Inatsisartoqarfik
UKA2010
Arlaat toqqaruk

Oqaluuserisassat oqaluuserineqarfissaasalu ullui

2010-imi Ukiakkut Ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 36-7
Nal. 11:00-imiit 12:00-imut akunneq apeqquteqarfissaq.
( § 36 imm. 7, naapertorlugu)
()
Imm./pkt.: 1
Ataatsimiinnerup ammarneqarnera.
(Inatsisartuni sivisunerpaamik ilaasortaasimasunit angajulleq) )
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat )
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Imm./pkt.: 4
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 5
Siunnersuisoqatigiinnut nævninullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
2011-mi Inatsisartut upernaakkut ukiakkullu ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 7
2011-mut Inatsisartut aningaasanut inatsisissaannut siunnersuut.
(Aningaasaqarnermut Naalakkersuisoq)
Imm./pkt.: 8
Inatsisartut ilassutitut aningaasaliissutissatut 2009 siunnersuutaat.
(Aningaasaqarnermut Naalakkersuisoq)
Imm./pkt.: 9
Inatsisartut Ombudsmandiata 2009-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisit atortinneqarneranut ataatsimiititaliaq)
Imm./pkt.: 10
Aningaasaqarnikkut Ingerlatsineq pillugu Nalunaarut.
(Aningaasaqarnermut Naalakkersuisoq )
Imm./pkt.: 11
Nunatta Karsiata 2009-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq )
Imm./pkt.: 12
20xx-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik iunnersuut, tak. suleriaasissani § 32, imm. 6, 2:
1. Inummut ilanngaat.............................kr. 48.000 (ukiumut)
2. Ilanngaat aalajangersimasoq...............kr. 10.000 (ukiumut)
3. Aningaasarsiat B-t akileraaruteqaataasussaanngitsut.kr. 5.000(ukiumut)
4. Killilimmik akileraartussaatitaasut ilanngaataat kr. 1.000 (ukiumut)
5. Kommuninut ataatsimut akileraarut.............................6%
(Aningaasaqarnermut Naalakkersuisoq )
Imm./pkt.: 13
Oktober 2009-mit september 2010-mut nunani avannarlerni naalakkersuinikkut Naalakkersuisut ingerlatsinerat pillugu nassuiaat.
(Aningaasaqarnermut Naalakkersuisoq )
Imm./pkt.: 14
Nunanut Allanut politikki pillugu Nassuiaat.
(Naalakkersuisut Siulittaasuat )
Imm./pkt.: 15
Inatsisartut Suleriaasissaannut siunnersuut.
(Inatsisartut Siulittaasoqarfiat )
Imm./pkt.: 16
Naalakkersuisut siulittaasuata ammaanermi oqalugiaataa.
(Naalakkersuisut Siulittaasuat )
Imm./pkt.: 17
Isiginnaartitsisarfeqarneq pillugu Inatsisartut inatsisaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 18
Højskolit pillugit Inatsisartut inatsisissaatut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 19
Kilisalluni aalisarnermi avatangiisimik ajoqusiisarnerit annikinnerulersinnissaannut suliniutinik aallartitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kim Kielsen, Siumut)
Imm./pkt.: 20
Siunnersuut uunga: Peqqinnissaqarfiup aqunneqarnera, aaqqissuus-saanera kiisalu peqqinnissamut tunngasutigut inuit sulisut aamma tarnip pissusaanik ilisimasallit pillugit Inatsisartut inatsisaat nr. xx, xxx 2010-meersoq.
