Inatsisartoqarfik
UKA2012
Arlaat toqqaruk

Oqaluuserisassat oqaluuserineqarfissaasalu ullui

2012-imi Ukiakkut Ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
(Naalakkersuisut siulittaasuat aamma Nunanut allanut tunngasunut Naalakkersuisoq Kuupik W. Kleist)
Imm./pkt.: 1
Ataatsimiinnerup ammarneqarnera.
(Inatsisartuni sivisunerpaamik ilaasortaasimasunit angajulleq)
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Imm./pkt.: 4
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 5
Siunnersuisoqatigiinnut nævninullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
2013-mi Inatsisartut upernaakkut ataatsimiinnissaata aalajangiiffigi-neqarnera.
(Inatsisartut Siulittaasoqarfiat)
Imm./pkt.: 7
2013-mut Inatsisartut aningaasanut inatsisissaannut siunnersuut.
(Aningaasaqarnermut Naalakkersuisoq)
Imm./pkt.: 9
Inatsisartut Ombudsmandiata 2011-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisit atortinneqarneranut ataatsimiititaliaq)
Imm./pkt.: 11
Nunatta Karsiata 2011-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq)
Imm./pkt.: 13
Nunat avannarliit suleqatigiinnerat pillugu nassuiaat 2012.
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 14
Nunanut allanut tunngasutigut naalakkersuinikkut ingerlatsineq pillugu nassuiaat 2012.
(Naalakkersuisut siulittaasuat)
Imm./pkt.: 15
Naalakkersuisut siulittaasuata ammaanermi oqalugiaataa
(Naalakkersuisut siulittaasuat)
Imm./pkt.: 16
Sulianik suliaqarnermut atatillugu Ombudsmandip taartaallunilu Ombudsmandiusup peqataasinnaassuseqannginnerup nassatarisaanik suliarinnissinnaanngitsutut imminnut nalilerneranni, sulinasuartitassamik taartaalluni Ombudsmandiusussamik toqqaanissamut Inatsisinut Ataatsimiititaliap Inatsisartunit piginnaatitaaffiligaanissaanik Inatsisartut aalajangiivigisassaattut siunnersuut.
(Inatsisit atortinneqarneranut ataatsimiititaliaq)
Imm./pkt.: 17
Pisortat oqartussaasut nalunaarsuiffii pillugit inatsit naleqqussarneqarnissaa siunertaralugu, siunissamilu pisortat suliffeqarfiillu whistleblower-it pillugit aaqqissuussinernik pilersitsinnaanissaannut periarfissinniarlugit naalagaaffimmut saaffiginneqqullugit Naalakkersuisut peqquneqarnissaan-nik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 18
Aatsitassarsiornerni ingerlatassanilu annertuuni suliffeqarfiit namminersortut sulisussanik avataaneersunik atuisinnaanermut atatillugu akissarsianut sulinermilu atugarisanut atuuttussat pillugit pisortat akuersisssuteqaraangamik sutigut tamatigut sulinermut immikkut piumasaqaatit ILO-mi isumaqatigiissummi 941-imi, pingaarnerusumillu art. 2-mi allassimasut, qulakkeersimasarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 19
Nunarput isumaqatigiissummut ilaatinneqariinngippat ILO-mi isu-maqatigiissutip 94-ip akuerineqarnissaa siunertaralugu naalagaaffimmut saaffiginninnissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 20
Nukissiorfiit/sanatitsisut aamma sanaartortitsisut akornanni inatsisinik atuinikkut isumaqatigiinngissutit illoqarfimmut nunaqarfimmulluunniit isumaqatigiinngissuteqarfiusunit pilersorneqartunut agguataarinninnerit naatsorsuutinit peerneqarnissaat, taarsiullugulu nuna tamakkerlugu atuisunut tamanut nammaqatigigiinneq atorlugu agguataarneqartarnissaat siunertaralugu akinut aalajangersakkanik aaqqissuussinerup maannakkut atuuttup nutarterneranut atatillugu maleruagassat atuuttut allanngortinnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 21
Angajoqqaarsiat aamma ilaqutariit oqilisaasut meeqqanut paarisaminnut ilaqutaanngitsut minnerpaamik 25-nik ukioqalereersimasarnissaat aalajangersaaffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 22
BNP taamaallaat atornagu Gross National Happiness (GNP), Environmentally Sustainable National Income (eSNI), Net Economic Welfare (NEW) imaluunniit Happy Planet Index (HPI) ilanngullugit siunissami aningaasaqarnikkut uuttortaatit allaasinnaasut atorneqarsinnaaneri pillugu nalunaarusiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 23
Utoqqaat 65-it qaangerlugit ukioqalereersimasut pinngitsuugassaanngitsumik pitsaaliuineq siunertaralugu angerlarsimaffiinut pulaarneqartalernissaat suliniutigeqqullugu Nalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 24
Inuit 18-it qaangerlugit ukioqalereersimasut piginnaanngorsaaqqiinernut piareersimanngits ut imaluunniit piginnaanngorsaaqqiinermik aallartitsinissamut ikiortariaqartut, napparsimareernerup kingorna nukittorsarneqarsinnaanerinut atatillugu periarfissat pillugit upernaakkut 2013-imi ataatsimiinnermi nalunaarummik agguaanneqartussamik suliaqaqqullugit, Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarut kingusinnerusukkut nuna tamakkerlugu iliuusissamik pilersaarusiortoqarnissaanut tunngavissiissaaq.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 25
Naartuersittarneq pillugu inatsit nr. 232, 12. juni 1975-imeersup taartigisinnaasaanik maleruagassioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaaliornikkut Naartuersittarneq pillugu Naammagittaalliuteqartarfiup inuttalersugaaneranut tunngatillugu aalajangersakkat nutarteriffigineqarsinnaaniassammata.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 26
Nunatsinni Angajoqqaat Oqartussaaffiisa annertunerulernissaat ersarinnerulernissaallu anguniarlugu "Angajoqqaat Peqatigiiffiannik" taaneqartumik Atuarfitsialammi inatsisip § 40-41-42-p Atuarfiup siulersuisuinut inatsimmut ilanngussinissaq pillugu apeqquteqaat aallaavigalugu oqallisigineqarnissaannik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 27
Kalaallit Nunata nunani avannarlerni ingerlaqqiffiusumik Ilinniartitaanernut isersinnaanermut tunngasumik isumaqatigiissummik akuersissuteqarnera pillugu Inatsisartut aalajangiiffigisassaattut siunnersuut.
