Ullormut oqaluuserisassat
Ullut ataatsimiiffiusut 28-iat, sisamanngorneq 13. februaarip 2025, nal. 10:00 (Immikkoortoq 2)
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 86
Uunga siunnersuut: Nalunaaquttap aalajangersarneqarnera pillugu Inatsisartut inatsisaata allanngortinneqarneranik Inatsisartut inatsisaat (Nalunaaquttat ingerlaqatigiiffiannut allamut ikaarsaarneq, aasaanerani nalunaaquttap atorunnaarsinneqarnera)
Siumut gruppi
Imm./pkt.: 55
Naalakkersuisut allannguutissatut siunnersuuteqarput
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqarpoq
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqarpoq
Nunatsinni umiartortunngorniarnermi ilinniarfiusinnaasut suulluunniit tamarmik illoqarfimmut ataatsimut, ilinniarfimmullu ataatsimut ataatsimuulersinneqassagaluarpata pitsaaqutigisinnaasaanik pitsaanngequtigisinnaasaanillu aammalu aningaasatigut kingunerisinnasaanik misissueqqillugit Naalakkersuisut peqquneqarnissaannik Inatsisartut aalajangiiffigisassassaattut siunnersuut. Maskinmesterinngorniartarnerup imarsiornernermik ilinniarfiup iluaniilernissaa soorluttaaq nunatsinni umiarsuup naalagaatut ilinniartitsisoqartalersinnaanera misissugassanut ilaassaaq. Misissuineq naammassereersimassaaq UKA25 sioqqullugu.
Inatsisartunut ilaasortaq Peter Olsen, Inuit Ataqatigiit
Imm./pkt.: 79
Imigassamut katsorsaasutut aalajangersimasumik ilinniagaqarsimanissamik inatsisitigut piumasaqaataasut saniatigut allatut ilusilimmik katsorsaasutut ilinniagallit pisortanit, imigassamut pinngitsuuisinnaajunnaarnermik katsorsaanermi tapiliussatut, atorluarneqarnerulernissaannik periarfissiuunneqarnissaat anguniarlugu, Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartuni ilaasortaq Doris Jakobsen Jensen, Siumut
Imm./pkt.: 98
Siullermeerinninnermut Naalakkersuisut allannguutissatut siunnersuuteqarput
Inuussutissarsiornermut Aatsitassanullu Ataatsimiititaliamut innersuunneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
Suliassaqarfik Aningaasarsiornikkut iluarsiissuteqartarneq nakkutilliinerlu, Namminersornermut inatsit naapertorlugu liste II imm. 24, Kalaallit Nunaanni oqartussaavigineqalernissaanut Naalagaaffeqatigiinni oqartussanut isumaqatigiinniarnerit aallartinneqarnissaat siunertaralugu saaffiginninnissaannut Naalakkersuisut peqquneqarnissaat Inatsisartunut aalajangiiffissatut siunnersuut.
Inatsisartunut ilaasortaq Pele Broberg, Naleraq
Imm./pkt.: 125
Inuussutissarsiornermut Aatsitassanullu Ataatsimiititaliamut innersuunneqarpoq
Pisortat namminersortullu suliffeqarfiini atorfinerlaat 30-it inorlugit ukiullit tamarmik kiisalu atorfinerlaat killilimmik pisinnaasallit tamarmik qaammatini arfinilinni siullerni atorfeqarnerminnut atatillugu siunnersorteqartinneqalissappata/ikorfartorteqartinneqalissappata tamatuma iluaqutissartai ajoqutissartaalu allaaseralugit Naalakkersuisut nassuiaasioqqullugit peqquneqarnissaanik Inatsisartut aalajangiiffigisassaattut siunnersuut. Taamatut aaqqissuussisoqarpat tamatuma pisortanut namminersorlutillu inuussutissarsiuteqartunut qanoq akeqarsinnaaneranik naatsorsuinernik nassuiaat imaqassaaq.
