Oqaluuserisassat oqaluuserineqarfissaasalu ullui
2013-mi Ukiakkut Ataatsimiinne
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
(Uani tulleriiaarneri takukkit)
( § 37 imm. 5, naapertorlugu)
(Uani tulleriiaarneri takukkit)
()
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat )
Imm./pkt.: 5
Siunnersuisoqatigiinnut nævninullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
2014-mi Inatsisartut upernaakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 7
2014-mut Inatsisartut aningaasanut inatsisissaannut siunnersuut.
(Aningaasaqarnermut Nunamullu Namminermut Naalakkersuisoq)
Imm./pkt.: 8
Inatsisartut ilassutitut aningaasaliissutissatut 2012 siunnersuutaat.
(Aningaasaqarnermut Nunamullu Namminermut Naalakkersuisoq)
Imm./pkt.: 9
Inatsisartut Ombudsmandiata 2012-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisinut ataatsimiititaliaq)
Imm./pkt.: 10
Aningaasaqarnikkut Ingerlatsineq pillugu Nalunaarut.
(Aningaasaqarnermut Nunamullu Namminermut Naalakkersuisoq )
Imm./pkt.: 11
Nunatta Karsiata 2012-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Nunamullu Namminermut Naalakkersuisoq )
Imm./pkt.: 13
Nunat avannarliit suleqatigiinnerat pillugu nassuiaat 2013.
(Ineqarnermut, Pinngortitamut Avatangiisinullu Naalakkersuisoq)
Imm./pkt.: 14
Nunanut allanut tunngasutigut naalakkersuinikkut ingerlatsineq pillugu nassuiaat 2013.
(Naalakkersuisut Siulittaasuat aamma Nunanut allanut tunngasunut Naalakkersuisoq)
Naalakkersuisut siulittaasuata ammaanermi oqalugiaataa
(Naalakkersuisut Siulittaasuat aamma Nunanut allanut tunngasunut Naalakkersuisoq)
Imm./pkt.: 16
Siunnersuut uunga: Inatsisartut Naalakkersuisullu pillugit Inatsisartut inatsisaata allannguuteqartinnera pillugu Inatsisartut inatsisaat nr. X, xx.xxx 2013-meersoq. (Qarasaasiat atorlugit tamanut saqqummiisarneq)
(Naalakkersuisut Siulittaasuat aamma Nunanut allanut tunngasunut Naalakkersuisoq)
Imm./pkt.: 17
Uunga siunnersuut: Meeqqanut inatsisip Kalaallit Nunaanni meeqqat inatsisitigut inissisimanerat pillugu inatsit nr. 197, 16. juuni 1962-imeersoq naapertorlugu allannguutissap atuutilernissaanut aalajangiiffigisassatut siunnersuut kiisalu inatsit nr. 154, 27. maaji 1964-imeersoq Kalaallit Nunaanni kingornussisarnermut tunngasoq pillugu Inatsisartunut aalajangiiffigisassatut siunnersuut.
(Naalakkersuisut Siulittaasuat aamma Nunanut allanut tunngasunut Naalakkersuisoq)
Imm./pkt.: 18
Nuummi umiarsualivittaassap sanaartorneqarnissaanut ingerlanneqarnissaanillu siunertaqartumik aktiaateqarluni ingerlatsivimmik pilersitsisoqarnissaanik kingusinnerpaamillu UPA2014-imi ingerlatsiviup umiarsualiviullu pissutsinut nalimmassarneqarnissaa pillugit Naalakkersuisut 2013-imi suliakkerneqarnissaat pillugu Inatsisartut aalajangiiffigisassaattut siunnersuut.
(Naalakkersuisut Siulittaasuat aamma Nunanut allanut tunngasunut Naalakkersuisoq )
Imm./pkt.: 19
Inatsisartut aalajangiiffigisassaattut siunnersuut: Inuit Pisinnaatitaaffii pillugit Ilisimatusarfimmut - Danmarks Nationale Menneskerettighedsinstutionimut inatsisip atuutilerneranut Kalaallit Nunaanni Namminersorlutik Oqartussat oqaaseqaatissaat.
(Naalakkersuisut Siulittaasuat aamma Nunanut allanut tunngasunut Naalakkersuisoq )
Imm./pkt.: 20
Inatsisartut taakkulu allaffissornikkut immikkoortuisa illussaannik nappaanissamut Siulittaasoqarfiup pilersaarusiaanut Inatsisartut tapersiinissaannut alajangiiffigisassatut siunnersuut.
(Inatsisartut Siulittaasoqarfiat )
Imm./pkt.: 21
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 1/2012-imik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut: Nunat Avannarliit Killiit Siunnersuisoqatigiiffiata Savalimmiuni Naalakkersuisut, Kalaallit Nunaanni Naalakkersuisut aamma Islandimi Naalakkersuisut kaammattorpaat suleqatigeeqqullugit allaaserisaqartarneq atuakkiortarnerlu nukittorsarniarlugit nunani ataasiakkaani atuakkiortut peqatigiiffii suleqatigalugit atuakkiortunut siunissamilu atuakkiortunngorumaartussanut allassinnaanermut pikkorissarnernik peqatigiillutik aaqqissuusseqqullugit.