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 28
Uunga siunnersuut: Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. x, xx.xx 2012-imeersoq.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 29
2012-imi Ukiakkut Ataatsimiinneq immikkut ullunik ataatsimiiffiusussanik marlunnik sivitsorneqarnissaannik aalajangiineq.
(Matoqqasumik ataatsimiinneq)
(Inatsisartut Siulittaasoqarfiat)
Imm./pkt.: 30
Naalagaaffiit Peqatigiinni avatangiisit ineriartornerlu, UNCED, Rio de Janeiro-mi 1992-mi Agenda 21 aqqutigalugu akuerineqartoq Piujuaannartitsineq tunngavigalugu ineriartortitsinissap Kalaallit Nunaannit malinneqarsimaneranik killiffilersuisussamik kiisalu Kalaallit Nunaanni piujuaannartitsineq tunngav igalugu ineriartortitsinerup qanoq siuarsarneqarsinnaaneranut siunnersuusiortussamik Pisortaqarfinnit assigiinngitsuneersunik inuttalimmik ataatsimiititaliamik Naalakkersuisut ulloq 1. januar 2013 aallarnerfigalugu sulilersussamik ataatsimiititalioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 31
Siull. 25/10-2011
(UPA2012/22)(UKA2011/135)
Suliassat meeqqanik kinguaassiuutitigut atornerluinermut tunngasut pisoqalisinnaannginnerannik qulakkeerisumik Kalaallit Nunaanni pinerluttaalisitsinermut inatsisimmi § 12-p imaanik allanngortitsitsinissaq siunertaralugu Inatsisinik Atortitsinermut ministeri siunnersuummik saqqummiusseqqullugu qinnuigineqarnissaa pillugu, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 32
Inuit A-nik akissarsiaqartut 1. januar 2014 aallarnerfigalugu sulinerminnut ilanngaatisiaqalernissaat siunertaralugu Akileraartarnermut inatsisip allanngortinnissaata eqqunnissaanut aningaasalersornissaanullu tunngavissamik nassuiaammik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat saqqummiunneqassaaq Inatsisartut 2013-mi upernaakkut ataatsimiinneranni, taamaasilluni aliangiinermut ilanngaatip eqqunnerata aningaasatigut kingunissai 2014-mut Aningaasanut Inatsisissamut atatillugu tulleriiaarinermi ilanngunneqarsinnaaniassammata.
(Inatsisartunut ilaasortaq Andreas Uldum, Demokraatit)
Imm./pkt.: 33
Sunngiffimmi aallaaniarsinnaanermut akuersissummik qinnuteqartumut immikkut akuersissummik tunniussisoqassappat piumasaqaataavoq qinnuteqartup Kalaallit Nunaanni angerlarsimaffeqarnissa taamaasillunilu inuiaqatigiinnut kalaallinut attuumassuteqarnissamut piumasaqaatinik naammassinnissimanissaa tamatumalu ersarissumik allassimalernissaa anguniarlugu Piniarneq aallaaniarnerlu pillugit Inatsisartut inatsisaat nr. 12, 29. oktober 1999-imeersup kiisalu Sunngiffimmi aallaaniarsinnaanermut allagartat pillugit Namminersornerullutik Oqartussat nalunaarutaat nr. 21, 28. november 2003-meersup kingusinnerpaamik UPA2013-mi allanngorteqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jørgen-Ole Nyboe Nielsen, Demokraatit)
Imm./pkt.: 34
Aappass. UPA2013
Pisortat ikiorsiissutaannik pisartagaqarniarluni qinnuteqartup pisartagaqartorluunniit pissutissaqarani:
. Suliffissani innersuussutigineqartoq naaggaarpagu
. Suliffissatut innersuunneqartumut suliartunngitsoorsimappat imaluunniit
. Soraarpat imaluunniit suliffik tunniunneqartoq qimaannarpagu imaluunniit nammineq pisuussutigisaminik soraarsitaappat
Sapaatip akunnerini sisamani qinnuteqartup imaluunniit imminut napatinniarluni pisortat ikiorsiissutaannik pisartagaqartup aningaasartuutinut aalajangersimasunut kiisalu ataasiarluni aningaasartuutinut ikiorsiissutinik pisartagaqartarunnaarsittalernissaa anguniarlugu Pisortat ikiorsiissutaat pillugit Inatsisartut Peqqussutaannik Naalakkersuisut allanngueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 35
Siull. 13/4-2012
Pingajuss. UPA2013
(UPA2012/35)
Siunnersuut uunga: Imeruersaatit qiimmassaatinik akullit (energidrik) inunnut 18-it inorlugit ukiulinnut tuniniarnissaannik sassaalliutiginissaannillu inerteqquteqarneq, kiisalu imeruersaatit qiimmannartunik akullit allagartalersorneqartarneri ussassaarutigineqartarnerilu pillugit Inatsisartut inatsisaat.
