Ullormut oqaluuserisassat
Ullut ataatsimiiffiusut 28-iat, pingasunngorneq 25. November 2020, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 19
Uunga siunnersuut: Soraarnerussutisiaqalernissamut aaqqissuussinermut peqataasussaatitaaneq pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2020-meersoq.
Aningaasaqarnermut Naalakkersuisoq
Imm./pkt.: 25
Uunga siunnersuut: Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisaat nr. xx, xx. xxx 2019-imeersoq.
Aatsitassanut Suliffeqarnermullu Naalakkersuisoq
Imm./pkt.: 133
Allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq
Akileraartarnermut Atugarsissaarnermullu Isumalioqatigiissitap akileraartarnermut atugarissaarnermullu immikkoortunut innersuussutaanik aallaaveqartumik aaqqissuusseqqinnernik suliaqarnernik aallartitsinissamik Naalakkersuisut peqquneqarnissaannut Inatsisartuni aalajangiiffigisassatut siunnersuut. Sulinissaq immikkoortunik ilanngussaq 1-mi taaneqartunik aallaaveqassaaq. Sulineq 2021 naatinnagu naammassineqareersimassaaq.
Inatsisartunut ilaasortaq Múte B. Egede, Inuit Ataqatigiit
Imm./pkt.: 57
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
Atuarfimmi pisortat perorsaanermi aqutsinissamut piffissaqarnerulernissaat anguniarlugu atuarfimmi allatsitut ilinniarnissamut periarfissaasut misissorneqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermi piginnaasatigut nukittorsaanissamut pisariaqartitsineq nassuiarneqassaaq, ilinniarneq sorleq tulluunnerunersoq, aningaasartuutissatut kingunerisassai aammalu ilinniarfinni atuutereersuni ilinniarsinnaanngornissaq periarfissaanersoq. Misissuinermi kingusinnerpaamik UKA2021-mi saqqummiunneqartussamut soqutigisallit sammisamullu attuumassusillit ilanngunneqarniarsarissapput.
Inatsisartunut ilaasortaq Nivi Olsen, Demokraatit
Imm./pkt.: 112
Illup sananeqarneranut akiusup minnerpaaffissaata inatsisitigut aalajangersarneqartup appartinneratigut pisortat inissiaataanni attartortittakkani ineqarnermut akiliutip appartinneqarnissaanut periarfissat misissoqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinikkut ineqarnermut akiliutip, illup sananeqarneranut akiusup, piginnittut aningaasaliissutinit iluanaarutissaasa aammalu ineqarnermut tapiissutit allanngornerisa imminnut ataqatigiinnerat paasinarsisinneqassapput kiisalu aserfallatsaaliinissamut pilersaarutit attatiinnarneqarnissaat isiginiarneqassalluni. Kiisalu illup illuutit aserfallassimasut sananeqarneranni naliusup ingerlaavartumik nalikillilerneqartarnerani pitsaaqutit ajoqutillu misissuinikkut qulaajarneqassapput. Misissuinerup inerneri Inatsisartunut kingusinnerpaamik UKA 2021-mi agguaanneqassapput.
Inatsisartunut ilaasortaq Erik Jensen, Siumut
Imm./pkt.: 111
Allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq
Kalaallit qimmiat qimuttoq illersorniarlugu kalaallit qimmiannik qimmiutilinnut nerukkaatissarsiutaanut akileraartarnikkut ilangaammik pilersitsisinnaanerup pittaaqutai ajoqqutaalu pillugit Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Doris J. Jensen, Siumut
Imm./pkt.: 26
Umiarsuarnik nalunaarsuineq pillugu maleruagassat Kalaallit Nunaannut atuutilerneri pillugit peqqussutip Namminersorlutik Oqartussanit akuerineqarnissaa pillugu Inatsisartut aalajangiiffigisassaattut siunnersuut.
Ineqarnermut Attaveqaqatigiinnermullu Naalakkersuisoq
Imm./pkt.: 27
Nunap immikkoortuini mittarfinnik tulleriiaarinissamut tunngavissat pillugit Inatsisartut aalajangiiffigisassaattut siunnersuut.
Ineqarnermut Attaveqaqatigiinnermullu Naalakkersuisoq
Imm./pkt.: 118
Utoqqalinersiaqarneq pillugu Inatsisartut inatsisaannik nr. 20, 23. november 2015-meersumik UPA2021-imut allanngortitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni pisortanit utoqqalinersianik pisartagaqarsinnaaneq 66-inik ukioqalernermit pisussanngorlugu allanngortinneqarluni.
Partii Naleqqap Inatsisartunut ilaasortaatitai
Imm./pkt.: 180
Kalaallit Nunaanni utoqqalinermi pensionisiat tunngaviusumik aningaasartaata Qallunaat Nunaanni utoqqalinermi pensionisiat tunngaviusumik aningaasartaannut Qallunaat Nunaannilu soraarnerussutisiamik aaqqissuussinerup nalimmassarnissaanut Naalakkersuisut UKA2021-mi siunnersuummik saqqummiusseqqullugit peqquneqarnissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 24
Uunga siunnersuut: Illuliortiternernut aningaasalersuineq pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2020-meersoq. (Nutaanik inissialiornissamut taarsigassarsiarititat taamaallaat inunnut taarsigassarsiaritinneqartassapput aammalu inuit inissiamut ataatsimut taamaallaat taarsigassarsisinnaallutik)
Ineqarnermut Attaveqaqatigiinnermullu Naalakkersuisoq
Imm./pkt.: 197
Namminersorlutik Oqartussat ingerlatseqatigiiffiutaanni aamma tamakku ataanni ingerlatseqatigiiffinni siulersuisuni ilaasortat akissarsiaqartinneqalernissaannut politikkip kaajallaasitanngortinneratigut pisortatigoortunngortinneqarnissaa pillugu Inatsisartut aalajangiiffigisassaattut siunnersuut.
Naalakkersuisut Siulittaasuat