(Peqqissutsimut Naalakkersuisoq)
Imm./pkt.: 21
Sanaartorfissagissaasarneq pillugu Inatsisartut inatsisissaattut siunnersuut.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 22
Pilersaarusiorneq aamma nunaminertat atorneqartarnerat pillugu Inatsisartut inatsisissaattut siunnersuut.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 23
Innaallagissamut, imermut kiassarnermullu akit ilusissaannut nassuiaat"-mi kapitale 5-mi nassuiarneqartutut innaallagissamut, imermut kiassarnermullu akit ilusissaasa atuutsilerneqarnissaat sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Ineqarnermut, Attaveqarnermut Angallannermullu Naalakkersuisoq )
Imm./pkt.: 24
Siunnersuut uunga: Inatsisartut Naalakkersuisullu pillugit Inatsisartut inatsisaat nr. xx, uu qqqq 200u-meersoq.
(Naalakkersuisut Siulittaasuat )
Imm./pkt.: 25
Kommunit aqunneqarnerat pillugu Inatsisartut inatsisaat.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 26
Qamutit motoorillit akileraarutaat pillugit Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq )
Imm./pkt.: 27
Aningaasanik ikisilluni pinnguaatinut akileraarut pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq )
Imm./pkt.: 28
Aningaasarsianit akileraarutit pillugit Inatsisartut inatsisaata allanngortinneqarnissaanut siunnersuut.
(Aningaasaqarnermut Naalakkersuisoq )
Imm./pkt.: 29
Nukissiornermi ikummatissat akitsuutaat pillugit Inatsisartut inatsisissaattut siunnersuut nr. xx. xxxx 2010- meersoq.
(Aningaasaqarnermut Naalakkersuisoq )
Imm./pkt.: 30
Siull. 26/4-2010Aappass. 18/5-2010
(UPA 2010/34)
Puigortunngorneq pillugu pinaveersaartitsinermik suliniuteqarnissaq kiisalu puigortunngorsimasut nunatsinni annertusiartuinnarnissaat peqqutigalugu, Naalakkersuisut pilersaarummik saqqummiinissaannik peqquneqarnissaannik Inatsisartut aalajangiiffigisassaattut siunnersuut
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 31
Siull. 27/4-2010Aappass. UPA 2011
(UPA 2010/45)
Koorortuut timmiarsiutillu eqqarasuartartuunngitsut akuersissuteqarnissamik piumasaqaatinut ilanngunneqarnissaat, taamatullu aamma qanoq inissinneqarnissaannut nalunaarsornissaannullu malittarisassaqarnissaa, sakkunillu pigisaqarnermik tammaasaqarnermillu nalunaaruteqartussaatitaanissaq aammalu sakkunik pineqartunik sakkunillu eqqarasuartartunik inuussutissarsiutigalugu piniarnermut atugassanik pisaarnissamut 16-inik ukioqalereersimanissamik piumasaqaateqalernissaa siunertaralugu Nunatsinni sakkut pillugit inatsisiliornerup sukannernerulersinnissaa anguniarlugu Naalakkersuisut danskit naalakkersuisuinut saaffiginnissuteqarnissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 32
Siull. 26/4-2010
(UPA 2010/47)
Qimmit aalajangersimasut, avatangiisiminnut ulorianarsinnaasutut nalilerneqartut eqqunneqartarnerisa kinguaassiorsinnaanerisalu inerteqqutineqarnissaat kiisalu qimmit taakku qimminik assiginngisaminnik ernioqateqarsinnaanerisa pinaveersimatinnissaat anguniarlugu Naalakkersuisut suliniuteqarnissamut peqquneqarnissaannut Inatsisartuni aalajangiiffigisassatut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 33
Siull. 21/4-2010Aappass. UPA 2011
(UPA 2010/51)
Inatsisartut aalajangiinissaannut siunnersuut, nunatta karsiata kukkunersiuinermut ataatsimiititaani allattutut suliat Nuna tamakkerlugu Kukkunersiusisoqarfimmit Nunap Kukkunersiuisuanit pisortaqartumit taarserneqassasut, soorlu Naalagaaffeqatigiinnermi allani taamaattoqartoqartoq, tassa Savalimmiuni Nuna tamakkerlugu Kukkunersiuisoqarpoq Danmarkimilu Naalagaaffik Kukkunersiuisoqarluni. Ilanngullugu siunnersuutigineqaqarpoq, Inatsisartut Kukkunersiuinermut Ataatsimiititaani ilaasortat siunissami qinersivik pineqartoq tamaat atuuttussanngorlugit qinerneqartassasut, ataatsimiititaliarlu taaguuserneqassasoq "Inatsisartut Kukkunersiuisui".