(Peqqissutsimut Naalakkersuisoq)
Imm./pkt.: 36
Inuiaqatigiinni siulersuisutut ilaasortaaffinni pingaarutilinni issiasussanngorlugit toqqarneqartartut toqqaqqinneqartartullu piukkunnarneri piginnaanerilu Inatsisartunit paasisimasaqarfigileqqullugu ataavartumik Naalakkersuisut namminersorlutik oqartussani 100 %-mik pigineqartuni siulersuisut pillugit nalilersuinernik Inatsisartut Kukkunersiuinermut Ataatsimiititaliaanut taamatullu Inatsisartut Aningaasaqarnermut Akileraartarnermullu Ataatsimiititaliaanut nassiussisalernissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 37
Inuiaqatigiinni ajornartorsiutinut iluarsisassanut allat aningaasaleeqataasinnaanerat paasiniarlugu aningaasaateqarfiit ikiuiniaqatigiit allallut kattuffiit ikiuiniaqatigiit ujartuiffigineqarsinnaanersut pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 38
2013-p ingerlanerani Kalaallit Nunaanni piniagassat avammut tunisassiarineqartarnerisa siuarsarnissaat pillugu 2013-p ingerlanerani misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 40
Naalakkersuisut 2008-mi naliliisimaneq nangillugu kingusinnerpaamik UKA 2014-mi "nilammik imermillu avammut tunisassiorneq" pillugu naliliinermik Naalakkersuisut peqquneqarnissaannik Inatsisartut aalajangiiffigisassaattut siunnersuut. 2004-mi "nilammik imermillu 2004-miik 2013-mut tunisassiornissaq pillugu pilersaarut" aalajangersarneqarpoq, naliliinermilu ilanngullugu allaaserineqassaaq anguniakkat anguneqarsimanersut. Nassuaammi aamma allaasereqquneqarput misissoqquneqarlutillu aporfiusinnaasut, kalaallit nilammik imermillu tunisassiornerata ineriartortinnerani patajaallisarneranilu. Nassuiaammi naggataatigut siunnersuusiorfigeqquneqarput iliuusissat tigussaasut, tunisassiorsinnaalernissamut isummamiik tunisassiornissap pivisunngortinnissaanut kivitsisussat.
(Inatsisartunut ilaasortaq Andreas Uldum, Demokraatit)
Imm./pkt.: 41
Aappass. UPA2013
Nerlerit piniarneqarnerisa nalaani nerlerit nujuartat pisarineqartut uumasuutigineqarsinnaalernissaat suliniutigeqqullugu Naalakkersuisut peqquneqassasut Inatsisartut aalajangiiffigisassaattutu siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 42
Kalaallit nunaanni suliffeqarfinnut uuliasiornermi aatsitassarsiornermilu ingerlatsinermi teknikkikkut piumasaqaataasut anguneqarsinnaaqqullugit nunaqavissut suliffeqarfiutaasa piginnaasaat periarfissaallu pitsanngorsarniarlugit qanoq suliniuteqartoqarsinnaanersoq Naalakkersuisut misissuititsinermik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 43
Apeqquteqaat aallaavigalugu oqallisissiaq: Nunatta erngata tunisassiassatut suli annerusumik, inuiaqatigiinnullu iluaqutaasumik atorluarneqarnissaa pillugu apequteqaat aallaavingalungu inatsisartuni oqallinnissamik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 44
Siull. 3/5-2012
(UPA2012/44)
Uunga siunnersuut: Aalisarnermut aningaasaliissutinut immikkoortitat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xx 2012-meersoq.
(Aalisarnermut Piniarnermut Nunalerinermullu Naalakkersuisoq)
Imm./pkt.: 45
Apeqquteqaat aallaavigalugu oqallisissiaq: Inunnik ikiorsiisarneq pillungu inatsisartut oqallinnissaannik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 52
Siull. 13/4-2012
(UPA2012/52)
Aappass. UPA2013
Pingajuss. UPA2013
Kalaallit Nunaata Aatsitassarsiornermi Aningaasaateqarfia pillugu Inatsisartut inatsissaat nr. 6, 5. december 2008-meersup allanngortinneqarnissaa pillugu Inatsisartut inatsisaat nr. xx.xx xx 2012-mut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 54
Siull. 30/4-2012
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit allannguutissatut siunnersuut akuerineqarpoq.(UPA2012/54)
Kalaallit Nunatsinni efterskolimik suli ataatsimik, Tasiilami inissinneqartussamik, UKA 2013-mut pilersitsinissaq pillugu Naalakkersuisut siunnersuusiornissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Harald Bianco, Inuit Ataqatigiit)
Imm./pkt.: 55
Namminersornerullutik Oqartussat kommunillu inissiaataannik attartortittakkanik inissiatut imaluunniit illutut nammineq pigisatut tigusisarneq pillugu Inatsisartut peqqussutaata nr. 12, 19. november 2007-imeersup kingusinnerpaamik UPA 2013-imi allanngortinneqarnissaanik, Naalakkersuisut peqquneqarnissaanik aaliangiiffigisassatut siunnersuut. Taamaaliornikkut inissiap attartukkap pisiarissallugu kissaatigineqartup akia niuernermi akigititaasut tunngaviginagit, taamaallaat teknikikkut aningaasatigullu inissiap akia naapertorlugu aalajangersarneqartalersillugu.
(Inatsisartunut ilaasortat Kim Kielsen og Malik Berthelsen, Siumut)
Imm./pkt.: 56
Siull. 24/4-2012
(UPA2012/56)
Sulisumik avataaneersumik atorfinitsitsinissamut imaluunniit sulisitsinissamut atatillugu ullut 14-it qaangiutinnginneranni itigartitsissummik akuersissummilluunniit akissuteqarnissamut piffissarititap qaammatinngortillugu sivitsorneqarnissaa anguniarlugu, Kalaallit Nunaannut suliffissarsiortut killilersimaarnissaat pillugu Inatsisartut inatsisaata nr. 27 30. oktober 1992-imeersup allanngortinneqarnissaa siunertaralugu Inatsisartut aalajangiiffigisassaattut siunnersuut.
