Inatsisartut Siulittaasoqarfiata Naalakkersuisunit, ulloq 2. novembari 2026 naammagittaalliuut tigusimavaa, nipangiussisussaatitaanermik sakkortusisamik unioqqutitsisoqarsimasinnaaneranut tunngasoq.

Naammagittaalliuut Nunanut Allanut Sillimaniarnermullu Ataatsimiititaliap UKA2026/249 pillugu ulloq 29. oktobari 2026 isumaliutissiissutaani Naleqqap ikinnerussuteqarluni oqaaseqaataani paasissutissanut saqqummiunneqartunut tunngavoq.

Naammagittaalliuummi oqaatigineqarpoq paasissutissat pineqartut Naalakkersuisup isumaa naapertorlugu ulloq 19. oktobari 2026 Naalakkersuisup Nunanut Allanut Sillimaniarnermullu Ataatsimiititaliallu akornanni isertuussassamik ilisimatitsiffiusumik ataatsimiinnermi saqqummiunneqarsimasut.

Suliami pineqartoq tassaavoq nunanut allanut sillimaniarnermullu tunngasunik paasissutissanik suliaqarneq. Tamatumani Inatsisartut, Naalakkersuisut, minnerunngitsumillu innuttaasut kiisalu nunani tamalaani suleqatigisat akornanni isertuussisussaatitaaneq tatigeqatigiinnerlu pingaaruteqarluinnarput.

Nipangiussisussaatitaanermik unioqqutitsineq tatigeqatigiinnermillu innarliineq inuiaqatigiinnut ajoqutaasinnaapput. Taamaattumik Nunanut Allanut Sillimaniarnermullu Ataatsimiititaliami ilaasortat nipangiussisussaatitaanermik immikkut sakkortusisamik pisussaaffeqarput.

Siulittaasoqarfiup naammagittaalliuut tunngavigalugu suliaq politiinut nalunaarutiginiarlugu ullaap tungaa aalajangerpoq, taamaalilluni nipangiussisussaatitaanermut malittarisassanik unioqqutitsisoqarsimanersoq politiit misissorlugulu nalilersinnaaniassammassuk.

Matuma kingorna politiit suliap misissorneqarnissaa aammalu annertunerusumik iliuuseqartoqarnissaanut tunngavissaqarnersoq nalilersussavaat.

Ikinngutinnersumik inuulluaqqusillunga

Kim Kielsen
Inatsisartut Siulittaasuat