Tusagassiorfinnut paasissutissat
Ataatsimiittarfimmi assiliinerit filmiliornerillu
Ataatsimiittarfik tusagassiortut kisimik sulliviginngilaat aammali inatsisiliortut sullivigaat. Taamaammallu Inatsisartut eqqissillutik tusagassiorfinnilu sulisunit najuuttunit akornusersorneqaratik sulisinnaanissaat pingaaruteqarpoq.
Ataatsimiinnerup ammarneqarneranit, tamatumalu kingorna minutsit siullerni tallimani immiusserusukkaanni assiliisartut filmiliortullu Inatsisartut Allattoqarfiannut kingusinnerpaamik akunnerit 48-t sioqqullugit saaffiginnissapput. Akuerineqareersimagaanni inersuarmi piffinni allani immiussisoqassaaq, tamanna inatsisartut sulinerannut akornusersuutaanngitsumik pisinnaappat.
Isumaqatigiinninniarnerit ingeranneqarnerisa nalaanni assiliinissaq videonillu immiussinissaq kissaatigigaanni Inatsisartut Allattoqarfiat kingusinnerpaamik akunnerit 48-t sioqqullugit saaffigineqassaaq. Akuerineqareersimagaanni isumaqatigiinniarnerit ingerlanneqarneranni taamaallaat sumiiffinnit inersuarmi tusarnaartut inaannut atasut eqqaanniit assiliisoqarsinnaallunilu filmiliortoqarsinnaavoq.
Qaqugukkulluunniit oqaluttarfik pallinneqassanngilaq.
Tusagassiortut inersuarmi pissusilersornerat akornusersuutaasutut ataatsimiinnermik aqutsisup nalileruniuk sukkulluunniit uparuarsinnaa-vaa. Taamaattoqartillugu peqqussutigineqartoq tusagassiortut piaartumik malissavaat. Tusagassiortut tamatuma saniatigut paarsisut (betjentit) innersuussutaannik malinnittassapput.
Immiussinissamik immikkut pisariaqartitsisoqartillugu piffissaalluartillugu kingusinnerpaamillu nalunaaquttap akinnerinik 48-nik sioqqutsilluni Allattoqarfimmut saaffiginnittoqarsinnaavoq, taassumalu kissaatigineqartoq Siulittaasoqarfimmut saqqummiutissavaa.
Uunga saaffiginnittoqassaaq:
assilineralu uunga nassiunneqassalluni:
Allattoqarfiup sulisui immikkut atugassaqartitaapput siuliani allassimasunit allaanerusinnaasunik.