Siulittaasoqarfiup ulloq 12. november 2021 aalajangerpaa Nuummi ullumikkut corona eqqarsaatigalugu pissutsit tunngavigalugit Inatsisartunut isersinnaanermut piumasaqaatit atuuttut naleqqussarniarlugit.

Siulittaasoqarfiup aalajangerpaa malittarisassat uku Inatsisartut ataatsimiittarfiannut isersinnaanermut atuuttariaqartut:

• Inatsisartut ataatsimiittarfianni qanermut kiinnamulluunniit assiaqutit atorneqassapput issiagaannili peerneqarsinnaallutik
• Innuttaasut Inatsisartut ataatsimiinnerannik malinnaarusuttut nittartakkakkut imaluunniit KNR2-mi tv-kkut malinnaanissaat innersuussutigineqarpoq
• Naalakkersuisut Inatsisartut ataatsimiittarfiannut atorfilittamik ataasiinnarmik ilaqarsinnaapput

Malittarisassat taakku UKA21-p ingerlanerani allatut aalajangiisoqarnissaata tungaanut atuukkallassapput.

Ataatsimiititalianut sassartinneqarnerit taamatuttaaq qarasaasiatigut ataatsimiinnertut ingerlanneqartariaqarput, soorlu aamma Inatsisartunut partiinullu pulaarnerit sapinngissamik pisariaqarnerpaanuinnaq killilerneqartariaqartut.

Inussiarnersumik inuulluaqqusillunga

Hans Enoksen

Inatsisartut Siulittaasuat