Ullormut oqaluuserisassat
Ullut ataatsimiiffiusut 30-iat, marlunngorneq 4. June 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
![](/assets/layout/images/ajax-loader.gif)
Imm./pkt.: 32
Allannguutissatut siunnersuut Sanaartornermut Ataatsimiititalimit isumaqatigiittumit saqqummiunneqartoq akuerineqarpoq.
Aqqusinernik aaqqissuussinernut pilersitsisarnernullu, ilisimalikkanik ataqatigiissaariitigaluni katersuivimmik, kommunillu susassaqarfimmi suliniutaannik ikorfartuisarfimmik aqqusineqarnikkut ingerlatsivimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Hermann Berthelsen, Siumut
![](/assets/layout/images/ajax-loader.gif)
Imm./pkt.: 189
Allannguutissatut siunnersuut Ilaqutariinnermut Peqqissutsimullu Ataatsimiititalimit isumaqatigiittumit saqqummiunneqartoq akuerineqarpoq.
Nunaqarfinni innuttaasut peqqinnissaqarfiup allalluunniit assingusumik piginnaaneqartut ingerlatassaannik inuunernik peqqinnermilllu annaassiniarluni ikiueqqaarnernik pikkorissartinneqartalernissaannik pisariaqartitsinernik periarfissanillu Naalakkersuisut peqquneqarnissaannik Inatsisartut aalajangiffigisassaatut siunnersuut. Misissuineq ukioq 2019 naatinnagu qanoq aningaasalersorneqarnissaanut pisariaqartitsinerit periarfissallu Inatsisartunut saqqummiunneqassaaq.
Inatsisartunut ilaasortaq Doris J. Jensen, Siumut
![](/assets/layout/images/ajax-loader.gif)
Imm./pkt.: 121
Ilinniagaqarnersiutit pillugit nalunaarutip allannguutissaatut siunnersuuummik kingusinnerpaamik UKA 2019 sioqqullugu saqqummiusseqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut. Taamaalilluni ilinniartup ilinniarluni aallartinnermi kingorna, akiliunneqarluni angalasinnaatitaanini siulleq juullimi imaluunniit aasakkut atuanngiffiup nalaani atussanerlugu nammineerluni aaliangersinnaaleqqullugu.
Inatsisartunut ilaasortaq Peter Olsen, Inuit Ataqatigiit
![](/assets/layout/images/ajax-loader.gif)
Imm./pkt.: 51
UPA2020 tikitsinnagu uangut politikerit mingutsitsinnginnerunissamut silallu pissusaanik allanngortitsinnginnerusussanik iliuusissatsinnut innersuussisussamik suleqatigiisitamik immikkut ilisimasalinnik inuttalimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Innersuussinerit tamarmik immikkut imaqassapput aningaasatigut kingunerusussanik inuiaqatigiinnut aamma innuttaasunut/sullivinnut.
Inatsisartunut ilaasortaq Steen Lynge, Demokraatit
![](/assets/layout/images/ajax-loader.gif)
Imm./pkt.: 182
Allannguutissatut siunnersuut Inuit Ataqatigiinnit saqqummiunneqartoq itigartinneqarpoq.
Timersortartut nuna sinnerlugu unammisartut sungiusaqatigiittarnissaminnut periarfissagissaarnerulernissaat misissoqqullug Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuineri annermik angallannermut akit qaffaseqisut unamminarsinnaaneri immikkut isiginiaqquneqarput. Naalakkersuisut Timersoqatigiit Kattuffiannut, specialforbundinut kiisalu allanut soqutigisaqaqatigiinnut susassaqartunut attaveqaqquneqarput siunertaralugu misissuinermut UPA2020-mit Inatsisartunut agguaanneqartussamut, peqataatitsinissaq.
Inatsisartunut ilaasortaq Nivi Olsen, Demokraatit
![](/assets/layout/images/ajax-loader.gif)
Imm./pkt.: 67
Namminersorlutik Oqartussat pigisaanni, pisortat suliffeqarfiutaanni misissueqqissaarnermi iluaqutaasinnaasut aamma ajoqutaasinnaasut selskabit niuertorpalaartumik ilusiligaasimanerannut aaqqissuussisimanermi siunertaqartunuinnaanngitsoq taamaattorli aamma immikkuullarissumik politikikkut qajassuussinissaq pillugu UKA2019-mut saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Partii Naleraq
![](/assets/layout/images/ajax-loader.gif)
Imm./pkt.: 193
Piniakkanik killilersukkanik ukiumi pisassiiffiusumi Qilalukkanik qernertanik Qilalukkanik qaqortanik aammalu Nannunik, ukiup qaammataani qaammatit marluk Decemberimi Januar-milu pisassiiffiujunnaartinneqarnissaannik Naalakkersuisut peqquneqarnissaannik inatsisartut aaliagiiffigisassaattut siunnersuut.