(Inuit Ataqatigiit Inatsisartuni ilaasortaatitaat)
Imm./pkt.: 57
Siull. 26/4-2012
(UPA2012/57)
Sulisunik avataaneersunik atorfinitsitsiniarnernut qinnuteqaatit kommunenit suliarineqartillugit, qinnuteqaatit kommuneni suliffissaqartitsiniarnermut ataatsimiititaliani tusarniaassutigineqartalernissaat qulakkeerniarlugu UKA 2012-imi Naalakkersuisut maleruagassioqqullugit Inatsisartut aalajangiiffigisassaattut siunnersuut. Ataatsimiititaliat qanoq katitigaassanersut aammalu sulinerat pillugu Naalakkersuisut aamma maleruagassalioqquneqarput.
(Inuit Ataqatigiit Inatsisartuni ilaasortaatitaat)
Imm./pkt.: 58
Naalakkersuisunit allannguutissatut siunnersuutaat akuerineqarpoq.
Kingusinnerpaamik UPA 2013-imi konto pingaarneq 30.10.45 Meeqqat inuusuttullu immikkut suliniuteqarfigineqarnerat pillugit suliniutit aallartisarneqarsimasut sumut killiffiinnik naliliinertalinnik Naalakkersuisut Inatsisartunut nalunaarusioqqullugit peqquneqarnissaanik Inatsisartut aalajangiiffigisassaattut siunnersuut.
(Inatsisartunut ilaasortat Ruth Heilmann & Kristian Jeremiassen, Siumut)
Imm./pkt.: 59
Kommunit inatsisinik toqqammaveqarlutik illoqarfinni A/S INI-p errorsisarfinnik tamanut atugassanik matusinerata kingorna errorsisarfeeruttuni, errorsisarfinnik imminut akilersinnaanngitsunik ingerlatsisinnaanerannik mattunneqarunnaarsillugit kommunit ingerlanneqarneri pillugit Naalakkersuisut maleruagassanik qulakkeerinninnillutik sulissuteqarnissaat pillugu Inatsisartuni aalajangiiffigisasstut siunnersuut.
(Inatsisartunut ilaasortat Ruth Heilmann & Anders Olsen, Siumut)
Imm./pkt.: 60
Naalakkersuisunit allannguutissatut siunnersuutaat akuerineqarpoq.
Kalaallit Nunaanni napparsimasunut katsorsarneqarsinnaanngitsunut paaqqutaqarfimmik (hospice) pisariaqartitsisoqarneranik Naalakkersuisut misissueqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 61
Naalakkersuisunit allannguutissatut siunnersuutaat akuerineqarpoq.
Innarluutillit pisinnaatitaaffii pillugit FN-ip isumaqatigiissutaata atuutilersinneqarnissaa kiisalu isumaqatigiissutip atuutilersinneqarnera Innarluutillit pillugit Ilisimasaqarfik Siunnersuisarfillu (IPIS)-imit alapernaarsorneqassasoq pillugu Naalakkersuisut peqquneqarnissaannik Inatsisartuni aalajangiiffigisassaattut siunnersuut. Inatsisartut pineqartumi ineriartorneq pillugu ukiumoortumik nalunaarummik pissarsisinneqartassapput.
(Inatsisartunut ilaasortaq Karl Lyberth, Siumut)
Imm./pkt.: 62
Sapaatip akunneranik pujortarnaveersaarfimmik pilersitsinissaq anguniaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Hans Enoksen, Siumut)
Imm./pkt.: 63
Tasiilami, Illoqqortoormiuni, kiisalu Qaanaami, taaneqartullu nunaqarfiini 2013-miit nannuttassat ataatsimut 60-nik amerlineqarnissaat anguniaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Hans Enoksen, Siumut)
Imm./pkt.: 64
2013-imiit Avannaata imartaani aqutsiveqarfimmi - Qaanaap eqqaanilu - aaffatassat 75-inik amerlineqarnissaannik kiisalu tassunga peqatigitillugu aqutsisoqarfimmi taaneqartumi aavernik pisaqarsinnaanermut akuersissutip piniartoq ataaseq aavernik tallimanik amerlanerusunilluunniit pisaqarsinnaalersillugu Aavernik illersuineq piniarnerlu pillugit Namminersornerullutik Oqartussat nalunaarutaat nr. 20, 27. oktober 2006-imeersumi § 8, imm. 2 allanngortinneqarnissaanik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
(Inatsisartunut ilaasortaq Hans Enoksen, Siumut)
Imm./pkt.: 65
Nunatsinni palasissaaleqineq qaangerniarlugu palasinngorniarluni ilinniartitaanerup nunatsinniiginnarnissaanik, kiisalu nunatsinni ilageeqarnerup ingerlanneqarneranut kulturitsinnullu naleqquttumik aallaaveqarnissaanik Naalakkersuisut sulissuteqaqqullugit peqquneqarnissaanik aalajangiiffigisassatut siunnersuut.
(Inatsisartunut ilaasortat Ruth Heilmann, Kristian Jeremiassen, Siumut)
Imm./pkt.: 70
Nunatsinni innarluutillit pisortat namminersortullu suliffeqarfiutaanni ajornannginnerusumik sulilersinnaanissaat aqqutissiuunneqaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 72
Naalakkersuisunit allannguutissatut siunnersuutaat akuerineqarpoq.
Toqujartortut napparsimmaviannik (hospice) pilersitsiortornissamik Naalakkersuisut suliaqaqqullugit, Inatsisartut aalajangiiffigisassaattut siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 74
Siull. 2/5-2012
Ataatsimiititaliamit isumaqatigiittumit allannguutissatut siunnersuut akuerineqarpoq.(UPA2012/74)
Ilulissani Timersornermut ilinniarfimmik imaluunniit Ilinniarnertuunngorniarfimmik pilersitsoqarnissaa siunertaralungu Naalakkersuisut misissuinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 76
Nunatsinni innuttaasut rubiininik namminneq atugassaminnik, pinnersaasiassaminnik aammalu pinnersaasiareriarlugit nunatsinni nunanilu allani tuniniarsinnaasaminnik katersisinnaatitaanissaat pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 78
Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat nr. xx, xx.xxx 2012-imeersoq.