(Inatsisartunut ilaasortaq Andreas Uldum, Demokraatit)
Imm./pkt.: 34
Siull. 29/4-2010
(UPA 2010/134)
Pisinermut inatsisip nutarterneqarnissaanut imaluunniit pisap Kalaallit Nunaannut nuunneqarnissaanut taamatullu nammineq malittarisassiuussisinnaalernissamut siunertaqartumik Naalakkersuisut danskit naalagaaffiannut saaffiginneqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 35
Meeqqat atuarfiini atuartunut angerlarsimaffiit atuartunullu inissiat pitsaassusissaasa minnerpaaffilerneqarnissaat siunertaralugu Naalakkersuisut suliniuteqaqqullugit Inatsisartut aalajangiiffigisassaattut siunnersuut
(Inatsisartunut ilaasortaq Jane Petersen, Inuit Ataqatigiit)
Imm./pkt.: 36
Siull. UPA 2011Aappass. UPA 2011
Arnat angutillu naligiissitaanissaat pillugu Inatsisartut inatsisaat nr. 7, 11. april 2003meersoq allanngortinneqassasoq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaaliornikkut siulersuisuni, sinniisutut aallartitaqarfinni imaluunniit ataatsimoorussamik aqutsisoqarfinni ilaasortassanik toqqaalernermi arnat angutillu naligiimmik Naalakkersuisunit toqqarneqartalernissaat qulakkeerneqaqqullugu.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 37
Angutit arnallu persuttaasartut katsorsarneqarfissaannik pilersitsinissamut Naalakkersuisut suliakkerneqarnissaannut Inatsisartuni aalajangiiffigisassatut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 38
Meerartaarnermut atatillugu aningaasaateqarfiliornissaq siunertaralugu inatsisissatut siunnersuummik Naalakkersuisut suliaqaqqullugit Inatsisartut aalajangiiffigisassaattut siunnersuut. Aningaasaateqarfiup sulinermikkut akissarsiallit meerartaarnermut atatillugu akissaateqartinneqarnissamut periarfissaqanngitsut ullormusiaqartitsinermit pioreersumit pitsaanerusumik akissaateqalernissaat qulakkiissavaa, taakkua pisortani imaluunniit namminersortuni sulisuunerat apeqqutaatinnagu.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 39
Aappass. UPA 2011
Ilinniarfinni meeqqallu atuarfiini attaveqatigiinnikkut teknologip ukunatigut atorneqarnerata annertusarneqarnissaanik attaveqaatillu pitsanngorsarneqarnissaannik Naalakkersuisut suliniuteqaqqullugit Inatsisartut aalajangiiffigisassaattut siunnersuut: 1. Internetsi ilinniarfinni atuarfinnilu tamani killilersugaanngitsumik atorneqarsinnaalersinneqassaaq. 2. Attaveqaatit pitsaanerpaat
(Inatsisartunut ilaasortaq Kaali Olsen, Inuit Ataqatigiit)
Imm./pkt.: 40
Naalagaaffiit Peqatigiit sulisuisa inuillu Naalagaaffiit Peqatigiinnut attaveqartut isumannaatsuunissaat pillugu nunat tamalaat isumaqatigiissutaannut nammineq tapiliussinnaasamik Danmarkip atuuttussanngortitsineranut Kalaallit Nunaanni Namminersorlutik Oqartussat isumaqataallutik nalunaaruteqarnissaannut aalajangiiffigisassatut siunnersuut.