(Aallartitat siulittaasuat Lars-Emil Johansen)
Imm./pkt.: 22
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 2/2012-imik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut: Nunat Avannarliit Killiit Siunnersuisoqatigiiffiata Savalimmiuni Naalakkersuisunut, Kalaallit Nunaanni Naalakkersuisunut Islandimilu Naalakkersuisunut kaammattuutigaat apeqqutit issittumut tunngasut eqqarsaatigalugit nunat suleqatigiinnerannik sakkortusaanermik aallartitseqqullugit, kiisalu suliassaqarfinni nunat ataatsimut soqutigisaqarfigisaanni taamatullu ilioriusissiornissamut isumaqatigiissuteqarfigisinnaasaanni Issittoq eqqarsaatigalugit nunat avannarliit killiit ataatsimut ilioriusissiornissaannik sulissuteqaqqullugit. Siunnersuisoqatigiiffiup taamatuttaaq naalakkersuisut qinnuigaat nunani pineqartuni nunanut allanut naalakkersuisut akuttunngitsumik ukiumoortumik minnerpaamillu ukiut marlunngorneri tamaasa naapeqatigiittarnissaannik apeqqutit issittumut tunngasut kiisalu apeqqutit allat nunat avannarliit killiit ataatsimut soqutigisaqarfigisaat oqallisigalugit. Ataatsimiinnerit taakku Nunat Avannarliit Killiit Siunnersuisoqatigiiffiata ukiumoortumik ataatsimiinnerinut atatillugu sapinngisamik ingerlanniarneqartassapput.
(Aallartitat siulittaasuat Lars-Emil Johansen)
Imm./pkt.: 23
Naalakkersuisunik qinersineq
(Naalakkersuisut Siulittaasuat aamma Nunanut allanut tunngasunut Naalakkersuisoq)
Imm./pkt.: 24
Kalaallit Nunaannut kræfti pillugu pilersaarut.
(Peqqissutsimut Attaveqarnermullu Naalakkersuisoq)
Imm./pkt.: 25
Kalaallit Nunaanni Imminut Toquttoqartarnera Pitsaaliorniarlugu nuna Tamakkerlugu lliuusissatut Siunniussat 2013-2019.
(Peqqissutsimut Attaveqarnermullu Naalakkersuisoq )
Imm./pkt.: 26
Nunatsinni aalisarnermi aningaasarsiornerusinnaaneq siunertaralugu annertunerusumik tunisassiorsinnaaneq eqqarsaatigalugu imaani aalisakkanut suliffissualiisinnaanerup iluaqutigisinnaasai ajoqutigisinnaasaalu qulaajarnissaat siunertarlugu oqallinnissamik siunnersuut.
(Inatsisartunut ilaasortaq Jens Immanuelsen, Siumut)
Imm./pkt.: 27
Qalerallit sinerissap qanittuani pisarineqarsimasut "Japan cut" atorlugu suliareqqaarneqarsimanngikkaangata akitsuuserneqartalernissaannut Naalakkersuisut UPA14-mut inatsisassamik siunnersuusioqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jens Immanuelsen, Siumut)
Imm./pkt.: 28
Qaasuitsup kommuniata angivallaarnerata malitsigisaanik innuttaasunik sullissinerup pitsaavallaarunaarsimanera pillugu aaqqiissutaasinnaasunik ujartuinissaq innuttaasullu oqartussaaqataanerisa nukittorsarnissaat siunertaralugu oqallinnissamik siunnersuut.
(Inatsisartunut ilaasortaq Jens Immanuelsen, Siumut)
Imm./pkt.: 29
Inoqutigiit isertitaasa annertussusaat aallaavigalugu utoqqalinersiat ilanngaateqartinneqartarnerisa atorunnaarsinneqarnissaa siunertaralugu Utoqqalinermi pensionisiat pillugit Inatsisartut peqqussutaat nr. 3, 7. maj 2007-imeersup Naalakkersuisut kingusinnerpaamik UKA14-mi allanngortitsinissaat pillugu Inatsisartuni aalajangiiffigisassatut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 30
Peqqissaasut Palliativ-imik nakorsaasinnaanermut ilinniaqqissinnaanerat anguniarlugu immikkut aningaasaliisoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 31
Kalaallit Nunaanni nammineq piumassuseq naapertorlugu upalungaarsimasunik naalagaaffik suleqatigalugu pilersitsisoqarsinnaanera tamatumalu sunniutigisinnaasaasa misissorneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 32
Imm. 29 aamma 32 ataqatigiisillugit siullermeerneqarput.Aappass. UPA 2014
Utoqqalinersiuteqartut angerlarsimaffimminni ikiorteqartarnerminnut akiliisarunnaarnissaat siunertaralugu Inatsisartut peqqussutaat nr. 15, 20. november 2006-imeersumi § 29-ip allanngortinneqarnissaa siunertaralugu Naalakkersuisut siunnersuummik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 33
Inuit Ataqatigiinniit allannguutissatut siunnersuut akuerineqanngilaq, siunnersuut ilusimisut iluseqartillugu akuerineqarpoq.
Nunatsinni avatangiisinut aningaasaateqarfimmik pilersitsinissaq sulissutigeqqullugu kiisalu Inatsisartut aningaasanut inastisaanni konto 24.11.23-mi naatsorsuutit, nukissiornemi ikummatissanut avatangiisit pillugit akitsuutikkut isertitat avatangiisinut aningaasaateqarfimmut atugassanngorlugit immikkoortinneqartalernissaat sulissutigeqqullugu Naalakkersuisut peqquneqarnissaannik Inatsisartut aalangiiffigisassaattut siunnersuut.
