaanngequtillu suliassaqarfiit ingerlanneqartut angerlaannerini suut kingunerissavai?
d. Suliassaqarfiit ingerlanneqartut angerlaannissaanni suliassat piffissami sivikitsup iluani, piffissami akunnattup iluani imaluunniit piffissap sivisuup ingerlanerani suliarineqarlutik tulleriissarneqarnissai Naalakkersuisunit ingerlanneqartussaasorivaat?
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 117
Siull. 4/5-2015
Aappassaaneerinninnermi Allannguutissatut siunnersuut Inatsisinut Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Ingerlatseqatigiiffiit Kalaallit Nunaannilu oqartussaasut whistleblowereqarnissamut aaqqissuussinissamut (kinaassutsimik ersersitsisuunngitsumik ilisimasamik ingerlatitseeqqiisinnaanermut periarfissiisumik) malittarisassiuunneqarnissaannut Naalakkersuisut peqquneqarnissaannut Inatsisartut aalajangiiffigisassaattut siunnersuut.
(Inatsisartunut ilaasortaq Naaja H. Nathanielsen, Inuit Ataqatigiit)
Imm./pkt.: 109
Siull. 29/4-2015
Aappassaaneerinninnermi Allannguutissatut siunnersuut Inatsisinut Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Akileraartarnermut Oqartussaasut ataanni immikkoortortaqarfimmik immikkut suliaqartussamik, aningaasaqarnikkut pinerluuteqartarnerup, ilaatigut ikiaroornartunik niuerniartarnermut attuumassuteqartup, paasineqarnissaanik siunertaqartussamik pilersitseqqullugit Naalakkersuisut peqquneqarnissaannik siunnersuut, tamanna pissaaq akileraarusersuinermi annertunerusumik suliniuteqarneq aqqutigalugu, tamatumunnga ilanngullugit nalunaarsuiffiit atortorissaarutillu pioreersut ataatsimoortinnerat, tassuunakkut isertitat pigisallu nalillit inatsisinik unioqqutitsilluni pissarsiaasimasut paasineqarsinnaaqqullugit.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 135
Inatsisartut oqaaseqaatissaattut siunnersuut akuerineqarpoq.
Suliffissaqartitsineq aalisarnermillu inuussutissarsiuteqarneq patajaallisarniarlugit qanoq iliorluta suliffissuit puttasut tunitsiviullutillu tunisassiorfiusut siuarsarnissaat pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Jens Immanuelsen, Siumut)
Imm./pkt.: 26
Meeqqanut kinguaassiutitigut kanngutsaattuliortarneq ullumimut naleqqiullugu annertuumik appartinniarlugu pitsaaliunerup paasiniaasarnerillu nukittorsarnissaat pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Tillie Martinussen, Demokraatit)