Inatsisartunut ilaasortaq Karl-Kristian Kruse, Siumut
![](/assets/layout/images/ajax-loader.gif)
Imm./pkt.: 221
Piniakkat killilersukkat Avanersuarmi Ittoqqortoormiinilu qilalukkat qernertat qaqortallu, aaveq aamma nanoq pillugit periarfissaqarnersoq misissuisoqassasoq, kiisalu sunik suliniutinik killilersuisoqarunnaarnissaa pillugu Naalakkersuisut UPA2020-imut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq
![](/assets/layout/images/ajax-loader.gif)
Imm./pkt.: 140
Namminersorlutik Oqartussat ingerlatseqatigiiffiini whistleblowerit pillugit aaqqissuussinermik eqqusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Steen Lynge, Demokraatit
![](/assets/layout/images/ajax-loader.gif)
Imm./pkt.: 229
Kangiani, Kalaallit Nunaatalu sineriaani meeqqat ikiorneqarnissaat tunngavigalugu Naalakkersuisut Danskit Naalagaffiannut ikioqqullutik saaffiginnissuteqassasut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortat Partii Naleraq, Demokraatit, Atassut, Suleqatigiisitsisut aamma Inuit Ataqatigiit
![](/assets/layout/images/ajax-loader.gif)
Imm./pkt.: 57
Allannguutissatut siunnersuut Inuussutissarsiornermut Aatsitassanullu Ataatsimiititalimit isumaqatigiittumit saqqummiunneqartoq akuerineqarpoq.
Tallimanngornerup arfininngornerullu unnuaani kiisalu ullut freerfiusussat nallilerneranni ullaassakkut 05.00-p tungaanut imigassamik sassaaliisalernissaq anguniarlugu Imigassamut inatsimmi § 26-p allanngortinnissaanut siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Justus Hansen, Demokraatit
![](/assets/layout/images/ajax-loader.gif)
Imm./pkt.: 179
Allannguutissatut siunnersuut Naalakkersuisunit saqqummiunneqartoq itigartinneqarpoq.
Qinnuteqartoqartillugu qinnuteqartup qinnuteqarneraniit ullut qulit qaangiunneranni qinnuteqartoq allamik naluaarfigineqarsimanngippat qinnutigineqartup inatsisitigut akuerineqartutut isigineqartalernissaa anguniarlugu Kalaallit Nunaannut suliffissarsiortut killilersimaarneqarnissaat pillugu Inatsisartut inatsisaanni § 6 imm. 3 allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortat Randi Vestergaard Evaldsen aamma Justus Hansen, Demokraatit
![](/assets/layout/images/ajax-loader.gif)
Imm./pkt.: 12
2020-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiiffigisassaattut siunnersuut:
1. Inummut ilanngaat..............................................................kr. 48.000 (ukiumut)
2. Ilanngaat aalajangersimasoq..............................................kr. 10.000 (ukiumut)
3. Aningaasarsiat B-t akileraaruteqaataasussaanngitsut.....kr. 5.000 (ukiumut)
4. Killilimmik akileraartussaatitaasunut ilanngaat……......kr. 1.000 (ukiumut)
5. Kommuninut ataatsimut akileraarut........................................6%
1. Inummut ilanngaat..............................................................kr. 48.000 (ukiumut)
2. Ilanngaat aalajangersimasoq..............................................kr. 10.000 (ukiumut)
3. Aningaasarsiat B-t akileraaruteqaataasussaanngitsut.....kr. 5.000 (ukiumut)
4. Killilimmik akileraartussaatitaasunut ilanngaat……......kr. 1.000 (ukiumut)
5. Kommuninut ataatsimut akileraarut........................................6%
Aningaasaqarnermut Nunanilu Avannarlerni Suleqatigiinnermut Naalakkersuisoq
![](/assets/layout/images/ajax-loader.gif)
Imm./pkt.: 136
Nunatsinni saviminikorpassuit eqqakkat iginneqassanngippata qanoq iliornikkut atorluarneqarsinnaaneri pillugu apeqquteqaat aallaavigalugu oqallisissiaq.
Inatsisartunut ilaasortaq Siverth K. Heilmann, Atassut
![](/assets/layout/images/ajax-loader.gif)
Imm./pkt.: 180
Inunnut ulorianartumik pinerluttarnerup qanoq iliorluni millisarneqarneqarsinnaanera pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Justus Hansen, Demokraatit
![](/assets/layout/images/ajax-loader.gif)
Imm./pkt.: 162
Qanoq ililluta nunatsinni e-sport timersoriaatsitut allatulli pisortatigoortumik akuerineqarsinnaanera qulakkeerneqarsinnaanersoq, aningaasatigullu taperneqarsinnaanerannik periarfissat pillugit apeqquteqaat aallaavigalugu oqallisissiassatut siunnersuut.
Inatsisartunut ilaasortaq Aqqalu C. Jerimiassen, Atassut
![](/assets/layout/images/ajax-loader.gif)
Imm./pkt.: 92
Angallatit nuannaariutit pillugit aammalu angallatinut nuannaariutinut tamanut isumannaallisaanermut ajunaalernermullu atortoqarnissamut piumasaqaateqalernissaq pillugu imaani isumannaallisaaneq pillugu apeqquteqaat aallaavigalugu oqallinnissamut siunnersuut.
Inatsisartunut ilaasortaq Aleqa Hammond, Nunatta Qitornai
![](/assets/layout/images/ajax-loader.gif)
Imm./pkt.: 138
Inuusuttut nunanut allanut ilinniariarsimasut inuiaqatigiinnut ilisimasaminnik piginnaasaminnillu ilapittuutaajartorlutik angerlaqqinnissaminnut piumassuseqarnerulernissaat anguniarlugu uagut Inatsisartuni ilaasortat qanoq iliorluta inuusuttut nunaminnut sakkortuumik attuumassuteqartutut misigisimalersissinnaanerigut pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Steen Lynge, Demokraatit
![](/assets/layout/images/ajax-loader.gif)