(Inatsisartunut Siumup ilaasortaatitai)
Imm./pkt.: 34
Aappass. UPA 2014
Inissianik attartortut piffissaq eqqorlugu akiliuteqartartut siunissami attartortunut akiliineq ajortunut akiliussisarnerannik aningaasartuutinullu taakku akilinngisaannik akiliisarnerannik pisussaaffeerullugit, inissianik akiliutit aalajangersarneqartarnerat pillugu maleruagassanut atuuttunut Naalakkersuisut allannguutissaannik siunnersuusiornissaat pillugu Inatsisartuni aalajangiiffigisassatut siunnersuut.
(Inatsisartunut Siumup ilaasortaatitai)
Imm./pkt.: 35
Aappass. UPA 2014
Kalaallit Nunaanni pinerluuteqarsimasut singernermikkut nalunaarsuuteqarlutik angerlarsimaffimmi pineqaatissinneqarsinnaalernissaat anguniarlugu, Naalakkersuisut Jusititsministerimut attaveqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Doris Jakobsen aamma Kristian Jeremiassen, Siumut)
Imm./pkt.: 37
2014-mi atuutilersussamik Kangaatsiamiit Qaanaaq angullugu upernaakkut appanniarsinnaaneq 01. september-imiit - 29. februar-imut atuuttup, ukiukkut sikuusarnera pillugu tamakkiisumik malitsinneqarsinnaanngitsup naleqqussarnissaa pillugu upernaakkut appanik piniarsinnaanerup maajip qeqqata tungaanut sivitsorneqarnissaanik, Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortat Gerhardt Petersen aamma Knud Kristiansen, Atassut)
Imm./pkt.: 39
Inuit Ataqatigiit allannguutissatut siunnersuutaat akuerineqanngilaq - siunnersuut akuerineqanngilaq.
Suliffeqarfiit namminersortut pitsaasumik, inerititaqarfiusumillu iliuuseqartut, avatangiisinut mingutsaaliuinermikkut, nukissiuutit mingutsitsinngitsut atornerisigut, aammalu co2-mik aniatitsinermikkut annikillisaasut akissarsisinneqartalernissaannik Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortat Gerhardt Petersen aamma Siverth K. Heilmann, Atassut)
Imm./pkt.: 43
Apeqquteqaat aallaavigalugu oqallisissiatut siunnersuut pineqarluni aatsitassarsiorluni olie-siorlunilu selskabenut nunatta karsianut akitsuusiisalersinnaanissamik pisussaaffiliisinnaanissaq, tassuunakkut iluaqutissat ajoqutaasinnasortaallu aatsitassarsiortunut uuliasiortunut assigisaanullu Kalaallit Nunaanni.
(Inatsisartunut ilaasortat Siverth K. Heilmann aamma Gerhardt Petersen, Atassut)
Imm./pkt.: 44
Apeqquteqaat aallaavigalugu nuna tamakkerlugu immikkut ittumik eqqagassanik saliinissamik suliniuteqarnissaq pillugu oqallisissiatut siunnersuut.
(Inatsisartunut ilaasortat Gerhardt Petersen aamma Knud Kristiansen, Atassut)
Imm./pkt.: 45
Imigassanik sassaallernermi, tuniniaanermilu tuniniaanerup killinga naleqqussarneqarsinnaanera aallaavigalugu apeqquteqaat aallaavigalugu oqallisissiaq.
(Inatsisartunut ilaasortat Gerhardt Petersen aamma Siverth K. Heilmann, Atassut)
Imm./pkt.: 56
Imm. 31 aamma 56 ataqatigiisillugit siullermeerneqarput.
Kalaallit Nunaanni nunami aammalu imaatigut kajumissutsimik tunngaveqartumik upalungaarsimasunik pilersitsisoqarsinnaaneranut periarfissanik soqutiginninnermullu misissuisoqarnissaa siunertaralugu Naalakkersuisut Naalagaaffimmut attaveqarnissaannut pisussaaffilerneqarnissaannut aalajangiinissamut siunnersuut.
(Inatsisartunut ilaasortat Naaja H. Nathanielsen aamma Sara Olsvig, Inuit Ataqatigiit)
Imm./pkt.: 57
Imm. 57 aamma 61 ataqatigiisillugit siullermeerneqarput
Innuttaasut amerliartortut imigassartorpallaarnerup kinguneranik qaratsaminnut ajoquteqalersimasut inuiaqatigiinnit ikiorneqarnerunissaannut nassuiaatitalerlugu angusassamik toraagalimmik iliuusissanut pilersaarusioqqullugit Naalakkersuisut sanaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Iliuusissanut pilersaarut saqqummiuteqquneqarpoq kingusinnerpaamik Inatsisartut 2014-mi upernaakkut ataatsimiinneranni.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 58
Ineriartornermikkut akorngutillit ingerlaqqinnissaminnut ilinniartin-neqartarnerisa, oqittunik suliffeqartarnerisa aamma taamaaqatiminnik najugaqarfinni najugaqartarnerisa siunissami qanoq pitsanngorsarneqarsinnaanerat pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 59
Aappass. UPA 2014
Meerartaarnermut atatillugu Nunatsinni tulluarsakkamik aningaasaateqarfiliornissamut periarfissanik misissuinissaq siunertaralugu Naalakkersuisut suliffeqarnermik suliaqartunut isumaqatigiinniarnissamik aallarnisaanissaannut peqquneqarnissaannik Inatsisartuni aalajangiiffigisassatut siunnersuut. Meerartaarnermut atatillugu aningaasaateqarfiup akissarsiallit tamakkerlutik maanna ullormusiaqartitsinermiit pitsaanerusumik atugaqalernissaat qulakkiissavaa.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 60
Apeqquteqaat aallaavigalugu saammaasseqatigiinneq, kinaassuseq, oqaatsit, inuit pisinnaatitaaffii qanorlu iliuuseqarluni inuiaqatigiittut akuunerulersitsisutut inis sittutut qulakkeerinninnissaq, sumit kingoqqisuuneq, oqaaserisat kulturikkullu tunuliaqutaq apeqqutaatinngikkaluarlugu inuit pisinnaatitaaffii inuiaqatigiinni inooqatigiilluni pingaartitsineq pillugu oqallinnissamik siunnersuut.
