§ 33 malillugu siunnersuutinut akuersissutigineqartunut atatillugu nalunaarutit nassuiaatillu UPA-mi saqqummiunneqartussat
2023-imi Upernaakkut Ataatsimiinneq
Samling / Pkt. nr.
Forslag
UKA/EM21
95
Naalakkersuisut Kommune Qeqertalimmi aamma Avannaata Kommuniani campusimik pilersitsinissaq siunertaralugu suliniutit suut aallartinneqassanersut misissueqqullugit peqquneqarnissaannik Inatsisartut aalajangiiffigisassatut siunnersuut. Misissuinermi ilaatigut qulaajarneqassapput, Aasianni GUX-ip pitsaassusaanut aammalu tiguneqarnissamut toqqammavigisat allannguutaanngitsumik, Ilulissani GUX-imik pilersitsinissamut suliniutit pisariaqartut. Misissuineq juli 2022 naatinnagu saqqummiunneqassaaq.
Inatsisartunut ilaasortaq Doris J. Jensen, Siumut
Nassuiaat
Inatsisartunut ilaasortaq Doris J. Jensen, Siumut
UKA/EM-21
107
Nuna tamakkerlugu Aasianni inuussutissarsiornermik ilinniarfiliortoqassappat pittaaqutaanik ajoqutaanillu nassuiaammik UPA2023-imi saqqummiusseqqullugit Naalakkersuisut peqquneqarnissaannik Inatsisartut aalajangiiffingisassaatut siunnersuut. Naalakkersuisut nalunaarusiornerminni ilinniartitaanerup iluani inuussutissarsiornermik ilinniarfimmik nutaaliorfiusumik nutaamik sanasoqarnissaanut pisariaqartitsisoqarnera eqqarsaatigissavaat.
Inatsisartunut ilaasortaq Kristian Jeremiassen, Inuit Ataqatigiit
Nassuiaat
Inatsisartunut ilaasortaq Kristian Jeremiassen, Inuit Ataqatigiit
UPA/FM-22
28
Napparsimasup najugaqarfimmi avataani misissorneqarnerani katsorsarneranilu kiffartuussinerit pillugit Namminersornerullutik Oqartussat nalunaarutaat nr. 2, 24. januar 2005-meersumi §9 meeqqanut arfinillit inorlugit ukiulinnut ingiaqataasinnaasut inuit marlunngortinnissaanik Naalakkersuisunut allanngorteqqullugu aalajangiiffigisassatut siunnersuut.
Inatsisartunut ilaasortaq Agathe Fontain, Inuit Ataqatigiit
Nassuiaat
Inatsisartunut ilaasortaq Agathe Fontain, Inuit Ataqatigiit
UPA/FM-22
44
Nunatta nunatut timersornikkut unammersuartarfissaa pillugu suleqatigiissitap misissuinera UKA2019/32-imi inatsisartut aalajangiussaat naammasseqqullugu minissuinerullu inerniliussai saqqummiuteqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitap suliai kingusinnerpaamik UPA2023 nallertinnagu saqqummiunneqassapput.
Inatsisartunut ilaasortaq Anders Olsen, Siumut
Nassuiaat
Inatsisartunut ilaasortaq Anders Olsen, Siumut
UPA/FM-22
75
Inatsisartut aalajangiiffigisassaattut siunnersuut, Naalakkersuisut peqquneqassasut suleqatigiissitamik pilersitsissasut Kalaallit Nunaanni filmiliortartut silarsuaata qanoq nukittorsarsinnaaneranut innersuussuteqartussanik. Naalakkersuisut sapinngisaq tamaat suleqatigiissitami attuumassuteqartut peqataatissavaat. Siunnersuutit UPA 2023-mi saqqummiunneqassapput.
