Ullormut oqaluuserisassat
Ullut ataatsimiiffiusut aqqaneq-tallimaat, marlunngorneq 25. October 2022, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 116
Uunnga siunnersuut: Radiukkut tv-kkullu aallakaatitsisarneq pillugu Inatsisartut Inatsisaata allanngortinnissaa pillugu Inatsisartut inatsisissaattut siunnersuut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Imm./pkt.: 141
Soraarnerussutisiaqarnissamut aaqqissuussinermut pinngitsoorani ilaanissaq pillugu Inatsisartut inatsisaata nr. 21, 28. november 2016-imeersup atorunnaarsinneqarnissaa pillugu siunnersuummik, kingusinnerpaamik UKA2023-mi, saqqummiussinissamut Naalakkersuisut peqquneqarnissaannik Inatsisartut aalajangaaffigisassaattut siunnersuut.
Inatsisartunut ilaasortaq Pele Broberg, Naleraq
Imm./pkt.: 113
Uunga siunnersuut: Sulisitsisup sulinermik inuussutissarsiuteqartumik atorfeqarnermi atugassarititaasut pillugit ilisimatitsisussaaneranut Inatsisartut inatsisaat (atorfeqarnermut uppernarsaasarnermut inatsit)
Isumaginninnermut, Suliffeqarnermut Nunamullu Namminermut Naalakkersuisoq
Imm./pkt.: 18
Ruslandimut Belarusimullu killilersuutaasunik suliniuteqarnissat naammassineqarnissaat pillugit Kalaallit Nunaannut inatsisissamut siunnersuut pillugu Inatsisartut aalajangiiffigisassaattut siunnersuut.
Naalakkersuisut Siulittaasuat
Imm./pkt.: 35
Isertuussanik kalerriisartut pillugit inatsisissamik kalerriisartunik illersuisussamik Naalakkersuisut piareersaallutillu siunnersuuteqarnissaannik, suliassallu tamatuma aalajangiiffigisassatut siunnersuut manna akuersissutigineqarniariarpat aallartinneqarnissaanik, peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Asii Chemnitz Narup, Inuit Ataqatigiit
Imm./pkt.: 80
Aappassaaneerinninnermi allannguutissatut siunnersuut Ataatsimiititliamit saqqummiunneqartoq akuerineqarpoq.
Ilinniartitsisunngorlaat meeqqanut inuusuttunullu tarnikkut ajornartorsiutilinnut pitsaanerusumik sullissisinnaanngornissaat anguniarlugu ilinniartitsisunngorniarnermi tarnip pissusaa pillugu ikiuigasuarsinnaaneq aammalu meeqqat tarnikkut nappaatigisartagaat pillugit ilisimatusarneq eqqunneqarnissaat anguniarlugu Naalakkersuisut sulissuteqassallutik peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit
Imm./pkt.: 88
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Angerlarsimaffinni varmepumpenik aammalu solcellinik pilersitsinissamut pitsaaqutit aammalu ajoqqutit misissornissaanut Naalakkersuisut nassuiaammik suliaqarnissaat pillugu Inatsisartut aalajangiiffigisassaattut siunnersuut. Nassuiaat taakkuninnga ikkussisoqartillugu Namminersorlutik Oqartussat tapiissuteqarsinnaanissaannut aaqqiissummik eqqarsaatersuutinik imaqassaaq. Nassuiaat kingusinnerpaamik EM 2023 Inatssartunut tunniunneqassaaq.
Inatsisartunut ilaasortaq Nivi Olsen, Demokraatit
Imm./pkt.: 73
Nakorsat kigutillu nakorsai kalaaliusut sooq ilinniagartik arlalitsigut nunatsinni atornagu nunattali avataani atortarneraat kvalitativiusumik misissorneqarnissaanik Naalakkersuisut peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit
Imm./pkt.: 33
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Nivaap imartaata itisilernissaanut 2023-mi misissueqqissaarnissamut Naalakkersuisut peqquneqarnissaannik Inatsisartut aalajangiiffingisassaattut siunnersuut.
Inatsisartunut ilaasortaq Kristian Jeremiassen, Inuit Ataqatigiit