Ullormut oqaluuserisassat
Ullut ataatsimiiffiusut 31-iat, ataasinngorneq 30. maajip 2016, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 21
Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 20 16-imeersoq. (Soraarnerussutisiaqarnissamut aaqqissuussinernut nunani allaniittunut akiliutit akileraaruserneqartarnerat)
(Aningaasaqarnermut Aatsitassanullu Naalakkersuisoq)
Imm./pkt.: 67
Nunatsinni erngup nukinga atorlugu pilersuinissamut kiisalu avammut niueruteqarnissamut periarfissat unammilligassallu erngup nukinganik nukissiuuteqarfiusuni piukkunnaatilinnilu Naalakkersuisut nalunaarusiornissamut peqquneqarnissaannik Inatsisartut aalajangiiffigisassaattut siunnersuut. Nalunaarusiami erngup nukinganik nukissiorfinnik pilersitsinissamut aningaasalersuinissaq kiisalu tamatumunnga periarfissat ilaatinneqassapput. Nalunaarusiaq kingsinnerpaamik inatsisartunut UKA2017-imi saqqummiunneqassaaq.
(Inatsisartunut ilaasortaq Anthon Frederiksen, Partii Naleraq)
Imm./pkt.: 39
Aatsitassanut inatsimmiittup § 45c -p allannguutissaatut inatsimmik siunnersuummik kingusinnerpaamik UPA 2017 sioqqullugu saqqummeeqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Taamaalilluni aligoqqiit (diamant), aligut aappalaartut (rubin), safir, smaragd, chrysoberyl, kiisalu opal-it §§ 45-miit 45a-mut malittarisassat malillugit katersorneqarsinnaalersillugit.
(Inatsisartunut ilaasortaq Peter Olsen, Inuit Ataqatigiit)
Imm./pkt.: 116
Uunga siunnersuut: Kulturikkut ingerlatsineq sunngiffimmilu sammisassaqartitsineq pillugit Inatsisartut inatsisaat nr. xx, xx. xx 2016-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 117
Inatsisissatut siunnersuut: Timersorneq timigissarnerlu pillugit Inatsisartut inatsisaat nr. xx, xx. xx 2016-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 163
Siull. 7/10-2015
Allannguutissatut siunnersuut Naalakkersuisumit saqqummiunneqartup taasissutigineqarnera akuerineqarpoq.
Siunnersuut uunga: Eqqumiitsuliornermik ingerlatsineq pillugu Inatsisartut inatsisaat nr. xx xx. xx 2015-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 93
Inatsisartut oqaaseqaatissaattut siunnersuut akuerineqarpoq
Meeqqani inuusuttunilu hashimik imigassamillu atornerluinerup qanoq pitsaanerpaamik pinaveersimatinnissaanut akiornissaanullu oqallisissiaq aallaavigalugu oqalinnissamut siunnersuut.
(Inatsisartunut ilaasortat Naaja H. Nathanielsen, Attaviitsoq aamma Agathe Fontain, Inuit Ataqatigiit)
Imm./pkt.: 143
Inatsisartut oqaaseqaatissaattut siunnersuut akuerineqarpoq
Qanoq iliornikkut sulinerup imminut akilersinnaasunngorlugu aaqqiivigineqarnissaa, isumaginninnikkullu ikiorsiissutit sulileqqinnissamut aporfiujunnaarlugit aaqqiivigineqarnissaat pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anthon Frederiksen, Partii Naleraq)