Inatsisartunut ilaasortaq Nivi Olsen, Demokraatit
Nassuiaat
Inatsisartunut ilaasortaq Nivi Olsen, Demokraatit
UPA/FM-22
76
Inatsisartut aalajangiiffigisassaattut siunnersuut Naalakkersuisut peqquneqassasut nalunaarusiamik sanassasut, innuttaasut kærftimik suussusersineqarnikunut imaluunniit nappaat inuunermik ilorianartorsiortitsisinnaasumik peqaraanni aningaasatigut toqqissisimanissamik qanoq qulakkeerinniffigisinnaanerigut. Nalunaarusiaq nappaammik eqqugaasut aningaasatigut eqqugaanermi misigisimasaannik imaqassaaq aammattaaq nappaammik eqqugaasimasup ilaqutaasullu aningaasatigut ikiorserneqarnissaanik periarfissaasa maleruagassaanni aporfiusut periarfissaasullu. Nalunaarusiaq UPA 2023 paalitsinnagu Inatsisartunut tunioraanneqareersimassaaq.
Inatsisartunut ilaasortaq Nivi Olsen, Demokraatit
Inatsisartunut ilaasortaq Nivi Olsen, Demokraatit
UPA/FM-22
83
Ilulissat kangerluata UNESCO-miittortaata angissusaata pitsaaqutai ajoqutaalu pillugit Naalakkersuisut UKA2022-mut saqqummiussassamik nassuiaasioqqullugit peqquneqarnissaanut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut)
Nassuiaat
Inatsisartunut ilaasortaq Aqqalu C. Jerimiassen, Atassut)
UPA/FM-22
92
Aalisartunut qaleralinnik paggatassiilluni aalisarsinnaanermik akuersissuteqartunut angallatip annerpaaffissaanik piumasaqaat 9 miiterimut qaffanneqassappat, aalisartunut inuiaqatigiinnullu sunniutissai pillugit Naalakkersuisut misissueqqullugit peqquneqarnissaannik inatsisartut aalajangiiffigisassaattut siunnersuut. Misissuinermi inernerit kingusinnerpaamik UPA2023-imi inatsisartunut agguaanneqassapput.
Siumup Inatsisartunut ilaasortaatitai
Nassuiaat
Siumup Inatsisartunut ilaasortaatitai
UPA/FM-22
95
Tasiilami efterskolemik pilersitsinissaq siunertaralugu pilersaarummik UPA 2023-mi Naalakkersuisut saqqummiusseqqullugit Inatsisartut aalajangiiffigisassaattut siunnersuut.
Inatsisartunut ilaasortaq Mala Høj Kuko, Siumut
Pilersaarut
Inatsisartunut ilaasortaq Mala Høj Kuko, Siumut
UPA/FM-22
98
Saammaasseqatigiinnissamut Isumalioqatigiissitat innersuussutaat arfineq marluk naammassiniarlugit suliniummik aallartitsinissaat pillugu Naalakkersuisut peqquneqarnissaannik Inatsisartut aaliangiiffigisassaattut siunnersuut, iliuusissatullu pilersaarut UPA23-imi Inatsisartunut Naalakkersuisunit saqqummiunneqassasoq.
Inatsisartunut ilaasortaq Doris Jakobsen Jensen, Siumut
Nalunaarusiaq
Inatsisartunut ilaasortaq Doris Jakobsen Jensen, Siumut
UPA/FM-22
115
Inatsisartut aaliangigassatut siunnersuut Naalakkersuisut peqquneqassasut takornariaqarnermi suliffeqarfiit ingerlatani nalunaarusiakkut qulaajassallugit, qanoq iliornikkut nunaqavissut inatsisitigut allaffisornikkut aaqqissuussaanertigullu il.il sunniuteqarnerpaamik aalajangiisinnaalernissaat, nalunaarusiaq kingusinnarpaamik inatsisartunut agguaanneqassaaq UPA 2023-imi.
Siumup Inatsisartunut ilaasortaatitai
Nassuiaat
Siumup Inatsisartunut ilaasortaatitai
UPA/FM-22
155
Organistinik amigaateqarneq, suullu peqqutaanersut pillugit Naalakkersuisut UKA2023-mi agguaassassamik nalunaarusioqqullugit Inatsisartut aalajangiiffigisassaattut siunnersuut. Nalunaarusiami akissarsianut tunngasut, ilinniartitsinikkullu neqeroorutaasinnaasut il.il. qulaajarneqassapput, kiisalu qanoq iliornikkut amigaateqarneq qaangerniarneqarsinnaanersoq pillugu Naalakkersuisut siunnersuuteqartoqassallutik.
