Ullormut oqaluuserisassat
Ullut ataatsimiiffiusut 20-iat, marlunngorneq 19. novembarip 2024, nal. 10:00 (Immikkoortoq 1)
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 48
Aalisarnermut, Piniarnermut Nunalerinermullu Ataatsimiititaliamut innersuunneqarpoq
Uunga siunnersuut: Piniarneq aallaaniarnerlu pillugit Inatsisartut inatsisaata allanngortinnera pillugu Inatsisartut inatsisaat
(Akiliisitsilluni aallaaniarnermik aaqqissuussisartunut najugaqartussaatitaanermut piumasaqaatip ukiunit marlunnit ukiunut tallimanut sivitsorneqarnera aammalu akuersissutitaarnissamut immikkut akuersinissamut malittarisassat nutarneqarnerat, kiisalu akuersissummik qinnuteqarnermi najugarisaq pillugu uppernarsaatit sukumiinerusumik aalajangersarnerat)
(Akiliisitsilluni aallaaniarnermik aaqqissuussisartunut najugaqartussaatitaanermut piumasaqaatip ukiunit marlunnit ukiunut tallimanut sivitsorneqarnera aammalu akuersissutitaarnissamut immikkut akuersinissamut malittarisassat nutarneqarnerat, kiisalu akuersissummik qinnuteqarnermi najugarisaq pillugu uppernarsaatit sukumiinerusumik aalajangersarnerat)
Aalisarnermut Piniarnermullu Naalakkersuisoq
Imm./pkt.: 30
Inuussutissarsiornermut Aatsitassanullu Ataatsimiititaliamut innersuunneqarpoq
Uunga siunnersuut: Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaata allanngortinneqarnera pillugu Inatsisartut inatsisissaat
(Annikitsunik taarsigassarsititsisarnermik aaqqissuussinermi atorunnaarsitsinissamik ulluliinerup atorunnaarsinneqarnera, qinnuteqartunut piumasaqaatinik sakkukinnerulersitsineq, pisortanut annertuunik akiitsulinnut tapiissuteqartarnerup killilerneqarnerata atorunnaarsinneqarnera aamma allatigut oqaasertalersuinerni allannguutit annikitsut)
(Annikitsunik taarsigassarsititsisarnermik aaqqissuussinermi atorunnaarsitsinissamik ulluliinerup atorunnaarsinneqarnera, qinnuteqartunut piumasaqaatinik sakkukinnerulersitsineq, pisortanut annertuunik akiitsulinnut tapiissuteqartarnerup killilerneqarnerata atorunnaarsinneqarnera aamma allatigut oqaasertalersuinerni allannguutit annikitsut)
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq
Imm./pkt.: 13
Aningaasaqarnermut Akileraartarnermullu Ataatsimiititaliamut innersuunneqarpoq
Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinnissaa pillugu Inatsisartut inatsisaat
(Akileraarusiisarnermi iluarsaaqqinnerup piviusunngortinneqarnera il.il.)
(Akileraarusiisarnermi iluarsaaqqinnerup piviusunngortinneqarnera il.il.)
Aningaasaqarnermut Akileraartarnermullu Naalakkersuisoq
Imm./pkt.: 77
Siull. 18/4
Aappassaaneerinninnermut allannguutissatut siunnersuut Naalakkersuisunit saqqummiunneqartoq
Aappassaaneerinninnermut allannguutissatut siunnersuut Ataatsimiititliamit saqqummiunneqartoq
Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamut innersuunneqaqqippoq
Ilisimatusarfimmi Ilinniartitsisunut, Perorsaasunut aammalu Isumaginninnermut Siunnersortinut ataatsimut kandidatinngorniarfissamik Naalakkersuisut pilersitseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Najaaraq Møller, Siumut
Imm./pkt.: 50
Nunatsinni nerisassiarineqartut pisiniarfinni akiinut suut tunngaviusarnerat pillugu Naalakkersuisut nassuiaasiornissamik peqquneqarnissaannik Inatsisartut aalajangiiffissaattut siunnersuut. Nioqqutissat akitigut pisisartunut pilerinarnerulersinniarlugit qanoq iliortoqarsinnaanera nassuiaammi ilanngullugu tikkuarneqassaaq. Nassuiaat kingusinnerpaamik UKA2025-mi saqqummiunneqarsimassaaq.