(Inatsisartunut ilaasortat Juliane Henningsen aamma Sara Olsvig, Inuit Ataqatigiit)
Imm./pkt.: 61
Imm. 57 aamma 61 ataqatigiisillugit siullermeerneqarputAtaatsimiititaliamit allannguutissatut siunnersuut akuerineqarpoq.
Innuttaasut imigassamik ajornartorsiutillit taassuminngalu qaangiiniarlutik katsorsartikkumasut nammineq akiliinatik katsorsartittarnissaannik aqqutissiuussinissamik iliuusissanullu pilersaarummik kingusinnerpaamik Inatsisartut 2014-imi upernaakkut ataatsimiinnissaannut saqqummiunneqartussamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 63
UPA 2014
Atuartuni angajullerni klassinik inuussutissarsiornermi apeqqutini sammisaqartitsinikkut ilinniartitsisoqartalernissaa siunertaralugu Meeqqat atuarfianni peqqussut allanngortinneqassanersoq pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Ane Hansen, Inuit Ataqatigiit)
Imm./pkt.: 64
Aappass. UPA 2014
Soraarnerussutisiaqarluni ukiut angunerini annertuumik innarluutillit ikiorserneqarnissaat pillugu maleruagassat tunngavigalugit pisinnaatitaaffiisa annaaneqannginnissaanut isumannaarinninnissamut, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 66
Aappass. UPA 2014
Angajoqqaat meeqqaminnik arsaagaasimasut angusassamik toraagaqarluni suliniarfigineqarnissaannut siunnersuusioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Angusassamik toraagaqarluni suliniarnermi siunertarineqassaaq 2014-imi upernaanerani ataatsimiinnissami, angajoqqaat meeqqaminnik arsaagaasimasut angajoqqaatut isumassuisinnaanikkullu nukittorsarneqarnissaat, taamaasillutik meeqqat angajoqqaaminnut angerlaqqissinnaaqqullugit.
(Inatsisartunut ilaasortaq Jens B. Frederiksen, Demokraatit)
Imm./pkt.: 67
Allannguutissatut siunnersuut aamma siunnersuut akuerineqanngilaq.
Akiitsunut aningaasaliinissamullu pilersaarutit naapertorlugit Tasiilami mittarfiliornissamut periarfissaqarsinnaaneranut atatillugu misissueqqaarnerit tullianillu businesscare aallarteqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissueqqaarnerit naammassineqareersimassapput ukiumi aningaasaliiffiusumi 2015-mi timmisartunut suluusalinnut mittarfiliornerup pilersaarusiornera aallartinneqarsinnaaqqullugu.
(Inatsisartunut ilaasortaq Andreas Uldum, Demokraatit)
Imm./pkt.: 68
Partiit arlaat pisortanut akiitsoqarpat, politikkikkut sulinermut pisortat tapiissutaasa noqinneqarsinnaalernissaat qulakkeerniarlugu inatsisissamut siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Michael Rosing, Demokraatit)
Imm./pkt.: 69
Ingerlatseqatigiiffiit tamakkiisumik ilaannakoortumilluunniit akiliisartut il.il. eqqarsaatigalugit ingerlatseqatigiiffinnut akileraarutip 1. januar 2015 aallarnerfigalugu 20 %-nut appartinnissaa pillugu kingusinnerpaamik UKA2014-mi inatsisip allanngortinnissaanut siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Jens B. Frederiksen aamma Michael Rosing, Demokraatit)
Imm./pkt.: 70
Maani nunami ilinniartitsisunngorniartarnerup qaffasissusaa nunani killerni ilinniartitsisunngorniartarnerup qaffasissusaanut assersuunneqarsinnaanersoq paasiniarlugu Naalakkersuisut misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermut ilanngunneqassapput ullumikkumut naleqqiullugu ilinniartitsisunngortarnerup qanoq pitsaanerulersinnaaneranut innersuussutit.
