Ullormut oqaluuserisassat
Ullut ataatsimiiffiusut 23-iat, sisamanngorneq 12. maajip 2016, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 51
Illumik pisinermut atatillugu illup qanoq innera pillugu naliliinermik sanasoqartalernissaanut inatsisitigut piumasaqaateqartalernissamut atatillugu aningaasatigut iluaqutissanik ajoqutaasunillu misissuisoqarnissaa pillugu kiisalu illumik pisinermut atatillugu illut nukimmik atuisarnerat pillugu nalunaaqutsiisarnissap inatsisitigut piumasaqaataalernissaanut atatillugu misissuisoqarnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut. Aamma misissuinermi ilanngullugu paasiniaqquneqarpoq sillimmasiisarfiit piginnittut nikinneranni suleqataanissaminnut piumasaqaatigisinnaasaat kissaataallu. Misissuinerup inernera Inatsisartunut agguaanneqassaaq 2017-imi ulloq 1. januaari tikitsinnagu.
(Inatsisartunut ilaasortaq Justus Hansen, Demokraatit)
Imm./pkt.: 31
Tasiilami qimarnguimmik pilersitsinissamik periarfissat eqqartorneqarnissaat pillugu Naalakkersuisut Kommuneqarfik Sermersuumut saaffiginneqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Laura Tàunâjik, Siumut)
Imm./pkt.: 86
Aappassaaneerinninnermi Allannguutissatut siunnersuut Sanaartornermut Ataatsimiititaliamit saqqummiunneqartoq
Inatsisartut aalajangiiffigisassatut siunnersuut, Naalakkersuisut peqquneqassasut neqerooruteqartarnermut inatsimmut allannguutissanik siunnersuuteqarnissaannik, sanaartornermi suliallit nunatta pissarititaanik atuinissamik kissaateqartut tapersersorneqarnissaat siunertaralugu.
(Inatsisartunut ilaasortat Aqqaluaq B. Egede, Inuit Ataqatigiit aamma Per Rosing-Petersen, Partii Naleraq)
Imm./pkt.: 146
Siull. 6/10-2015
Aappassaaneerinninnermi Allannguutissatut siunnersuut Naalakkersuisunit saqqummiunneqartoq akuerineqarpoq.
Uunga siunnersuut: Kalaallit Nunaata imartaani akisussaaffeqarfiusumi inuussutissarsiornikkut ingerlataqartarneq pillugu Inatsisartut inatsisaat nr. xx, yy 2015-imeersoq.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 95
Aappass. UKA 2016
Suliffeerunnermi ikiorsiissutinik ullut 14-kkaarlugit tunniunneqartartunik pisartagaqartut, ulluni suliffiusuni tulleriinni marlunni pisartakkaminnik ilanngaanneqartarunnaarnissaat siunertaralugu, Naalakkersuisut Ukiakkut Ataatsimiinnermi 2017-imi, Suliffeerunnermi ikiorsiissutit pillugit inatsisartut inatsisaannut nr. 2, 15. maj 2014-imeersummut, allannguutissamik siunnersuuteqaqquneqarnissaannik aalajangiiffigisassatut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 36
Pisortaqarfinni aamma Pisortat suliffeqarfiutaanni tamani sulisussanik atorfinitsitsisarnermi oqaatsitsinnik, nunatsinni pissutsinik inooriaasitsinnillu ilisimasaqarnissap piumasaaqaatitut inissisimalernissaannut periarfissat pillugit kingusinnerpaamik UPA2017-imi nassuiaammik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. (Taamaaliornikkut oqaatsitta kulturittalu ataqqineqarnissaannik inuiaqatigiit kalaallit pissusissamisoortumik piumasaqaataat atorfinitsitsinerni ataqqineqarluni atorneqalissammat).
(Inatsisartunut ilaasortaq Vivian Motzfeldt, Siumut)