(Naalakkersuisut Siulittaasuat)
Imm./pkt.: 41
Utoqqaat utoqqalinersiat saniatigut sulinikkut aningaasanik isertitsisinnaanerat pillugu, aningaasat utoqqalinersiat saniatigut isertitassatut killiussat minnerpaamik marloriaammik qaffanneqarsinnaanerannik siunertaq tunngavigalugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 42
Naalakkersuisunut apeqqut: Inatsisartut inatsisaat nr. 7, 11. april 2003-meersoq, Arnat angutillu naligiissitaanissaat pillugu Inatsisartut inatsisaat, siunertamisut atuutsinneqarpa aammalu qanoq ilillutik Naalakkersuisut qulakkeerniarpaat inatsit eqqortumik malitsinneqarnersoq? Uani pingaartumik paragrafit 1, 3 aamma 4 eqqarsaatigineqarput.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 43
Savalimmiut Islandilu illuatungimik nunaanni naalagaaffiit aallartitaqarfiattut qaffasissuseqartunik aallartitaqarfinnik pilersitsinikuupput. Nunat illuatungimik nunaanni naalagaaffiit aallartitaqarfiattut qaffasissuseqartumik pisortatigoortumik aallartitaqarfimmik pilersitsinissamik isumaqatigiissuteqarnissaat Nunat Avannarliit Killiit Siunnersuisoqatigiiffiata Kalaallit Nunaanni aammalu Islandimi naalakkersuisunut kaammattuutigaa. Taamatullu illuatungimik nunaanni sinniisoqarfittut allaffeqarfinnik pilersitseqqullugit Savalimmiuni Kalaallillu Nunaanni naalakkersuisut Nunat Avannarliit Killiit Siunnersuisoqatigiiffiannit kaammartorneqarput. Taakku pilersinneqarnissaanni ataatsimoorussamik allaffiit sapinngisamik annertunerpaamik atorneqartarnissaat nunanut kaammattuutigineqarpoq.
(Aallartitat siulittaasuat Josef Motzfeldt)
Imm./pkt.: 44
Nunani pingasuusuni ilinniagaqartut avitseqatigiittarnissaat siunertaralugu ilinniarnertuunngorniarfiit (akunnattumik sivisussusilimmik ilinniartitaanerit) akornanni suleqatigiinnermik aallartitsinissamik Savalimmiuni Naalakkersuisut, Kalaallit Nunaanni Naalakkersuisut Islandillu Naalakkersuisui suliniuteqaqqullugit Nunat Avannarliit Killiit Siunnersuisoqatigiiffiannit kaammattorneqarput. Aammattaaq suliniummut atatillugu aningaasartuutit matussutissaannik aningaasanik immikkoortitseqqullugit nunat naalakkersuisui kaammattorneqarput.
(Aallartitat siulittaasuat Josef Motzfeldt)
Imm./pkt.: 45
Nunani avannarlerni killerni utoqqarnut tunngasut pillugit suleqatigiinneq paasissutissanillu ingerlatitseqqittarneq annertusaqqullugit Islandimi, Savalimmiuni Kalaallillu Nunaanni naalakkersuisut Nunat Avannarliit Killiit Siunnersuisoqatigiiffiannit kaammattorneqarput.
(Josef Motzfeldt, aallartitat siulittaasuat)
Imm./pkt.: 46
Nunani avannarlerni killerni ilinniarsimanngitsut atuagarsorlutik ilinniartinneqarnissaat, inuussutissarsiutinut ilinniartitaanerit sulinermillu misiliinerit pillugit nunat avannarliit killiit suleqatigiinnerata annertusarneqarnissaanut Islandimi naalakkersuisut, Savalimmiuni naalakkersuisut aammalu Kalaallit Nunaanni naalakkersuisut tapeeqataanissaat Nunat Avannarliit Killiit Siunnersuisoqatigiiffiata siunnersuutigaa, taamaalilluni inuit universitetimi ilinniarsimanngitsut ilisimasaminnik piginnaasaminnillu annertusaasinnaaqqullugit taamaalillutillu inuunerminni atukkaminnik pitsanngorsaasinnaaqqullugit suliffissaqarnikkullu periarfissaqarneruleqqullugit.