(Inatsisartunut ilaasortaq Michael Rosing, Demokraatit)
Imm./pkt.: 71
UPA 2014
Kalaallit oqaasiisa takornartat oqaasiisut ilinnialernissaannut qanoq iliorluta inersimasunik kajumissuseqalersitsinissarput pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 72
Ukioq 2015 pinngitsaaliisarnernut akiuiniarfittut ukiunngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jens B. Frederiksen, Demokraatit)
Imm./pkt.: 73
2015-p ingerlanerani Kalaallit Nunaanni piniagassat avammut tunisassiarineqartarnerisa siuarsarnissaat pillugu 2015-p ingerlanerani misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jens B. Frederiksen, Demokraatit)
Imm./pkt.: 74
Inunnik najugaqarfigineqartuni aallaasersornerit Kalaallit Nunaani pinerluttulerinermik inatsisip ataani inissisimalersinneqarnissaat, tamatumani inatsisit unioqqutinneqarnerini pineqaatissiisalernissat aammalu aallasersornermi aallaasit atorneqartut arsaarinnissutigineqartalernissaanik Naalakkersuisut Danmarkip Naalagaaffianik isumaqatiginninniarnissamik aallarniinissaat Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
(Inatsisartunut ilaasortaq Jens B. Frederiksen, Demokraatit)
Imm./pkt.: 77
Imm. 77, 84 aamma 85 ataqatigiisillugit siullermeerneqarput
Aningaasaateqarfimmi aningaasat katersat ileqqaakkallu erniaat taamaallaat atorneqarsinnaaneri siunertaralugu Aatsitassarsiornermi Aningaasaateqarfik pillugu Inatsisartut inatsisaannut nr. 6, 5. december 2008-meersumut allannguutissamik saqqummiussinissaannik Naalakkersuisut peqquneqarnissaannut Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 78
Aappass. UPA 2014
Atuarfik pillugu Inatsisartut inatsisaat nr. 15, 3. december 2012-imeersumi § 25, imm. 4-imi aamma § 36, imm. 1-imi aalajangersarneqartut naapertorlugit meeqqanut inuusuttunullu inerikkiartornermikkut kingusissunut nerisaqarfigiutigalugu atuarfittut immikkut ilusiligaasumik suli ataatsimik pilersitseqqullugit ingerlatseqqullugillu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 79
UPA 2014
EU-p naatsorsuutinut malitassiaa Folketing-imit atortuulersinneqarlunilu akuersissutigineqareerpat, danskit ukiumut naatsorsuusiortarneq pillugu inatsisaat Kunngip peqqusineratigut Kalaallit Nunaanni aamma atortuulersinneqarnissaa siunertaralugu Naalakkersuisut naalagaaffimmut saaffiginnissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 80
Allannguutissatut siunnersuut akuerineqarpoq
Kalaallit Nunatsinni innuttaasut amerlanerit kalaallisut oqalussinnaalernissaannik periusissiatut iliuusissanut pilersaarummik kingusinnerpaamik Inatsisartut 2014-mi upernaakkut ataatsimiinneranni saqqummiunneqartussamut Naalakkersuisut suliaqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 81
Inuit Kalaallit Nunaanniit nuuttartut amerliartuinnartut, ilaat pissutissaqangaanngitsumik periataartumillu nuuttut eqqarsaatigalugit, pingaartumilli Kalaallit Nunaanniit Danmarkimut inuttut atukkat pissutigalugit nuuttut aallaavigalugit immikkut iliuuseqarnissamik alloriartoqassanersoq pillugu oqallittoqarnissaanik siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 82
Inuit inissianik pisortat najugaqarfiutaani attartortuusut kisiannili inigisaminnit anisitaasimasut, allamik sarfalersukkamik, imermut aqquteqartumik aammalu kiassarneqartumik inissaqartinneqartarnissaat taamatullu ilaqutariit meerartallit minnerpaamik iganissamut kissartuliornissamullu periarfissaqartinneqartarnissaat pillugu inatsisitigut illersugaalernissaat siunertaralugu, UPA 14-mut malittarisassiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 83
Aappass. UPA 2014
Dansk Institut for Internationale Studier, DIIS, pillugu inatsisip Kalaallit Nunaannut atortuulersinneqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut, tassa imaalisinnaanngorlugu Inatsisartut Naalakkersuisullu DIIS-miit nalunaarutinik nassuiaatinillu piniarsinnaanngorlugit, Inatsisartut Naalakkersuisullu DIIS-imik atuisinnaanerat annertusarlugu.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 84
Imm. 77, 84 aamma 85 ataqatigiisillugit siullermeerneqarput
Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaata nr. 6, 5. december 2008-meersup allanngortinneqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut, imaalillugu Inatsisartut ukiut tulleriissut aappassaanni nunatta karsiata naatsorsuutaanik aatsaat akuersereeraangata aningaasaateqarfik aallartinneqartassasoq, aatsaallu ukiumi naatsorsuiffiusumi aatsitassanit isertitat 10 millioner kroninit annertunerusimappata. Inatsisartut inatsisaat ukiup tullissaani 1. januarimi atuutilissaaq imaluunniit Naalakkersuisut aalajangiippata siusinnerusukkut. 10 millioner kronit taaneqartut Inatsisartut ukiumi pineqartumi Aningaasaqarnermut inatsisaat naapertorlugu ataatsimut isigalugu akit akissarsiallu nalingannut naleqqussarneqartassapput.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 85
Imm. 77, 84 aamma 85 ataqatigiisillugit siullermeerneqarput
Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaata nr. 6, 5. december 2008-meersup allanngortinneqarnissaanut kingusinnerpaamik FM2014-imi Naalakkersuisut peqquneqarnissaannut Inatsisartut aalajangiiffigisassaattut siunnersuut, imaalillugu Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaanni aatsitassarsiornermit isertitanut paasinninnera Namminersorneq pillugu inatsimmi aatsitassarsiornermit isertitanut paasinninnermit immikkoortinneqassasoq. Allannguinermi tigussaasumik atortut, soorlu oliamik maqisuunnginnissamut atortut, illuutit sanaartukkalluunniit allat atortullu Kalaallit Nunaata Aatsitassarsiornermi Aningaasaateqarfiani aatsitassarsiornermit isertitatut naatsorsuutigineqannginnissaat allanneqartariaqarpoq.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 86
Ingerlatseqatigiiffiit Kalaallit Nunaannilu oqartussaasut whistleblowereqarnissamut aaqqissuussinissamut (kinaassutsimik ersersitsisuunngitsumik ilisimasamik ingerlatitseeqqiisinnaanermut periarfissiisumik) malittarisassiuunneqarnissaannut Naalakkersuisut peqquneqarnissaannut Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 87
UKA 2014
Naalakkersuisut telemik niuernerup piviusumik unammilleqatigiiffiunissaanik ammaassillutik kingusinnerpaamik UPA 2014-imi inatsisitigut aaqqiissuteqarnissaq pillugu saqqummiussinissamut pisussaaffilerneqarnissaannik Inatsisartut aalajangiussassaattut siunnersuut, taamaalillutik internetimik neqeroorutillit nutaat niuerfimmut isersinnaalerniassammata. Tamatumunnga ilanngullugu qulakkeerneqartariaqarpoq telemik niuernermi pilersuisussaatitaaneq attatiinnarneqassasoq pilersuisussaatitaanermilu amigartooruteqarneq telemik ingerlatallit ersoqatigiillutik matussusertassagaat.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 88
Aappass. UPA 2014
Naalakkersuisut Aatsitassanut inatsimmut UPA 14-imut allannguutissatut siunnersuummik saqqummiussinissamut pisussaaffilerneqarnissaat pillugu Inatsisartut aalajangiussassaattut siunnersuut, taamaalilluni uran aamma thorium atominit qaartartuliornermi atortussiassatut nassuiarneqartussanngorlugit aamma suliareqqitaanatik saffiugassatut (ore) pissuseqartillugit, taamaalilluni inatsimmi atortussiassat radiop qinngornerinik navianartunik akullit atortussiassallu allat ersarissumik immikkoortinneqaleqqullugit, avatangiisinut tunngasutigut piumasaqaatit eqqarsaatigalugit tamatumani aamma ilanngullugit piiaanermit sinnikorineqartut (tailings) aammalu piiaaffiusimasup matuneqarnerani igitassat.
(Inuit Ataqatigiit Inatsisartuni ilaasortaatitaat)
Imm./pkt.: 89
Naalakkersuisut pisortat pisiortorneranni inatsisitigut, teknik-ikkut aammalu niuernerpalaarneq eqqarsaatigalugu neqeroortitsinermi atorneqartartussamik inatsisissatut siunnersuummik saqqummiussinissamut pisussaaffilerneqarnissaannik Inatsisartut aalajangiussassaattut siunnersuut. Inatsisissatut siunnersuutip qulakkiissavaa pisiffigisat assigiimmik pineqarnissaat, neqerooruteqartitsinermi pisiffissat toqqarneqarneranni sinaakkutissat ersarissuunissaat aammalu neqerooruteqartoqartillugu maalaaruteqarfiusinnaasumik pilersitsisoqarnissaa. Inatsisissatut siunnersuummi aamma pisiffissat toqqarneqarneranni inuiaqatigiit aningaasaqarnerat tamakkiinerusumik qanoq isiginiarneqartassanersut pillugit maleruagassiortoqarnissaa ilaatinneqassaaq.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 90
Aappass. UPA 2014
Aatsitassarsiorfinni atorneqartussani dieseli ikummatigalugu nukissiuutini atortulersuutit NOx-inik taaguutillit millisaatitut atorneqartalernissaat siunertaralugu Naalakkersuisut UPA 14-imut inatsisissatut siunnersuummik saqqummeeqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 91
Alta-mi inaarutaasumik isumaqatigiissutip (The Alta Document) taassumalu nassatarisaanik pingaarnertut kaammattuutigineqartut 4-it, nunat tamalaat akornanni nittarsaanneqarnissaanut, kiisalu Naalagaaffiit Peqatigiit nunat inuii pillugit 2014-imi nunarsuaq tamakkerlugu ataatsimeersuartitsinissaanut inaarutaasumik isumaqatigiissutip Naalagaaffiit Peqatigiit 69-issaa Ataatsimeersuarneranni pisortatigoortumik allagaatigilissagaat pillugu Naalakkersuisut suliaqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 99
Siunnersuut: Sulisitsisut aamma atorfillit akornanni Inatsisitigut pissutsit pillugit Inatsisartut inatsisaat nr. xx, xx. 2013-meersoq.
(Aningaasaqarnermut Nunamullu Namminermut Naalakkersuisoq)
Imm./pkt.: 100
Naalakkersuisut allannguutissatut siunnersuutaat akuerineqarpoq, siunnersuullu ilusimisut iluseqarluni inaarutaasumik akuerineqarluni.
Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat.
(Aningaasaqarnermut Nunamullu Namminermut Naalakkersuisoq)
Imm./pkt.: 101
Imm. 101 aamma 27 ataqatigiisillugit siullermeerneqarput
Qalerallit avataasiorluni aalisarnermi pisarineqartut akitsuutaat pillugu Inatsisartut inatsisaata nr. 11, 3. december 20 12-imeersup allanngortinneqarneranik Inatsisartut inatsisaat.
