Inatsisartoqarfik
UPA2016

Ullormut oqaluuserisassat

Ullut ataatsimiiffiusut 25-iat, tallimanngorneq 20. maajip 2016, nal. 00:00
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 8
2015-imut Ilassutissatut aningaasaliissutinut Inatsisissatut Siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 18
Uunga siunnersuut: Nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisaat nr. xx, xXx 2016-imeersoq (Erngup puiaasamiittup imigassallu koffeinimik akullit akitsuutaat)

(Aningaasaqarnermut Aatsitassanullu Naalakkersuisoq)
Imm./pkt.: 25
Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2016-imeersoq. (Soraarnerussutisiaqarnissamut aaqqissuussinernik nunanut allanut nuussineq)
(Aningaasaqarnermut Aatsitassanullu Naalakkersuisoq)
Imm./pkt.: 101
Uunga siunnersuut: Uumassusillit sananeqaataasigut kingornuttagaasunik isumalluutit tamatumunngalu atatillugu suliniutit pillugit Inatsisartut inatsisaat nr. xx, ulloq xx. xxx 2016-imeersoq
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 103
Aktiaateqarluni piginneqataassuteqarlunilu ingerlatseqatigiiffiit pillugit inatsisip (ingerlatseqatigiiffiit pillugit inatsisip) atuutilernissaa pillugu Kalaallit Nunaannut peqqussummut oqaaseqaatissamut Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 105
Uunga siunnersuut: Kalaallit Nunaanni sulisilluni ajoqusersinnaanermut isumannaarineq pillugu inatsisip allanngortinneqarnissaa pillugu inatsisissatut siunnersuummut Namminersorlutik Oqartussat oqaaseqaateqarnissaat pillugu Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 52
Danmarkimi politini pisartutut Kalaallit Nunaanni politiit nalunaaruteqartoqarneraniit qisuariarnissap tungaanut piffissamik atorneqartartumik nalunaarsuisalernissaat pillugu Naalakkersuisut danskit inatsisinik atortitsinermut ministerianut attaveqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 33
"Naalakkersuisut sermimik imermillu avammut nioqquteqalernissamut pilersaarusiaat pillugu nassuiaat 2004-imersoq"-mut malinnaatitsissummik nassuiaammik kingusinnerpaamik UKA2017-imi saqqummiusseqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut.
(Nalunaarusiarineqartussap takussutississavai siunissami imermik sermimillu nunanut allanut nioqqutissiortalernissamut aporfiusinnaasut aammalu nunarsuarmioqatigiit niuerfissuini niuernerpalaartumik unamminarsinnaasut nalunaarsussallugit. Nalunaarusiap aamma ersersissavaa sermimik imermillu avammut niueruteqarnissamut avungangaaq pilersaarusiaq, imermik avammut niueruteqarnermi maannamut misilittagaalersimasut aallaavigalugit).
(Inatsisartunut ilaasortaq Jess Svane, Siumut)
Imm./pkt.: 83
Inatsisartut aalajangiiffigisassaattut siunnersuutigineqarpoq Naalakkersuisut peqquneqassasut 2017-mi innutaasut paasititsiniaaffigineqareernerup aammalu oqallitsinneqareernup kingorna isumasiuilluni taasitinneqassasut, qanoq Kalaallit Nunaanni aatsitassarsiornermi piiakkat pingaanerit saniatigut piiakkat sinneranik tunisassiassanik radioaktiviusinnaasunik takussutissartalinnik imaluunniit akulinnik atorluarneqarsinnaaneranut atatillugu innuttaasunik isumasiuilluni taasisitsisoqassasoq qummut qaffasinnerpaaffissaliisoqarnissaanik 0,05%-imut.
(Inatsisartunut ilaasortaq Steen Lynge, Atassut)
Imm./pkt.: 97
Nunatsinni aatsitassarsiornermi uranimik aatsitassallu allanik ulorianartunik qinngornertalinnik saniatigut tamakkiisumilluunniit piiaasoqarsinnaalissanersoq avammullu niuerutiginnittoqarsinnaalissanersoq pillugu innuttaasunik taasititsisoqarnissaanik siunnersuut, taasititsinissarlu sioqqullugu inuit ilisimasanik tamakkiinerusunik tunngavisseqqullugit paasititsiniaanerit illuinnaasiunngitsut aallarteqqullugit Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
(Inatsisartunut Inuit Ataqatigiit ilaasortaatitaat)
Imm./pkt.: 48
Aappass. UKA 2016
Inatsisartut ukiakkut 2017-imi ataatsimiinneranni Naalakkersuisut, aallarnisaasunut suliffeeqanillu ingerlatsisunut, aningaaserivitsigut aqqutit naliginnaasut atorlugit attartorsinnaanngitsunut, annikittunik taarsigassarsisitsinermik ukiuni sisamani misiliinissaq anguniarlugu, Inatsisissamik saqqummiussinisamik peqquneqarnissaannik aalajangiiffigisassatut siunnersuut. Misiliinerup nalaani Aningaasanut Inatsimmi ukiut tamaasa siunertamut 500.000 kr.-nik immikkoortitsisoqartassaaq. Taarsigassarsiat killilimmik annertussuseqartassapput soorlu 20.000 kr-iniit 100.000 kr-inut. Inatsisissatut siunnersuummi ernialersukkanik taarseraanissamik periusissaq ilanngunneqassaaq, pisortat annaasaqarsinnaanerat killilersimaarusullugu. Tamatuma saniatigut Inatsisissatut siunnersuut misileraanerup naanerani nalilersuinissamik piumasaqaammik ilaqassaaq.
(Inatsisartunut ilaasortaq Naaja H. Nathanielsen, Attaviitsoq)
Imm./pkt.: 98
Narsami illumik nutaaliorfimmik 300 m2-isut angissusilimmik pilersaarusiortoqarlunilu sanasoqarnissaanut Naalakkersuisut FLL17-imi aningaasaliinissamut peqquneqarnissaannut Inatsisartut aalajangiiffigisassaattut siunnersuut. Illumi nutaaliorfiusumi nutaaliortiternissap siuarsarneqarnera inuussutissarsiutitigullu siuarsaaneq sulissutigineqassapput, taakkunani ilaallutik takornariaqarnermi ingerlassat kiisalu sumiiffinni pissarititat aallaavigalugit tunisassiassanik inerisaaneq, tassa kujataani pisuussutit uumassusillit uumaatsullu pigineqartut aallaavigalugit tunisassiornikkut imminut pilersorneq siuarsarneqarsinnaaqqullugu. Nutaaliorfiup ingerlanneqarnera Namminersorlutik Oqartussanit isumagineqassaaq.
(Inatsisartunut ilaasortaq Aqqaluaq B. Egede, Inuit Ataqatigiit)