Inatsisartuni Ilaasortaq, Mariane Paviasen Jensen, Inuit Ataqatigiit
Imm./pkt.: 100
Naartunermi, erninermi meeravissiartaarnermilu sulinngiffeqartarneq pillugu anaanaasut tamarmik sapaatip akunneranut akunnernik 40-nik erninerminnik, sapaatit akunnerini 19-ini, siornatigut suliffigisimasaq apeqqutaatinnagu ullormusiaqarnissaasa pisinnaatitaaffigilernissaannut, Inatsisartut inatsisaasa allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napaattooq, Naleraq
Imm./pkt.: 142
Suleqatigiissitamik immikkut ilisimasalinnik inuttaqartumik meeqqat atuarfiannik iluarsaaqqinnissamut kaammattuutitalimmik nalunaarusiortussamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Tamanut tunngasunik kaammattuutit saniatigut nalunaarusiaq meeqqat autismemik; ADD/ADHD-mik annilaangasarnermillu nappaateqartunut sammisumik meeqqat atuarfianni immikkut ilinniartitsinernut neqeroorutinut kaammattuutinik imaqassaaq. Nalunaarusiaq UKA 2025-imut atatillugu Inatsisartunut agguaanneqassaaq.
Inatsisartunut ilaasortaq Anna Wangenheim, Demokraatit
Imm./pkt.: 129
Kommunit aningaasaqarnertik nammineernerullutik akisussaaffeqarnerullutillu aqussinnaalernissaat pillugu Naalakkersuisut UKA2025-mut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C Jerimiassen, Atassut
Imm./pkt.: 130
Kommunit nutaamik agguataarlugit aaqqissuunneqarnissaat pillugu Naalakkersuisut UPA2025-mut agguaassassamik nalunaarusioqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C Jerimiassen, Atassut
Imm./pkt.: 119
Najugaqatigiiffinni tamani pisortanit pigineqartuni ajornartorsiutip siusissukkut iliuuseqarfigineqartarnissaa siunertaralugu inissiani attartortittakkani aaqqissuussamik ikinnerpaamik ukiumut ataasiarluni oqoqassutsimik misissuisoqartalernerata aningaasatigut allaffissornikkullu kingunerisassaannik qulaajaaviusussamik Naalakkersuisut nassuiaasioqqullugit peqquneqarnissaannik Inatsisartut aalajangiiffigisassaattut siunnersuut. Nassuiaammi taamatuttaaq qitiusumik qarasaasiatigut paasissutissaasivimmik assigisaanilluunniit misissuinernik nalunaarsuiviusussamik pilersitsineq eqqarsaatigalugu tamatumani aningaasatigut kingunerisassai qulaajarneqassapput. Najugaqartunut oqummik sapigalinnut pisortallu inissiaataanni attartortittakkami oquttumi najugaqarsimanerup malitsigisaanik nappaateqalersimasunut immikkut ilisimasalinnit peqqissutsikkut ikiorsiinissamut tapersersuinissamullu neqerooruteqartoqartalerpat tamatuma aningaasatigut kingunerisassai nassuiaammi qulaajarneqassapputtaaq.
Inatsisartunut ilaasortaq Anna Wangenheim, Demokraatit
Imm./pkt.: 90
Meeqqat atuarfianni nukarlerni oqaatsit atuartitsissutit aaqqissuussaanerat pissusissamisut inissisimanersut pillugit apeqquteqaat aallaavigalugu oqallinnissamik siunnersuut.
Inatsisartunut ilaasortaq Najaaraq Møller, Siumut
Imm./pkt.: 106
Meeqqat atuarfiini atuartunut ilinniartitsisunullu atugarissaarneq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Mette Arqe-Hammeken, Naleraq
Imm./pkt.: 148
Nunatsinni oqaatsit atorneqartut tuluttullu oqaatsit annerusumik atorneqaleriartortut pillugit ilinniartitaanikkut pisortallu allattoqarfiini qanoq tulluarsaasinnaanersugut Inatsisartunut apeqquteqaat aallaavigalugu oqallisissiassatut siunnersuut.
Inatsisartunut ilaasortaq Aqqalu C. Jerimiassen, Atassut