Kingusinnerusukkut nassuiaammi isumassarsianut naapertuuttumik nunat avannarliit killiit akornanni suliassaqarfiup tamatuma iluani misiligummik suliniutinut aningaasatigut tapiissuteqarneq aqqutigalugu taama suleqatigiinnermik aallartitseqqullugit Nunat Avannarliit Killiit Siunnersuisoqatigiiffiannit nunat kaammattorneqarput.
(Aallartitat siulittaasuat Josef Motzfeldt)
Imm./pkt.: 47
Nunani avannarlerni killerni ungasianit ilinniartitsineq pillugu pisortigoornerusumik suleqatigiinnermik misilittagaqarfiusussamik tunngavissiisumillu misiligutitut suliniummik aallartitseqqullugit Islandimi, Savalimmiuni aammalu Kalaallit Nunaanni naalakkersuisut Nunat Avannarliit Killiit Siunnersuisoqatigiiffiannit kaammattorneqarput.
(Josef Motzfeldt, aallartitat siulittaasuat)
Imm./pkt.: 48
Aappass. UPA 2011
Pingajuss. UPA 2011
Siunnersuut uunga: Inatsisartuni Naalakkersuisunilu il.il. ilaasortat aningaasarsiaqartitaanerat il.il. pillugit Inatsisartut inatsisaata allanngortinneqarneranik Inatsisartut inatsisaat nr. xx, uu. qq 2010-meersoq.
(Inatsisartut Siulittaasoqarfiat )
Imm./pkt.: 49
Qanoq iliornikkut Ilinniartut ilaasa praktikkerfissaaleqisarnerat qaa-ngerniarneqarsinnaanersoq pillugu oqallinnissamik siunnersuut.
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 50
Suliffeqarfinni tamani pilerisaarutit taamatuttaaq atuisunut allakkat suulluunniit nassiunneqartartut pinngitsooratik aamma kalaallisut allagartaqartalernissaat pillugit Naalakkersuisut siunnersuuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 51
Siull. 3/11-2009
Aappass. UPA 2011
(UPA 2010/31)
(UKA 2009/148)
Kalaallit Nunanni aatsitassap piiarneqarsinnaatitaasup suulluunniit uran-imik akuata 0,1 %-mut qaffasinnerpaaffilerneqarnissaa piaarnerpaamik sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartuni ilaasortai)
Imm./pkt.: 52
Siull. 23/10-2009
(UPA 2010/25)(UKA 2009/62)
Kalaallit Nunaanni meeqqat inuusuttullu angerlarsimaffiup avataanut inissinneqartartut sullinneqarnerisa nakkutigineqarnerat sukateriffineqaqqullugu Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(ATASSUT-ip Inatsisartuni ilaasortaatitai: Finn Karlsen, Siverth K. Heilmann, Knud Kristiansen)
Imm./pkt.: 53
Siull. 4/11-2009
Aappass. UPA 2011
(UPA 2010/23)
(UKA 2009/57)
Inimik attartornermi peqqussummut atuuttumut allannguutissaannik kingusinnerpaamik 2010-mi upernaakkut Inatsisartut ataatsimiinneranni Naalakkersuisut saqqummeeqqullugit Inatsisartut aalajangiiffigisassaattut siunnersuut, tamatuma kingorna qaammammut ineqarnermut akiliutaasartunut ineqarnermut meeqqanut tapiissuteqartoqartassaaq meeqqamut ataatsimut 18-it inorlugit ukiulimmut angerlarsimaffimmi najugalimmut 7,5 %-imik ineqarnermi qaammammut akiliutinut ilanngaataasartumik, taamaattorli meeqqat amerlanerpaamik arfiniliussallutik.