(Aningaasaqarnermut Naalakkersuisoq)
Imm./pkt.: 79
Qamutit motoorillit akileraarutaat pillugit Inatsisartut inatsisaata allanngortinneqarneranik Inatsisartut inatsisaat nr. x, xx. november 2012-imeersoq.
(Aningaasaqarnermut Naalakkersuisoq)
Imm./pkt.: 80
Kalaallit Nunaanni eqqartuussisarnermik inatsisip allannguutaa pillugu inatsisip (Kalaallit Nunaanni najukkani eqqartuussiviit assigisaasalu allannguutaat) atuutilersinnissaanut Kalaallit Nunaanni Namminersorlutik Oqartussat oqaaseqaateqarnissaanik Inatsisartut aalajangiiffigisassaattut siunnersuut.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 81
Qalerallit avataasiorluni aalisarnermi pisarineqartut akitsuutaat pillugu Inatsisartut inatsisaat nr. xx, xx. xxxx 2012-imeersoq.
(Aningaasaqarnermut Naalakkersuisoq)
Imm./pkt.: 83
Aappass. UKA13
Pingajuss. UKA13
Siunnersuut: Sulisitsisut aamma atorfillit akornanni Inatsisitigut pissutsit pillugit Inatsisartut inatsisaat nr. xx, xx. 2012-meersoq
(Aningaasaqarnermut Naalakkersuisoq)
Imm./pkt.: 84
Uunga siunnersuut: Aalisarneq pillugu Inatsisartut inatsisaata allanngortinneqarneranik Inatsisartut inatsisaat nr. x, xx.xxx 2012-imeersoq.
(Aalisarnermut Piniarnermut Nunalerinermullu Naalakkersuisoq)
Imm./pkt.: 85
Naalakkersuisut allannguutissatut siunnersuutaat akuerineqarpoq.
Uunga siunnersuut: Aalisarnermik piniarnermillu inuussutissarsiutillit inuussutissarsiornerannik siuarsaaneq pillugu Inatsisartut inatsisissaattut nr. x, yy-imeersussatut siunnersuut.
(Aalisarnermut Piniarnermut Nunalerinermullu Naalakkersuisoq)
Imm./pkt.: 86
Umiarsualivissinermi nakkutilliinermi FAO-mi aaqqissuussineq pillugu siunissami nunanik tamalaanik suleqateqarnissamik isumaqatigiissusiap allannguutissaata atuuttussanngortitsineranut Kalaallit Nunaanni Namminersorlutik Oqartussat isumaqataallutik nalunaaruteqarnissaannut aalajangiiffigisassatut siunnersuut.
(Aalisarnermut Piniarnermut Nunalerinermullu Naalakkersuisoq)
Imm./pkt.: 87
Uunga siunnersuut: Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuiinermi iliuusissat pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx-imeersoq.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 88
Kalaallit Nunaannut, Kalaallit Nunaanniit aamma Kalaallit Nunaanni nassiussanik imaatigut assartuussineq pillugu Inatsisartut peqqussutaata allanngortinneqarnissaanik Inatsisartut inatsisissaannut nr. xx, xx. xxxx 2012-imeersumut siunnersuut.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 89
Siull. 30/4-2012
Ataatsimiititaliamit isumaqatigiittumit allannguutissatut siunnersuut akuerineqarpoq.(UPA2012/89)
Imigassamik aalakoornartulinnik nioqquteqartarneq sassaallertarnerlu pillugit Inatsisartut inatsisaanni nr.11, 11.november 2000-imeersumi §§ 11 aamma 12-imi imigassanik kimittuunik kimikitsunillu nioqquteqarnermi piffissaliussat tuniniaaffiusartut ataasinngornermiit sapaat ilanngullugu nal. 21.00-ip tungaanut sivitsorneqarnissaat siunertaralugu allannguutissatut siunnersuummik Naalakkersuisut saqqummiusseqqullugit peqquneqarnissaannik Inatsisartuni aalajangiiffigisassatut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 90
(UKA2012/90)
Kingusinnerpaamik UKA2012-imi saqqummiunneqartussamik Aalisarnermik piniarnermillu inuussutissarsiutillit inuussutissarsiornerannik siuarsaaneq pillugu Inatsisartut peqqussutaat nr. 10, 20. november 2006-imeersumut allannguutissatut siunnersuummik Naalakkersuisut saqqummiussinissaannik Inatsisartuni aalajangiiffigisassatut siunnersuut, taamaalilluni taamaallaat umiatsiaaqqanut nutaanut Kalaallit Nunaanni sanaartorneqartunut tapiisoqarsinnaasalersillugu.
(Inatsisartunut ilaasortaq Karl Lyberth, Siumut)
Imm./pkt.: 92
Siull. 8/5-2012
Ilaqutariinnermut Peqqissutsimullu Ataatsimiititaliamit allannguutissatut siunnersuut akuerineqarpoq.(UPA2012/92)
Ajutoortoqartillugu nunatsinni tusilartut sms-ikkut 112-imut kalerriisinnaalernissaat anguniarlugu Naalakkersuisut peqquneqarnissaannik Inatsisartut aalajangiiffigisassatut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 94
Atuarfik pillugu Inatsisartut inatsisissaattut siunnersuut.
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 95
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaattut siunnersuut.
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 96
Efterskolit pillugit Inatsisartut inatsisaata allanngortinnissaanik siunnersuut. (paarlaateqatigiinnermut tapit)
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 97
Tunngaviusumik atuarfiit namminersortitat angerlarsimaffimmilu atuartitaaneq il.il. pillugit Inatsisartut inatsisaata allanngortinnissaanut Inatsisartut inatsisissaattut siunnersuut.