(Aningaasaqarnermut Nunamullu Namminermut Naalakkersuisoq)
Imm./pkt.: 102
Naalakkersuisut allannguutissatut siunnersuutaat akuerineqarpoq, siunnersuullu allannguutissatut siunnersuutitalik akuerineqarluni.
Inuit biilii biilillu assartuutit innaallagissamik brintimillu ingerlatillit eqqunneqarneranni nioqqutissanik eqqussuinermi akitsuummik aamma qamutit motorillit akileraarutaannik akiliinngikkallarnissamik Inatsisartut inatsisaat.
(Aningaasaqarnermut Nunamullu Namminermut Naalakkersuisoq)
Imm./pkt.: 103
Uunga siunnersuut: Raajanut akitsuutit pillugit Inatsisartut inatsisaata allanngortinneqarneranik Inatsisartut inatsisaat.
(Aningaasaqarnermut Nunamullu Namminermut Naalakkersuisoq)
Imm./pkt.: 104
Siunnersuut: Kommunit aqunneqarnerat pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2013-imeersoq.
(Kommunalbestyrelsimit ilaasortaajunnaarnissamik qinnuteqaatit. Najukkami ataatsimiititaliat aamma ataatsimiititaliat immikkut ittut kiisalu ataatsimiititaliani ilaasortat aningaasarsiaqartinneqartarnerat. Borgmesterit soraarnerussutisiaqartinneqartarnerat pillugu aaqqissuussineq.)
(Kommunalbestyrelsimit ilaasortaajunnaarnissamik qinnuteqaatit. Najukkami ataatsimiititaliat aamma ataatsimiititaliat immikkut ittut kiisalu ataatsimiititaliani ilaasortat aningaasarsiaqartinneqartarnerat. Borgmesterit soraarnerussutisiaqartinneqartarnerat pillugu aaqqissuussineq.)
(Aningaasaqarnermut Nunamullu Namminermut Naalakkersuisoq)
Imm./pkt.: 105
Siunnersuut uunga: Suliniutini angisuuni illuliortiternernik sanaartornernillu suliassat pillugit Inatsisartut inatsisaat nr. 25, 18. december 2012-imeersup allanngortinnissaa pillugu Inatsisartut inatsisaat nr. xx, yy 2013-imeersoq (suliniutinut angisuunut inatsit)
(Inuussutissarsiornermut, Aatsitassanullu Naalakkersuisoq)
Imm./pkt.: 106
Pinngitsoortitsinissamik oqaluuserisassaq akuerineqarpoq - Inuit Ataqatigiinniit Demokraatiniillu allannguutissatut siunnersuut akuerineqanngilaq - Siunnersuut akuerineqarpoq
UKA13-imit atuutilersumik uranimik aamma aatsitassanik qinngornilinnik piiaasarnermik attueqqusinngilluinnarnerup atorunnaarsinnissaannik Inatsisartut akuersissuteqarnissaannik Inatsisartut aalajangiussinissaannut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 107
Issittumi imaani uuliakoornermut upalungaarsimanissamut akiuiniarnermullu tunngatillugu suleqatigiinnissaq pillugu isumaqatigiissummut Kunngeqarfik Danmarkip akuersinerata Namrninersorlutik Oqartussanit ilalerneqarnissaa pillugu Inatsisartut aalajangiiffigisassaattut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 108
Aningaasarsiornikkut aalajaassuseq pillugu inatsisimmi atuuttumi nr. 1287-imi, 19. december 2012-imeersumi § 16-ip aallanngortinneqarnissaa pillugu Inatsisartut aalajangiiffigisassaattut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 109
Kyotomi isumaqatigiissummi piffissap pisussaaffeqarfiusup aappaani (2013 - 2020) pisussaaffiliinermi Namminersorlutik Oqartussat nunatut tunuarsimaarfeqarnissaat pillugu Inatsisartut aalajangiiffigisassaattut siunnersuut.
(Ineqarnermut, Pinngortitamut Avatangiisinullu Naalakkersuisoq)
Imm./pkt.: 110
Siunnersuut uunga: llisimatusarnermut siunnersuisarneq ilisima-tusarnermullu aningaasaliisarneq pillugit Inatsisartut inatsisaat nr. xx, xx.
(Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq)
Imm./pkt.: 111
Kalaallit Nunaanni ilinniartitaanermut inuussutissarsiutinillu siunnersuisarneq pillugu Namminersorlutik Oqartussat inatsisaat nr. xx, xxxx-meersoq.
(Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq)
Imm./pkt.: 112
Siunnersuut uunga: Angutit arnallu naligiissitaanissaat pillugu Inatsisartut inatsisaat nr. X, XX.xXXX-meersoq.
(Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq)
Imm./pkt.: 113
Siunnersuut: llageeqarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, xx.20 13-imeersoq.
(Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq)
Imm./pkt.: 115
Persuttaasarneq akiorniarlugu Naalakkersuisut periusissiaat iliuusissatullu pilersaarutaat.
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 116
Uunga siunnersuut: Isumaginninnermik suliassaqarfimrni pissaanermik atuineq pillugu Inatsisartut inatsisaat nr. xx, xx. Xx 2013-meersoq.