Inatsisartunut ilaasortaq Siverth K. Heilmann, Atassut
Nassuiaat
Inatsisartunut ilaasortaq Siverth K. Heilmann, Atassut
UKA/EM-22
78
Meeqqanut ikiorsiinerit pigasuartuunngitsut timikkut aammalu tarnip pissusaat pillugu immikkoortortaqarfimmut innersuunneqarnermiit annerpaamik qaammat ataaseq ingerlasimanissaanik anguniagalimmik innersuussinissaq kisitsisilersuinissarlu siunertaralugu tarnip pissusaa pillugu aammalu meeqqat timikkut nakorsiartarfianneersunik sukkasuumik suligasuartussanik suleqatigiissitaliornissamik Naalakkersuisut pilersitsinissaat siunertaralugu Inatsisartut aalajangiiffigisassaattut siunnersuut. Suleqatigiissitap taamatuttaaq aningaasatigut sulisutigullu pisariaqartitat ersarissassavaat. Suleqatigiissitap innersuussassat kisitsinerillu UPA 2023 nallertinnagu naammassisimassavaat.
Inatsisartunut ilaasortaq Anna Wangenheim, Demokraatit
Inatsisartunut ilaasortaq Anna Wangenheim, Demokraatit
UKA/EM-22
79
Tarnikkut atugarliorneq aammalu imminut toqunnissamut ernumanartoqarneq akiorniarlugit innuttaasut tarnikkut ikiueqqaarsinnaanissamut pikkorissarfissaannik periarfissiisoqarnissaanut suliniutissatut pilersaarutinik Naalakkersuisut suliaqarnissaat pillugu Inatsisartut aalajangiiffigisassaattut siunnersut. Sammisami attuumassuteqartut, uanilu immikkut piffinni ingerlatsisut kommuunillu suleqatigineqarnissaat Naalakkersuisunit annertuumik anguniarneqassaaq. Periusissiatut pilersaarutit kingusinnerpaamik 1. juni 2023 piareereersimassapput.
Inatsisartunut ilaasortaq Anna Wangenheim, Demokraatit
Inatsisartunut ilaasortaq Anna Wangenheim, Demokraatit
UKA/EM-22
89
Meeqqat ADHD-eqartut, ADD-eertut, autismeqartut aammalu/imaluunniit angstertut suussusersineqarnissaat taamaasillutalu ikiorsinnaanissaat qanoq pikkoriffiginerulersinnaanerinut tigussaasunik innersuussuteqartussanik suleqatingiinnik immikkut ilisimasalinnik pilersinnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut. Suleqatingiit immikkut ilisimasallit innersuussutit 1. juni 2023 nallertinnagu saqqummiutissavai.
Inatsisartunut ilaasortaq Nivi Olsen, Demokraatit
Nalunaarusiaq
Inatsisartunut ilaasortaq Nivi Olsen, Demokraatit
UPA/FM-23
29
Kalaallit Nunaanni illunut inissianullu Radon-ip qinngorneranut illersuutilersuinissamut periarfissanik misissuititsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup imarissavaa pisortat ingerlataanni illuni aamma naammineq illuni inissianilu pisortanit pigineqartuni arlalinni periarfissarsiornissaq. Kingusinnerpaamik 2023-mi ukiaanerani ataatsimiinnermi misissuinermit innersuussutit saqqummiunneqassapput.
Inatsisartunut ilaasortaq Mariane Paviasen, Inuit Ataqatigiit
Inatsisartunut ilaasortaq Mariane Paviasen, Inuit Ataqatigiit
UPA/FM-23
87
Takornariaqarneq aallaavigalugu ilinniarfiusinnaasumik Ilulissani ilinniartoqarfimmik pilersitsinissamut aalajangiisoqarsinnaanissaanut tunngavissanik Naalakkersuisut misissuinissaat pillugu Inatsisartut aalajangiiffigisassaattut siunnersuut. Ilinniartoqarfik minnerpaamik serviceøkonom, Arktisk Turistguide aamma Adventure Guide ilinniakkatut pigissavai. Misissuineq kingusinnerpaamik UKA 2023-mi Inatsisartunut tunniunneqassaaq.
Inatsisartunut ilaasortaq Nivi Olsen, Demokraatit
Nassuiaat
Inatsisartunut ilaasortaq Nivi Olsen, Demokraatit