(Ilinniartitaanermut, Ilisimatusarnermut Nunanullu Avannarlernut Suleqateqarnermut Naalakkersuisoq)
Imm./pkt.: 101
FN-ip innarluutillit pisinnaatitaaffii pillugit isumaqatigiissutaata atuutilersinneqarnissaa pillugu Inatsisartut aalajangiiffigisassaattut siunnersuut.
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 102
Naalakkersuisut utoqqarnut periusissiaq pillugu nassuiaataat.
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 107
Uunga siunnersuut: Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. xx yy- xxx 2012-meersoq.
(Inuussutissarsiornermut, Aatsitassanullu Naalakkersuisoq)
Imm./pkt.: 108
Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaannut nr. xx, xx 2012-imeersumut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 109
Assilineqatsaaliuineq pillugu inatsisip inatsisillu allat assigiinngitsut allannguutaat pillugit inatsisip nr. 1370, 28. december 2011-meersup Kalaallit Nunaanni atuutilerneranik peqqussut pillugu Inatsisartut aalajangiiffigisassaattut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 110
Naalakkersuisut allannguutissatut siunnersuutaat akuerineqarpoq
Uunga siunnersuut: Suliniutini angisuuni illuliortiternernik sanaartornernillu suliassat pillugit Inatsisartut inatsisaat nr. xx, xx. xx 2012-imeersoq.
(Inuussutissarsiornermut, Aatsitassanullu Naalakkersuisoq)
Imm./pkt.: 111
Aappass. UPA2013
Pingajuss. UPA 2013
Uunga siunnersuut: Inuussutissarsiummik ingerlataqarneq pillugu Inatsisartut inatsisaat. (inuussutissarsiummik ingerlataqarnermut inatsit)
(Inuussutissarsiornermut, Aatsitassanullu Naalakkersuisoq)
Imm./pkt.: 112
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata allannguuteqartinneqarnissaa pillugu Inatsisartut inatsisaat nr. 7, 7. December 2009-meersoq (aatsitassanut ikummatissanullu inatsit)
(Inuussutissarsiornermut, Aatsitassanullu Naalakkersuisoq)
Imm./pkt.: 113
Sinaakkutissatut atugassiinerit piumasaqaatillu makku aallaavigalugit Maniitsup eqqaani erngup nukissiornermik tunngaveqarluni aluminiumik suliniummut tunngatillugu Alcoa Inc.-imik oqaloqatiginninnernik nangitsinissamut Naalakkersuisut pisinnaatitaanissaat pillugu Inatsisartunit aalajangiussissutissamut siunnersuut:
1. Piginnittuuneq: ...
2. Sanaartornermut aningaasaliinerit: ...
3. Erngup nukissiornermut inatsisaasumik allannguineq: ...
4. Tamanit atugaasutut pilersuisoqarfimmut sinneqartoorutaasumik innaallagissamik tunisineq: ..
5. Akileraartarnermik inatsisilianik aamma erngup nukissiornermut inatsimmik allannguinerit: ..
(Inuussutissarsiornermut, Aatsitassanullu Naalakkersuisoq)
Imm./pkt.: 114
Nuna job-imik aaqqissuussinermik pilersitsinissamut nassuiaat.
(Inuussutissarsiornermut, Aatsitassanullu Naalakkersuisoq)
Imm./pkt.: 115
Qanoq iliornikkut meeqqanut meeraaqqanullu kalaallisut atuarusussuseq qaffassarneqarsinnaanersoq pillugu apeqquteqaat aallaavigalugu oqallittoqarnissaanik siunnersuut.
(Inuit Ataqatigiit Inatsisartuni ilaasortaatitaat)
Imm./pkt.: 120
Kalaallit Nunaanni Inatsisartunut qinersisarneq pillugu Inatsisartut inatsisaat nr. 9, 31. oktober 1996-imeersup allannguutissaanik Inatsisartunut qinersisarneq pillugu Inatsisartut inatsisaat nr. xx, xxxx-imeersussamik siunnersuut
(Qinersisussat allassimaffiannut ilanngunneqarnissamik killiliussap sap.ak. arfinilinniit sap.ak. pingasunut allanngortinneqarnissaa)
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 121
Siunnersuut uunga: Greenland Oil Spill Response A/S pillugu inatsisartut inatsisaata allanngortinneqarnissaa pillugu Inatsisartut inatsisaat nr. Xx, xx. xxx 2012-meersoq. (§ 11, imm. 4-mi Inatsisip kalaallisut oqaasertaanut naqqiut)
(Naalakkersuisut siulittaasuat)
Imm./pkt.: 125
Uunga siunnersuut: Inuit Pisinnaatitaaffiinut Kalaallit Nunaata Siunnersuisoqatigiivi pillugit Inatsisartut inatsisaat nr. xx, xx 2012-imeersoq.
(Naalakkersuisut Siulittaasuat)
Imm./pkt.: 126
Siull. 24/4-2012
(UPA2012/126)
Kalaallit Nunaanni suliffissarsiortut killilersimaarnissaat pillugu Inatsisartut inatsisaata nr. 27, 30.oktober 1992-imeersup piumasaqaatitigut allannguutissatut siunnersuummik saqqummiusseqqullugit, imatut § 6, imm. 3 ullut 14-iniit ullut 30-nut sivitsorneqarnissaa Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartuni ilaasortaatitai)
Imm./pkt.: 128
Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut Inatsisissaattut siunnersuut nr. x 2013-imeersoq.
