Ullormut oqaluuserisassat
Ullut ataatsimiiffiusut arfersaneq-sisamaat, pingasunngorneq 26. oktobarip 2011, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 53
§ 46 imm. 2 naapertorlugu atorunnaarpoq, 13-nit akuersimmata 13-nillu akerliullutik
Qinersisarnermut inatsisip atuuttup ingammik qinersiviup ataasiinnaalersimaneranut tunngatillugu inuit tamat oqartussaaqqataanerannut tunngatillugu naleqquttuunersoq Naalakkersuisut misissueqqissaaqqullugit peqquneqarnissaat siunertaralugu Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 51
Matumuuna Inatsisartut aalajangiiffigisassaattut siunnersuuteqarpunga, siunertaralugu Naalakkersuisut nalunaarusiornermikkut aqqutissiuutissagaat, qanoq iliuuseqarnikkut Namminersorlutik Oqartussat FN-p innarluutillit pillugit aalajangersagaa nunatsinni atuutilersinneqarsinnaassanersoq. Siunnersuutigaara Naalakkersuisut piumaffigineqassasut 2012-i naatinnagu aqqutissiuussinissaq siunertaralugu nalunaarusiorsimanissamut Inatsisartunit peqquneqassasut.
(Inatsisartunut ilaasortaq Jane Petersen. Inuit Ataqatigiit)
Imm./pkt.: 48
Inersimasut kinguaassiuutitigut atornerlunneqarsimasut katsorsarneqarsinnaanerat siunertaralu iliuusissanik pilersaarusiornermik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 49
Imm. 49 aamma 54 ataqatigiisillugit oqaluu-serineqassapput
Imigassat aalakoornartortallit tuniniarneqartarnerat sallaassissutigineqartarnerallu pillugit imaattumik apeqquteqaat tunngavigalugu oqaluuserisassamik siunnersuuteqarpunga.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 54
Imm. 49 aamma 54 ataqatigiisillugit oqaluu-serineqassapput
Ukiuni 30-ni kingullerni inuiaqatigiinni imigassamik atuineq malunnaateqarluartumik appariartorpoq, naak imigassamik atuinerup sunniutipilui inuiaqatigiinni malugineqarsinnaagaluartut. Siunissami imigassartartorneq pillugu qanoq iliuuseqassaagut? Uani eqqarsaatigineqarput imigassartornerup milliartuaaginnarneranik ingerlaavartitsisinnaasunik naalakkersuinikkut iliuusissat, siunnersuutillu tuniniaasarnermi killissarititaasut eqaannerulersinneqarnissaanut tunngasut.
(Inatsisartunut ilaasortat Storm Ludvigsen, Inuit Ataqatigiit kiisalu Andreas Uldum, Demokraatit)