(Siumup Inatsisartuni ilaasortaatitai)
Imm./pkt.: 54
Siull. 6/11-2009Aappass. UPA 2011
(UPA 2010/20)(UKA 2009/40)
Piniartut aalisartullu piffissap ilaanni inuuniarnikkut ajornartorsiulernerminni pisortanit ikiorserneqarsinnaanerisa pitsaanerulernissaat siunertaralugu sulisoqarnissaanik Naalakkersuisut peqquneqarnissaannik Inatsisartut aalajagiffigisassaattut siunnersut.
(Inatsisartunut ilaasortaq Hans Aronsen, Inuit Ataqatigiit)
Imm./pkt.: 55
Naalakkersuisunut apeqqut: Timmisartorsuit nunanit allaniit nunarput qulaallugu ingerlaartuartut, avatangiisinut akitsuummik akiliisinneqartalersinnaanerat Naalakkersuisunit qanoq isumaqarfigineqarpa, imaluunniit inatsisitigut qanoq periarfissaqarpa ?
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 56
Naalakkersuisunut apeqqut: Boligstøtte aqqutigalungu illut illuutigineqalersimasut nutarteriffingineqarnissaannut periarfissat suuppat aamma qanoq atorneqarsinnaappat ?
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 57
Naalakkersuisunut apeqqut: Nunaqarfiit ilaanni talittarfeqarnikkut ajornartorsiutaasartut pillugit Naalakkersuisut qanoq pilersaaruteqarpat ?
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 58
Naalakkersuisunut apeqqut: Inuussutissarsiutigalugu aalisartut ukiuni kingullerni arlaqartuni aalisariutitaarsimasut maannakkullu ajutoorsimaneq peqqutingalungu akiligassatigut ajornartorsiortut naalakkersuisunit qanoq iliuuseqarfingineqarsinnaappat?
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 59
Utoqqalinersiallit siusinaartumillu suliunnaarnersiutillit pillugit inatsisit atuuttut allanngortinneqarnissaat pillugu, taamaalilluni utoqqalinersiallip, aapparisap najugaqatigisalluunniit akileraarutaasussaasumik isertitaqarnermigut ilanngaavigineqartarnerisa atorunnaarsinneqarnissaat pillugu Naalakkersuisut siunnersuusioqqullugit Inatsisartut aalajangiiffigisassaattut siunnersuut.
(Siumup Inatsiartunut ilaasortaatitai)
Imm./pkt.: 60
Inersimasunik ilinniartitsisarneq pillugu Namminersornerullutik Oqartussat nalunaarutaat nr. 25, 7. december 2000-imeersumut allannguutissatut siunnersuut, taamaalilluni nalunaarut malillugu §2 imm.1-imi piumasaqaataasup ilinnialerniarluni qinnuteqartussap 30-inik ukioqalereersimanissaata ukiunut 26-inut appartinneqarnissaanik naalakkersuisut sulissuteqaqqullugit peqquneqarnissaannik inatsisartut aalajangiiffigisassaattut siunnersuut.
(ATASSUT-ip Inatsisartunut ilaasortaatitai: Siverth K. Heilmann, Knud Kristiansen)
Imm./pkt.: 61
Angajoqqaat ukiumut 314.099kr.-it ataallugit isertitallit meeqqat atuarfianni 9 aamma 10. klassemi atuartuutillit aningaasanik pisortaniit ikiorserneqarsinnaanissamut qinnuteqarsinnaanngornissaat pillugu Naalakkersuisut siunnersuuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 62
Aalisakkanik tunitsivinni suliffissuarnilu Pisortanit aningaasaliiffigineqarlutik ingerlanneqartuni tamani tunisassiornermut ataatsimiititaliaqalernissaannik Naalakkersuisut suliniuteqaqqullugit Inatsisartut aalajangiiffigisassaattut siunnersuut
(Inatsisartunut ilaasortaq Aleqa Hammond, Siumut)
Imm./pkt.: 63
Qanoq iliornikkut Sulisitsisut nunatsinneersut, pisortat sanaartugassanik aamma aatsitassarsiornerup olie-siornerullu iluani suliarinnittussarsiuussisarnermut atatillugu suliassanik amerlanerpaanik suliassaqartinneqarnissaasa qulakkerneqarsinnaanera pillugu Inatsisartut oqallinnissaanik siunnersuut.
