Ullormut oqaluuserisassat

Ullormut oqaluuserisassanut nassuiaat.

Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinnissaa pillugu Inatsisartut inatsisaat
(Akileraarusiisarnermi iluarsaaqqinnerup piviusunngortinneqarnera il.il.)

Uunga siunnersuut: Ilinniarnertuunngorniartarneq pillugu Inatsisartut inatsisaata allanngortinneqarnera pillugu Inatsisartut inatsisaat
(Ukiut pingasut sinnerlugit sivisussusilimmik ilinniarfigerusutamut akuerisaanissamut
ilassutitut piumasaqaatit)

Kalaallit Nunaanni eqqartuussisarnermik inatsisip, Kalaallit Nunaanni pinerluttulerinermi inatsisip, qularnaveeqqusiisarneq pillugu Kalaallit Nunaannut inatsisip aamma aappariinnerup inatsisitigut sunniuteqarnera pillugu inatsisip Kalaallit Nunaannut atuutilersinneqarsimasup allanngortinneqarneri pillugit inatsimmut missingiutip (Eqqartuussivinnut 2024-imiit 27 ilanngullugu ukiunut arlalinnut isumaqatigiissutip ilaanik naammassinninneq) Kalaallit Nunaanni Namminersorlutik Oqartussanit akuersissutigineqarnissaa pillugu Inatsisartunut aalajangiiffigisassatut siunnersuut

Uunga siunnersuut: Kalaallit Nunaanni eqqartuussisarnermik inatsisip allanngortinneqarnissaa pillugu inatsisissatut siunnersuut (akiliisitsisarnermut eqqartuussivik ikiorsiullugu akiligassanik (akiliisitsiniarneq)

Siunnersuut uunga: Kalaallit Nunaannut suliffissarsiortut killilersimaarnissaat pillugu Inatsisartut inatsisaata allanngortinnissaa pillugu Inatsisartut inatsisaat (Inuit immikkut ittumik Kalaallit Nunaannut attuumassuteqartutut
isigineqarsinnaanissaannut tunngatillugu piumasaqaatinik allannguineq)

Uunga siunnersuut: Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaata allanngortinneqarnera pillugu Inatsisartut inatsisissaat
(Annikitsunik taarsigassarsititsisarnermik aaqqissuussinermi atorunnaarsitsinissamik ulluliinerup atorunnaarsinneqarnera, qinnuteqartunut piumasaqaatinik sakkukinnerulersitsineq, pisortanut annertuunik akiitsulinnut tapiissuteqartarnerup killilerneqarnerata atorunnaarsinneqarnera aamma allatigut oqaasertalersuinerni allannguutit annikitsut)

Kalaallit Nunaanni pinerluttulerinermi inatsisip aamma Kalaallit Nunaanni eqqartuussisarnermik inatsisip allanngortinneqarnerat pillugit inatsisip (Malersuineq akiorniarlugu suliniutit patajaallisaavigineqarnerat, kinaassutsimik atornerluinerup pinerluutinngortinneqarnera aamma unnerluussuteqarnissamut piffissaliussap unitsinneqarnera il.il.) pillugu missingiutip Kalaallit Nunaanni Namminersorlutik Oqartussanit akuersissutigineqarnissaa pillugu Inatsisartut aalajangiiffigisassaattut siunnersuutip aamma Qanilleqqusinnginneq, najugaqataasinnaannginneq aamma anisitsisarneq pillugit inatsisip allanngortinneqarnera pillugu inatsisit assigiinngitsut Kalaallit Nunaannut atuutilersinneqarnissaat pillugu peqqussutissamut missingiut

Uunga siunnersuut: Inuussutissarsiutigalugu aalisartut, inuussutissarsiutigalugu piniartut inuussutissarsiutigalugulu nunalerinermik ingerlataqartut aallarteqqinnissamut tapiiffigineqartarnerat pillugu inatsisartut inatsisaata allanngortinnera pillugu Inatsisartut inatsisaat (Silap pissusianik pissuteqartumik ajornartorsiornerni ajunaarnersuarnullu assingusuni pisuni aallarteqqinnissamut tapiissutisisinnaaneq, akiliutigineqartartut qaffanneri kiisalu qinnuteqarnermi piffissaliussat eqqunneqarneri)

Siunnersuut uunga: Utoqqarnut tapersersuinissaq pillugu Inatsisartut inatsisaat

Nunatsinni umiartortunngorniarnermi ilinniarfiusinnaasut suulluunniit tamarmik illoqarfimmut ataatsimut, ilinniarfimmullu ataatsimut ataatsimuulersinneqassagaluarpata pitsaaqutigisinnaasaanik pitsaanngequtigisinnaasaanillu aammalu aningaasatigut kingunerisinnasaanik misissueqqillugit Naalakkersuisut peqquneqarnissaannik Inatsisartut aalajangiiffigisassassaattut siunnersuut. Maskinmesterinngorniartarnerup imarsiornernermik ilinniarfiup iluaniilernissaa soorluttaaq nunatsinni umiarsuup naalagaatut ilinniartitsisoqartalersinnaanera misissugassanut ilaassaaq. Misissuineq naammassereersimassaaq UKA25 sioqqullugu.

Imigassamut katsorsaasutut aalajangersimasumik ilinniagaqarsimanissamik inatsisitigut piumasaqaataasut saniatigut allatut ilusilimmik katsorsaasutut ilinniagallit pisortanit, imigassamut pinngitsuuisinnaajunnaarnermik katsorsaanermi tapiliussatut, atorluarneqarnerulernissaannik periarfissiuunneqarnissaat anguniarlugu, Naalakkersuisut peqquneqarnissaannik Inatsisartut aalajangiiffigisassaattut siunnersuut.

Suliassaqarfik Aningaasarsiornikkut iluarsiissuteqartarneq nakkutilliinerlu, Namminersornermut inatsit naapertorlugu liste II imm. 24, Kalaallit Nunaanni oqartussaavigineqalernissaanut Naalagaaffeqatigiinni oqartussanut isumaqatigiinniarnerit aallartinneqarnissaat siunertaralugu saaffiginninnissaannut Naalakkersuisut peqquneqarnissaat Inatsisartunut aalajangiiffissatut siunnersuut.

Pisortat namminersortullu suliffeqarfiini atorfinerlaat 30-it inorlugit ukiullit tamarmik kiisalu atorfinerlaat killilimmik pisinnaasallit tamarmik qaammatini arfinilinni siullerni atorfeqarnerminnut atatillugu siunnersorteqartinneqalissappata/ikorfartorteqartinneqalissappata tamatuma iluaqutissartai ajoqutissartaalu allaaseralugit Naalakkersuisut nassuiaasioqqullugit peqquneqarnissaanik Inatsisartut aalajangiiffigisassaattut siunnersuut. Taamatut aaqqissuussisoqarpat tamatuma pisortanut namminersorlutillu inuussutissarsiuteqartunut qanoq akeqarsinnaaneranik naatsorsuinernik nassuiaat imaqassaaq.