(Peqqissutsimut Naalakkersuisoq)
Imm./pkt.: 134
Nuna tamakkerlugu ineriartortitsinissamut pilersaarutissap sananeranut atatillugu sinaakkutissat tunngavissallu tikkuussisussat Kalaallit Nunaata qanoq iliorluni nunatut kitaamiusut allatulli ukiumut agguaqatigiisillugu aningaasarsiornikkut ineriartortitsisinnaanera pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 135
Innuttaasut qimmeqarusuttut malittarisassat pillugit ilisimatinnissaat kiisalu qimmit pitsaanerpaamik qanoq perorsarneqarsinnaanersut paarineqarsinnaanersullu pillugit 2013-p ingerlanerani paasissutissiinissamut qaammarsaanissamullu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 139
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit allannguutissatut siunnersuut akuerineqarpoq.
Siunissami piginnaaneqarnerulernissaq linjefaginilu minnerunngitsumik matematikimi, tuluttoornermi, fysik/kemimi naturfagimilu atuartitsisalernissamut periarfissat annertusarniarlugit Meeqqat atuarfianni ilinniartitsisut ilinniaqqinnissaminnut piginnaanngorsaqqinnissaminnullu atatillugu pitsaanerusunik periarfissaqarnissaat pillugu nalunaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarusiaq inatsisartut 2013-mi upernaakkut ataatsimiinneranni saqqummiunneqassaaq.
(Inatsisartunut ilaasortaq Andreas Uldum, Demokraatit)
Imm./pkt.: 141
Naalakkersuisunit allannguutissatut siunnersuut akuerineqarpoq.
Ukioq 2013 pinngitsaaliisarnernut akiuiniarfittut ukiunngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 143
Kommunit meeqqanut tamanut suli atualinngitsunut ulluunerani neqerooruteqarnissaminnut pisussaatitaanerisa qularnaarnissaat erseqqissarumallugu taamaasiornikkullu meeqqerivinnut utaqqisarnerup qaammatinik aalajangersimasunik sivisussusilerneqarsinnaasup qaangerneqartannginnissaat qularnaarniarlugu Meeqqanut inuusuttunullu perorsaanikkut ineriartuutaasumik ulluunerani neqeroorfigineqartarnissaat pillugu Inatsisartut peqqussutaani § 6 imm. 1-p allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 144
Inuiaqatigiinnik imminut napatittunik namminersulivissimasunillu ineriartortitsinermi peqataasussat Meerartatta inuusuttattalu nammineersinnaallutik perornissasa qanoq angunissaa pillugu apeqquteqaat aállaavigalugu oqallinnissamik siunnersuut.
(Inatsisartunut ilaasortaq Jørgen-Ole Nyboe Nielsen, Demokraatit)
Imm./pkt.: 152
Kingusinnerpaamik UPA 2013-imut Qasigiannguani Efterskole Villads Villadsenimi atuartut 20-nik amerlatigisunik ilasinnaanerannik Naalakkersuisut misissuinissaannik peqqunneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 153
Aalisartut Piniartullu Kattuffiata KNAPK-p atuisutut ilisimasaasa tamakkiisumik naligiissinneqarlutillu Pinngortitaleriffiup ilisimatuussutsimik aallaaveqartumik Naalakkersuisunut pisassiisssutinik siunnersuinermik suliaqarneratulli pisortatigoortumik toqqammavigineqartalernissaanik Naalakkersuisut peqquneqarnissaannik inatsisartut aalajangiiffigisassaattut siunnersuut.
(Inatsisartunut ilaasortaq Aleqa Hammond, Siumut)
Imm./pkt.: 154
Aappass. UKA13
Naalakkersuisut UPA 2013-imi Aningaasanoorutit ilaannit iluanaarutinit agguaassisarneq pillugu Inatsisartut Inatsisaat nr. 10, 22. november 2011-imut allanngutissatut siunnersuummik saqqummiusseqqullugit Inatsisartuni aalajangiiffigisassatut siunnersuut, taamaaliornikkut 2013 aallarnerifigalugu § 1, imm. 1 nr. 1 naapertorlugu aningaasanik ukiumut 1 mio. kruuninik annertussuseqartunik nunatsinni qimussertarnerup immikkuullarissup nunatta kulturikkut oqaluttuarisaanikkullu kingornussaatut pingaartutilittut piginnarneqarnissaa qulakkeerneqarsinnaaqqullugu.
(Inatsisartunut ilaasortaq Aleqa Hammond, Siumut)
Imm./pkt.: 155
Aappass. UPA2013
Nunatsinni avatangiisinut aningaasaateqarfimmik pilersitsinissaq sulissutigeqqullugu kiisalu Inatsisartut aningaasanut inastisaanni konto 24.11.23-mi naatsorsuutit, nukissiornemi ikummatissanut avatangiisit pillugit akitsuutikkut isertitat avatangiisinut aningaasaateqarfimmut atugassanngorlugit immikkoortinneqartalernissaat sulissutigeqqullugu Naalakkersuisut peqquneqarnissaannik Inatsisartut aalangiiffigisassaattut siunnersuut.
(Inatsisartunut ilaasortat Kim Kielsen og Malik Berthelsen, Siumut)
Imm./pkt.: 156
2013-imi Inatsisartut aningaasanut inatsisissaanni ukiunilu missingersuusiorfiusuni inissialiornermut, illunut ataatsimoorussanut, illuliassanut il.il. tapersiissuteqartarneq pillugu Inatsisartut peqqussutaat nr. 11, 19. november 2007-imeersumi § 45 aamma § 46 naapertorlugu illuutinik iluarsartuussinernut, allilerinernut imaluunniit pitsanngorsaanermut ukiumut 2,3 mio. kr-inik immikkoortitsinissamik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut, taamaalilluni BSU pillugu peqqussummi § 4 naapertorlugu illuutillit 2013 aallarnerifigalugu illuutiminnik iluarsartuussinissamut pisortanit taperneqarsinnaanermik periarfissaqaqqilersinnaaqqullugit.