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 64
Inatsisartut aningaasanut inatsisaanik toqqammaveqarluni erhvervsstøttemi puljemik pilersitsinissaq siunertaralugu inatsisissatut siunnersuummik suliaqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(ATASSUT-ip Inatsisartunut ilaasortaatitai: Siverth K. Heilmann, Knud Kristiansen)
Imm./pkt.: 65
Takornarianik nuannariinnarlugu aalisartartunik angallassisarnerup aamma tammaviuttussarsinissaq siunertaralugu piniartitsisarnerup qanoq iluanaarutiginerusarnissaat nassuiaaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Niels Thomsen, Demokraterne)
Imm./pkt.: 66
Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaat nr. 8, 19. maj 2010-meersoq ilallugu inuusuttut 15-t 18-nillu akornanni ukiullit isersimaffiini timersoqatigiiffiit klubbiini fritidsklubinilu sulisunut inuusuttunik pinerliisimannginnermut
(Inatsisartunut ilaasortaq Andreas Uldum, Demokraatit)
Imm./pkt.: 67
UPA 2011-imut
Meeraq qiteralugu, meeqqallu isumaannaatsuunissaa qiteralugu angajoqqaat akissussaanerat pillugu inatsimmik oqaasertalersuinissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 68
Inuusuttut nunanut allanut oqaatsinik ilinniariarlutik aallartartut amerlanerulernissaat anguniarlugu, Naalakkersuisut suliamik aallartitsinissamik peqquneqarnissaannik, Inatsisartut aalajangiiffigisassaattut siunnersuut.
(Inatsisartuni ilaasortaq Malik Berthelsen, Siumut)
Imm./pkt.: 69
Aappass. UPA 2011
Amerikarmiut Thule Air Base-imik atuinerannut atatillungu, nunatsinnut aningaasanik amerlanerusunik isertitsissutigineqarsinnaanera anguniarlugu misissuisitsinissamik naalakkersuisut danskit naalagaaffiannut saaffinginnissuteqaqqullugit inatsisartut aaliangiiffingisassaattut siunnersuut.
(Inatsisartunut ilaasortaq Loritha Henriksen, Kattusseqatigiit Partiiat)
Imm./pkt.: 70
Suiaassuseqatiminnik atoqateqartartut kommuunip allaffiani aappariittut nalunaarsorneqaannartarnerannut taarsiullugu oqaluffimmi katissinnaanngornissaat sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraterne)
Imm./pkt.: 71
Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaannut allannguutissatut siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 72
Kalaallit Nunaanni qanorluunniit upperisaqarsinnaatitaaneq qulakkeerumallugu pisortat tapiisarnerat eqqarsaatigalugu upperisat suugaluartulluunniit assigiimmik pisarnissaat pillugu apeqquteqaat allaavigalugu oqallinnissamik siunnersuut.
(Inatsisartuni ilaasortaq Andreas Uldum, Demokraatit)
Imm./pkt.: 73
Inuit/ingerlateqatigiiffiit nunaqavissut ujaqqanik pinnersaasiassanik inuussutissarsiutigalugit ingerlanneqarsinnaanerat siuarsaavigineqarsinnaaqqullugu siunnersuineq tapersersuinerlu annertusarneqarnissaat siunertaralugu Naalakkersuisut sulissuteqaqqullugit peqquneqarnissaannik Inatsisartut aalajangiiffigisassaattut siunnersuut.