Inatsisartunut ilaasortaq Anna Wangenheim, Demokraatit
Imm./pkt.: 52
Siullermeerinninnermut Naalakkersuisut allannguutissatut siunnersuuteqarput
Siullermeerinninnermut Atassummit allannguutissatut siunnersuuteqarput
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqarpoq
Siullermeerinninnermut Atassummit allannguutissatut siunnersuuteqarput
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqarpoq
Kalaallit illuisa ullumikkut sunik suliaqartarnerannut tunngasumik nalunaarusioqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut. Taassuma saniatigut Kalaallit illuisa siunissami aaqqissuussaanikkut qanoq isikkoqarsinnaanerannut, qanoq akisussaaffeqarnissaannik qanorlu atuuffeqarsinnaanerannut tunngasunik innersuussutinik nalunaarusiaq aamma imaqartinneqassaaq.
Inatsisartunut ilaasortaq Peter Olsen Inuit Ataqatigiit
Imm./pkt.: 89
Kultureqarnermut, Ilinniartitaanermut Ilisimatumutsarnermut Ilageeqarnermullu Ataatsimiititalia innersuunneqarpoq
Ilinniarnertuunngorniarfiit aamma ilinniarfiit ingerlaqqiffiusut pillugit inatsisit allannguuteqarnissanik siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, tamatumani qulakkeerneqaqqullugu inuussuttut ilinniarfiini aamma ilinniarfinni ingerlaqqiffiusuni soraarummeernerni, ilinniartut kalaallisut oqaatsiminnik atuisinnaanissaat pisinnaatitaaffittut inissinneqassasoq.
Inatsisartunut ilaasortaq Najaaraq Møller, Siumut
Imm./pkt.: 120
Imm. 120 aamma 121,138 ataatsimut siullermeerneqassapput
Siullermeerinninnermut Naalakkersuisut allannguutissatut siunnersuuteqarput
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Siullermeerinninnermut Naalakkersuisut allannguutissatut siunnersuuteqarput
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Suliassani meeqqanut inuusuttunullu tunngasuni sulianik ingerlatsisarnerup pitsaanerulernissaa qularnaarniarlugu angajoqqaatut oqartussaassuseqartunik, angajoqqaatut oqartussaatitaasunik akuersissuteqarnermillu nalunaarutinik qitiusumik nalunaarsuiffimmik isumannaatsumik pilersitsinissamut suut aporfiunersut pillugit UPA2025 nallertinnagu nassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarsuiviup pilersinneqarnerata ingerlanneqarneratalu qanoq akeqarnissaannut naatsorsuinernik nassuiaat imaqassaaq.
Inatsisartunut ilaasortaq Anna Wangenheim, Demokraatit
Imm./pkt.: 121
Imm. 121 aamma 120,138 ataatsimut siullermeerneqassapput
Siullermeerinninnermut Naalakkersuisut allannguutissatut siunnersuuteqarput
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Siullermeerinninnermut Naalakkersuisut allannguutissatut siunnersuuteqarput
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Meeqqat immikkut pisariaqartitsisut piaarnerusumik kinaassusersillugillu misissorneqartarnissaat qularnaarniarlugu perorsaanikkut tarnikkullu siunnersuisarneq (Misi/PPR) eqqarsaatigalugu kommunit suleqatigalugit nunamut tamarmut najoqqutassianik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq / Medlem af Inatsisartut Anna Wangenheim, Demokraatit
Imm./pkt.: 138
Imm. 138 aamma 120,121 ataatsimut siullermeerneqassapput
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Siullermeerinninnermut Inuit Ataqatigiinnit allannguutissatut siunnersuuteqarput
Ilaqutariinnermut Peqqissutsimullu Ataatsimiititaliamut innersuunneqarpoq
Kommunini inunnik isumaginninnikkut sagsbehandlerit ikippallaarneri, suliassallu amerlavallaarnerisa aaqqiivigineqarnissaat pillugu Naalakkersuisut nalunaarusioqqullugit Inatsisartut aalajangiiffigisassaattut siunnersuut. Nalunaarusiaq UPA2025-mi agguaanneqassaaq.
Inatsisartunut ilaasortaq Bentiaraq Ottosen, Atassut