Pinerlunnernit Eqqorneqartunut Taarsiissuteqartarneq Pillugu Nævni

Peqqussutikkut nr. 472, 25. september 1984-imeersukkut inatsit nr. 277, 26. maj 1976-imeersoq pinerlunnernit eqqorneqartunut naalagaaffimmit taarsiissutit pillugit inatsisip Kalaallit Nunaannut atortuulerneranik peqqussutikkut 1984-imeersukkut §§ 2-7-imi allannguutinut peqqussutikkut taarserneqarpoq.

Peqqussummi § 7 naapertorlugu ajoqusiinernut Kalaallit Nunaanni ajoqusiinerusunut taarsiissutit pillugit aalajangiinerit aalajangerneqassapput Kalaallit Nunaanni ataatsimiititaliamit immikkut ittumit, Kalaallit Nunaanni landsdommerimit ilaasortanillu allanit marlunnit ilaasortaaffigineqartumit, ilaasortap aappaa Kalaallit Nunaata Inatsisartuinit inassuteqaat malillugu toqqarneqassalluni, ilaasortallu aappaa inunnik isumaginninnermut Naalakkersuisuusumit inassuteqaat malillugu toqqarneqassalluni.

Ataatsimiititaliap suleriaaseraa peqqussut nr. 473, 25. september 1984-imeersoq, tamatumani allassimalluni ataatsimiititaliaq ukiumoortumik Justitsministereqarfimmut nalunaarusiortassasoq.

Piffissaq qinigaaffik

Ulloq 1. november 1984-imi inatsisip atortuulersinneqarneraniit piffissaq qinigaaffik ukiunik sisamanik sivisussuseqarpoq.

Piffissaq qinigaaffiusoq Inatsisartut piffissaq qinigaaffiannut attuumassuteqanngilaq.

Maannakkut piffissaq qinigaaffiusoq 1. november 2020-mit 31. oktober 2024-moortuuvoq.

Piffissamut 1. november 2024-mit 31. oktober 2028-imut inassuteqaammik Inatsisartut tulliani UKA 2024-mi tunniussissapput.

Inatsisartut inassuteqaataat Kalaallit Nunaanni Landsdommerimut nalunaarutigineqassaaq. 

Saaffissaq:

Nunap Eqqartuussisuuneqarfia

Postboks 1040

3900 Nuuk

Oqarasuaat +299 36 39 00

E-mail: post.landsret@domstol.gl