(ATASSUT-ip Inatsisartuni ilaasortaatitai: Siverth K. Heilmann, Knud Kristiansen)
Imm./pkt.: 74
Utoqqalinersiat pillugit malittarisassat allanngortinnissaat pillugu apeqquteqaat allaavigalugu oqallinnissamik siunnersuut, taamaasippat utoqqaat utoqqalinersiallit amerlanerit sulisinnaalissammata.
(Inatsisartunut ilaasortaq Niels Thomsen, Demokraatit)
Imm./pkt.: 75
Suiaassuseqatiminnik atoqateqartartut allatulli meeravissiartaarsinnaalernissaat siunertaralugu appariittut nalunaarsorneqartarneq pillugu inatsisip allanngortinnissaanik sulissuteqaqqullugit, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Naaja Nathanielsen, Inuit Ataqatigiit aamma Justus Hansen, Demokraatit)
Imm./pkt.: 76
Qilalukkanik qaqortanik qernertanillu illersuineq piniarnerlu pillugit Namminersornerullutik Oqartussat nalunaarutaat nr. 2, 12. februar 2004-meersoq Naalakkersuisut allanngortitsinissaannik peqquneqarnissaannik Inatsisartut aalajangiiffigisassaattut siunnersuut, taamaalilluni kitaata qeqqani aammalu nunatta kujataani qilalukkanik qernertanik pisassiisoqassalluni
(ATASSUT-ip Inatsisartuni ilaasortaatitai: Siverth K. Heilmann, Knud Kristiansen)
Imm./pkt.: 77
Aningaasanoorutit ilaat pillugit Kalaallit Nunaannut inatsimmut tunngatillugu Namminersorlutik Oqartussat oqaaseqaatissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq)
Imm./pkt.: 78
Nunat Avannarliit Killiit Siunnersuisoqatigiiffiata aalajangersagaanik nr. 6/2010-mik, ataani allassimasutut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Kalaallit Nunaanni Naalakkersuisut kaammattorpai Kalaallit Nunaata Kangiata (Tunup) allatut pilersorneqarsinnaaneranut periarfissanik misissuisitseqqullugit, pilersuisussaatitaanermut isumaqatigiissutip atuuttup tamatumunnga aporfissaqartitsisinnaaneranik naliliinertalerlugu.
(Aallartitat siulittaasuat Josef Motzfeldt)
Imm./pkt.: 79
Uunga siunnersuut: Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, dd. mm. 2010-meersoq.
(Paasisassarsiorluni angalanernut aningaasat Inatsisartunit partiinut nuunneqarnerat)
(Inatsisartut Siulittaasoqarfiat)
Imm./pkt.: 80
Innaallagissamut, imermut kiassarnermullu akit ilusaat pillugit nassuiaat.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 81
Misissuinerit maanna naammassineqarsimasut, tassunga ilanngullugu Pilersaarusiornermut atatillugu Avatangiisit Nalilersornerat (SMV), aallaavigalugit aluminiumik aatsitsiviliorsinnaanermik suliniut pillugu nassuiaat.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 82
Kalaallit Nunaanni aningaasat pappiaqqat pillugit inatsisip nr. 436, 14. maj 2007-imeersup Folketingip atorunnaarsitsinissaata siuartinneqarnissaa siunertaralugu Naalakkersuisut danskit naalakkersuisuinut saaffiginnissuteqarnissaannut piginnaatinneqarnissaat pillugu Inatsisartut aalajangiiffigisassaattut siunnersuut, taamaaliornikkut kalaallit aningaasaannik pappiaqqanik immikkut ittunik suliaqarneq pillugu suliniuteqarneq unitsinneqassammat.
(Aningaasaqarnermut Naalakkersuisoq)