Ullormut oqaluuserisassat
Ullut ataatsimiiffiusut aqqaneq-aappaat, marlunngorneq 20. October 2020, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 185
Meeravissiartaarneq pillugu inatsimmut aamma angajoqqaat akisussaanerat pillugu inatsimmut allannguutit arlallit Kalaallit Nunaannut atuutilernissaan-nik peqqussutissatut missingiummut (Meeqqamut pitsaanerusussaq, aappariit inooqatigiit meeravissiartaartarnissaannut periarfissiineq, Ankestyrelsenip maalaartarfiunera il.il. meeravissiartaarnermut tunngasuni aamma to-qusoqarnerani angajoqqaatut oqartussaaneq il.il.) Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Isumaginninnermut, Ilaqutariinnut Inatsisinillu Atuutsitsinermut Naalakkersuisoq
Imm./pkt.: 194
Center for Cybersikkerhed (internetikkut isumannaassuseq) pillugu inatsisip Kunngip peqqussutaatigut Kalaallit Nunaannut atuutsinneqalernissaanut Inatsisartut aalajangiussassaatut siunnersuutaa Kalaallit Nunaanni Namminersorlutik Oqartussanit akuerineqassasoq.
Ilinniartitaanermut, Kultureqarnermut Ilageeqarnermullu Naalakkersuisoq
Imm./pkt.: 191
Nioqqutissanik nalunaaqutsersuisarnermut inatsisip allanngortinnissaa pillugu Inatsisip inatsisillu allat assigiinngitsut, kiisalu Eqqartuussisaatsimut inatsisip, Bruxelles I-mut inatsisip inatsisillu allat assiginngitsut allanngortinnissaat pillugit Inatsisit Kalaallit Nunaannut atuutsilernissaat pillugit peqqussutinik Namminersorlutik Oqartussat akuersissuteqarnissaat pillugu Inatsisartut aalajangiussinissaannut Siunnersuut.
Inuussutissarsiornermut Aatsitassanullu Naalakkersuisoq
Imm./pkt.: 119
Immap naasuinik tunisassiornerup pilersinnissaanut annertusarnissaanullu tunngatillugu misileraanernut aningaasaliissutaasartussat siunertamut tulluarnerusumik qanoq ilusilerneqarsinnaanerat atuutsinneqarsinnaanerallu pilugit nassuiaammik Naalakkersuisut saqqummeeqqullugit peqquneqarnissaannik Inatsisartut aalajangiiffigisassaattut siunnersuut. Ilaatigut kommunit inussutissarsiortullu misilittagaat nassuiaammut ilaatinneqassapput. Nassuiaat UKA2021 sioqqullugu Inatsisartunut agguaanneqassaaq, taamaalilluni nassuiaammi inerniliunneqartut AIS2022-ip suliarineranut ilanngunneqarniassammata.
Partii Naleqqap, Inatsisartunut ilaasortaatitai
Imm./pkt.: 107
Nunatsinni sanaartornikkut suliffeqarfiutilinnut mikisunut angivallaanngittunullu sanaartornikkut aningaasalersuutitigullu annertunerusumik akuutitsisinnaanerat pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Doris J. Jakobsen, Siumut
Imm./pkt.: 125
Nunatsinni inulerinermi; isumaginninnikkut, perorsaanikkut, peqqissaanikkut, tarnillu pissussaanik ilisimasaqarnikkut atorfissaqartinneqartut ataatsimoortumik pilersaarusiornikkut pisariaqartitatta qanoq anguneqarnissaanerat pillugu apeqquteqaat aallaavigalugu oqallisissiaq.
Inatsisartunut ilaasortaq Peter Olsen, Inuit Ataqatigiit