(Inatsisartunut ilaasortaq Anders Olsen, Siumut)
Imm./pkt.: 157
Siull. 3/11-2009
Ataatsimiititaliamit isumaqatigiittumit allannguutissatut siunnersuut akuerineqarpoq.(UPA2011/20)(UKA2009/148)(UPA2010/31)
Kalaallit Nunanni aatsitassap piiarneqarsinnaatitaasup suulluunniit uran-imik akuata 0,1 % -mut qaffasinnerpaaffilerneqarnissaa piaarnerpaamik sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartuni ilaasortai)
Imm./pkt.: 158
Naalakkersuisut UPA 2013-imi Kalaallit Nunaanni suliffeqartut akornanni inuit qanoq amerlatigisut nunat avannarliit avataaneersuunerat pillugu kiisalu suliffeqarfinni sorlerni taakku nalinginnaasumik sulisuunerat pillugu nalunaarummik saqqummiusseqqullugit Inatsisartuni aalajangiiffigisassatut siunnersuut. Nalunaarummissaaq inunnut taakkununnga sulinermi atorfeqartitaanermilu pissutsit suut Kalaallit Nunaanni suliffeqarnermi neqeroorutigineqartarnersut kiisalu pissutsit taakku pisut ilaanni atugassarititaasunit ajornerulersitsinermik kinguneqartarnersut ilanngullugit saqqummiuteqquneqarput. Nalunaarusiaq suliniutaalersussatut kaammattuutinik naggaserneqassaaq.
(Inatsisartunut ilaasortaq Akitsinnguaq Olsen, Siumut)
Imm./pkt.: 159
Sulinermik inuussutissarsiortuunerup qanoq ililluni imminut akilersinnaanerulernissaata qulakkeernissaa pillugu apeqquteqaat aallaavigalugu oqal-linnissamik siunnersuut.
(Inatsisartunut ilaasortaq Finn Karlsen, Siumut)
Imm./pkt.: 160
Suliffissaaleqineq peqqutigalugu pisortanit ikiorsiissutinik pilersuinermut atatillugu kommunit qanoq ilillutik piumasaqaatinut assigiissumik atortitsinnissaannut kajumissaarnissaannut apeqquteqaat aallaavigalugu Inatsisartuni oqallinnissamik siunnersuut. Innuttaasut suliffissarsiortut assigiimmik pineqarnissaat taamaasilluni qulakkeersinnaajumallugu.
(Inatsisartunut ilaasortaq Ruth Heilmann Siumut)
Imm./pkt.: 161
Nunatsinnit efterskolertut angajoqqaavisa pisortanut akiliuteqartitaanngitsumik kiisalu ilinniarnermi tapiissutinik pisalernissaannut ingerlanneqartalersinnaanerannut pillugu apeqquteqaat aallaavigalugu Inatsisartuni oqallisissiamik siunnersuut.
(Inatsisartunut ilaasortat Ruth Heilmann & Anders Olsen, Siumut)
Imm./pkt.: 162
Ingerlatseqatigiiffinni suliffeqarfinnilu Namminersorlutik Oqartussanit pigineqartuni siunissami qanittumi pinngortitaq mianeralugu qanoq iliuuseqarsimanermik ukiumoortumik "naatsorsuusiortarlernissap" angunissaa pillugu apeqquteqaat aallaavigalugu Inatsisartuni oqallinnissamik siunnersuut.
(Inatsisartunut ilaasortat Kim Kielsen og Malik Berthelsen, Siumut)
Imm./pkt.: 166
Naalakkersuisut allannguutissatut siunnersuutaat akuerineqarpoq.
Nunatsinni ilinniartitaanikkut angusat pitsaatsusaannik nalilersuisinnaasunillu, Ilinniartitaanikkut Pitsaassutsimik Angusanillu Naliliisartoqatigiitnik pilersitsinnikkut pitsaaqutaasinnaasut aningaasartuutillu qanoq annertutiginissaannik nalunaarusioqqullugit Nalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kaali Olsen, Inuit Ataqatigiit)
Imm./pkt.: 167
Nunatsinni ilinniartut amerlanerusut ilinniarnerminni naammassisalernissaat siunertaralugu, nuna tamakkerlugu ilinniagaqartunut tarnikkut inooqatigiinnikkullu siunnersuisarfimmik (studenterrådgivning) Naalakkersuisut pilersitsinissamik peqquneqarnissaat pillugu inatsisartut aalajangiiffissaattut siunnersuut.
(Inatsisartunut ilaasortaq Kaali Olsen, Inuit Ataqatigiit)
Imm./pkt.: 173
Aappass. UKA13
Nunatsinni qimussimik nuna tamaat sukkanniutsitsisarneq "Avannaata Qimussersua" nunatta karsianit ukiumut 500.000,00 kr-nik tapiiffigineqartalernissaanik Naalakkersuisut sulissuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 174
Utoqqaat suli sulisinnaasut sulinerisigut utoqqalinersianit ilanngaanneqartarnerat naapertuunnersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 175
Qaleralinniarsinnaanermi pisassiissutit qanoq naapertuunnerusumik aalisartunullu akilersinnaanerusumik aaqqissuussiffigisinnaaneri pillugit oqallinnissamik siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 178
Inuiaqatigiittut imigassamik atueriaaserput qanoq naleqqunnerusumik ileqquliunneqarsinnaanera pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortat Siverth K. Heilmann aamma Knud Kristiansen, Atassut)
Imm./pkt.: 180
Kangilinnguit iluarsartuuteqqinneqarnissaannut kinguartitsinissamik aammalu pisortat neqeroortitsinissaat anguniarlugu suleqatigiissitamik pilersitsisoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Doris Jakobsen og Kim Kielsen, Siumut)
Imm./pkt.: 181
Aappass. UKA13
Kalaallit Nunaanni pinerluuteqarsimasut singernermikkut nalunaarsuuteqarlutik angerlarsimaffimmi pineqaatissinneqarsinnaalernissaat anguniarlugu, Naalakkersuisut Jusititsministerimut attaveqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Doris Jakobsen, Kristian Jeremiassen, Siumut)