Ullormut oqaluuserisassat
Ullut ataatsimiiffiusut aqqarnat, sisamanngorneq 12. oktobarip 2023, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 49
Imm. 49 aamma 74 ataatsimut siullermeerneqassapput
Naalakkersuisut allannguutissatut siunnersuuteqarput akuerineqarpoq
Naalakkersuisut allannguutissatut siunnersuuteqarput akuerineqarpoq
Naalakkersuisut – Inatsisartuni ataatsimiititaliaq suleqatigalugu – Kalaallit Nunaanni Inatsit Tunngaviusussaq pillugu missingiutip, Inatsit Tunngavisussaq pillugu Isumalioqatigiissitap suliarisaata suliareqqinneqarnissaanik piaartumik qulakkeerinneqqullugit inatsisartut aalajangiiffigisassaattut siunnersuut. Suliareqqiinermi ilaatigut innuttaasut, ilinniarfeqarfiit soqutigisaqaqatigiillu kattuffii peqataatinneqassapput.
Inuit Ataqatigiit Inatsisartuni ilaasortaatitaat
Imm./pkt.: 74
Imm. 49 aamma 74 ataatsimut siullermeerneqassapput
Naalakkersuisut allannguutissatut siunnersuuteqarput akuerineqarpoq
Naalakkersuisut allannguutissatut siunnersuuteqarput akuerineqarpoq
Inatsit tunngaviusussaq pillugu Isumalioqatigiissitat tunngaviusumik inatsisissamut missingiusiaat pillugu innuttaasut akornanni isummersoqatigiinnissamut periarfissiisoqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Siumup Inatsisartuni gruppia
Imm./pkt.: 116
“Inuuniarnermikkut ajornartorsiuteqartut pillugit siunnersuisooqatigiit” pilersinneqarnissaannut Naalakkersuisut peqquneqassasut Inatsisartut aalajangiiffigisassaattut siunnersuut.
Inatsisartunut Ilaasortaq Jens-Frederik Nielsen, Demokraatit
Imm./pkt.: 132
Ilulissani imeqarfiup siunissami nunap qeriuaannartup aakkiartuaarnerani atuutiinnarsinnaanera qulakkeerneqarsinnaanersoq kiisalu amittorsuup tasia imeqarfissatut periarfissatut tulluussinnaanersoq pillugu Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartuni ilaasortaq Aqqalu C. Jerimiassen, Atassut