Ullormut oqaluuserisassat

Nal. 10:00-imiit 11:00-imut akunneq apeqquteqarfissaq.

Ullormut oqaluuserisassanut nassuiaat.

Nalunaarasuartaatitigut atassuteqarneq nalunaarasuartaatitigullu kiffartuussinerit pillugit Inatsisartut inatsisaata allanngortinneqarnera pillugu Inatsisartut inatsisissaattut siunnersuut (Nunap immikkoortuini akitigut naligiissaarisoqarnissaanut aamma ajunaalernerni isumannaallisaanikkullu sullissiffiusut annertusineqarnissaannut akuersissummik pigisaqartumut peqqusinissamut tunngavissaq)

Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinnissaa pillugu Inatsisartut inatsisaat
(Sulisorisanik atukkiussinermi nalunaaruteqarnissamut pisussaaffik)

Uunga siunnersuut: Filmiliortarneq pillugu Inatsisartut inatsisaat

Uunga siunnersuut Peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut Inatsisaat

Uunga siunnersuut: Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaata allanngortinneqarnissaa pillugu Inatsisartut inatsisaat, Inissianik attartortitsisarneq pillugu Inatsisartut peqqussutaat pillugu Namminersorlutik Oqartussat nalunaarutaanik allanngortitsineq, Unammilleqatigiinneq pillugu Inatsisartut inatsisaanik allanngortitsineq, Siusinaartumik pensionisiat pillugit Inatsisartut inatsisaanik allanngortitsineq, Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaanik allanngortitsineq, aamma Pinngortitamik illersuineq pillugu Inatsisartut inatsisaanik llanngortitsineq (Maalaaquteqartarfiit suleriusai pillugit inissiineq pillugu maleruagassanik allannguuteqarneq)

Uunga siunnersuut: Pisortanut akiitsut akilersinniarneqartarnerat, pinaveersaartinneqarnissaallu pillugit Inatsisartut inatsisaata allanngortinneqarnera pillugu Inatsisartut inatsisaat.
(Atuuffissaasa annertusitinneqarnerat, ilanngaatiginnissinnaatitaanerup annertusitinneqarnera, naatsorsuilluni akiliinissamut piffissaliussap allanngortinneqarnerata malitsigisaanik sunniutaasumik allanngortitsineq, akiligassiissutit aningaasartaasa minnerpaaffissaat, atsiornissamut piumasaqaatinut ilaatitsinnginnissamut piginnaatitsissut, akiligassiissutit annikitsut isumakkeerneqartarnerat)

Savaateqarfinnut inoqarfinnullu allanut nannut tikiuttut qimaatinniarsareqqaarnagit takunneqqaartumit pisarineqarsinnaalersillugit Namminersorlutik Oqartussat nalunaarutaanni nr. 5-imi, 6. marts 2023-meersumi aalajangersakkat allanngortinneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nannup pisarineqartup neqaa najukkami agguaanneqassaaq sinneralu pisaqartumut tunniunneqarsinnaassalluni.

Nunatta kujataani nannuttassiissutigineqartartut ukiumut sisamaasut 2025-imiit ikinnerpaamik ataavartumillu qulinngortinneqarnissaat qulakkeeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.

Meeqqat 18-inik ukioqalernissami tungaanut pisortat ingerlataannik angalatitsiviit aqqutigalugit angalasussaatillutik meeqqatut akeqalernisssaat, aningaasatigut qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq meeqqat akikinnermik angalasarnerannut malittarisassat allanngortinnissaannik tunngaviliissaaq, kingusinnerpaammilu UPA2025-mi inatsisartunut saqqummiunneqassalluni.

Soraarninngornikut pisortat ingerlataannik angalatitsiviit aqqutigalugit akikinnerusumik angalasinnaanerat ukioq naallugu atuutilernissaa aammalu soraarninngornikunut billetsit ukioq naallugu killeqanngitsumik pisiassaasinnaanerat aningaasatigut qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq soraarninngornikut akikinnermik angalasarnerannut malittarisassat allanngortinnissaannik tunngaviliissaaq, kingusinnerpaammilu UPA2025-mi inatsisartunut saqqummiunneqassalluni.

Pisortat namminersortullu suliffeqarfiini sulilerlaat tamarmik sullivimmi isumannaallisaanermik ilinniagaqarsimanissaasa inatsisitigut piumasaqaataalernerata aningaasatigut allaffissornikkullu kingunerisassaasa ersersinneqarnissaat siunertaralugu nassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat UKA 2025 nallertinnagu Inatsisartunut agguaanneqassaaq.

Uunga siunnersuut: Inuit innarluutillit tapersersorneqarnissaannut Inatsisartut inatsisaat

Kalaallit illuisa ullumikkut sunik suliaqartarnerannut tunngasumik nalunaarusioqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut. Taassuma saniatigut Kalaallit illuisa siunissami aaqqissuussaanikkut qanoq isikkoqarsinnaanerannut, qanoq akisussaaffeqarnissaannik qanorlu atuuffeqarsinnaanerannut tunngasunik innersuussutinik nalunaarusiaq aamma imaqartinneqassaaq.

Ilinniarnertuunngorniarfiit aamma ilinniarfiit ingerlaqqiffiusut pillugit inatsisit allannguuteqarnissanik siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, tamatumani qulakkeerneqaqqullugu inuussuttut ilinniarfiini aamma ilinniarfinni ingerlaqqiffiusuni soraarummeernerni, ilinniartut kalaallisut oqaatsiminnik atuisinnaanissaat pisinnaatitaaffittut inissinneqassasoq.