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 117
Nunat Avannarliit isumaginninnikkut isumannaallisaaneq pillugu isumaqatigiissutaannut Kalaallit Nunaata akuerserusunneranik Namminersorlutik Oqartussat nalunaaruteqarnissaat pillugu Inatsisartut aalajangiiffigisassaattut siunnersuut.
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 121
Nunatsinni suliffeqarfiit namminersortut nutaat, aallartinneranniit sapinngisamik akileraarutitigut artukkersorneqannginnissaat anguniarlugu, ukioq siulleq ataaseq akileraartannginnissamik Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortat Knud Kristiansen aamma Gerhardt Petersen, Atassut)
Imm./pkt.: 123
Qanoq iliornikkut nunatsinni ineqarnikkut piaarnerusumik pitsanngorsaaneq, nutarsaaneq inuillu illut, inissiat attartukkatik pi-aarnerusumik pigilersinnaaneraat apeqquteqaat aallaavigalugu oqalli-sissiaq.
(Inatsisartunut ilaasortat Knud Kristiansen aamma Gerhardt Petersen, Atassut)
Imm./pkt.: 124
Allannguutissatut siunnersuut akuerineqarpoq
Imartani Kalaallit Nunaata aalisarnikkut oqartussaaffigisaani raajarniarneq pillugu Namminersornerullutik Oqartussat nalunaarutaata nr. 23, 29. august 2002-imeersup allanngortinneqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni kilisaatit umiarsuarmi namminneq tunisassiorsinnaasut, basis-liniemiit 3 sømiilit iluanni aalisarsinnaatitaannginnissaat atuutitertinneqartussanngorlugu.
(Inatsisartunut Atassutip ilaasortaatitaat)
Imm./pkt.: 127
Kalaallit Nunaata Extractive Industries Transparency Initiative-mi (EITI) candidate/compliant country status-eqarluni ilaasortanngorsinnaaneranut periarfissat pillugit Naalakkersuisut naalagaaffimmut attaveqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 129
Allannguutissatut siunnersuut akuerineqarpoq.
Pisortat illuutaat A/S Ini-miit aqunneqartut suli imermut attaveqanngitsut tamarmik attavilersorneqarnissaasa pilersaarusiornissaa siunertaralugu Naalakkersuisut suliassamik piareersaasioqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 132
Ukioq naallugu sapaatip akunnikkaartumik Narsarsuup Keflavik-illu akornanni amigartooruteqarsinnaanermut qulakkeerutissalimmik 1. januar 2014-imiit timmisartoqartalernissaanik Naalakkersuisut pilersitsinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut Siumup ilaasortaatitai)
Imm./pkt.: 137
Qallunaatut piginnaasaqaqqaanngikkaluarluni ilinniarfinnut isersinnaaneq qanoq aqqutissiuunneqarsinnaava? Ilinniarfeqarfiit ullutsinni immaqa "pisariaqavinngittumik" qallunaatuunerusoq ingerlasut qanoq kalaallisut ingerlanneqarnerulernissaat anguniarsinnaavarput? Ilinniarfeqarfiit suut siunissami qaninnermi annermik kalaallisut imaluunniit kalaallisuinnaq ingerlalersinnaanerat siunertaralugu oqallinissamik siunnersuut.
(Inatsisartunut ilaasortaq Randi Broberg, Partii Inuit)
Imm./pkt.: 138
Naggueqatigut eqqarsaatigalugit ullumikkornit qanimut pimoorunnerullugu qaninnerusumillu sutigut tamatigut qanoq suleqatiginerulersinnaarat siunertaralugu oqallinnissamik siunnersuut.
(Inatsisartunut ilaasortaq Randi Broberg, Partii Inuit)
Imm./pkt.: 139
Qaffasissunik atorfillit suliunnaarsitaangaangamik imal. soraarsitaangaangamik (Gyldne håndtryk) aningaasarpassuarnik pissarsisinneqartarnerata nunatsinnut naleqqutinngittup allanngortinneqarnissaa siunertaralugu oqallinnissamik siunnersuut.
(Inatsisartunut ilaasortaq Randi Broberg, Partii Inuit)
Imm./pkt.: 140
Nunatsinni Kulturilerisut (isiginnaartitsisartut, nipilersortartut/erinarsortartut, eqqumiitsuliortut, filmiliortartut, atisaliortut/kusanartuliortut, atuakkiortut, il.il) ullumikkornit qanoq piginnaasaqarfii atorluarnerullugit nunarput tamaat isigalugu agguataakkamik aaqqissuussamillu illoqarfinnut nunaqarfinnullu iluaqutaasumik inerititaqarnerunissamik uummarissaanissamillu siunertaqartumik atorluarsinnaaneri pillugit apeqquteqaat aallaavigalugu inatsisartunut oqallinnissamik siunnersuut.
(Inatsisartunut ilaasortaq Randi Broberg, Partii Inuit)
Imm./pkt.: 142
UPA 2014
Nunatta pissarititaanik inuussutissanik nunatta avataanit eqqussunneqartunik akimikkut unammillersinnaasunik qanoq ililluta nerinerulernissarput angussinnaavarput. Nunanik allaniit inuussutissat eqqussorneqartut CO2-mik migutsitsinermut akileraarusersorneratigut nunatta iluani inuussutissanik siammaaneq akikinnerulersissinnaavarput, aqqutissat allat orniginartut suusinnaappat.
(Inatsisartunut ilaasortaq Ane Hansen, Inuit Ataqatigiit)